18
Bənövşə
II oxucu:
Fələk rənginə bənzər bu bənövşə,
Tutub səhraları hərsu, bənövşə!
Neçün gülşənlərin tərkin qılıbsan?
Düşübsən çöllərə dilcu, bənövşə!
Belə qəddin bükülmüş, pirlər tək,
Deyirsən sübhü şam “yahu”, bənövşə!
Səni şövqü bahar aşüftə qılmış,
Çəkər aşiq olan qayğü, bənövşə!
Dilər ətrin könül badi-səbadan,
O zülfi – yar tək xoşbu, bənövşə!
Səfası gülün
III oxucu: Əgərçi xoşdu mənə ətri, həm səfası gülün,
Cəfası çoxdu, nə hasil ki, yox vəfası gülün.
Cəfayi- xari görüb, köçdü bağdan bülbül
Görən kim oldu bu gülşəndə aşinası gülün?
Xəzanə meyl elədi, almadı vəfa nəzərə,
Yetişdi bülbülə çox-çox qəmu cəfası gülün.
Tökür sirişk əvəzinə, gözün üzrə al qan,
Olubdu çünki könül zaru mübtəlası gülün.
Yazılsa nöqtəbənöqtə, deyilsə hərfbəhər
Qurtarmaz həşrə qədər hali-məcarası gülün
Pərvanə
IV oxucu: Özün eşq atəşinə vurmağa dilşad pərvanə,
Bəli, bir dəfə yanmaqdan olur azad pərvanə
Görür məclislər içrə şəmi hər şəb yari - əğyarə,
Onunçun yanmağın tərhin qılır bunyad pərvanə
Sənə ey şəm, töhmətlər qalır məşuqələr içrə,
19
Əgərçi xirməni – ömrün qılır bərbad pərvanə
Demə məşuqi - bipərvadır şəmə kim, məlamətdən
Verib can sübhətək, oldu vəfadan şad pərvanə.
Bilib şəmin vəfasın, cismi-canın atəşə yaxdı,
Qəmi-hicri-dəmi – vəslində etdi şad pərvanə
Cəfayi- hicrdən canə yetib şövqi-vüsal ilə,
Yanıb şəmin oduna, etmədi fəryad pərvanə.
Yanar gün Natəvan xəstə müdam ol atəşi-qəmdən,
Səbur ol, eylə adət, şiveyi – ustad, pərvanə!
Şeir müsabiqəsi ilə yanaşı rəsm müsabiqələrinin də
təşkili mümkündür. Müsabiqədə həmin bu şeirlərə uşaqlar
tərəfindən
şəkillər çəkilməsi tapşırılmalıdır. Rəsmlərin
çəkilməsi üçün oxuculara iki həftə vaxt verilir. Bu vaxt ərzində
oxucular həm Natəvanın əsərlərini oxuyub, həm də oxuduqları
və ən çox bəyəndikləri təbiət şeirlərinə rəsmlər çəkə bilərlər. Ən
gözəl məna kəsb edən rəsm işləri də kitabxananın müdiriyyəti
tərəfindən mükafatlandırılır.
Kitabxanalarda yuxarı sinif şagirdlərinin iştirakı ilə
“Xurşidbanu Natəvanın yaradıcılığı müasir gəncliyin gözü ilə”
adlı oxucular konfransı da təşkil etmək mümkündür.
Konfransdan öncə onun proqramı tərtib olunmalı, konfransın
keçiriləcəyi dəqiq vaxt müəyyən olunmalıdır. Proqramda
konfransda çıxış edəcək qonaqların, ədəbiyyatşünasların və
şagirdlərin adları, onların çıxış edəcəkləri mövzular, tədbirin
keçiriləcəyi məkan və zaman qeyd olunur. Konfrans zamanı
Xurşidbanu Natəvan yaradıcılığına yaxından bələd olan
jurnalist, yazıçı və şairlərin çıxışları dinlənilir.
Oxucu konfransının planını sizə təqdim edirik:
1. Giriş hissə (Natəvanın həyat və yaradıcılığı haqqında məruzə)
2. Xurşidbanu Natəvanın yaradıcılığı haqqında kitabxana
rəhbərliyinin, jurnalist, yazıçı və şairlərin çıxışları.
20
3.Yuxarı sinif şagirdlərindən ibarət olan oxucuların Natəvanın
müxtəlif əsərləri ətrafında müzakirələri. Şairin əsərlərinə
yazılmış mahnılar dinlənilir, şeirləri, qəzəlləri söylənilir.
4. Konfransın yekunu.
Kitabxanada yuxarı sinif şagirdləri ilə “Füzuli məktəbinin
layiqli davamçısı Natəvan” adlı sərgi ətrafında oxucularla
söhbət də, keçirmək olar.
Bunun üçün kitabxanaçı bir həftə əvvəl oxuculara Xurşidbanu
Natəvanın kitablarını oxumağı məsləhət görür. Kitabxanada
şairənin yaradıcılığını əhatə edən sərgi təşkil edilir, slayd
hazırlanır. Kitabxanaçı şairənin həyat və yaradıcılığı haqqında
konkret şəkildə oxuculara məlumat verir. Sonra isə isə şairənin
yaradıcılığında dahi şairimiz M.Füzulinin ədəbi təsirinin
olmasından söhbət açır və oxuculara şeirlərindən nümunələr
gətirir.
Kitabxanaçı:
Xurşidbanu
Natəvan
bədii
əsərlərinin
əksəriyyətini klassik sənətkarların, xüsusilə Məhəmməd
Füzulinin ədəbi təsiri ilə yazmışdır. Şairin qəmli, kədərli həyatı,
çəkdiyi möhnətlər, keçirdiyi iztirablar, könül narahatlığı onu
ruhən Füzuliyə yaxınlaşdırmışdır. Ustadın qəzəllərində Natəvan
özünün ürək tərcümanını, qəlb duyğularının ifadəsini görmüş,
buna görə əsərlərində həmişə Füzuli şeirinin poetik
xüsusiyyətlərindən, bədii leksikasından, təsvir və ifadə
vasitələrindən gen-bol bəhrələnmiş, bəzən hətta müəyyən
hissələri təkrar etmişdi.
Füzulinin ədəbi təsiri Natəvanın
məhəbbət şeirlərində daha güclüdür. Dahi sələfinin ənənələrini
davam etdirən Natəvan məhəbbəti yüksək bəşəri hiss, insanı
ucaldan əxlaqi keyfiyyət kimi qiymətləndirir. Onun vəsf etdiyi
məhəbbət insanlara sədaqət, vəfa, etbar, inam hissləri aşılayır.
Dahi Füzulidə olduğu kimi, Natəvanın qəzəllərində də, eşqin
mənası və mahiyyəti insanı ucaldan, onu təbiətin nadir incisi,
kamal və mərifət sahibi edən keyfiyyətdir.
Dostları ilə paylaş: |