381
Ssenari (script)
–
ekranlaşdırmaq (çəkilmək) üçün yazılan, kinofilmin, hazır
lanacaq (efirə gedəcək) teleradio verilişinin məzmununu təfsilatı ilə şərh edən,
gələcək ekran əsərinin səs və təsvir həllini, onun AV cəhətlərini göstərən ədəbi
əsər; dram əsərinin planı, hər hansı süjetin sxemi.
Stanislavski sistemi (Stanislavsky system)
–
TV və radio verilişlərində
teatrdangəlmə yaradıcılıq üsulu; görkəmli rus rejissoru K. S. Stanislavski
nin işləyib hazırladığı səhnə yaradıcılığı nəzəriyyəsi və metodologiyasının
şərti adı. Bu sistemin ən mühüm estetik tələbi əsl bədii həqiqət axtarışıdır.
Stanislavskiyə görə, teatr həyatın mexaniki surətini deyil, onun inikasını ya
radır, həyat hadisələrinin sintezini nümayiş etdirməklə şüura və hissə təsir
göstərir. Teatrın əsas məqsədi “insan ruhunun həyatını” yaratmaqdan ibarətdir.
Bundan ötrü aktyor səhnədə həqiqi hisslər, fikirlərlə və real duyğularla yaşa
malıdır. Bu isə psixotexnika üsullarını (“məqsəd”, “diqqət”, “iş”, “ana xətt”,
“təsəvvür”, “emosional yaddaş”, “temp”, “ritm” və s.) öyrənmək yolu ilə əldə
edi lir. Stanislavski səhnədə daxilən yaşama prosesinə böyük əhəmiyyət ver
miş, lakin aktyorun zahiri texnikasını, duyğularını ifadə etmək bacarığını da
yüksək qiymətləndirmişdir. S. s.nə görə aktyor güclü və məlahətli səsə, aydın
tələffüzə, yaxşı plastikaya, çevik bədən hərəkətlərinə malik olmalıdır. İlk radio
və teletamaşalarda S. s.nə üstünlük verilirdi.
Statik (static)
–
donuq, tərpənməz, hərəkətsiz; tarazlıq və sükut halında nə
zərdən keçirilən.
Stendap (stand -up)
–
görüntüyə sənədlilik xarakteri vermək və tamaşaçını
inandırmaq məqsədilə reportyorun hadisə yerində kadra çıxaraq informasiya
verməsi. S., daha çox, göstərilməsi mümkün olmayanları demək üçün istifadə
olunur. Məs., haradasa arxa planda toplantı keçirilir, yaxud qəza baş verib,
mitinq gedir, kamera qarşısına çıxan reportyor bu hadisələrin cərəyan etdiyi
nöqtədə dayanaraq, nə baş verdiyi barədə danışır. S. jurnalistin seçdiyi ya
radıcılıq forması kimi mühüm funksiya daşıyır və daha çox, deyilənləri əks
etdirən videosıra olmadıqda, mövzuya məkan reallığı vermək lüzumu yaran
dıqda, süjetin bir hissəsindən digər hissəsinə plastik keçidə ehtiyac duyulduq
da, yaxud reportyorun mövcud şəraitə “müdaxilə etməsi”, nəyi isə tamaşaçıya
göstərməsi lazım gəldikdə istifadə olunur.
Stop-kadr (still frame)
–
1) ekranda kadrın dayandırılması (yazma rejimindən
çıxarma, dayanma,videobaşlığı dondurma); yaxud hər hansı təsviri, epizodu
vurğulamaq məqsədi ilə əvvəlcədən seçilmiş bir kadrın xüsusi effektlə bir neçə
saniyə donuq (foto kimi) vəziyyətdə saxlanması; 2) elektron montaj effekti.
Studiya (studio house)
–
müxtəlif verilişlərin çəkilməsi üçün nəzərdə tu
tulan və akustik cəhətdən hazırlanmış yer; foto, tamaşa və kino çəkilişləri
aparmaq, radio və TV stansiyasında verilişləri efirə vermək üçün xüsusi ava
danlıqla təhciz olunmuş qapalı məkan. Səsli yayımda böyük, orta və kiçik
konsert (musiqi) S.ları, mətn oxumaq üçün ayrıca direktor S.sı, həmçinin
ədəbidram S.ları olur. Ədəbidram S.ları, adətən, əsas S. bloklarından ibarət
olur. TV yayımı şəraitində S.lar böyük, orta və kiçik kateqoriyalara bölünür.
