Nökərlər gərənay və zurna çala-çala bu şəhərdən keçən- də
hurliqanın qardaşı arvadı küçədə evlərinin qapısı ağzında
dayanmışdı.
Təntənəni görən Züleyxa təəccübləndi. O qasidlərin nö-
kərlərinə yaxınlaşıb soruşdu:
—
Bu nə şad xəbərdir və onu kimə aparırsınız?
Nökərlər cavab verdilər:
—
Sultanxan padşahın oğlu Әnvər, xalq tərəfindən başqa
şəhərə padşah seçilmişdir. Onun Hurliqa adlı qolsuz arvadı var.
Arvadın oğlu və qızı olmuşdur. Biz bu xoş xəbəri Әnvərə
aparırıq.
Qəzəb və hiddətdən Züleyxa qapqara qaraldı Әri Həsənin
şəhərdə olmamasından istifadə edən Züleyxa qasidləri şama və
evində gecələməyə dəvət etdi.
Qasidlər atlarını həyətdə bağlayıb Züleyxanın evinə gəldilər.
O qonaqları o qədər içirtdi ki, hamısı ölümcül yuxuya getdilər.
Sonra Züleyxa onların cibini axtardı, Әnvərə xoş xəbər
aparan məktubu tapıb, onu cırdı və başqasını yazıb yerinə qoydu.
Məktubda deyilirdi: «Oğlum, Әnvər, arvadın Hurliqa küçük və
pişik balası doğmuşdur. Nə edək?»
Züleyxa bu məktubu baş qasidin cibinə qoydu. Səhər tezdən
qasidlər gərənay və zurna sədaları altında yenidən yollarına
davam etdilər.
Onlar Әnvərin yanına gəlib məktubu ona verdilər.
Həddən artıq kədərlənən Әnvər atasına yazdı: «Әziz ata!
Hurliqa küçük və pişik balası doğsa da fərqi yoxdur, mən gələnə
qədər onunla yaxşı rəftar edin! Mən tezliklə gələcəyəm. Onu
incitməyin!»
Qasidlər bu cavabla geri qayıtdılar. Yolda Züleyxa onların
qabağını kəsdi və yenidən evinə qonaq apardı. Elə ki, qonaqlar
şərab içib məst oldular və yuxuya getdilər. Züleyxa cavab
məktubunu açdı, oxuyub cırıb tulladı. Onun yerinə isə Әnvərin
adından yazdı:
«Ey mənim əziz atam! Hurliqa mənə lazım deyil. O,
qızılsaçlı oğlan, gümüşsaçlı qız doğsa da fərqi yoxdur, — məndə
ikrah doğurub. Bu məktubu alan kimi uşaqlarını xurcuna qoyun,
asın boynundan və qovun getsin. Әgər mən Hurliqanın uşaqlarını
gəlib sarayda görsəm, sizi atalıqdan çıxaracam. Mənə belə ata
lazım deyildir!»
Səhər tezdən yola düşən qasidlər şəhərlərinə qayıdıb
məktubu Sultanxan padşaha verdilər.
Məktubu oxuyan Sultanxan həddən artıq kədərləndi:
—
Heç nə başa düşmürəm! — öz-özünə deyindi. Oğlum
sevinmək əvəzinə nə üçün Hurliqa ilə belə sərt rəftar edir?
Padşah məktub barədə heç kimə bir söz demədi və bir neçə
gün nə edəcəyini bilməyib qaşqabaqlı gəzdi.
Bunu hiss edən Hurliqa soruşdu:
—
Ata, sizə nə olub? Siz niyə belə kədərlisiniz?
Padşah ağladı, danışa bilmədi, məktubu gəlininə verdi.
Hurliqa da məktubu oxuyub zar-zar ağladı:
—
Ata, bir halda ki, sizin oğlunuz belə tələb edir, siz «onun
arzusunu yerinə yetirməyə bilməzsiniz. Məktubda necə
yazılmışsa elə də edin.
Sultanxan daha bərkdən ağlayıb dedi:
—
Qızım, uşaqları götür sarayı və şəhəri tərk elə!
Sultanxan ehmalca və ehtiyatla uşaqları xurcuna qoydu və
xurcunu hurliqanın çiynindən asdı. Gənc qadın qayınatası ilə
vidalaşıb, qüssə içində sarayı tərk etdi.
İki gün o gözü gördükcə yol getdi. Üçüncü gün çaydan
keçəndə qızılsaç oğlu xurcundan sürüşüb suya düşüb batdı.
