Bizi bizdən alıb aparan qüvvə!
Bizi bizdən alıb çöllərə atma.
Bizə dözüm verib yaşadan dünya,
Biz sənsiz nəyik ki, sən nakam qalma...
* * *
Çox maraqlı bir cəhəti də üzə çıxır bu
mətnlərin. Oxuyarkən real dünyadan qopursan
və hətta mətni, cümlələri, sözləri belə artıq
gözünlə deyil, könlünlə oxuyursan. Bir
dəyərləndirmə edib qurtardıqdan sonra mətnə
təkrar döndükdə orada sanki yeni bir məna
çaları kəşf edirsən. Mətni oxuyub dərk etmək
deyil, sanki eşidib əməl etmək istəyi kimi bir
daxili tələbat yaradır oxucuda təhkiyəçi.
“Gözəlləşdir məni, ey eşq!
Aynalar dost olsun mənə. Məna aynasında üzüm
ağ olsun. Düşməsin başım, qızarmasın üzüm.
Lüzum olmasın başqa qapılar döyməyə, ey eşq!
İstəyim ol!
Ehtiyaclarımı səndə tapım. Səndə arzuma yetişim.
Ehtiyacım ol.
Düşürmə ələ, vermə yelə!
Səndə bitim, ey eşq, səndə dolum.
Səndə yetişim, ey eşq, səndə var olum.
Səndə yanım, ey eşq, səndə sönüm.
Səndə yorulum, ey eşq, səndə dincəlim.”
(“Ey
eşq, al məni, götür məni!”)
Cümlələrdə xüsusi axıcılıq, tonların enişi ‐
yoxuşu da mətnin daxili bir qanununu
yaradaraq, oxucunu da bir həlqəyə alır, artıq
fikirlərin deyil, hisslərin, duyğuların əsiri edir.
Lakonik sətirlər, şeiri xatırladan yazılışı və
səslənməsi də müəllifin müəyyən bir enerji –
işıq substansiyasına bağlı olduğunu göstərir.
Meditativ mətnlərdə olduğu kmi, kitabda
bütövlükdə və ayrılıqda hər bir hekayədə giriş
hissəsi diqqət tələb edir. “Könlüm bir qapalı
çarşı” (“Bir xəzinəyik əslində”)“, “Köçdüm
mən!”(“Köçməkdəyəm anbaan. Daim hərəkət və
qavrama halındayıq
”), “Anlam yaxınlığı” (“Qurmalı
olduğumuz yaxınlıq budur!”),
“Sən mənə
hədiyyəsən!” (“Diqqətlə baxdığımız zaman əslində
ətrafımızın ərməğanlarla dolu olduğunu görə
bilərik
”), “Qırılmasın can aynaları” (“Sevərik
aynaları
”) və s. hekayələrdə az keçmir ki, müəllif
özü nəql etdiyi hadisədən, haldan kənarlaşır
və təsəvvüf nəsrinin poetikasına uyğun olaraq,
oxucusunu da qəhrəmana çevirir. Bu, dualarla
göyləri fəth etmək və ucalmaq ümidini ifadə
edən polifoniyadır, müxtəlif səslərin faciəvi
birləşməsidir.
Bu səsləşməyə rəvac verən diqqəti çəkən
daha bir amil var bu kitabda. Hekayələrin bir
çoxu arzu, dilək, məsləhət, öyüd‐nəsihət ifadə
edir və müraciətlə başlayır. “Sözü qəlbinə qondur”
(“Sözü qəlbinə qondur, ey Can!”), “Bəli, susdur.
Susdur içində elə hey qiyam edən bu səsi
” (“Susdur
bu səsi”), “Belə dedi atam bir söhbət əsnasında...
Uzağa getmə
.” (“Uzağa getmə”), “Durmadan
çalış
” (“Çalışmaqda davamlı ol”), “Günəşim ol!
Çoşqum ol! İstəyim ol! Gözəlləşdiricim ol! Rüzgarım
ol!
” (“Ey Eşq, al məni, götür məni”) kimi
hekayələr islam əxlaqının, şəriətin dəyişməz
qanunlarının, ənənələrinin üzərindən geniş bir
çoxsəslilik tablosu yaradır.