Sublimasiya (sublimation)
–
hərfi mənada: yüksəlmə, qalxma. 1) bərk
maddənin qızdırıldıqda ərimədən (maye halına düşmədən) qaz halına keçməsi,
382
buxarlanması; 2) ekran əsərində (eləcə də səhnədə) obrazın mahiyyətinin
üzə çıxmasına xidmət edən formaməzmun şəkildəyişməsi. Audiovizuallıq
şəraitində S. effekti xüsusi əhəmiyyət kəsb edir. TVdə S. “qaynar” (təsvir) və
“soyuq” (nitq) vasitələrin sintezindən istifadə edərək tamaşaçını duyğulandır
maqla onun şüuruna təsir etmək mənasında işlədilir.
Submədəni (subcultural)
–
sosiologiyada və kulturologiyada istifadə olu
nur; üstün olan çoxluqdan, həmçinin bu mədəniyyətin daşıyıcısı olan sosial
qrupdan fərqlənən cəmiyyətin mədəniyyətinin bir hissəsidir.
Subtitr (subtitre)
–
alt yazı. Adətən, iki təyinatı olur: 1) əcnəbi dildə olan,
yaxud qavranılması çətin dialoq, danışıq tərcümə edilərək tele və ya kino
təsvirin aşağı hissəsində yazılır; 2) kadrda danışan adamın kimliyi, yaxud hər
hansı təsvirin özəllikləri ekranda yazı ilə əks edilir.
Süjet (plot/topic/ssubject)
–
1) TVdə müxtəlif janrlarda çəkilmiş sənədli
və bitkin görüntülərin ümumi adı; bədii əsərdə iştirak edən surətlərin xa
rakterlərini açıb göstərən və əsərin əsas konflikti ilə bağlı olan əhvalat, tarixçə;
mövzu, məzmun; əsərin daxili, intellektual və emosional konstruksiyası. S.
in strukturuna üç komponent
–
başlanğıc, şərh və sonluq daxildir; 2) sənət
əsərlərində obyektiv varlığın bütün ziddiyyət və mürəkkəbliyi ilə qarşılıqlı
əlaqədə təsvir olunan hadisələrinin məcmusu. S.də əsas həyat konfliktləri əks
olunur. Ədəbi süjetdən fərqli olaraq jurnalistika (o cümlədən radio və telejur
nalistika) S.i çoxşaxəli deyil, “yığcam”dır. Jurnalistikada S. dedikdə faktların,
hadisələrin, fikirlərin, hisshəyəcanların davamlılığı başa düşülür. İnsanların
xarakterləri, taleləri, ictimai ziddiyyətləri, münaqişələr də burada açılır. Bir
qayda olaraq, jurnalistika S.ində hadisələrin inkişafı birbiri ilə sıx bağlı olur,
kulminasiya və problemlər düyününün açılması isə, az qala, ən inkişaf etmiş
hissəyə çevrilir. S. hadisənin və ya təzahürün mexaniki surəti, predmetin qu
ruluşunun səthi inikası deyil, o, yaradıcılıq prosesinin nəticəsi kimi meydana
çıxır və müəllifin izlədiyi sosial məqsədə uyğun şəkildə qurulur.
–
hadisələr arasında səbəbnəticə əlaqələrini
işıqlandıran, baş verən olayların mahiyyətini aydınlaşdıran, izah edən, müm
kün nəticə və proqnozlar barədə danışan şəxs. Adətən, Ş.lər müxtəlif sahələr
(siyasi, iqtisadi, idman və s.) üzrə ixtisaslaşırlar.
Şou (show)
–
tamaşa. Nəyi isə nümayiş etdirmək, göstərmək; estrada, sirk,
idman, caz orkestrləri, balet “ulduz”larının iştirakı ilə təmtəraqlı səhnə tama
şası, musiqili, əyləncəli proqram. Ş. reklam vasitəsi kimi də geniş yayılmışdır;
Qərbdə TV verilişlərinə verilən ümumi ad.
Şou-biznes (show-business)
–
əyləncə sahəsində və əyləncə sənayesində
ticarət (kommersiya) fəaliyyətidir.
Şoumen (showman)
–
əsasən, danışıq janrında (tokşou) qurulmuş kütləvi
bədiiəyləncəli, musiqili verilişlərin aparıcısı. Yüksək erudisiya, xoş qılıq, ob
yektiv və ədalətli olmaq, müxtəlif fərdlərin dialoqu vasitəsilə kütləvi şəkildə
həqiqət axtarışına qoşulmaq, bu prosesdə iştirakçılara kömək etmək Ş. üçün
əsas keyfiyyətlərdən sayılır. Müxtəlif dünyagörüşə, fərqli siyasi baxışlara , xa
rakter və temperamentlərə malik insanların toplaşdığı auditoriyanı nəzarətdə
saxlamaq Ş.dən təkcə jurnalistlik deyil, həm də aktyorluq məharəti tələb