373
Montaj sıçrayışı (jump cut)
–
buna “qaçan kadr” da deyilir. Rakurs və
çəkiliş bucaqlarına görə oxşar olan, ancaq yüz faiz üstüstə düşməyən eyni ob
yektin iki planının birbirinin ardınca yapışdırılması zamanı özünü göstərən
montaj təhrifi. M. s. görüntülər arasında kəskin keçidləri xatırladır. Çünki bir
plandan digərinə keçərkən çəkiliş obyektinin vəziyyətinin qəflətən, kəskin
şəkildə “tullanışları” o vaxt baş verir ki, montaj planının orta hissəsi kəsilir
və planın əvvəli ilə axırı birbirinə yapışdırılır. Planın əvvəlində və sonunda
kadrdakı çəkiliş obyektinin ölçüsü və vəziyyəti eyni olmayanda seyrçiyə elə
gəlir ki, obyekt ekranın bir hissəsindən digər hissəsinə “tullanıb”. Dərhal gözə
çarpdığı üçün belə tullanma və sıçrayışlardan qaçmaq lazımdır. Hərəkətin
kadr məkanında inkişaf axarını pozduğundan belə sıçrayışlar montaj yanlış
lığı kimi qavranılır. Çəkilən obyekt qəfildən, həm də heç bir səbəbsiz ekranın
digər küncündə peyda olursa, ardıcıl montaj effekti itir.
Montaj vərəqi (edit decision list)
–
bir montaj seansı müddətində yerinə
yetirilməsi nəzərdə tutulan bütün montaj əməliyyatlarının siyahısı. Ondan
çox vaxt yubadılmış şəkildə və real zaman miqyasında icra olunmuş montaj
əməliyyatlarını calaşdırmaq üçün istifadə olunur. M. v.ində audio və videosı
ra tam əksini tapır, uyğun taymkodlar göstərilir.
Mozaik görüntü (mosaic screendisplay)
–
1) eyni, yaxud müxtəlif material
lardan düzəldilən təsvir, naxış; təsvirin ekranda mozaika şəklində göstərilməsi.
Videokameralarda “fade out/in” işi mozaika təsviri ilə də etmək mümkündür;
2) hər hansı verilişdən, filmdən dinamik fraqmentlər göstərilməsi.
Mozaik veriliş (insulating mosaic)
–
məzmun, məna və formaca birbiri ilə
bağlanmayan ayrıayrı kiçik süjet, çıxış, müsahibə və digər təsviri materiallar
toplusundan ibarət olan veriliş növü. Məs., “Xəbərlər”, yaxud “Səhər” tipli
proqramlar M. v.ə aiddir.
Mövzu-tema (subjet/topic)
–
sənətkarın hər hansı əsərində qoyduğu və
müəyyən həyati material əsasında aşkara çıxardığı əsas məsələlərin məcmusu;
əsərin bədii məzmununun əsas məqamı. M. t. süjetlərdə, motivlərdə, epizod
larda işlənib hazırlanır.
Müstəqil montaj sənətçisi (independent editor)
–
montaj texnikasını və
montaj texnologiyasını dərindən bilməklə yanaşı, teleproqramın yekun vari
antını seçmək prosesində məsul qərar çıxarmaq səlahiyyəti olan şəxs. M. m. s.
nə qısa məzmun yazılmış kağız, çəkilmiş materialla dolu onlarca kaset verilir;
o, bunların hamısından təyin edilən verilişin xarakteri və tipinə uyğun gələn
süjet hazırlamalıdır. M. m. s. hansı musiqi və səs effektlərini seçmək, yekun
varianta hansı fonoqram fraqmentləri və çəkiliş planları artırmaq və hətta sü
jeti bütövlükdə necə qurmaq haqqında müstəqil qərar çıxara bilər. Ancaq bir
qayda olaraq, proqramın quruluşçusu və ya rejissoru bu zaman son söz demək
hüququnu özündə saxlayır.
Neytral keçid planı (neutral transitory plan)
–
montaj zamanı iki qeyriar
dıcıl plandan faydalanmaq məqsədilə onların arasına vurulan plan. Adətən,
neytral planda göstərilən obyekt ya frontal yöndən göstərilir, ya üzü ekrana
olan kameraya yaxınlaşdırılır, ya da kameradan uzaqlaşdırılır.
