—
Mənimki isə Doğrudur. Gəl dost olaq, bir yerdə işləyək,
bir yerdə yaşayaq.
Onlar bütün ömürləri boyu dost olmağa and içirlər.
Doğrunun piyada yoldaşına yazığı gəlir və ona bir qədər atla
getməyi təklif edir. Әyri ata minib çapır.
Doğru ah-vay edir ki, onunla sadiq dost olmağa and içən
adam, ən alçaq düşmən kimi hərəkət etdi.
Çarəsiz qalan Doğru piyada yola düzəlir. hava qaralanda
Doğru dar bir cığıra çıxır. Cığır onu meşənin dərinliyinə aparıb
çıxardır.
Birdən Doğru çəmənlikdə köhnə bir təndir görür.
Doğru fikirləşir ki, hər halda gecə vaxtı meşə ilə yol getmək
təhlükəlidir, «gecəni təndirdə keçirsəm yaxşıdır» deyib təndirin
içinə girir.
Gecə təndirin ətrafındakı çəmənliyə qorxulu heyvanlar
yığılırlar: Meşələr şahı-şir, meşə şahının vəzirləri-pələng və ayı,
meşə şeypurçusu—canavar, meşə zurnaçısı-çaqqal, meşə nağıl-
çısı—tülkü.
Ay doğanda çaqqal qaçıb gəldi və uladı. O ulayan kimi
bütün heyvanlar yığılıb məclis qurdu. Şir öz taxtında əyləşdi və
əmr etdi ki, ətrafda baş verən qəribə hadisələri ona xəbər
versinlər. Nağılçı tülkü danışmağa başladı:
—
Buranın yaxınlığındakı dağda mənim mağaram var.
Budur on ildir ki, orada yaşayıram. On ildir ki, mən ən yaxşı
şeyləri ora yığıram, xalça, pərdə, yorğan, paltar. Adamlarda nə
varsa onu mənim evimdə tapmaq olar. Nə qədər ləzzətli yemək
ehtiyatı istəsəniz məndə!
Doğru fikirləşdi: «hə, bu tülküyə qonaq getmək heç də pis
olmazdı».
Tülküdən sonra vəzir-ayı danışdı:
—
Bizim meşədə hündür bir qaraağac var, onun altında iki
yaşıl fidan bitir. Elə bir xəstəlik yoxdur ki, bu cavan ağacların
yarpağı onu sağaltmasın. Bizim şəhərin şahının qızı yeddi ildir ki,
xəstədir. Şah şərt kəsib: «Kim qızımı sağaltsa onu həmin adama
verəcəyəm. Kim müalicə etməyi boynuna alıb bu işi bacarmasa
boynunu vurduracağam!» Şah çox təbibləri öldürüb. Bax həmin
cavan ağacların yarpaqlarından hər kim dərsə və qaynadıb suyunu
şahın qızına içirtsə, qız o dəqiqə sağalar.
Ayıdan sonra şeypurçu — canavar danışmağa başladı.
—
Meşənin kənarında qırx min baş qoyundan ibarət bəy
sürüsü otlayır. Hər gün mən iki qoyun yeyirəm. Çobanlar nə
qədər çalışır, məni tuta bilmirlər. Amma onlar bilmirlər ki,
sürüdən uzaq sərt bir köpəyi olan qoca yaşayır. Әgər sürünü o
köpək qorusa, məni tutub parça-parça edər.
Vəzir-pələng danışdı:
—
Canavarın, haqqında danışdığı bəyin on min başdan
ibarət at ilxısı var. O, meşənin kənarında otlayır. Hər həftə mən
onların bir atını aparıram. İlxıda ala-bula bir at var. Әgər biri bu
ata minib qovsa o dəqiqə məni tutar. Yaxşı ki, bunu heç kim
bilmir.
Hava işıqlaşmağa başladı. Heyvanların hərəsi öz yuvasına
çəkilib getdi.
