Üç aylıq ədəbiyyat dərgisi
167
Dabbaqçıların başında gələn İdris
bədheybət birisiydi. Cod saqqallı üzünü
əlindəki dəhrənin burnuyla qaşıyan bu
adam dar bir küçədə qəfil qarşına çıxsa,
zəhrin yarılardı – gözlərinin ağı qanın
içindəydi, tüklü qulaqları hərəsi bir əl
boydaydı, yumruq yekəlikdə hülqumu da
boğazından aşağı-yuxarı dartınır, sanki
yerindən çıxmaq istəyirdi - dəhrəni Mayıl
kişiyə sarı tuşlayıb hirslə bağırdı:
-Mən bırda at səyirdəndə, sən
Bakidə,
Daşkənddə
pambığ
alveri
eliyirdin,Əmənov! İndi pulun çoxdu deyə,
mənim
balalarımı
doğma
yerinnən
çıxardeyissən?! Gözüu aç, maa yaxşı-yaxşı
bax, bı dəhriynən sənin köküu qazıyaram...
Bir də mən köklü-köməcli əfşarrıyam!
Zəmini yaxşı qoru, mal-davar düşməsin.
Nağayrım, hörüklüyüm atı? Ya inəyi qıçıma
bağleyim?
Qoruğ deyirsən ağzında...
Qoruğuu yaxşı qoru, mənim arığım-
turuğum ora düşməsin... Biədəb bir söz var:
açıq dəliyə it ayağı düşər.
İdrisin rəngi-ruhu, bədheybətliyi
bir yana, bu adamdan başgicəllədən bir
qoxu yayılırdı. Əmənov uzun boylu,
ağappaq əlləri olan, ağsifət bir kişiydi və ən
zəhləsi gedən şey pis qoxu idi. Ona görə
İdrisdən gələn dəri, köşə qoxusu onu elə
vurmuşdu ki, dinməzcə qayıdıb evinə
getmişdi... Hələ onun o bağıra-bağıra
danışmağı...
İndi bude, təzə pox qaynadıblar -
dabbaqxana açıblar. İyisindən baş çatlayır.
Kondinseneri də qoşurlar ki, evə dolmuş
qoxunu təmizləsin, o da çöldəki qoxunu da
vurur salır içəri. Adamın ödü ağzına gəlir...
***
“Yatsaydım yuxuma girməzdi ki,
gəlib haçansa bir ucqar əyalətdə, toz-
torpağa batmış, ölüsüylə dirisi bilinməyən
bir kənddə yurd salaram. Allah bu kəndin
ağsaqqallarınnan olmuş Mirzə Məmmədə
rəhmət eləsin. Oğlum Əşrəfin fəlsəfə
müəllimi, həmin o Mirzə Məmmədin
nəticəsi Nazim Niyaz - əslində, burdan
torpaq almaq, bura köçmək fikrinə onun
məsləhətindən
sonra
düşmüşdük
–
qonağımız olanda həmişə kəndlərinnən
danışar, buranın axar-baxarını tərifləyərdi.
Axar-baxarı qəti yoxdu, bu heç. Burası
cəhənnəmə, kəndin qəribəlikləri adamı dəli
eliyir. Amma adamların mütiliyi, sakit,
səssiz olmağı, pıçhapıçla danışmağı canıma
yağ kimi yayılır. Vallah, məni bu illər
ərzində burda saxlayan da adamların bu
keyfiyyətidir... Yoxsa o dabbağ İdris
kimi... Mən az kitab oxusam da, çox şey
bilirdim. Bakıdakı təzə filmlərin, teatr və
opera
tamaşalarının,
hətta
baletlərin
premyeralarının birini belə buraxmazdım.
Əslində, heç əvvəllər öz xoşumla getmirdim
- bu bir qayda idi. Partiya tapşırığı kimi.
Respublikanın başçısı hamımıza tapşırmışdı
ki, bu kimi kütləvi tədbirləri buraxmayaq.
Sonra isə özümüz bir növ adətkərdə olduq.
Heç yadımdan çıxmaz. Daşkənddəyəm.
ÇK-dakı dostum dedi, bəs bu gün Daşkənd
Opera-Balet teatrında sənin həmyerlin Arif
Məlikovun “Məhəbbət əfsanəsi” oynanılır.
Ondan xahiş etdim ki, mütləq mənə bilet
tapsın. Sağ olsun. Qonaqlar üçün lojada yer
düzəltdi mənə. İri bir gül buketi
hazırlatdırıb getdim. Tamaşa bitəndə
buketin
üstündə
“Eloğluma
Azərbaycandan” sözləri yazılmış lenti də
çevirib səhnəyə qalxdım, buketi tamaşada
iştirak edən Arif müəllimin ayaqları altına
qoydum. Bir görəydiniz kişi məni necə
bağrına basıb ağlayırdı! O şəkil bizim
qonaq otağının zalında var – böyütdürüb
çərçivəyə saldırmışam... Hə. Mənə hələ də
təəccüblü gəlir ki, on beş ildən yuxarı vaxtı
bu ölü məkanda necə keçirə bilmişəm?..
Mən mədəni surətdə, özüm özümü sürgünə
göndərmişəm... Bir vaxtlar babam da belə
yol keçmişdi... Düzdür, onu məcbur
eləmişdilər...
Mənimki
də
bir növ
məcburiyyətdəndir...
Yəni...
