Təsviri yaradıcılıqla
məşğul olan insanlarda
müstəqil düşünmək və gördüklərindən
heyrətlənmək məqamının yetişməsi onları əsl
sənətə yad olan “şəkil çəkmək” ənənəsindən
təcrid edir və rəssamlıq əsərinin “doğuluşu”nu
şərtləndirir. Bu fikri indiki durumda milli
təsviri sənətimizi yeni‐yeni əsərlərlə zəngin ‐
ləşdirməyə çalışan gənc rəssam Cəlal Ağayevin
yaradıcılığına aid etsək, deməliyik ki, onun
həm də iç dünyasının ifadəsi olan müxtəlif
mövzulu əsərləri yaradıcılıq üçün çox vacib
olan nəhayətsiz “bədii yalan” və şişirtmədən
qaynaqlanan obrazlı nümunələrdir.
Onun Azərbaycan təsviri sənətinin bədii
ifadə imkanlarının nəhayətsizliyini sərgiləyən
əsərlərini dəyərləndirməkdən öncə, yaradıcılıq
bioqrafiyası ilə tanış olmağa da ehtiyac duyuruq.
Cəlal Ağayevin bir qərinəlik ömür yolunun
yarısından çoxu rənglərin sirrini öyrənməklə
keçib. Әvvəlcə Әzim Әzimzadə adına Azər ‐
baycan Dövlət Rəssamlıq məktəbində (1998‐
2002), sonra isə Azərbaycan Dövlət Rəssamlıq
Akademiyasında qrafika sənəti (2006‐2010)
üzrə ixtisas təhsili alıb. Hazırda həmin təhsil
ocağında emalatxana müdiri vəzifəsində
çalışması da onun təhsil illərində nümayiş
etdirdiyi işgüzarlığın nəticəsidir. O, Azərbaycan
Rəssamlar İttifaqının üzvü, 2010‐cu ildən isə
müxtəlif miqyaslı sərgilərin iştirakçısıdır...
Bu rəssamın yaradıcılığı üçün janr və mövzu
məhdudiyyəti yoxdur. Düşüncələrini yağlı
boya ilə yanaşı, həm də akvarel texnikasında
65
ULDUZ /
Yanvar 2016
SӘNӘT
Gənc rəssam Cəlal Ağayevin
yaradıcılığı haqqında
düşüncələr
asanlıqla ifadə etməsinin qarşılığında demək
olar ki, o, istedadlı rəngkar olmaqla bərabər,
eyni zamanda gözəl qrafikdir. Akademiyada
təhsil illərində görkəmli qrafika ustası, Xalq
rəssamı, professor Cəmil Müfidzadədən sənətin
bədii‐texniki sirlərini öyrənən gənc rəssam
cəmisi beş ili əhatə edən yaradıcılığında bir‐
birindən maraqlı əsərlər yaratmağa nail olub.
Bir yaradıcı kimi səciyyələndirməli olsaq,
demək lazımdır ki, o, əqidəsinə və yaradıcı
tem peramentinə görə bütünlükdə, lap əvvəl ‐
lərdən realist‐gerçəkçidir. Cəlalı başqalarından
fərqləndirən başlıca cəhət onun özündən əvvəl
sənətdə mövcud olmuş bütün qiymətli bədii
məziyyətlərdən istifadə etməyə çalışmasıdır.
Doğrudan da, məhz bu dəyərli xüsusiyyəti
onun mövzu seçimində və onların bədii şərhində
‐ yüksək icra sənətkarlığında qabarıq görmək
mümkündür. Onun rəngkarlıqla qrafik vər ‐
dişlərin qovşağını özündə yaşadan dəst‐xətti
tanınandır, desək, həqiqəti söyləmiş olarıq.
Cəlal Ağayevin yaradıcılığını səciyyələndirən
önəmli xüsusiyyətlərdən biri də onun bəziləri
kimi orijinal mövzu axtarışına çıxmamasıdır.
Bu fərqli cəhətin hamıya görünən tərəfi isə bir
o qədər də ciddi axtarışlar tələb etmədiyi
görünən ən müxtəlif mövzuların “Cəlal Ağayev
palitrası”nda başqalaşması, bu vaxta qədər
rastlaşmadığımız bədii görkəm almasıdır. Onun
həm də təxəyyül sonsuzluğundan xəbər verən
bu bədii yozumlarına diqqət kəsiləndə inanırsan
ki, əsl rəssamlıq, doğrudan da, başqalarının
görə bilmədiklərini “kəşf” etməkdən və yaxud
da adi gözlə yaxşı görünənlərə çox fərqli ra ‐
kursdan göz qoyub, onları bədiiləşdirə bil ‐
məkdən başlayır...
