172
Tarixdə bu gün
Beynəlxalq Ailə Günü
1994
MA
Y
Hər il may ayının 15-i dünyada
təntənə ilə qeyd olunan və insanların
diqqətini ailə problemlərinin həllinə
bir daha yönəltmək məqsədi daşıyan
Beynəlxalq Ailə Günü münasibətilə
respublikamızda da silsilə tədbirlər
həyata keçirilir. Ailə, Qadın və Uşaq
Problemləri üzrə Dövlət Komitəsinin
bu əlamətdar günlə bağlı təşkil etdiyi
“Ailə bayramı”nda nümunəvi ailələrin
seçilməsi, respublikanın müxtəlif
bölgələrində mərasimlərin keçirilməsi
artıq xoş ənənəyə çevrilib.
Müstəqil Azərbaycan Respublika-
sında sosial sahədə dövlət siyasətinin
prioritet istiqamətlərindən biri-
ni məhz ailə siyasəti təşkil edir. Bu
gerçəkliyi daim nəzərə alan ümum-
milli lider Heydər Əliyev ölkəmizdə
ailə siyasətinin formalaşdırılma-
sı məsələlərinə böyük diqqət ye-
tirmiş, həmin sahədə mövcud olan
problemlərin həlli istiqamətində ardıcıl
və məqsədyönlü fəaliyyət göstərmişdir.
Müstəqil Azərbaycan Respublikasına
rəhbərlik etdiyi 1993-2003-cü illərdə
ümummilli lider ailə siyasəti ilə bağlı
məsələlərin normativ-hüquqi tənzimini
və əməli həllini prioritet vəzifələrdən
biri kimi qarşıya qoymuşdur.
Müstəqil Azərbaycanda həyata
keçirilən dövlət ailə siyasəti milli-
mənəvi dəyərlərdən qaynaqlanır. Bu
barədə Prezident İlham Əliyev demiş-
dir: “Biz ümumbəşəri dəyərləri bölü-
şürük, ancaq bizim üçün əsas dəyərlər
Azərbaycanın milli dəyərləridir.
Bu baxımdan, əgər tarixə də nəzər
salsaq görərik ki, xalqımızın yaşa-
ması üçün, öz mənliyini, qürurunu
qoruması üçün ailə dəyərləri, milli
dəyərlər əvəzolunmaz rol oynamışdır.
Ölkəmizin inkişafı, müstəqilliyimizin
daha da möhkəmləndirilməsi üçün və
milli dəyərlərin tam şəkildə bərqərar
edilməsi üçün ailə dəyərləri daim
yüksəklərdə olmalıdır”.
Respublikada ailə problemlərinin
həllinə xüsusi qayğının göstəricisi
kimi 2006-cı ildə Azərbaycan Res-
publikası Prezidentinin sərəncamı
ilə Ailə, Qadın və Uşaq Problemləri
üzrə Dövlət Komitəsi yaradılmış-
dır. Komitənin qarşısında duran ən
mühüm vəzifələrdən biri də ailə
institutunun hərtərəfli inkişafı və
möhkəmləndirilməsi, ailə dəyərlərinin
qorunması, onun problemlərinin
minimuma endirilməsidir. Bu gün
ölkəmizin həyatında önəmli rol oyna-
yan, hər birimiz üçün gözəl nümunə
olan Azərbaycan qadın hərəkatının
lideri, Heydər Əliyev Fondunun Pre-
zidenti, Milli Məclisin deputatı, YU-
NESKO və İSESKO-nun xoşməramlı
səfiri Mehriban xanım Əliyevanın
rəhbərliyi altında həyata keçirilən ailə
problemlərinin həlli istiqamətində
önəmli layihələrin gerçəkləşdirilməsini
xüsusilə qeyd etmək lazımdır.
Ə d ə b i y y a t
Ailə cəmiyyətin təməlidir
//Mədəniyyət.- 2015.- 22
may.- S.11.
Ailə dəyərləri
milli-mənəvi irsdir
//Mədəniyyət.- 2014.- 26
dekabr.- S.9.
Hüseynova, H. Ailə milli-
mənəvi dəyərlərin daşı-
yıcısıdır /H.Hüseynova
//Azərbaycan.-2009.-15
may.-S.5.
İsmayıl, Z. Beynəlxalq
Ailə Günü və Azərbaycan
ailəsi /Z.İsmayıl //İki sa-
hil.- 2014.- 15 may.- S.14.
Uğur. 15 May -
Beynəlxalq Ailə Günü
/Uğur //Xalq cəbhəsi.-
2012.- 15 may.- S.14.
