qrafikalı Azərbaycan əlifbasının bərpası haqqında” qanunun
qəbul edilməsindən və s. məsələrdən bəhs etmək olar.
M.F.Axundzadəni tədqiq edən alimlərimiz onu oxuculara
əsasən dramaturq, ateist-materialist filosof və görkəmli tən-
qidçi kimi tanıtmışdır. M.F.Axundzadənin kitab, kitabxana və
mütaliənin faydaları haqqında da bir çox qiymətli mülahizələri
vardır. Bu barədə müxtəsər olsa da oxuculara ilk məlumatı ədə-
biyyatşünas Ə.Mirəhmədov vermişdir (Azərbaycan kitabı. Bib-
lioqrafiya: üc cilldə.C.I.1780-1920.- Bakı, 1963)
M.F.Axundzadənin kitab, kitabxana və mütaliə haqqında
mülahizələri üçün ilk mötəbər mənbə ədibin çox böyük səliqə
ilə qoruyub saxladığı şəxsi arxivi, müasirlərinə məktubları və
müasirlərinin ona cavabıdır ki, bunların da bir qismi
M.F.Axundzadənin müxtəlif illərdə çap edilmiş əsərlərinə daxil
edilmişdir.
Kitabların öz həyatına müsbət təsirindən iftixarla danı-
şan, onlara minnətdarlığını bildirən M.F.Axundzadə həmvətən-
lərini də mümkün qədər çox oxumağa, çox mütaliə etməyə
çağırırdı. O, belə hesab edurdi ki, kim kitablara daha çox bağ-
lansa, onun təfəkkürü dərinləşər, “mütaliə nəticəsində onun ağ-
lı saflaşar, parlayar, pis əməllər onun nəzərində gündən-günə
eybəcər və rüsvayçı görünər və belə halda o, bu pis əməlləri
icra etməkdən utanar, nəticədə namus və vicdan sahibi olar” .
M.F.Axundzadə
yanılmadan
böyük
uzaqgörənliklə
müəyyən etmişdir ki, orijinal və tərcümə kitablarının çapdan
çıxması haqqında oxuculara vaxtında dəqiq məlumat verilərsə,
onlar arzu etdikləri kitabları vaxtında ala bilərlər. Çapdan çıxan
və yaxın günlərdə çapdan çıxacaq tərcümə və orijinal
kitablardan
bütün
oxucuların
xəbərdar
olması
üçün
M.F.Axundzadə “bir neçə dəfə elan verməyi” lazım bilirdi. O,
elanın “oxucu kütləsində əsərə maraq oyandıra bilən” ifadələrlə
yazılmasını məsləhət görürdü. M.F.Axundzadənin nəzərdə
tutduğu bu qısa məlumat-annotasiya hazırda həm əyani həm də
şifahi surətdə həyata keçirilir. İndi kitabların dövlət qanununa
müvafiq olaraq müxtəlif formatlı və müxtəlif məzmunlu
kitabların çapdan annotasiyalı buraxılması ədibin həyata
keçirilmiş arzularından biridir.
Hazırda bu iş qəzet, jurnal, radio və televiziya vasitəsilə
görülür.
Kitabxanaçılar M.F.Axundzadənin ədəbi irsi, müasirləri
ilə əlaqəsi, kitaba münasibəti bu kimi məsələlər haqqında
oxucularla iş apararkən alimlərimizin əsərlərindən, qəzet, jur-
nal, kitab məqalələrindən, ali və orta məktəb dərsliklərindən
səmərəli istifadə etməlidir.
M.F.Axundzadənin tədqiqatçıları ilə görüşlər (Məsələn
“M.F.Axundzadə bu gün”) keçirmək olar. Oxucuları yazıçının
həyat və yaradıcılığı ilə daha yaxından tanış etmək üçün
keçiriləcək görüşlər qabaqcadan planlaşdırılmış şəkildə
hazırlanmalıdır. Gecəni aparıcının giriş sözü ilə başlamaq olar.
Aparıcı gecəyə dəvət olunanları tədbirin iştirakçıları ilə tanış
edir, qısaca yazıçının həyat və yaradıcılığından danışır, sonra
sözü onlara verir. Bundan sonra tədbir iştirakçıları suallar verir.
Görüşdə yazıçının həyat və yaradıcılığına aid sərgi, tövsiyə
ədəbiyyat siyahısı və audiovizual materiallardan istifadə etmək
olar.
Sonda oxucular çıxış edə və görüşə çağırılmış şəxsə
suallarla müraciət edə bilərlər.
Tədbirin sonunda kitabxanaçı oxucuların, eləcə də
kitabxana işçilərinin adından görüşə gələn şəxsə təşəkkürünü
bildirməlidir.