Acı-acı ağlayan Hurliqa o biri sahilə çıxdı, qızına döş verib
yuxuya getdi.
Birdən kim isə onu yuxudan oyatdı:
—
Qızım, qalx, — dedi, — bu itirdiyin qiymətli şeyi al!
Hurliqa diksinib oyandı. Gördü ki, qarşısında sehrikar bir qoca
dayanıb və qızılsaç oğlunu ona uzadır.
Hurliqa sevincək ayağa durub qocanın qarşısında baş əydi.
—
Salam! — Sehrkar qoca dilləndi.—Bu sənin oğlundur?
—Bəli! Mən çayı keçəndə onu xurcundan salmışam.
—
Al oğlunu!
—
Mən necə alım, axı şikəstəm, qollarım yoxdur.
—
Bəs bunlar kimin qollarıdır, sən onları tanımırsan? —
Hurliqa gördü ki, sehrkar ona tərəf iki qol uzadır.
—
Bəli ata, tanıdım, əvvəllər mənim də lap belə qollarım
vardı. Gəlinimiz qardaşımın yanında mənə böhtan atdı, o da
qollarımı kəsib məni evdən qovdu.
Sehrkar kəsik əllərin üstündə dua oxuyub püflədi gəlinin
qolları yerinə yapışdı. Gənc qadın qocanın qarşısında diz çökdü,
torpağı öpdü. Sonra sehrkar qoca gəlinin bir ovcuna yeddi, o biri
ovcuna qırx bir xırda daş qoyub dedi:
—
Qızım, bir gündən sonra yolda sənin qabağına böyük bir
çay çıxacaq. Ona yaxınlaşanda bu yeddi daşı çaya at! Çay o
dəqiqə yeddi arxa ayrılacaq və sən arxları asanlıqla o taya
keçəcəksən. Üç gündən sonra sənin qabağına bir düzəngah
çıxacaq. Onda qırx bir daşı çölə at. Qarşında bir saray ucalacaq
və sən o sarayda var-dövlət tapacaq, orada öz uşaqlarınla xoşbəxt
yaşayacaqsan.
Qoca bu sözləri deyib yoxa çıxdı. Hurliqa isə uşaqlarını
yedizdirib yoluna davam etdi.
Bir gündən sonra o böyük bir çayın sahilinə gəlib çıxdı və
qoca necə demişdisə daşları çaya atdı. Çay yeddi arxa ayrıldı.
Hurliqa asanlıqla o biri sahilə keçdi. Xeyli yol getdi və nəhayət
gəlib düzəngaha çıxdı. Burada o, qırx bir daşı qumluğa atdı, o
dəqiqə qarşısında yaşıl bir bağ içərisində qəribə bir saray ucaldı.
Saraydan bir qadın qaça-qaça onun qabağına gəldi və Hurliqaya
dedi:
—
Biz səni çoxdan gözləyirik, yaxşı ki gəldin.
Qadın yorulmuş Hurliqadan uşaqları aldı, onları sərin otağa
apardı, yumşaq döşəkcədə əyləşdirdi və onlara ləzzətli yeməklər
yedirtdi.
İndi Hurliqanı sarayda rahat və arxayın qoyaq və görək o
birilər nə oldu.
Sultanxana cavab göndərəndən sonra Әnvər öz vəzirlərini
çağırıb dedi:
—
Mən öz şəhərimizə gedirəm və on beş gündən sonra
qayıdacağam.
O belə də etdi. Vətəninə gəlib gördü ki, Hurliqa sarayda
yoxdur, atası isə dərin qüssəyə qərq olmuşdur.
—
Nə olub? Hurliqa haradadır? — Әnvər həyəcanla so-
ruşdu.
—
Oğlum, sən niyə mənə bu sualı verirsən? Sən özün yaz-
mışdın ki, Hurliqa da onun uşaqları da sənə lazım deyil. Sən tələb
etmişdin ki, onu qovaq.
—
Ata, siz özünüz mənə yazmışdınız ki, Hurliqa it və pişik
balası doğub, mən isə cavab verdim ki, mən gələnə qədər onun
qəlbinə dəyməyəsiniz.
İşin nə yerdə olduğunu bilən və Hurliqanın oğlan və qız
doğduğunu eşidən Әnvər, pəjmürdə halda saraydan çıxdı,
arvadını, uşaqlarını axtarmaq üçün çöllərə düşdü.
İndi də Hurliqanın qardaşından danışaq.