374
Nyusmeyker (newsmaker)
–
jurnalistlərin diqqətinə layiq şəxs, yaxud
hadisə. Hərfi tərcümədə: yenilik yaratmağa qadir; mənaca “newsbreak” bu
terminə yaxındır.
Obraz (image)
–
gerçəkliyin bədii əksi. Ümumi ideyanın konkret, fərdi
su rət lər vasitəsilə açıqlanması. Bədii O.ların yaradılması predmetin və ya
hadisənin ən vacib və xarakterik cəhətlərinin seçilməsi və əks olunması ilə
bağlıdır. O, həm ağıla, həm də hisslərə təsir edir. Reklam O.ı
–
reklam edi
lən şirkətin, malın hər hansı bir işarə (əşya, predmet və s.) vasitəsilə təsvir
edilməsidir. Uğurlu reklam O.ı firmanın və ya hər hansı məhsulun vizual
cəhətdən yaddaqalan olmasına kömək edir.
Obyektiv (object lens/objective)
–
1) həssas təbəqədə çəkilən əşyanın həqiqi
təsvirini yaradan, ümumi sağanağa salınmış bir və ya bir neçə linza (bəzən isə
həm də güzgü) şəklində mövcud olan optik sistem. O.in bütün hissələrinin
optik oxları ümumi optik oxun üzərində olur; 2) optik cihazın qabaq şüşəsi və
ya şüşələri; 3) qərəzsiz, bitərəf.
Obyektivin diafraqması (opening/objective diaphragm)
–
optik sis tem
də: kinokamerada, telekamerada, fotoobyektivdə işıq şüalarının məh dud
laşdırılması və ya dəyişdirilməsi üçün xüsusi qurğu. Akustikada
–
mikrofo
nun bir hissəsini təşkil edir və səs dalğalarını şüalandırır, yaxud qəbul edir.
Orta plan (medium close-up)
–
iri planla ümumi planın arası; televizor ek
ranında bir, yaxud bir qrup şəxsin bütöv və yaxud dizdən yuxarı təsviri.
Öyrədici proqramlar (cogmitive programs)
–
qarşısına auditoriyanı ma
arifləndirmək, onu müəyyən biliklər sistemi ilə təmin etmək, qarşısına tama
şaçılarda mü əyyən zövq və dünyagörüşü formalaşdırmaq məqsədi qoymuş
teleproqram. Ən klassik Ö. p. müxtəlif kütləvi formalardan istifadə etməklə
tamaşaçılara ayrıayrı sahələrə (tarix, hüquq, coğrafiya, təbabət, dil öyrətmə,
ətraf mühit, təbiət, mədəniyyət və s.) dair ardıcıl bilik verən proqram sayılır.
Ö. p. teleradionun ilk illərindən tutmuş bu günədək bir çox yayım şirkətlərinin
proqram siyasətində əsas yer tutur. ABŞ, Kanada, Yaponiya və s. kimi ölkələrdə
auditoriyanın geniş bir hissəsini nəzərdə tutan və yalnız öyrədici proqramlar
yayan ixtisaslaşmış telekanallar mövcuddur.
Özəl televiziya (private TV)
–
əsas məqsədi müxtəlif mövzularda verilişlər
hazırlayıb efirə verməklə auditoriya toplamaq və reklam cəlb edərək pul qa
zanmaq olan qeyridövlət TV qurumu. Ö. t.nı, bir qayda olaraq, hüquqi və ya
fiziki şəxslər təsis edir. Bəzi ölkələrdə Ö. t. ictimai TVnin (məs., Böyük Brita
niyada AyTiVi kimi) funksiyasını yerinə yetirir. Ö. t.da proqram siyasətini,
yayım şəbəkəsinin əsas cizgilərini, kadr, əmlak və maliyyələşmə məsələlərini
təsisçi özü həll edir.
Pablik-rileyşinz (public relations)
–
cəmiyyətlə, ictimaiyyətlə əlaqələrin
yaradılması, ictimai informasiyanın idarəetmə sistemi; ictimai münasibətlər
(vasitəli reklam). Müəyyən ərazidə veriliş, onun istehsalçısı haqda müsbət
ictimai fikir yaratmaq məqsədi güdən tədbirlər kompleksi. P. r.in məqsədi
nəzərdə tutulan auditoriyaya, korporativ maraqlara, ictimai rəyə təsir etmək,
təşkilat haqqında müsbət imic yaratmaqdır.