Ulduz Yanvar 2016 Layout 1
Yüklə 0,9 Mb. Pdf görüntüsü
|
- Bu səhifədəki naviqasiya:
- QAR DӘNӘLӘRİ
- QAR AĞLAYASAN
- ULDUZ
- ӘN GÖZӘL GÜNAH
- Aylıq ədəbiyyat dərgisi
QAR DӘNӘLӘRİ Bu qar dənələri tanışdı mənə, Elə bil evimin içinə yağıb. Hardasa bir şəhid məzarı üstə, Hardasa bir qızın saçına yağıb. Bu qar dənələri tanışdı mənə Sözün dodaqlardan küsdüyü qədər, Dilənən uşağın dayanacaqda Açılmış əlinin əsdiyi qədər. Bu qar dənələri tanışdı mənə, Göylərin günahın gətirib, anam! Gör neçə sevgiyə şahidlik edib, Gör neçə sevgini bitirib, anam! Bu qar dənələri tanışdı mənə, Deyəsən, ruhumun sirdaşı olub, Bəlkə də, kiminsə günah payıdır, Bəlkə də, kiminsə göz yaşı olub. Bu qar dənələri tanışdı mənə, Buludlar göndərib, zəfər gətirib. Birin də qoymaram yerə düşməyə, Deyəsən, Allahdan xəbər gətirib.
Deyirəm, sel olub axasan bir az, Sonra bulud olub qar ağlayasan. Bir kitab yazasan qar dənəsindən, Bir ömür geriyə varaqlayasan. Bütün gecələri qalıb özündə, Gündüzlər özündən qopasan, Allah. İtirib özünü bir qız gözündə, Bir körpə gözündə tapasan, Allah. Bir səhər dönəsən külək olasan, Ağacdan yarpağı ayıra bilən. Ya da ki, bir parça çörək olasan Bir yetim qarnını doyura bilən.
Yolumda üşüyən iki gül bitib, Sevgini üstünə sərəsən, Allah. Bu gülün hansına könül verəsən? Bu gülün hansını dərəsən, Allah? Bu güllər yollara qarışa sənlə, Hər addım od tuta, alışa sənlə, Dil aça, bu güllər danışa sənlə, Çıxardıb qəlbini verəsən, Allah. Bu güllər danışır sevgi dilində, Axı nə gəzirlər bu qış fəslində? Qəfil ayılasan, birin əlində, Birin qollarında görəsən, Allah! 50
Yanvar 2016
NİGARNAMӘ “Nigar”, “Nigar” deyə nigaran olma, Nigarlı dağların vüqarlı deyil, Bütün Nigarların Koroğlusu var, Bütün Koroğlular Nigarlı deyil. O qədər Nigara kül olmuşam ki, Sözüm var, əlim var, hərarətim yox. Bəlkə, min Nigarlıq öpüşüm də var, Amma bir Nigarlıq cəsarətim yox. Dünyada nə qədər Nigar vardısa, Elə həmin qədər mələk var, adam. Bütün Nigarları sevə bilərdim, Məndə bir Nigarlıq ürək var, adam...
Bu qızın saçların sığallayasan, Qoluna dolayıb, açasan elə... Bu qızı bir axşam oğurlayasan, Sakit bir meşəyə qaçasan elə... Bütün dərdlərini atıb gedəsən, Dünyadan xəbərsiz olasan, allah. Dayanıb bir qoca ağac altında, Sarılıb boynuna qalasan, allah. Bu qızın dizində oyandığın an Ömrünün ən şirin sabahı ola, Bu qızla bir gecə yaşadıqların, Dünyanın ən gözəl günahı ola.
İstər zövqlərin müxtəlifliyi əsərlərin mövzusunu təyin etsin, istərsə də əsərlərin mövzu rəngarəngliyi zövqləri formalaşdırsın, hər iki halda ədəbiyyat mövzu baxımından çox geniş bir sahədir. Bu sahədə xüsusi yeri olan detektiv ədəbiyyatı isə qalmaqallı və müzakirəli olması ilə fərqlənir. Digər mövzulu əsərlərdən fərqli olaraq detektiv əsər daha çox diqqət tələb edir. Çünki burada struktur elə qurulmalıdır ki, yazıçı əsərdə günahkarın adını bildirməyənə qədər heç bir oxucu bunu özü tapa bilməsin. Həmin vaxt mükəmməl detektiv əsər ortaya çıxır. Dünya ədəbiyyatında detektiv janrının məşhur nümayəndələrindən Edqar Allan Po, Umberto Eko və digərlərinin adını çəkmək olar. Onlardan biri də əsrarəngiz əsərlərilə diqqət cəlb edən Aqata Kristidir. Әsərləri dünyanın 103 dilinə tərcümə edilən, yüksək tirajlarla çap olunan Aqata Kristinin yaradıcılığı Azərbaycan oxucusu üçün də maraq doğurur. Onun bu yaradıcılığında isə “On zənci balası” xüsusi yer tutur. Təbii ki, ədəbiyyatın məqsədi sözlər va ‐ sitəsilə oxucuya müəyyən fikri ötürə bilməkdir. “On zənci balası”nda ötürülən fikir isə oxucunun cinayətlərin axtarışında olmasından əlavə, bu‐ radan müəyyən nəticə çıxarılmasıdır. Әsərin süjeti ilə tanışlıqdan sonra bu haqda daha dəqiq məlumat vermək olar. Maraqlı və bir o qədər də gizli biri tərəfindən adaya dəvət olunan on nəfər ‐ “hakim Uorqreyv”, Vera Kleytorn, Filipp Lombard, miss Brent, general Makartur, doktor Armstronq, Antoni Morston, mister Blor, Tomas və Etel Rocers qəribə şəkildə qətlə yetirilir. Qatil, fantaziyaları baxımından fərqli biridir. Zəncilər adasına yığdığı on nəfərin hər biri müəyyən illərdə cinayətlər törətmiş, lakin bu cinayətləri ya üstüörtülü, ya da müəyyən təsir vasitəsilə həyata keçirən insanlardır. On nəfərə göndərdiyi məktubda öz adını Alek Normann Onim, yəni “A.N.Onim” deyə təqdim edən qatil öz fantaziyasına görə məhkəmə qurur və cəzasız qalmış cinayətkarları cəzalandırır. Elə ağlagəlməz olan da budur. Anonim qatil elə qonaqların arasındadır. Qonaqlar sırasında adını dırnaqla qeyd etdiyimiz hüquq insanı, hakim Uorqreyvin özünəməxsus cinayət təsəvvürləri var. Yazıçı qatilin kim olduğunu ən sonda, Uorqreyvin məktubu nəticəsində bildirir. Uşaqlıqdan bəri cürbəcür qətl planları fikirləşən hakim ömrünün son illərini şedevrlə başa vurmaq istəyir və bu formada bir qətl hazırlayır. Әlbəttə ki, onun qatil olduğu heç kimin ağlına gəlmir, çünki özü də “qətl”ə yetirilənlər arasında olur. Uorqreyv qonaqlardan birini aldadaraq əsl qatili tapmaq üçün bir oyun oynayacağını, yalandan ölü kimi görsənəcəyini deyir. Hakimin də öldüyünü görənlər onu şübhəlilər sırasından çıxarır. Daha sonra hakim razılaşmaya gəldiyi digər “qonaq”ı da öldürür və yenə qətllərinə davam edir. Bəs bu hesabla onuncu “qonaq” kimdir? Fantaziyalı, 52
Yanvar 2016 Nurlan SӘLİM DEBÜT Yüklə 0,9 Mb. Dostları ilə paylaş:
|