Qarışıq
məsələdir. Mən, rəqiblərimi qabaqlamışam,
əslində. Yəni onların mənə edə biləcəyini
özüm özümə etdim... Mən bura yaşamağa
gəlmədim ki. Nə yaşamaq canım?! Belə
yaşamaqmı olar?Buna həm ziyarət, həm
ticarət deyərlər. Burda yurd salmağım sovet
vaxtı, elə indi də bizimkilərin Rusetə
168
№ 2 (14) Yay 2015
sezona getməsi kimi bir şeydir... Alınsa,
alınacaq, alınmasa, dabanıma tüpürüb
qaçacaqdım... Amma alındı... Neçə illərdir
ki, burdayam. Beş manatım vardısa, beş
min manat eləmişəm. Üstəlik, burda yurd-
yuva qurduq, ağla gəlməyən imperiya
yaratdıq... Kişi də bəyənir işimizi. Bircə bu
it südü əmən Şərifi yola gətirə bilsəydim?..
Əşrəf üzümə ağ olsa da, bəyənirəm onun
taktikasını. Ağırdır. Sanballıdır. Ailəsinə,
iş-gücünə
sədaqətlidir,
namusludur...
Düzdür, kapitalistin namuslu olması bir az
absurd görünər, amma bütün insanlarda
namus anlayışı var, olmalıdır da. Əslində,
mən bu namus deyilən məsələni dəfələrlə
taptalamışam, hətta anamı da, Humayı da
bu işlərimə bulaşdırmışam, amma hamısı
qazandığım statusu, pulu, var-dövləti
qorumaq naminə olub. Ehhh, Əmənov,
Əmənov! Yadındamı, bir adama bir zərf
vermək lazım idi. Onda Baş prokurorla ölkə
başçısı arasında güclü mübarizə gedirdi. Bu
əsnada mən o zərfi respublikadan kənara
çıxartmalıydım. Onu təyyarəyə minəsi
adama kim çatdıra bilərdi? Humay beş ay
idi Əşrəfi dünyaya gətirmişdi. Qucağı
uşaqlı idi. Çox araşdırdıqdan sonra dostlarla
belə qərara gəldik ki, Humay Əşrəfin uşaq
arabasında aparsın zərfi. Əşrəf kolyaskada
yatıb, altında da zərf.
(Düşünmüşdük ki,
əgər prokurorluq işçiləri duyuq düşüb
Humaya nəsə etsələr, bir qrup silahlı adam
onlara hücum edəcək, araya qarışıqlıq
düşəcək, Humayı da, zərfi də aradan
çıxardacaq.)Çox
həyəcanla
uzaqdan
oturduğum maşında binoklla müşahidə
etdiyim
bu
olay,
allahdan
diqqət
çəkməmişdi. Hər şey uğurla başa çatmışdı.
Amma Humayım o hadisədən sonra şəkər
xəstəliyinə düçar oldu. Neçə illərdir ki,
şəkərin ən yüksək dozasından müalicə
alırdı...
Hə,
dostlarla düşünmüşdük ki, mən
bura
elə
də
böyük məbləğdə pul
qoymayacağam. Sadəcə bir əlli-altmış min
dollarlıq vəsaitlə girəcəm bu kənd-kəsək
oyununa. (
Deyim ki, onda bu, böyük pul
sayılırdı.)Alındı,
qalıram,
artırıram.
Alınmadı, aradan cırıram. Hiss olunmadan.
Səs-küysüz.
Elə
dədələrimiz
də
belə
etməmişdimi?
Qan bahasına aldıqları
torpaqları bir qadının eşqilə, bir atın
həvəsilə tərk etməmişdilərmi? Babam
danışırmış ki, (ona da babası danışıbmış)
baharlı tayfalarından olan Eminalı adlı tayfa
başçısı (sonralar bu tayfanın götürdüyü
Əmənov soyadı o kişinin adından
alınmışdı) tayfasıyla İraqdan Anadoluya,
ordan da Arazbara gəlib çıxıb. Hər səfərdə
də qan töküb, yurd alıb, at ilxılarına, mal
naxırlarına, davar sürülərinə biçənək
qazanıb, otlaq alıb, gözü tutan qız-qadın
görəndə onların eşqilə yenə qılınc çalıb, baş
kəsib, tutduğu torpaqları da qan ucundan
verib, təzədən yerini dəyişib. Axırı gəlib
Zəngəzurun Baharlı çayı deyilən bölgəsinə
çıxıblar. Yüz illər boyu bu torpaqlarda
yaşadılar. Yeddi para kənd saldılar,
düşmənləri ilə cəng elədilər, qan tökdülər,
oralarda möhkəmləndilər. Amma axırı nə
oldu? Bir balaca erməni qısqısı olan kimi
1993-cü ilin sonlarında babalarımız kimi
bizimkilər də neçə yüz illik tarixi olan
yurdlarını qoyub aradan çıxdılar...
Amma hələ ki, mən buralarda bərk
dayanmışam. Allah axırından saxlasın...”
***
Bərdə bazarına getmişdi oğluyla.
Qayıdan baş yolun kənarındakı şitil satılan
yerdə saxlatdırdı maşını. Hərəsindən on
ədəd olmaqla alma, armud, heyva, şaftalı,
hülü, zoğal, əzgil, xırnik, karalyok və qeyri
şitillərdən alıb maşının arxasına yığdırdı.
Onda Şərif hələ cavan uşaq idi, ali
məktəbdə oxuyurdu. Kişinin bu şitil alma
mərasiminə təəccüblə baxır, gülməkdən
özünü saxlaya bilmirdi. “Bu kişinin kefi
durub vallah! Əşşi, sənin şitil əkən
vaxtındır? Arvadını da götür, get xaricə,
gəz, kef elə özünçün... Yoox, cənab
Əmənov gərək bağ sala!? Vallah, mənnən
olsa, bu şoran torpağa ayaq da qoymaram...
Bu kişinin işlərinnən baş açmaq olur ki?”