M.F.Axundzadə təxminən 45 illik yaradıcılıq dövründə
Azərbaycan ədəbiyyatının ictimai fikir tarixinin, elm, fəlsəfə və
publisistikasının, mədəniyyət və maarifin inkişafına ciddi təsir
göstərmiş yeganə və dahi bir şəxsiyyətdir. Onun ədəbiyyat,
elm, fəlsəfə, maarif və mədəniyyət sahəsindəki yenilikləri Şərq
xalqlarının mədəni inkişafında ilk addım kimi təqdirəlayiqdir.
Axundzadənin ədəbi irsi həcmcə çox da böyük deyildir.
Lakin onun şeirlərini, povestini, komediyalarını, məqalələrini,
fəlsəfi əsərlərini oxuduqca bu irsin böyüklüyünə heyrətlənir,
onda öyrənməli çox şeyin olduğunu aydın görürsən.
... İllər keçəcək. Bu təməl daşı üzərində böyük və möh-
təşəm abidə ucalacaq, bütün Şərqdə məktəb olacaq bu əzəmətli
abidə bir adı öz yaddaşında əbədi saxlayacaq və zaman-zaman
bu mübarək ada qayıdacaq: Mirzə Fətəli Axundzadə.
Dünya korifeyləri içərisində özünə məxsus yerlərdən bi-
rini tutan bu möhtəşəm insanın əziz xatirəsinin layiqincə yad
edilməsi üçün hər bir kitabxana işçisi ciddi məsuliyyət daşıyır.
Odur ki, kitabxanaçılar elmə, mədəniyyətə, ədəbiyyata, fəlsə-
fəyə, publisistikaya, estetikaya və maarifin inkişafına öz həya-
tını sərf etmiş, bu dahinin həyatını, yaradıcılığını, dünyagörüşü
və məfkurəsini düzgün şəkildə geniş oxucu kütləsinə çatdırmaq
üçün səy göstərməlidirlər.
Nəticə
XIX əsr Azərbaycan ədəbiyyatı tarixində xalqın ictimai-
tarixi və ədəbi-mədəni həyatında Mirzə Fətəli Axundzadə qə-
dər müstəsna rol oynayan ikinci bir sənətkar olmamışdır. O,
milli ədəbiyyatımızda eyni zamanda fəlsəfi publisistikanın və
ədəbi tənqidin nümayəndəsi kimi də tanınmışdır.
Mütəfəkkirin yaradıcılığı haqqında hələ öz sağlığında xa-
rici ölkələrdə dəyərli yazılar çap olunmuş, onun komediyaları
rus, fars, ingilis, fransız, alman dillərinə tərcümə olunaraq, ona
dünya şöhrəti qazandırmışdır. O dövrdə Azərbaycan yazıçıla-
rından Rusiyada və Qərbi Avropada ən çox tanınan, məşhur
olan, sevilən məhz Mirzə Fətəli Axundzadə olmuşdur.
M.F.Axundzadə Azərbaycan ədəbiyyatında azad düşüncə
tərzinin ən böyük nümayəndəsidir. Mirzə Fətəli İslam dünyası-
nın ictimai, sosial və siyasi sahələrində radikal islahatların
lüzumluğu fikrini müdafiə edirdi. Böyük sənətkar aylar, illər,
qərinələr, əsrlər ötüşdükcə yaşa dolur, müdrikləşir, xalqımızın
daha da sevimlisinə çevrilir. Qədirbilən xalqımız da onun
əməyinə, zəhmətinə böyük dəyər verir, yaradıcılığına hörmətlə
yanaşır.
O, gələcəyə həmişə inamla baxıb demişdir ki, bu gün
bizim bəzi elmlərə aid kifayət qədər kitabımız olmasa da vaxt
gələcək ki, bir çox mətbəələr yaradılacaq, kitabxanalar
açılacaq, vətənimiz kitab və mətbuat diyarına çevriləcək.
M.F.Axundzadə öz ideyalarının gec-tez həyata keçəcə-
yinə əmin idi. Ona göz ağardanlara, onu küfr edənlərə sərt ba-
xaraq deyirdi: “sən indi məni söyürsən, amma bir vaxt olacaq
ki, sənin oğlun və nəvən məni anlayacaq və məni alqışlayacaq-
dır”.
M.F.Axundzadənin arzuladığı xoşbəxt həyat gəlib çat-
mışdır. İndi biz bu böyük elm və sənət xadimin bütün arzula-
rının çiçəkləndiyi bir zamanda yaşayırıq. Vaxtı ilə çox az kita-
bı və kitabxanası olan Azərbaycan bu gün dünyanın ən mədəni
Dostları ilə paylaş: |