Eşqin gözəlliyi o qədər böyük və dərindir
ki, aşiq ona layiq olmaq üçün min bir sınağa
hazırdır. Hər bir hekayə, əslində, duadır, əbədi
yol axtarışına mübtəla olanların duası. Su ilə,
küləklə, quşlarla, səmayla, duyğularla, hisslərlə
danışan, dil tapan...Mənaya yetmək istəyən
Haqq aşiqinin dünyasıdır duaların təsəlli ruhlu
ovsun dili...
Bu kitab necə oxunmalı? İlahi güzgüdə
özünü gömək istəyi olan və ən önəmlisi, görə
bilən insan öyküsü kimi və ya fərd üzərindən
baş qaldırıb göylərə, onun yeddi qatına və ordan
da o yana baxmaq imkanının, dünyanı dərk
etməyi çıxış yolu olaraq göstərən bir arifin
nəsihətləri kimi?
Məncə, haradan baxırsan ‐ bax, nəticədə
hamımız axtarış məqamında görünürük,
yaşantılarımızla, eşqimizlə, birinin üzündə Allahı
sevmək diləyimizlə və ya qismətimizlə... Sonda
əsas olan, yazıçının söylədiyi bu fikirdir : “Gizli
bir xəzinəyik, bəli, amma kəşf etmək yenə bizim
işimiz olmalı”
(“ Könlüm qapalı çarşı”).
Bu fikir Uğur Canpoladın butün yarımçıq
hekayələrinin qayəsində durur. Bu Yunus
yoludur. Dünyanın məna süfrəsindən yarar ‐
lanıb, kamilləşən insan Haqqa qovuşandır, o
dünyada elə bir səfası var ki, bu dünyadakılar
hə səd apararlar və bunu dilə gətirərlər...
Dostoyevskinin də yaradıcılıq konsep si ya ‐
sının əsasında bu fikir dayanır, bir sütun kimi.
Aylıq ədəbiyyat dərgisi
78
ULDUZ /
Yanvar 2016
“İnsan – sirri‐xudadır, onu öyrənmək, çöz mək
lazımdır və əgər bu işə ömür verərsən, o zaman
demə ki, hədər yaşadın, mən bu sirrlə məşğulam,
çünki insan olmaq istəyirəm.” Dos toyevski bu
sözləri qardaşına məktubunda ya zanda hələ
heç bir əsərin müəllifi deyildi. Sonda Dostoyevski
özü bir sirri‐xuda yazıçıya çevrildi.
Onun haqda aparılan ən son tədqiqatlarda
yazıçının əsərləri sözbəsöz incələnərək məh və ‐
rində nəyin gizləndiyi araşdırılır. Nəticədə,
bütün müşküllərin əsasında həmd edən könül
insanının çözüm bula bilməsi, şükranlıq duyğusu,
imanı, inamı, Yaradana bağlılığı durur. “...ağıllı
ürəyi” olan Mışkin də (“İdiot”) bu yaranışın
içində insanın mahiyyətinin içindəki yaxşının
kəşfinə yönəlmiş, Әvvəlin və Axırın məhz
ürəklərdə barışıq tapmasını təsdiq edən bir
yol olduğunu bildirir.
Uğur Canpolad və Dostoyevski baxışında
insan sevgidən, mərhəmətdən, şəfqətdən,
qardaşlaşmaqdan, təbiət ilə bir vəhdət şəklində
olmaqdan savayı alternativinin olmadığı
dəyərləndirməsində bulunur. Ağaclara onların
varlığı üçün, xöşbəxtlərə onların xoşbəxt olduqları
üçün, Yaradana hər şeyin fövqündə dura bildiyi
üçün şükür etməyi, həmd etməyi tövsiyə edir
ətrafdakı insanlara Dostoyevskinin “müsbət
gözəl” qəhrəmanı.
Rus milli faciəsinin özəyində dini əxlaqdan
uzaqlaşma, ikiləşmə amillərinin dərinləşməsi
dövründə Dostoyevski Mışkin kimi “gözəl in ‐
sanı”nı yaradır. Әxilik, qardaşlaşma (brataniye)
ruhunu xalqın yaddaşında oyatmaq istəyən
Mışkin keçmişlərdə yaşamış “təktərkibli rusların
geriye dönməsi” arzusunu ifadə edir.