Heyvanlar gedəndən sonra Doğru təndirdən çıxdı. O gedib
ayının, haqqında danışdığı qaraağacı axtarıb tapdı, onun yetişmiş
yarpaqlarından bir xeyli dərdi.
Sonra qoyun sürüsünə tərəf gedib, çobanı tapdı, salamlaşdı,
necə yaşadığını soruşdu. Çoban həyatından şikayətləndi:
—
Mənim işlərim pisdir. Sürüyə qurd dadanıb, qoyunları
daşıyır. Ağa məni qovacaq!
—
Fikir eləməyin! Mən sizi canavardan xilas edərəm.
O qocanın yanına getdi, ondan itini verməyi xahiş etdi, iti
gətirib çobana verdi. İt canavarın üstünə atılıb onun dərisini
didik-didik elədi.
Doğru yola düzəlib at ilxısını axtarıb tapdı. İlxıçı ilə
görüşdü, onun necə yaşadığını soruşdu. O, pələngdən
şikayətləndi.
Doğru ona belə məsləhət gördü:
—
Ala-bula ayğırı tut və mənə uzun bir çomaq ver.
Doğru ata mindi, çomağı əlinə aldı və meşə cığırında pələngi
gözləməyə başladı.
Vəzir-pələng gecə gəlib ilxıya soxuldu. Doğru pələngi
çomaqla elə vurdu ki, heyvan o dəqiqə yıxılıb öldü.
İlxıçı atı Doğruya bağışladı.
Doğru ata mindi və şəhərə yola düşdü. Şəhər bazarında
carçılar qışqırdılar:
—
Şahın qızı yeddi ildir ki, xəstədir. Hər kəs onu müalicə
etsə, şah onu özünə kürəkən edəcəkdir. Amma hər kəs qızı
sağalda bilməsə şah onun boynunu vurduracaq.
Doğru dedi: — Mən şahın qızını müalicə edərəm.
Doğrunu saraya gətirdilər. Şah təzə təbibi qızının yanına
buraxdı.
Doğru cavan qaraağac yarpaqlarını çıxartdı. Onları qaynatdı
və suyunu qıza içirtdi. Üç gündən sonra qız sağaldı. Şah şadlıq
məclisi düzəltdi və qızını Doğruya verdi.
—
Səni hansı şəhərə hakim təyin edim? — şah kürəkə-
nindən soruşdu.
—
Mən hakim olmaq istəmirəm! — Doğru cavab verdi. —
Mənim üçün dağın döşündə ev tikin. Mən öz zəhmətimlə ya-
şayacağam.
Şah təəccübləndi, lakin kürəkəninin xahişinə əməl etdi.
Doğru arvadı ilə dağda yaşamağa başladı.
Bir dəfə Әyri Doğrunun yanına gəldi:
—
Mənim dostum, bütün bunlara sən necə nail oldun? —
deyə soruşdu. — Sənin evin, həyətin var. Bax, mən sənin atını
oğurladım, elə bildim ki, varlanacağam. Amma hara gedirəmsə-
gedim, heç yerdə mənimki gətirmir.
Doğru Әyrinin namərdliyini xatırlatmaq istəməyib dedi:
—
Mən bir gecə meşədə köhnə təndirin içində gecələ-
mişdim və bütün bunları orda öyrəndim.
—
O yeri mənə göstər, mən də o təndirdə gecələyim.
Doğru heyvanların toplaşdığı çəmənliyi nişan verdi.
Hava qaranlıqlaşanda Әyri gəlib təndirə girdi.
Yenə gecə heyvanlar yığışdılar. Meşə şahı—şir, vəziri — ayı
gəldi, şeypurçu canavar, çaqqal, nağılçı tülkü bir yerə yığışdı.
—
Yaxşı, söhbətimizə başlayaq. Nə üçün mənim vəzirim-
pələng yoxdur? — şir soruşdu.
Çaqqal yerindən qalxdı:
—
Yox, daha biz heç nə danışmayacağıq. Bizim söhbətlə-
rimizə görə sizin vəziri öldürüblər.
O tərəfdən ayı qalxdı:
Dostları ilə paylaş: |