Nəhayət Həsən başa düşdü ki, Züleyxa onun bacısına böhtan
atmışdır. O, Hurliqa ilə belə sərt rəftar etdiyindən çox peşman
oldu. Peşmançılıqdan özünə yer tapmır, şəhərin küçələrini
sərgərdan gəzir, yatanda isə həmişə yuxuda Hurliqanı görürdü. O,
arvadı ilə dalaşdı, onun alçaqlığı üzündən bacısını itirdiyini
söyləyib evindən çıxıb getdi.
Səhra ilə gedərkən Әnvərlə rastlaşdı. Biri o birisindən
soruşdu:
—
Qardaş, de görək bu səhrada neyləyirsən?
—
Qardaş, bacımı itirmişəm, onu axtarıram, — Həsən cavab
verdi.
—
Sizin bacınızın adı nədir? — Әnvər soruşdu.
—
Onun adı Hurliqadır.
—
Mənim arvadımın adı da Hurliqadır. Lakin onun iki qolu
yoxdur. Yazıq çox əzab çəkmişdir. Mənim ona yazığım
gəldiyindən onunla evləndim.
Әnvər əhvalatı necə olmuşdusa açıb danışdı. Həsən özünü
saxlaya bilməyib ağladı. Әnvər onun göz yaşlarına təəccübləndi
və soruşdu:
—
Siz nə üçün ağlayırsınız?
—
Bilirsinizmi, sizin arvadınız Hurliqa mənim bacımdır, —
Həsən kədərlə cavab verdi. — Mən başa düşməmişəm ki,
arvadım bacıma böhtan atıb, zavallı qızın qollarını kəsib evdən
qovmuşam. — O yenidən ağladı.
—
Bəsdir qardaş, mənimlə sənin dərdin birdir. Әgər tale
üzümüzə gülsə biz Hurliqanı tapacağıq.
Onlar öpüşdülər, ömürlük dost olmağa and içdilər və
yollarına davam etdilər. Beləliklə onlar dünyanı birlikdə dörd il
dolaşdılar və nəhayət Hurliqanın şad və xoşbəxt yaşadığı həmin
saraya gəlib çıxdılar. Bu vaxt o pəncərədə dayanıb yollara
baxırdı. Әrini və qardaşını tanıyıb uşaqlarına dedi:
—
Oğul, sən bax sağ tərəfdəki o adama yaxınlaş və ona
«ata» de, sən isə qızım sol tərəfdəki o adama tərəf get və ona
«dayı» de.
Әnvər və Həsən təəccüblə bir-birinə baxdılar və uşaqları
qucaqlarına aldılar. Onda Hurliqa saraydan çıxdı, əri və qardaşı
ilə salamlaşdı. Onlar mat qalmışdılar. O görkəmcə Hurliqaya
oxşayırdı, lakin qollarının olması onları çaşdırırdı. Hurliqa evə
qayıdanda Həsən dilləndi:
—
O mənim bacıma oxşayır, ancaq onun qolları var.
Әnvər qışqırdı:
— O mənim arvadıma oxşayır,
Hurliqa geri qayıtdı, onları qonaq çağırıb əri və qardaşı üçün
əməlli süfrə açdı və onlar söhbət etməyə başladılar.
Әvvəlcə Həsən dedi:
—
Xanım, mənim sənə oxşayan bacım var. Mən onu
itirmişəm, indi axtarıram. Sən onu görməmisən ki? O çox
gözəldir, lakin iki qolu yoxdur.
Hurliqa cavab verdi:
—
Yox,
bizim
ölkədə belə qadın olmayıb, mən
görməmişəm.
Әnvər və Həsən qonaqpərvərliyinə görə ona təşəkkür etdilər
və getməyə hazırlaşdılar. Hurliqa:
—Qalın, gecələyin,—dedi,—istədiyiniz yerə gedərsiniz.
Әnvər razı oldu: — Qardaş, gəl bu gecəni gecələyək.
Hurliqa qonaqlar üçün ipək və atlas yorğan-döşək
salınmasını əmr etdi. Onlar yuxuya gedəndə Hurliqa qardaşının
cibinə brilyant və mirvari sırğalar qoydu.
Səhər Həsən və Әnvər hər cür naz-nemətlə dolu süfrədə
səhər yeməyi yeyib vidalaşaraq yola düşdülər.
Onların getməsindən bir az keçəndən sonra Hurliqa iki
xidmətçisini çağırıb dedi:
— O quldurları geri qaytarıb bura gətirin.
Xidmətçilər Həsən və Әnvəri geri qaytardılar:
—
Hurliqa sizi çağırır, — dedilər.
