Tayanch iboralar. Industrial axborot tizimlari rivojlanish bosqichlari, «klient-server»

1-ma’ruza. Industrial axborot tizimlarining rivojlanish bosqichlari.


Reja:
1. Industirial axborot tizimlari(IAT)ning rivojlanishi.
2. IAT da kompyuter tarmog’i tuzilmasi.
3. Avtomatlashtirilgan jamiyat.


Tayanch iboralar. Industrial axborot tizimlari rivojlanish bosqichlari, «klient-server» texnologiyasi, lokal tarmoq, regional tarmoq, dastgoxlar, qurilmalar, texnik vositalarni boshqarish, ishlab chiqarish, xizmat ko`rsatish jarayonni boshqarish, biznes-jarayonni boshqarish (marketing, savdo-sotiq, maxsulot bozori), moliyaviy boshqaruv (soliq, sof foyda, buxgalteriya) , korxonani boshqarish (kadrlar, hisobot, hujjat almashish).


1. Industirial axborot tizimlarining rivojlanishi


Maqsad – bu muddao, murod, ya`ni bu niyatga erishmoq uchun ko`zda tutilgan mushtarak orzu. Aynan shu maqsad kishi faoliyatini, o`z orzularini ushalishiga yo`naltiradi. Bu dastlab o`zimizning oldimizda turgan maqsadimizni aniqlab olamiz, so`ngra esa shu maqsadimiz:

• 
  Bo`lajak harakatlarimizni belgilab beradi;
  
• 
  Faoliyatimizni aniq bir soha, ishga yo`naltiradi;
  
• 
  U yoki bu faoliyatimizning zarurlik darajasini belgilab beradi;
  
• 
  Natijani baholash me`yorini belgilaydi.
  

Ushbu fanining maqsadi va vazifalari - talabalarni Industrial Axborot Tizimlarining zamonaviy rivojlanish bosqichlari bilan tanishtirish, ushbu tizimlarga bo’lgan asosiy talablar, ularni vazifalariga qarab klassifikatsiyalash, shuningdek turli xildagi industrial tizimlarni boshqarish, rivojlantirish strategiyalari va yaratish vositalari bilan tanishtirish. Bu fan boshqaruv tizimlarining texnologik komponentalari bilan tanishtirish, texnik va dasturiy ta’minotlarning tahlil, tanlov va loyihalash savollarini ko’rib chiqish, ularni yagona tizimga integratsiyalash uchun mo’ljallangan. Industrial ilovalar fanini o’qitishdan maqsad: avtomatlashgan boshqarish kompyuter tizimlarni arxitekturasini bilish; texnik va dasturiy vositalarni ishlash printsiplarini o’rganish va loyihalash; boshqarish, hujjat ayriboshlash va hisob–kitob standartlar bilan tanishish; boshqarish vositalarni yagona tizimga integratsiyalash.
Industirial axborot tizimlarining fanning vazifasi – talabalarni turli masalalarni tahlil etishga, mustaqil fikrlashga, kelajakda o’zlashtirgan bilimlarni ishlab chiqishda va ilmiy-tadqiqot ishlarda qo’llashni o’rgatishdan iborat.