MӘNİM OLMADIĞIM YERDӘ…
Şirəsi adamı «udur»,
Әcəlmi pətəyin? Götür!
Kölgəni geri vermişəm,
Al, bu da ətəyin, götür.
Gecənin qaralığı çox,
Dua ismarlamaq çətin.
Bədənə əl sürtmək olur,
Ruhu mismarlamaq çətin.
Söz alıb dəhşət satırsan,
De görüm, bazarın var, qız?
Mənim olmadığım yerdə
Sənin nə azarın var, qız?
* * *
Kölgəm ‐ dünya savaşına ac adam...
Sevdam ‐ zirzəmi pilləkəni kimi uçuq.
Ruhum da, yuvasına həsrət alabaxta kimi
səksəkədə.
Allahım, neynim?!
İndi kimsə yoxsul baxışlara könül qapılarını
açmır.
İndi qurbağalar oxuyur elçi daşlarının
üstündə.
İndi... Sən sənsən. Mən mən deyiləm...
Nə deyirsən, Səni aldadan qızın solğun
baxışlarını
Büküm bir parça ağ kağıza, atım
ayda bir kərə açılan poçt qutusuna?!
...Ah, nə ola, onun da ahı tuta,
Mənə ürək açalar, qapı açmayalar.
Hamının yadından çıxa,
Qonşudakı kor qızın könül əvəzi
barmağıma bağladığı sapı açmayalar...
“ÖMÜR BİTİR, YOL BİTMİR”
Sevgi şəhid qanıdır…
Ruhu kimsə tanıdır...
Әcəl ölüm anıdır,
“Ömür bitir, yol bitmir”.
Mənim qibləm Kəbədi,
Kəbəm ‐ sevgi məbədi...
Tək Allahdı əbədi,
“Ömür bitir, yol bitmir”.
Can verdim bir çaxışla,
Fırça götür, naxışla …
Qəlb ürkütmə baxışla,
“Ömür bitir, yol bitmir”.
Mənim andım pir andı.
Yaşamaq da bir andı…
Lal istəklər virandı,
“Ömür bitir, yol bitmir”.
Məna yoxdur mənada...
Tale qayıq, mən ada.
Çox güvənmə sən ada,
“Ömür bitir, yol bitmir”.
Ömür nədi ‐ sürəyim...
Qançır olub kürəyim.
Havalanma, ürəyim,
“Ömür bitir, yol bitmir”.
Aylıq ədəbiyyat dərgisi
... Bir‐birini sürətlə qovan adi günlərdə
hadisələr, məqamlar bəzən o qədər üst‐üstə
düşür ki! Bilmirsən, buna nə ad qoyasan: vaxtın
nizamı, yoxsa zamanın tapmacası... Hər nədirsə,
o, başımız bu düzümü, yozumu çözməyə
qarışanda sivişib aradan çıxır və bizi gerçəkliklə
baş‐başa buraxır...
“Bir ömür böyle geçti” – bu, çoxdan var
olan, amma mənim tam təsadüfən kəşf etdiyim
yeni dünyaydı. Səlis bir qadın təfəkküründən
süzülən və mayası duyğuyla, səmimiyyətlə
yoğrulan bir dünya! Sətirlərin, cümlələrin
arasından bir doğmamız bizə boylanır, acılı‐
şirinli, eyni zamanda tarixi xatirələrini danışırdı...
Әslən şuşalı, azərbaycanlı olan Sürəyya
Ağaoğlunun illərin o üzündən səsləndirdiyi
möhtəşəm nidası qürur doğururdu: “Ben hukuk
fakültesi mezunu ilk türk kızıyım!”. Bu,
Azərbaycanda, Şərqdə, daha doğrusu, bütün
dünyada qadın hüquqlarının böyük müdafiəçisi
olan ilk ziyalılarımızdan biri – Әhməd bəy
Ağaoğlunun hünərli, cəsarətli qızı Sürəyya
xanımdır! “Fransızca fransızlardan yaxşı danışır
” – dövründə belə tanınan Әhməd bəyin təbiətən
tərs adam olduğu haqqında çox oxumuşuq.
Amma qızı atasından da inadkarmış: “Öğle
yemeyində peynir ekmekle ne qedere kimi
karın doyuracağız” deyir və ayrı‐seçkiliyə
üsyan edir! Sürəyya Ağaoğlu çoxmilyonluq
Türkiyədə daha bir ilkə imza atır: nahar
fasiləsində restoranda əyləşib yeməyini yeyir...