Həsən və Әnvər təəccüb içində geri qayıtdılar. Qəzəblənmiş
Hurliqa onları görüb qışqırdı:
—
Siz vicdansız adamlarsınız, mən sizi qəbul etdim, qonaq
saxladım, siz isə mənim mirvarilərimi və sırğalarımı oğurlamı-
sınız.
Həsən və Әnvər etiraz etdilər və and içdilər ki, onlar heç nə
oğurlamamışdır.
Hurliqa dedi:
—
Andınıza inanmıram, əmr edəcəyəm sizi axtarsınlar.
Әnvərin cibindən heç nə çıxmadı. Həsənin cibindən mirvari
və sırğa çıxdı.
—
Bəs bunlar nədir? Nə üçün deyirdiniz ki, mənim şey-
lərimə əl vurmamısınız? — o qardaşını töhmətlədi.
Həsən and içməyə başladı ki, qiymətli şeyləri o
götürməmişdir və kim isə ona böhtan atmaq üçün qəsdən onları
onun cibinə qoymuşdu. O acı-acı ağladı.
Hurliqanın ona yazığı gəldi, o da ağladı və dedi:
—
Həsən qardaş, mən sənin bacın Hurliqayam. Bax sən
deyirsən ki, sənə böhtan atdılar. Züleyxa öz uşağını öldürəndə də
bıçağı mənim yatağıma atmışdı və günahı üstümə yıxmışdı. Sən
isə mənə inanmadın, qollarımı kəsdirib məni evdən qovdun.
—
Mənim əziz bacım, bu sənsənmi? —Həsən qışqırdı.
— Bəli, bu mənəm. Bu adam isə mənim ərimdir. İki körpə
isə bizim uşaqlarımızdır.
Həsən və Әnvər sevincdən özlərini itirdi.
Tezliklə onlar hamısı Әnvərin vətəninə gəldilər. Padşah çox
sevindi və qırx gün, qırx gecə toy elədi. Böhtançı, cani Züleyxanı
isə edam etdilər.
KİTABIN İÇİNDƏKİLƏR
Qurd və qoca............................................................... 3
Tülkü və qurd ............................................................. 4
Süsənbül ..................................................................... 8
Qurdvəkeçi ................................................................. 14
Qoyun və dişi qurd ..................................................... 15
Ağıllı keçi ................................................................... 16
Kim güclüdür? ............................................................ 20
İlan pəri ....................................................................... 22
Tülkü və ət .................................................................. 24
Acgöz it ...................................................................... 25
Qoca və tülkü .............................................................. 25
Çoban qızı ................................................................... 28
Keçəl Nəsir ................................................................. 35
Molla və nökər ............................................................ 43
Çoban Әli.................................................................... 45
Çolaq leylək ................................................................ 46
İgidə yetmiş sənət bilmək
də azdır .............................................................. 47
Qabil əllər ................................................................... 53
Şah və xidmətçi qız .................................................... 55
Keçəl ........................................................................... 57
Tərs keçilər ................................................................. 60
Xəsis bəylə oğru Әbdürrəhman .................................. 61
İki axmaq .................................................................... 66
Yeddi ağıllı ................................................................. 68
Әyri və doğru .............................................................. 69
«Vur, dəyənəyim!» ..................................................... 72
Ağıl və qızıl ................................................................ 76
Həsən və Hurliqa ........................................................ 79
УЗБЕКСКИЕ
СКАЗКИ
(На азербайджанском языке)
Tərcümə edəni Azad Nәbiyev.
Redaktoru Әnvәr Yusifoğlu. Rəssamı N. Rәhimov.
Bədii redaktoru V. Sarıcalinskaya. Texniki redaktoru L. Abdullayeva.
Korrektoru Ş. Mәmmәdova.
Yığılmağa verilmnş 31/X-1977-ci il. Çapa imzalanmış 14/XII-1977-ci il. Kağız
formatı 60X84
1
/
16
. Kağız № 1. Fiziki ç/v. 5,5. Şgrti ç/v. 5,11. Uçot nəşr. v. 5,04.
Sifariş № 1288. Tiraj 20 000. Qiyməti 20 qəp.
Azərbaycan SSR Nazirlər Sovetinin Dövlət Nəşriyyat, Poliqrafiya və Kitab
Ticarəti İşləri Komitəsi.
«Gənclik» nəşriyyatı, Bakı Hüsü Hacıyev küçəsi,
4.
26 Bakı komissarı adına mətbəə, Bakı. Әli Bayramov küçəsi, 3.
Dostları ilə paylaş: |