197
demişdir. Ona görə, Əyaləti-Vilayəti Əncümənlərin yaranmasıyla
geyri fars etniklərin öz doğma yurdlarında rahat və özgür
yaşaması saxlanacaqdır. Habelə “Vilayəte Mütləqeye Fəqih” isə
insanların iradəsini sıfırlamaqla, başda oturan diktarorun gücünü
Tanrı qədər edəcəkdir. Ağanın son zamanlarda olan kəskin
çıxışlarını durdurmaq üçün Xomeyni və başqa böyük ayətullahlar
onun evinə getməsi də işə yaramamışdı. Ağa, iç və dış mediyada
hər zamandan artıq Azərbaycan və Kürdistan muxtariyyatını
müdafiə edərək, Xomeyni rejimini ağır durumda qoyurdu.
Tehran mediyası isə hər gün Ağa Şəriyyətmədarıya qarşı ağır
itihamlar işlədərək, Azərbaycanın dözümünü zorlayırdılar. Bu
xəbərləri hər kəs kimi, arxadaşlarla mən da izləyirdik. Artıq,
bizim də yönümüz bəlli olmuşdu! Xalq Müsəlman Partiyasının
bütün əksiklərə rəğmən, üzərində inadla durduğu yeri parlament,
yerəl şuraların istənilməsi biz tərəfdən də bəyinilmişdi. Mən,
Rubab xanım və ağa Sərdar, Müstəqil Firqəçilər adına Xalq
Müsəlman Partiyasının Təbriz mərkəzinə gedərək, Azərbaycan
Demokrat Firqəsi orqanı adına yayılan “Azərbaycan” qəzetinin
Şəriətmədari və Xalq Müsəlman Parityası ünvanına yaydığı
düşməncə ifadələrini qınamışdıq. Üstəlik, Azərbaycanın özərk
198
olmasının yolunda onların yanında olduğumuzu bəlli etmişdik.
Bu günə qədər gördüyüm ən böyük mitinq Namaz Meydanında
düzənlənmişdi. Mitinqin bir ucu Bazar Ağızı, o biri ucu isə
Əngəci Məscidinə qədər uzanmış, bir milyondan artıq insanın
toplandığı təxmin edilirdi! İlk öncə danışıqlar arasında “Allahu
əkbər” və salavat səslənsə də, sonradan çəpik çalma və ya
“düzdü-düzdü” sözləri onların yerini aldı! Aşırı həyəcan içində
istəklər oxunur, millət isə səs birliyilə “düzdü-düzdü” sözü ilə
təsdiqləyirdi. Sevinc yaşından gözlərim dol-boş olurdu! Əlimdəki
yaylığım cim-cilaq su olmuşdu! İndi ağlamayım, bəs nə zaman
ağlayım! Bütün düşmənçiliklərə, ideoloji əsarətlərə qarşı ulusum
bir daha ayaqdaydı! Azərbaycanın ürəyi Təbrizdə atırdı!
Ayaqdayık deyə, Təbrizimin yumruğu Tehrana qarşı qalxmışdı!
“Ey Göktanrım! Bu düşmənlik nə zamana qədər davam edəcək!
Nə zaman Tehran mafiyasının qorxunc əli mənim ana vətənimdən
çəkiləcək! Ey Göktanrım! Nə zaman ulusumun özgürlük diləyi
bağımsız Azərbaycanın cümhur departamentinin baş bayrağına
çevriləcək! Bu millətin çiləsi nə zaman bitəcəkdir! Ey
Göktanrım!”
Və sonunda Qumdan yayılan bir xəbər Azərbaycanı ayağa
199
qaldırdı. Təbrizdə bu xəbər bomba kimi partladı:
“Ağanın evinə Xomeyniçilər tərəfindən yürüş edilib! Ölənlər və
yaralı olanlar var! Damda qoruculuq edən, üç övlad atası 28
yaşlı bir təbrizli ilməkçi gənc qurşuna tuş gələrək, şəhid olub”!
Güclü silahlı atışmadan sonra düşmən geri çəkilməyə məcbur
olub! Ağanın durumu normaldır. Ancaq, hər an yeni hücüm ola
bilər. Ağa Təbrizə gəlməyi düşünmür. Ağanın Qumdakı evi
qoşatılmaqdadır! Xomeyni Ağa Şəriyyətmədarının ölüm hökmunu
imzalayıb!”
Bu olaydan dərhal sonra mən, Rubab xanım və ağa Sərdar
Hökmavar məhəlləsində yerləşən Ayətullah Hökm Abadının
evinə yollandıq. Təbrizə yayılan bütün birinci xəbərlər bu
mərkəzdə toplanırdı. Bir də, hədəfimiz ilk kəz olaraq Ağanın
Azərbaycanda olan ən yaxın təmsilçisilə görüşməyimiz idi.
Hökmavaya gedən yollar tıkım-tıkım idi! Təbrizin vağzal
yolunda olan trafikinin açılması gözlənilmirdi. Rubab xanımın
məsləhətilə Sərdar bəy maşının yönünü Qonqa Başından Küçə
Bağa, oradan isə Çeşmə Başına dəyişdirərək Axuni yolunu tutdu!
Qarağac Axunı yolunda bütün maşınlar dayanmışdı. Bəlli olan
Hökmavara qədər maşın park etmişdi. Biz də, başqaları kimi
orada park edib ayaqda yürüməyə məcbur qaldıq. Millət
200
Hökmavara tərəf yürüyürdü! Millətimin içində olduğum üçün
sevincimin həddi-hüdudu yox idi! O anda dünyanın ən gözəl
duyğuları içində üzürdüm! Dünyanın heç bir canavarı artıq bu
milləti yıxa bilməz! Millətimin birliyi varkən, nəinki İran adlanan
yerin farsçı rasizmi, hətta dünyanın ən “vəhşi ayısı” olan rus belə,
onu yenə bilməz! Yol boyu, mənə vurulan rus casusu damqasını
düşünürdüm! Öz-özümə düşünürdüm ki: “Bir Azərbaycan türkü
nə qədər rəzil, alçaq və manqurd olmalıdır ki, bu gözəl ulusuna
deyil, rus “ayısı”na qulluq etsin!?”. Və nə qədər xoşbəxtəm ki, bu
coşub-daşan millətimin bir kiçik parçasıyam! Nə qədər
xoşbəxtəm ki, bu ulusun yolunda ailəmin qanını qurban
vermişəm! O qanlar millətimə halal olsun! Keşkə, mənim də
xalqımın bir Atatürkü olsaydı! Keşkə, bu ulusun da uğrunda
bayraq olan öncüllərimiz olsaydı!
Artıq yol getməyə imkan yox idi! On minlərlə ziyarətci
Hökmavar məhəlləsinin geniş həndəvərini doldurmuşdu. Sinirli
kütlə üsyan üçün bir bəhanə axtarırdı. Təkcə Təbrizdən deyil,
Azərbaycanın çeşidli yerlərindən gələn toplum qatmanları
əllərində təmsil etdiyi yer və sinif plakatları ilə mitinqə
qatılırdılar. Ordunun çoxlu əskəri və zabiti də mitinqin içinə
sızmışdırlar! Böyük Ayətullah Şəriətmədarinın şəkilləri əldən-ələ
Dostları ilə paylaş: |