—
Leylək ikinci dəfə məni aldatdı. Sabah gedib başqa
hədiyyə istəyəcəyəm.
O ilxıçının yanına gəldi, hər şeyi danışdı və dedi:
—
İndi leyləkdən nə xahiş edim?
Çoban dedi
—
Görünür sənin çoxlu düşmənlərin var. Leyləkdən «Vur
dəyənəyim»i istə. Elə ki, dedin: «Vur dəyənəyim!» qabağında
kim olursa-olsun hamısını döyəcək.
Qoca ləngimədən yoluna davam etdi. O leyləyin evinə girib
dedi:
— Salam olsun!
—
Lək-lək. — Leylək qanadlarını çaldı. — Әgər sənin
salamın olmasaydı, səni bir dəfədə dənləyib udardım. Yenə nə
üçün gəlmisən? Qaynayan küpü aldın, sehirli süfrəni aldın, daha
nə lazımdır?
—
Bax, bu dəfə də sən məni aldatmısan! Sehirli süfrə yerinə
sən mənə başqasını vermisən! İndi sən «Vur dəyənəyim»i mənə
ver.
—
«Vur dəyənəyim»i istəyirsən? Al, o mənə lazım deyil,—
deyə leylək özü döyən dəyənəyi qocaya bağışladı.
Qoca dəyənəyi alıb geri qayıtdı. Az getdi, çox getdi, əvvəllər
dayandığı kəndə gəlib çatdı.
Tanışına:
—
Bu «Vur dəyənəyim»i saxlayın, — dedi. — Mən bir az
dincəlim. Ancaq «Vur, dəyənəyim» deməyin, — deyə xəbərdar-
lıq etdi.
Elə ki, qoca yuxuya getdi, ev sahibi qışqırdı: «Vur, də-
yənəyim!»
Onda «Vur, dəyənəyim» evdə kim var idi, hamısını əziş-
dirməyə başladı. Hamı göz yaşı ilə qocanın üstünə düşüb xahiş
etdilər:—Dəyənəyi saxla! Sənin küpünü və süfrəni biz
dəyişdirmişik. Bizi bağışla, hər şeyini qaytararıq, ancaq bizi
döydürmə.
—
Dayan, dəyənək — qoca qışqırdı və dəyənək dayandı.
Onda ev sahibləri o biri evdən sehirli küpü və süfrəni
gətirdilər və qocaya qaytardılar. Qoca yola düşdü. O az getdi, üz
getdi, dərə-təpə düz getdi, çöllərdən keçdi, dağlardan aşdı,
çaylardan, göllərdən keçib yeddi gün, yeddi gecə yol getdi,
nəhayət gəlib evinə çatdı.
O küpü qoyub qışqırdı:
—
Qayna, mənim küpüm!
Küp qaynadı, ondan ətrafa ovuc-ovuc qızıl səpələnməyə
başladı. Qoca qarısı ilə birlikdə onları yığıb çatdıra bilmirdilər.
Sonra qoca qışqırdı:
—
Açıl süfrəm!
Süfrə açıldı, onun üstünə yetmiş cür yemək düzüldü.
ömürlərində bir dəfə də olsun qoca və qarı belə yeməklər
görməmişdi. Onlar nə istəyirdilər, yedilər, içdilər.
Həmin ölkənin xanı biləndə ki, qoca ovçu haradansa sehirli
küp və belə bir süfrə tapıb, vəzirini onları qəsb etməyə göndərdi.
—
Küpü və süfrəni ver—deyə vəzir əmr etdi.
Qoca qışqırdı:
—
Vur dəyənəyim!
Dəyənək vəziri elə əzişdirdi ki, o gicələnə-gicələnə çıxıb
getdi.
Xan onda yeddi minlik ordu düzəltdi və səhər tezdən ordunu
qocanın evi qarşısında sıraya düzdü.
Xan qışqırdı:
—
Hə, qoca, əgər yenə bədənində güc varsa döyüşə çıx!
Qoca qapını açdı, daha bərkdən qışqırdı:
«Vur, dəyənəyim!»
Dəyənək xanın döyüşçülərini elə əzişdirdi ki, onlar da şil-küt
olub qaldılar.
Axırda dəyənək xana çatdı və onu döyməyə başladı.
Xan yalvardı:
—
Qoca, kötəyini saxla! Məni ölümdən xilas et!
Qoca isə evinin qapısı ağzında dayanıb gülüb dedi:
—
Bir daha yoxsulların malına göz dikmə!
AĞIL VƏ QIZIL
Qədim Buxarada çox yoxsul bir adam yaşayırdı. O küçələri
gəzər və su satardı. Camaat onu Məşkab, yəni su paylayan
çağırardı.
Bir dəfə Məşkab həmişə olduğu kimi dar, tozlu küçə ilə
gedib qışqırırdı: «Su satıram, sərin su! Kimə sərin su lazımdır?»
Görür ki, üst-başı toza batmış bir qərib ona tərəf gəlir.
—
Bax sudur, al su iç—Məşkab qışqırdı.—yanğını söndür.
—
Mən dünyada çox dərbədər dolanmışam. Mənim bütün
həyatım sərgərdan keçib. Susuzluqdan yanıram, amma indi su
almağa bir qəpiyim də yoxdur.
Dilənçiyə Məşkabın yazığı gəldi, ona su verdi və hətta
gecələməyə onu evinə dəvət etdi.
Yolçu Məşkaba dedi:
—
Sən xeyirxah adamsan. Sənin mənə yazığın gəldi. Sənin
qonaqsevərliyinə görə hər cür dərmanın hazırlanma sirrini sənə
öyrədəcəyəm. Nə cür xəstəliyə tutulan olsa bu dərmanı içən kimi
sağalacaq. Dərmanı necə düzəltməyi yaddan çıxartmayasan deyə
sənə dərman kitabı da verirəm. Burada necə yazılmışdırsa elə də
elə, ancaq yadda saxla ki, özün kimi kasıblardan müalicə haqqı
alma.
Məşkab dərman nüsxələri kitabını aldı, qərib qonağına baş
əyib soruşdu:
—
Deyin görüm adınız nədir?
—
Mənim adım Әbu Әli ibn-Sinadır.
Məşkab istədi ki, qəribə minnətdarlıq etsin, birdən yanında
heç kimi görmədi. Yalnız həyət qapısı açılıb çırpıldı və hər yerə
sakitlik çökdü.
Məşkab dərman kitabında necə yazılmışdısa elə də dərman
düzəldib xəstələri müalicəyə başladı. O yoxsullardan pul almazdı,
ancaq varlı və tanınmış adamlardan pul tələb edərdi.
Qərib ölkədən gəlmiş Әbu Әli ibn-Sinanın dediyi kimi
xoşbəxtlik tək Məşkabın evinə yox, bütün Buxara camaatının
evlərinə yol açdı. Camaat Məşkabı sevməyə başladı.
«Bizim ağıllı həkimimiz» — deyə hamı onun barəsində
hörmətlə danışırdı.
Məşkab yaxşı yaşayırdı. özünə ev tikdirdi, ailə qurdu, hər
gün bildirçin plov yeməyə başladı.
Dostları ilə paylaş: |