Uğur Canpoladın hekayələrində də bu
fikirlər çox zaman öz təsdiqini tapır. “İkiləşmədən,
çaşqın baxmaqdan qurtulmaq dərdindəyəm”
, ‐
söyləyir onun da qəhrəmanı (“Çöl kimiyim,
çöl!”).
Yazıçı öz oxucuları ilə yad bir dünyanı
paylaşmır. Özünün və sənin, əslində isə, Onun
dünyasına bələdçilik edir. Baxtinin polifoniya
terminini bu məqamda doğru uyğulasaq, müəllif
sübyektivliyinin, çılğınlığının, coşub‐daşan
duyğularının heç də onun fərdi xüsu siyyət lə ‐
rin dən irəli gələn hal olmadığını görmüş olarıq.
Uğur Canpolad bir müəllif kimi öz qəhrəmanı
ilə birlikdə düşüncələrə dalır, həyəcan keçirir,
la kin öz düşüncələri ilə daha üst sıralarda yer
alır. Konkret qəhrəmanları da əzizləri, doğmaları
olmasına baxmayaraq, o, hamını eyni bir bəşəri
dəyərlərdə birləşdirmək istəyi ilə qarşımıza
çıxır.
Bu dünyanın əvvəli və axırını məlum etmək
mümkün olmadığı üçün, onun fantastik
ölçülərini yalnız qəlbi olan, dünyaya könlünün
gözü ilə baxan, sevgi, mərhəmət, yardım, şəfqət
duyğularını önə çəkən qəribə insanlar doğru
təyin edər və yaşadar. “Dəlilik yoxsa əgər
dəliqanlılıqda, eşq əsərmi bu dağlarda”
(“Rüzgar”),
‐ soruşur müəllif, əslində, ritorik bir sorğu ilə
oxucuya cavabı da təqdim etmiş olur. Meditativ
mətnlərdə olduğu kimi, U. Canpoladın sualları
özlüyündə cavabı da ehtiva edir.
Kitab müxtəlif anları əks etdirən öykülərdən
ibarət olsa da, əslində, bütöv bir ömür dastanıdır,
epik romanı xatırladır. Bu mətnin içində bir
deyil, bir çox insanın səsi gizlənir. Hamını
birləşdirən isə bir Uca səsdir, hifz edən Allahdır.
O, insanı canlı dünyanın əşrəfi o zaman seçdi
ki, ona kamilləşmə imkanları verdi, onu bu
xislətdə sevdi və təsdiq və tərcih etdi. Mizan‐
tərəzi ilə qurulmuş dünyanı ordakı canlı və
sadəlöhvlüklə cansız hesab etdiyimiz varlıqları,
özünün qüdrəti ilə quran Allah insana bu
tərəzinin ayrı‐ayrı qütb tərəflərində deyil,
uçurumun kənarı ilə, yuvarlanmadan pərvaz
etməyi yol olaraq göstərir. Uzun, ipəkdən incə
yol, əslində rahat və yumşaq deyildir. Onun
incəliyi sənin görə bilmək eşqin qədərdir.
Uğur Canpolad mətninin estetik təsir qüvvəsi
də bu irfani duyğuların, sufi eşqinin gözəlliyində,
harmoniyasında, çazibəsindədir. Hər bir oxucu
“gözləri və ürəyi ilə tamaşa edən gözəl dostdur”
(“Göründü, getdi!”) yazıçı üçün. Və ya sadəcə
oxumağı bacaranlar deyil, könül közü ilə
könülləri görə və sevə bilənlər üçündür
“Hekayələr hər zaman yarım “ kitabı...
Kitabda hər birimizin gizli qalan cə hət lə ‐
rimiz, qaranlıq, bağlı saxladığımız bütün
qorxularımızın gün üzünə çıxması vacibliyi
qeyd olunur. Bu isə, əslində, insanı düşün ‐
cəsində, davranışında, qavrayışında kök salmış,
insan təbiətini məhv edən bir çox rutin etiketlərin
fixs məqamından, durğunluq anından qopar ‐
maq istəyidir, sevgiyə, mərhəmətə, anlayışa
çağırış dır.
Aylıq ədəbiyyat dərgisi
79
ULDUZ /
Yanvar 2016