quzu təcnisdi ‐ qafiyəsi təpəl, anasını
axtaran
oğursaq quzu qürbətdi‐ qafiyəsi inək südündən
olan əmziklər, bir sözlə, bəxtəvər Mücirəddinin
başına, bütöv bir ədəbiyyatın içində yaşayır. Yoxsa
nə var şəhərdə, hər tərəf örən. Bu “örən” sözü
Mücirəddinə çox yaxşı tanışdı, ona görə yazdım
ki, turş almanı dişləyən kimi bir az da qımışsın.
Mücirəddin təbiəti yaxşı duyur, hiss eləyir.
Amma gördüklərinə ad qoya bilmir. Çölləri
diksindirən külək onun şeirlərində əsəbdir.
Amma şair heç vaxt bu hissin əsəb olduğunu
bilməyəcək. Gülləri, otları yerdən dartıb çıxaran
aprel günəşi eşqdir. Mücirəddin eşq deməyəcək
bunun adına, sadəcə deyə bilər: yağışlar yağdı,
bu il göylük oldu.
Heç bilməyi də gərək deyil, sadəcə deməyi
lazım.
Vətənimə atılan top, düş mənə,
O dağların ətəyinə düşmə nə?
Çiçəklərim əsir düşüb düşmənə,
Ona görə şirə çəkir az arı.
Qara saça düşüb ağ‐ağ özgə dən,
Dağlar, səni yada satdı öz gədən.
Mücirəddin, hay gözləmə özgədən,
Yad yanında az inildə, az zarı...
Maraqlıdır, Mücirəddin təcnislərə meyil
edir, uğurlu misralar, cinaslar tapır. Bu da
onun elat şairi olması ilə bağlıdır. O, köhnəliyə
təzəlik qatmaq istəyir, qatığa süd töküb kora‐
maz düzəldir. Bu, bəzən yaxşı alınır, bəzən
alınmır da. Yuxarıdakı təcnisdə əsas iş ancaq
cinasları (çoxları elə bilir) tapmaqdan ibarət
olub. Amma şeir hələ tapılmayıb. Hər halda
bu cəhdlər mənim çox xoşuma gəlir.
Bir dəfə İnternetdə Beyləqana çox yaxın
olan Şirinqumdan bir şəkil paylaşdım, yovşan ‐
ların üstə uzandığım halda. İlk rəy Mücirəd ‐
dindən gəldi, elə beləcə də yazdı: “Bura bizim
yerin yanıdır”, yəni o saat yovşanın qurulu ‐
şundan tanıdı. Bir rəy də mən yolladım: “Ax ‐
şam‐axşam bizi xamı otarma.” Bütün bu
de diklərimin kodunu Mucirəddin çox gözəl
bilir, çünki o, çöl balasıdır. Amma mən nə
istərdim Mücirəddindən? Çöl həyatını şeirə
gətirmək. Qaşqa at, səkil at və it, öyəc, yəhər,
quşqun, sinəbənd, tapqır, kərmöşo, cilov,
quşnu, əyin, çətən, çəhlim, ağıl, arxac, dəlmə,
döllək, buruq qoç, maya, suluq, bağırbeyin,
qulan və başqa çölçülüklə bağlı elementləri
şeirə gətirsin, qıfılbəndi bu sözlərlə bağlasın,
açması da “Qəşəmin boynuna”, təkcə mənim
yox, türk təfəkkürünün etnoqrafiyasının ciz ‐
gilərini çəksin, unudulan sözlərə həyat versin.
Oxuyanları çox olacaq, buna ehtiyac var. Şair
çöldən, el‐obadan uzaq düşəndə aşağıdakı
vəziyyətə düşür eynən:
Bu huşsuz başımda kədər qoz qırır,
Qəmlər barmağına dolayır məni.
Demirəm ki, Mücirəddin eldən uzaq dü ‐
şüb. Xeyr, şair dostuma deyərdim ki, bir anlıq
şeir yazmazdan öncə gecə çölə çıxsın, həm
qoyunları sidikləsin (özü bilir nə deyirəm) həm
də caqqalların vəkkilləməsinə qulaq assın, çölü
başdan‐başa dinşəsin, çölə çöksün, ac cana ‐
varın boz üzünə vaqif olsun, mənə elə gəlir, hər
sürünün yanında bir axsaq canavar olur, uldu‐
zlara baş vurub uzaqda səyriyən kəndin işıq ‐
ları ilə kirpiklərini qoşalaşdırsın, orda işıqların
birinin altında sevdiyi qızın mışıl‐mışıl
yatdığını düşünsün, qaranlığın üstünə yeri ‐
diyini anlasın, gözünün birini qıysın, bax,
onda “ey dili qafil” kəlməsini eşidəcək və yer
kürəsinin hərəkətini hiss elə yəcək. Onda gedib
ilk misrasını başlasın.
O boyda çöldə yaşayan Mücirəddinin için ‐
də yorulmuş bir şəhər var. Misraya baxın:
İçimdə söküntü işləri gedir
və yaxud
Axırıma çıxan qız yoluma çıxmır...
Mən şəhərdəyəm, içimdə geniş bir çöl var,
Mücirəddin çölün içindədir, içində söküntü
işləri gedən bir şəhəri daşıyır. Artıq bundan
sonra sənətkarlıq məsələləri gəlir, bu da nədən
yazmaq və necə yazmaq məsələlərini ortaya
qoyur. Mücirəddin ayrı – ayrı misralarda qəfil
özünü göstərir, yerini nişan verir, sonra yoxa
çıxır. Çobanaldadan yağış kimi ‐ Mücirəddin
bilməmiş olmaz ‐ qəfil yağış yağır, bir
dəqiqədən sonra qıpqırmızı gün çıxır. Çobanın
hazırlığı özünə qalır...
