“M.F.Axundzadə elm və maarif haqqında” adlı tematik gecə
keçirmək
məqsədəuyğun
olardı.
Kitabxanaçı
mövzu ilə
yaxından tanış olmalı, maraqlı faktlar əsasında tədbirin
ssenarisini tərtib etməlidir. İştirakçıların yaş həddi nəzərə alın-
malı, elə materiallar seçilməlidir ki, oxucuda M.F.Axundza-
dənin yaradıcılığına hörmət hissləri aşılansın.
Gecə kiçik məruzə və mühazirə ilə başlayır. Məruzədə
Axundzadənin elm və maarif haqqında fikirləri, cəmiyyətin
bütün üzvlərinə - qadına, kişiyə fərq qoyulmadan təhsil və tər-
biyə verməyin böyük bəşəri əhəmiyyətindən, ölkənin hər
yerində məktəblərin açılmasından, kitabxanalar təşkil edilmə-
sindən və s. danışılmalıdır. Gecə, tədbirdə iştirak edən ziyalı
fəalların çıxışları ilə başa çatır. Tədbir keçirilən bina yubileyə
uyğun plakatlar, fotomontajlar ilə bəzədilir. Gecə üçün sərgilər,
kitab
vitrinləri hazırlamaq,
tövsiyə
edilən
ədəbiyyatın
siyahısını orda yerləşdirmək məsləhətdir.
Tematik gecədə Axundzadəyə həsr edilmiş sənədli və ya
bədii filmlərdən birinin göstərilməsi də yaxşı olardı.
M.F.Axundzadə gənc nəslə bəşəriyyətin gələcək ümidi
kimi baxır, onun təlim və tərbiyə məsələlərinə böyük əhə-
miyyət verirdi. Axundzadə ölkənin hər yerində kütləvi mək-
təblər, şəhərlərdə ali və orta ixtisas məktəbləri, darülfünunlar
açılmasını, elmi tədqiqat idarələri, kitabxanalar təşkil edilmə-
sini istəyirdi. O inamla demişdir ki, gələcəkdə çoxlu mütəfək-
kirlərimiz və alimlərimiz yetişəcək, böyük elmi əsərlər yarana-
caqdır. “Sağlıq olarsa gələcəkdə biz də kitab sahibi olacağıq. O
zaman biz Avropa və yeni dünyanın malik olduğu bir çox
kitabları, o cümlədən tibb, hikmət, hesab, coğrafiya, hərbi iş,
dənizçilik, mühəndislik, tarix, inşa, idarə üsulu, məişət, əkin-
çilik, səyahət, mədənşünaslıq, təbiət, astranomiya, kimya və
bunlar kimi faydalı elmlərə aid kitabları əldə edəcəyik. Onların
vasitəsilə qabaqcıl xalqların malik olduğu müxtəlif elmlərə,
sənətlərə və hünərlərə yiyələnəcəyik”.
Axundzadə xalqın elmləri asanlıqla öyrənib mənimsəmə-
si üçün yeni əlifbanı ən mühüm vasitə hesab edirdi.
Bu yolda planlı, sistemli fəaliyyətə isə M.F.Axundzadə
1857-ci ildən başlamışdır. Böyük alim əlifba islahatını həyata
keçirmək üçün 20 ildən artıq mübarizə aparmış, bununla da,
Şərq xalqlarının azadlığı və tərəqqisi işinə kömək etmişdir.
Azərbaycan mədəniyyəti tarixində tək-tək ziyalı tapmaq olar
ki, o, mütəfəkkir alim, böyük dramaturq, dil məsələlərində
alovlu və prinsipial mübariz M.F.Axundzadə qədər əlifba
problemini ön plana çəkmiş olsun. Onun fikrincə, dil və yazı
mədəni yüksəliş üçün çox mühüm və əvəzsiz bir vasitədir.