“Herkes hayret içinde idi: iki genç kız tek
başlarına lakantada yemek yiyordu”.
Әtrafdakıların o qızların hünərinə necə heyrətlə
tamaşa eləməsi günü bu gün – XXI əsrdə dönüb
geriyə baxanda o qədər aydın görünür ki...
Etiraf etmək ağırdır, amma neyləyək, həqiqət
belədir: bu dünyada qaydaların, qadağaların
çoxu məhz qadınlar üçün doğulub! Qərbli,
şərqli, afrikalı, amerikalı... qadınlar ilk növbədə
özləriylə, sonra boyunlarına biçilmiş nimdaş
taleləriylə mübarizə aparıblar və bügünümüzə
sözün əsl mənasında odlu‐alovlu yollardan
keçərək gəlib çatıblar. Nə xoş ki, bizim Azər ‐
baycan qadınları da bu mübarizənin ən ön
sıralarında yer alıblar, zəmanənin, mənsub
olduqları coğrafi ərazinin, yerli mühitin ağır
basqılarına sinə gərərək hələ ötən əsrin ilk
onilliklərində seçmək və seçilmək haqqını,
hüququnu qazanıblar. Bu cümlə, bəlkə də, bir
az pafoslu alındı – qoy olsun! Xüsusən də indi
– ilin‐ günün bu vaxtında, XXI əsrdə oxuyanda
ki, dünyanın kifayət qədər məşhur bir ölkəsi
olan Səudiyyə Әrəbistanında qadınlar ilk dəfə
yerli hakimiyyətə keçirilən seçkilərdə iştirak
üçün kampaniyaya qoşulublar. Seçkilər yenicə
yola saldığımız ilin dekabrında keçirildi və...
ölkə tarixində ilk dəfə olaraq qadınlar seçkilərdə
səs verə bildilər... Bu boyda Yer kürəsini uşaq
topu kimi balacalaşdırıb sənin ovcuna yerləşdirə
bilən dünyanın indiki vaxtında belə bir xəbəri
oxuyursan və... Araya düşən sükutu Rəsul Rza ‐
nın məşhur misrası pozur: od nə çəkdi, küldən
soruş!.. Bu gen dünyada başımız ta nə çəkmədi
ki – tarix bir anlıq yuxu kimi yaddaşında
təzələnir və o zaman qürur duyursan, öyünür ‐
sən: zamanın gərdişini dəyişə bilən Azərbaycan
qızları, qadınlarıyla, eyni zamanda maarifçi
ziyalılarla, yeni fikir sahibləriylə...
56
ULDUZ /
Yanvar 2016
Laura CӘBRAYILLI
RESENZİYA
“Ömür bitər, yol bitməz...” ‐ belə bir
ovqatdaykən qapımı döyən kitabın adı
diksindirir məni. İndi gəl, bu dünyada hər
təsadüfün bir zərurət olduğuna inanma... Kitab
milli mətbuatımızın 140 illiyinə həsr olunub.
Müəllifi Zemfira Məhərrəmlidir – ömrünün 40
ilindən çoxunu yazıya bağlayan, sözün təəs ‐
sübünü çəkən bir xanım. Jurnalistikamıza, pub ‐
lisistikamıza, ədəbiyyatımıza yaxşı tanış olan
bu imzanı hər dəfə eşidəndə tələbəliyim yadıma
düşür. O vaxt biz – yazı‐pozuya can atan,
redak siyalara, qəzetçiliyə üz tutmağa hazırlaşan
qızlar jurnalist xanımların həyat yoluyla maraq ‐
lanır, onların necə, hansı şəraitdə çalış masıyla
bağlı bir növ araşdırma aparırdıq. Belə qadınlar
o zaman barmaqla sayılırdı və bizim tapdığımız,
haqqında, necə deyərlər, məlumat topladığımız
qadınların sayı elə də çox deyildi. O zaman bi ‐
zim gözümüzə əsl qəhrəman kimi görünən
belə jurnalistlərdən biri də Zemfira xanımıydı.