Belə olmasaydı, onun bizə təqdim etdiyi
ta nış memarlıq motivləri, müxtəlif tutumlu
insan obrazları, maddi mədəniyyət nümunələri
və s. bu qədər yeni görünməzdi. Rəssamın
yağlı boya ilə çəkilmiş “İçərişəhər”, “Mis qablar
və xurcun”, “Başmaqlar”, “Nuhun gəmisi”,
“Samovar”, “Kəndin şəcərə ağacı”,”Gözləmə”,
“Aşıq”, “Çarıqlar”, “Rəhil”, “Nərdivanlar”,
“Mə nim xəyali şəhərim”, “Zamanın ipi”, “Qara
çıraq lar” və s. tabloları yuxarıdakı bədii‐estetik
məziyyətləri özündə yaşadan sənət nü mu ‐
nələridir. Onlarda mövzunun obrazlı‐bədii
həlli bir qayda olaraq gözlənilməz, şaşırdıcı
bir tutumdadır. Yəqin ki, elə bu səbəbdən Cəlal
Ağayevin əsərləri janrından asılı olmayaraq
cəlbedici və təsirli, eləcə də düşündürücüdür...
Çoxdan tanışlığı ilə gözümüzdə adiləşən
motivləri və əşyaları bizə təqdim edən rəssam
bu özünəməxsus bədii şərhində həm də
görünənlərə “inamsızlığını” nümayiş etdirir.
Başqa sözlə desək, bədii görkəm almış görünən ‐
lər artıq haralarınsa, nələrinsə dəqiq əksi yox,
onların rəssam təxəyyülündən qaynaqlanan
obrazlarıdır. Bizim seyr etdiklərimiz də müəllifin
görmək istədikləridir. Gerçəkliyə bu cür
yanaşma, əslində, onu romantizmə yaxınlaşdırır.
Etiraf edək ki, obrazlaşmaya köklənmiş bu cür
bədii şərh müasir Azərbaycan təsviri sənəti
üçün yenidir...
Bu gün ‐ dünyaya süni mücərrəd‐konseptual
baxışla realist‐gerçəkçi münasibətin müba ‐
rizəsinin gücləndiyi bir vaxtda Cəlal Ağayevin
sərgilədiyi və qədim milli mənəvi qaynaqlara
tapınan bədii münasibət çox maraqlıdır,
təqdirəlayiqdir. Belə ki, burada təsvirlər “çox ‐
qatlı” olmaqla tamaşaçı düşüncələrini tarı ma
çəkmək, duyğularını cəmləmək, bəzən də
paralamaq gücündədir. Etiraf edək ki, arif
seyrçi məhz dünyaya belə baxışın həsrətindədir...
Cəlal Ağayevin bir şox kompozisiyalarının
detal və atributları arasında artıq dəbdən
düşmüş kimi qəbul olunan maddi‐mədəniyyət
nümunələri çoxluq təşkil edir. Onun bu mü ‐
raciəti, əslində, bizlərə nə vaxtsa nələrə malik
olduğumuzu xatırlatmaq fikrindən daha ciddi
tutumludur. Qənaətimizcə, bu “qayıdış”da
daha önəmli məqamlar hifz olunur. Rəssam
keçmişimizi artıq toza basdırdığımızın fərqində
olmayanlara “dərd”i yaxın buraxmayan mis
qablarda, ziya qaynağına dayaq duran rəhildə,
əzəmətli samovarda, qaytanı qırılmış çarıqlarda,
ilmələrin sehrindən boylanan xalça saplarında,
daş binaların “əsir”liyində, gil küpələrin dad
qoruyuculuğunda çağdaş firavanlığımıza təkan,
qüvvət verən mənəvi və maddi gücün olduğunu
xatırladır. Sanki müəllif “Keçmişə daş atanları
gələcək topa tutar” deyimini xatırlatmaqla bizi
başqalarından fərqləndirən milli ənənələrimizi
qorumağa çağırır...
Rəssamın təqdimatında xurcunla mis
qabların qovşağı (“Mis qablar və xurcun”)
maddi‐mədəniyyət nümunələrimizin gözəlliyini
Aylıq ədəbiyyat dərgisi
66
ULDUZ /
Yanvar 2016