Böyük dramaturq öz yaradıcılığında şeir, dram, nəsr
dilinə, terminalogiya məsələlərinə toxunmuş, Azərbaycan
dilinin orfoqrafiya və orfoepiyası üçün dəyərli fikirlər söylə-
miş, yazıda aydınlığı, dəqiqliyi təmin etməkdə durğu işarələ-
rinin vacibliyini elmi şəkildə şərh etmişdir. Bir sıra durğu
işarələrinin – sual (?), mötərizə ( ), dırnaq (“ ”), qoşa nöqtə (:),
üç nöqtə (...), nida (!) işarələrini yeni əlifbaya - latın qrafikalı
əlifbaya ilk gətirən məhz o olmuşdur. Cəhalətin hökm sürdüyü
və dilçilik elminin inkişaf etmədiyi XIX əsrdə M.F.Axundzadə
ürək ağrısı ilə yazmışdır: “...Övladlarımız və gələcək nəsil
görəcəklər ki, müasirlərimiz nə qədər şüursuz olmuşlar və
minlərlə təəssüf edəcəklər. Bizim ideyamızı həyata keçirəcək,
qəbrimizin üstündə abidə qoyacaqlar. O zaman mənim arzum
yerinə yetəcək və mən indidən rahat ola bilərəm. Hərçənd mən
o sevincli və könül açan epoxaya qədər yaşamayacağam”.
Onun ideyalarının və arzularının həyata keçməsində bir
neçə
dəfə
məqam
yaransa
da,
uğursuz
olmuşdur.
M.F.Axundzadənin arzu və istəklərini, ideyalarını neçə illər
sonra XXI əsrin əvvəllərində həyata keçirən müstəqil Azərbay-
can Respublikası və onun ümummili lideri Heydər Əliyev oldu.
30 oktyabr 1997-ci ildə Azərbaycan yazıçılarının X
Qurultayında Heydər Əliyev “Bizim ədəbiyyatımız, mədəniy-
yətimiz xalqımızın sərvətidir və intellektual mülkiyyətimizdir”
mövzusunda geniş və dərin məzmunlu bir nitq söyləmişdir.
Nitqinin bir hissəsi Azərbaycan xalqının yazı mədəniyyətinə,
XIX-XX əsrlərdə bu sahədə gedən proseslərdən, M.F.Axund-
zadənin tarixi, özü də əvəzsiz xidmətlərindən, onun uzaq-
görənliyindən söz açır: “...Keçən əsrin, XIX əsrin ortalarında
M.F.Axundzadə Azərbaycanda latın əlifbasını tətbiq etməyə
çalışıbdır. Onun bu barədə fəaliyyəti məlumdur. Mən onun bir
neçə məktubuna baxdım, arxivdəki məktublarının bəziləri ilə
tanış oldum. Bunu keçmişdə də deyirdim. Amma bu son za-
manlar mən onu xatırladım, hafizəmdə bir daha təzələdim. O,
nə qədər uzaqgörən bir insan imiş! Çünki latın əlifbasını təbliğ
etmək istəmişdir.
...İndi biz M.F.Axundzadənin XIX əsrin ortalarındakı
arzularını, niyyətlərini həyata keçiririk. Amma ümidvaram ki,
bunu əlimizdən daha heç kim ala bilməyəcəkdir. Çünki biz
artıq müstəqil bir dövlətik və müstəqilliyimiz də daimidir,
əbədidir”. Ümummilli lider Heydər Əliyevin bu qədər diqqət
verdiyi bu insan haqqında kitabxanada rayonların mədəniyyət
şöbələrindən, müxtəlif təşkilatlardan dəvət edilmiş qonaqların
iştirakı ilə “M.F. Axundzadə böyük islahatçı olmuşdur” adlı
dəyirmi masa keçirmək olar. Dəyirmi masada XIX əsrin
görkəmli maarifçi-demokratı, ictimai xadim və pedaqoqu
M.F.Axundzadənin ömrünün 20 ilini əlifba islahatına, xalq
kütlələrinin
savadlanmasına,
ana
dilində
məktəblərin,
ədəbiyyat və
mətbuatın yaradılmasına,
ərəb
əlifbasının
dəyişdirilməsinə həsr etməsindən, yeni əlifba layihəsini tərtib
edərək, 1863-cü ildə Osmanlı hökuməti qarşısında bu barədə
məsələ qaldırmasından, sağlığında bu ideyanı həyata keçirə
bilməməsindən, onun təşəbbüsünün nəticəsiz qalmadığından,
tezliklə
Azərbaycanda
əlifba islahatına
başlanmasından,
M.F.Axundzadənin maarifçilik və yeni əlifba uğrunda apardığı
mübarizənin Azərbaycan ziyalılarına böyük təsirindən və
nəhayət onun ideyalarının ümummilli lider H.Əliyev tərəfindən
həyata keçməsini təsdiqləyən 25 dekabr 1991-ci il tarixli “Latın
Dostları ilə paylaş: |