Aşağıdakı misralarda əsl şairin ürəyi
döyünür:
`
İlana dönürəm mən darıxanda...
* * *
Darıxan sözünə bax darıxanda...
Aylıq ədəbiyyat dərgisi
72
ULDUZ /
Yanvar 2016
* * *
Səhəngini endir yerə, su içim...
* * *
Gözü yaşlı qoşmalarım var mənim...
Mücirəddinin elə şeirləri var ki, səmimiy ‐
yətdən aşıb‐ daşır. Bu da o zaman olur ki,
özünə yaxın olan, uzun müddət baş‐başa
qaldığı mövzuları qələmə alır. Onun əsgər
qardaşına yazdığı şeir çox təbii və inandırıcı
hisslərin məhsuludur:
Bizdən ötrü darıxırsan, bilirəm,
Həsrətinə qurban olum, a qardaş.
Vətən ana , qaytar ana borcunu,
Xidmətinə qurban olum, a qardaş.
Hər an fikrim yanındadır, unutma,
O libası soyunmağa can atma.
Səbirli ol, göz yaşını axıtma,
Möhnətinə qurban olum, a qardaş.
Mən bir şeyi hiss edirəm ki, Mücirəddinin
hökmən bir maqnitofonu var, həmişə yanında
olur, qoyuna gedəndə, at minəndə ona qulaq
asır. Çoxlu kasetləri var, şübhəsiz ki, bu da mər ‐
hum şairimiz Alqayıtın kasetləri olmalıdır.
Mənə elə gəlir ki, Mücirəddinin mütaliəsi ancaq
bu cür dinləmələrdən ibarət olduğu üçün bəzən
fikrini sərbəst ifadə eləməkdə çox əziy yət çəkir.
Amma nə olursa‐olsun, onu heç vaxt tərk
etməyən səmimiyyəti hər şeydən birinci olur.
Kökləyirsən gecə‐gündüz o sazı,
Ağrın alım, baş aparan olma də.
Yana‐yana bir havanı sonacan
Çalammırsan, nə məcburdu çalma də.
Bir səs gəlir, bulud kimi dolursan,
Pəncərədən xəyallara dalırsan.
Yarı yolda özgə hava çalırsan,
Bir də onu sən əlinə alma də.
Mən o çöllərdə ürəyimi qoyub gəlmişəm.
Ona görə Mücirəddini çox istəyirəm. O, mə ‐
nim çöllərdə yatmış addım səslərimi oyadır.
Amma...
Bəlkə də, indi məni sevindirən duyğular
şair dostumu bezdirib. Yox, belə də düşün ‐
mürəm. Bir dəfə İnternetdə xəsillik deyilən bir
otlaq sahəsində qəşəng sarıkürə bir qoyunun
şəklini paylaşıb altından yazmışdı “şirinim”.
Mənə elə gəlir, bu şəkil və ifadə onun ən gözəl
şeiri idi. Bir dəfə də şair dostumuz Nuranə
Nurun adını çöl çiçəkləri ilə çölün sinəsinə
yazmışdı. Demək, hər şeydən öncə şeir həm də
şəkil ifadə edir. Yeri gəlmişkən və şəkil
demişkən, Mücirəddin o günü Bakıya gəlib ‐
miş. Nuranə Nurla Azərbaycan Yazıçılar
Birliyində şəkil çəkdirib, gedib.
Mücirəddin Mübarizoğlunun gəzdiyi tor‐
paq böyük və qədim şairimiz Mücirəddin
Beyləqaninin vətənidir. Çöllərdə baş qaldıran
lalələr böyük şairin ruhundan xəbərdardır. O
lalələrin yanında Mücirəddin gördüklərini və
düşündüklərini qələmə alır və çox vaxt istə ‐
diyinə nail olur.
Bu gecə qəribə yuxu görmüşəm,
Bir qadın beşikdə yelləyir məni.
Elə ağlayıram kiridə bilmir,
Götürüb belinə şəlləyir məni.
İstədim yuxunu mən gerçək sanam,
Gördüm, üşüyürəm, az qalır donam.
Sən demə, səsimə oyanıb anam,
“Mücirəddin” deyir, səsləyir məni.
Nə gözəl şeirdir! Ruhumu oxşadı bu
şeir. Yorulmuş könlümə taqət verdi. Bu an
Mücirəddin yanımda olsaydı, şeh düşən
alnından öpərdim. Anamız bizi o qədər belinə
şəlləyib ki... Әn isti beşiyimiz anamızın yun
ədyalla bizi belinə şəlləməyi olub. Tibbi
nöqteyi‐nəzərdən əhəmiyyətlidir bu.
Mən şair dostuma ürəklə deyirəm:
Mücirəddin, biz səni çox istəyirik. Darıxma.
Həmişə darıxanın (mənim) sözünə bax. Maq ‐
nitofonun daşlarını dəyiş. O, lenti yavaş
fırladır. İçində olduğun çölü yavaş‐yavaş yaz.
Unutma ki, qaşqa atınızın alnındakı ağın
qafiyəsi Qarağanın alnında günortayacan
qalan bir ovuc qardır. Atınız otlayan zaman
başını Qarağanın dibindəki qara batırıb.
Vəssalam! Hadisə belə baş verib, yaz!
Aylıq ədəbiyyat dərgisi
73
ULDUZ /
Yanvar 2016