15
173
Tarixdə bu gün
Laçın rayonunun işğalının 25-ci
ildönümü
1992
MA
Y
Ərazisi: 1835
km²
Əhalisi: 72 228 nəfər
Azərbaycanın strateji cəhətdən mü-
hüm əhəmiyyət kəsb edən Laçın rayo-
nunun işğalından 25 il keçir. 1992-ci
il may ayının 18-də erməni işğalçıları
rayonun yüzlərlə mədəni-məişət ob-
yektini, onlarla qəsəbə, kənd və tarixi
abidələrini dağıdaraq talan edib. İşğal
nəticəsində 63341 min Azərbaycan
vətəndaşı öz yurdundan didərgin dü-
şüb. 1835 kvadrat kilometr ərazisi
olan rayonun 121 kəndi var. İşğal za-
manı 300-dən artıq hərbi və mülki şəxs
həlak olub və itkin düşüb. İşğal altın-
da 8950 bina, o cümlədən 7 sənaye və
tikinti müəssisəsi, 471 xidmət idarəsi,
154 məktəb, yüzlərlə tarix-mədəniyyət
abidəsi qalıb.
1992-ci il mayın 8-də Şuşa şəhəri
Ermənistan tərəfindən işğal olunduq-
dan sonra erməni silahlı qüvvələri
intensiv şəkildə ağır artilleriyadan
rayon mərkəzini atəşə tutub. Şuşa
şəhərinin Turşsu deyilən ərazisindən
və Ermənistan istiqamətindən hücu-
ma keçən düşmən mayın 18-də Laçı-
nı işğal edib. Əhəmiyyətli geostrateji
mövqeyə malik olan Laçının işğalı
Azərbaycan iqtisadiyyatına ciddi ziyan
vurub. Təbii sərvətlərlə zəngin olan
Laçın rayonunda Turşsu, Qaladərəsi,
Ağanus, Xırmanlar, Tiqiq, Turş-tiqiq,
Nurəddin, Nağdalı, Hacıxanlı kimi
müalicəvi əhəmiyyətli bulaqlar möv-
cuddur. Ekologiya və Təbii Sərvətlər
Nazirliyinin rayonun işğalı ilə bağlı
yaydığı məlumatda bildirilib ki, La-
çın rayonu ərazisində ümumi ehtiyat-
ları 1124 ton olan 3 civə (Narzanlı,
Çilgəzçay, Sarıbulaq), ehtiyatları 4457
min ton olan və əhəng istehsalına ya-
rarlı Laçın əhəngdaşı, ehtiyatları 2533
min kubmetr olan və istismara cəlb
edilən üzlük daşı istehsalına yararlı
Qoçaz mərmərləşmiş əhəngdaşı, mişar
daşı istehsalına yararlı 2 tuf (Ağoğlan,
Əhmədli), 2 əlvan bəzək daşı, vulkan
külü və digər təbii sərvətləri var.
Laçın rayonundakı Qaragöl Dövlət
Təbiət Qoruğu və Dövlət Təbiət Ya-
saqlığı da hal-hazırda işğal altındadır.
Ümumi sahəsi 240 hektar olan qoruq-
da 68 növdən və 27 ailədən ibarət bitki
örtüyü var. 1961-ci ilin noyabr ayında
heyvan və quşları qoruyub saxlamaq
və artırmaq məqsədi ilə yaradılan
Dövlət Təbiət Yasaqlığının ərazisində
cüyür, qaya keçisi, çöl donuzu, ayı, tu-
rac, kəklik, qaratoyuq kimi nadir fauna
növləri məskunlaşıb. 1989-cu ildə ya-
saqlıqda aparılan yoxlama zamanı dağ-
keçisi 96, qaban 360, cüyür 320, ayı
110 baş, eləcə də çoxlu sayda canavar,
porsuq, dələ, qırqovul, kəklik qeydə
alınıb. İşğalçı dövlət beynəlxalq hüquq
normalarına, zəbt olunan Azərbaycan
torpaqlarından Ermənistan qoşunla-
rının qeyd-şərtsiz çıxarılmasına dair
BMT-nin qətnamələrinə məhəl qoy-
mayaraq hazırda Laçında qanunsuz
məskunlaşma aparır.
Bu gün bütün Azərbaycan xalqı
Qarabağın işğal altından qurtulacağı
günü gözləyir. Qarabağa böyük qayı-
dışın olacağına hamımız inanırıq.
Ə d ə b i y y a t
Abdullayev, Ə. Qarabağ
faciəsi: monoqrafiya
/Ə.İ.Abdullayev; elmi
red. Ə.Əliyev; baş red.
İ.Səfərov /Azərb.Resp.
Təhsil Nazirliyi; Azərb.
Döv. İqt. Un-ti.- Bakı:
İqtisad Universiteti,
2016.- 227 s.
Mərdlik qalası Laçın:
albom /tərt.ed. və red.
Ş.Alışanlı.- Bakı: Elm,
2009.- 126 s.
Allahverdiyev, E. “Ulu
yurdum Laçınım”
/E.Allahverdiyev //Ekran-
efir.- 2013.- 17 may.- S.4.
Qaraca, B. Laçınlar yurdu
/B.Qaraca //Azərbaycan.-
2014.- 18 may.- S.6.
Sarıyeva, İ. Laçının
işğalı - Azərbaycan
dövlətçilk tarixində
erməni təcavüzünün ən
ağır təzahürlərindən biri
kimi... /İ.Sarıyeva //Bakı
xəbər.- 2015.- 18 may.-
S.11.
17