Həm də bu təsadüfi deyildi, o vaxt dövri mət ‐
buatda onun odun‐alovun içindən yazdığı
silsilə reportajları işıq üzü görürdü və materiallar
həyəcanla oxunurdu. Bu yazıların ardınca
Zemfira xanımın mayası vətənpərvərliklə yoğ ‐
ru lan “Döyüşə qızlar gedir”, “Qarabağda savaş
var”, “Ötür durna qatarı”, “Qırx qız dastanı”
kitabları bir‐birinin ardınca oxuculara təqdim
olundu. Yola saldığımız ildə isə müəllifin daha
iki kitabı çapdan çıxıb. Biri bayaq adını çəkdiyim
kitabdır – “Ömür bitər, yol bitməz... ”. İlk
baxışdan jurnalistin yol qeyd ləri kimi görünür
gözünə... Amma vərəqlədikcə ABŞ, Türkiyə,
Hollandiya, Özbə kistan, İraq, Rusiya, İranla
bağlı dəqiq müşa hidələr, dolğun bilgilər səni
öz ağuşuna alır. Bu, bədii səyahətdir – canlı
təsvirlər və təsirli təhkiyənin sayəsində ayağının
yerdən necə üzüldüyünü aydınca duyaraq bu
uzaq‐yaxın ölkələri “gəzib‐dolaşırsan”... Və...
Heyrətlənirsən: “inşasından günümüzədək
İstanbulda 100‐dən çox zəlzələ olmasına
baxmayaraq, Süleymaniyyə cameəsinin
divarlarında ən kiçik çat belə yoxdur”.
Təəccüblənirsən: “özbəklərdə çayiçmə
xüsusi mərasim hesab olunur. Әgər qonaq ev
sahibinin sevimlisidirsə, onun piyaləsinə çay
az süzülür. Belə ki, çayını içən adam yenidən
ona çay süzülməsini xahiş edir və beləliklə, bu
hal bir neçə dəfə təkrarlanır. Çağırılmamış
qonaqlara isə çayla dolu piyalə verilir”.
İnanırsan: “qədim əfsanəyə görə, bütün
müsəlman şəhərlərinin üzərinə göydən
müqəddəs işıq enir və yalnız Buxaranın üzərində
o işıq yenidən göylərə yüksələrək əks‐səda
verir...”
Doğrusu, belə rahat “bələdçi” hər vaxt ələ
düşmür. Nə sözü incidir, nə də məlumatları
yorur adamı. Ölkələr, şəhərlər, konfranslar
barəsində o qədər həssas və ustalıqla danışır
ki... Oxuduqca oxumaq, eşitdikcə eşitmək
istəyirsən... Həzin dili Nigar xanımın
publisistikasını, kövrək yol qeydlərini yada
salır. Xüsusən Türkiyə ilə bağlı xatirədə sətirlərin
arasından Nigar xanım Rəfibəyli bizə baxıb
gülümsəyir... Onun bir vaxt böyük həsrətlə,
doğmalıqla söz açdığı bu ölkədən Zemfira
xanım indi daha arın‐arxayın danışır... Әslində
adına Zaman dediyimiz anlayışın özü də bir
yoldur. Onun da öz qeydləri, yazıları, xatirələri
var. Zamanın bu xatirələri ilə baş‐başa qalmaq
bəzən o qədər ağır olur ki!...
Zemfira xanımın yenicə işıq üzü görən
ikinci kitabı “Oyuncaq” adlanır. Burada povest,
hekayə və esseləri yer alıb. Qəhrəmanları da
qadınlardır: unudulan, aldadılan, tənha qalan,
mübarizə aparan... Bu obrazların heç biri
Göydən düşməyib – tanıyırıq onları... Üstəlik
“Bir qaranlıq gecədə” Güldəstənin zəhmli səsi,
“Bir saniyənin hökmü”ndə Səmihanın duası,
yalvarışı da aydınca eşidilir. “Analıq haqqı”nda
isə, əksinə, qadın sığalına həsrət qalan bir evin,
ailənin faciəsi göz önündə canlanır – sadə və
real boyaların sayəsində... Bilirəm, bu yerdə
kimsə səbirsizliklə dinir ki, ta nə oldu, elə hər
yerdə qadın, qadın, qadın... Məsələ burasındadır
ki, məncə, müəllifin başlıca məramı da elə
budur: diqqəti bir daha zərif cinsə və onların
əsla balaca olmayan dünyasına yönəltmək! Bu
da təsadüfi deyil, çünki Femidanın əlində olan
tərəzi təkcə haqqı nahaqdan ayırmır, həm də
istənilən cəmiyyətdə xeyirlə şər, enişlə yoxuş,
bugünlə sabah arasındakı tənasübü, ahəngi
nizamlayır... Bu, bəzən çox çətin, ağır olur.
Amma sevinirsən... Sevinirsən ki, necə deyərlər,
qadını danışmağa məcbur edən min üsul var,
amma susmağa məcbur edən üsul yoxdur!..
Aylıq ədəbiyyat dərgisi
57
ULDUZ /
Yanvar 2016