26
7
Bələdlədiyi yerə hələ bir neçə yüz metr qalmıĢ dəmir yoluna çıxmıĢdı. O yer yoxuĢun ən
yüksək zirvəsindəydi
;
Ģimala gedən yük qatarları onu zorla – ölə-ölə, az qala, piyadadan da zəif
sürətlə qalxırdılar. Durduğu yerdən bir az aralıda iki parlaq xətti, sanki, qayçıyla kəsib
atmıĢdılar.
MeĢə kənarındakı adda-budda ağaclardan birinin arxasında gizlənib bir müddət orda –
yalqızlıq zolağının önündə dayanır.
Sur-sumbatından
artıq uduzulmuĢ bir oyunda son ümidsiz
gediĢi fikirləĢib tapmaq üçün beynində tələm-tələsik, ümidsiz hesablamalar aparan oyunçuya
bənzəyir. Nəyisə lənətləyirmiĢ kimi bir az da orda dayandıqdan sonra dönüb təzədən meĢənin
içiylə, dəmir yolu boyunca qaçmağa baĢlayır. Elə bil, hara qaçmaq lazım olduğunu dəqiq bilir;
tezliklə yaxınlıqda bir cığır görür, elə qaça-qaça da o çığıra dönür, nəhayət, açıqlığa çıxır: burda
bir zənci daxması var. Ön tərəfdən, artıq qaçmadan, yeriyə-yeriyə həmin daxmaya yaxınlaĢır.
Qoca zənci qarı artırmada oturub qəlyan çəkir, baĢına ağ əsgi sarıyıb. Braun artıq qaçmasa da,
hələ də ağır-ağır, tövĢüyə-tövĢüyə nəfəs alır. Nəfəsini sakitləĢdirməyə çalıĢır, üzünü qarıya tutur:
– Salam, xalacan, – o deyir. – Burda kimsə var?
Qarı qəlyanı ağzından çıxarır.
– Mən varam. Sizə kim lazımdı?
– ġəhərə məktub göndərməliyəm. Həm də təcili. – DanıĢarkən, sanki, nəfəsini zorla tutub
saxlamağa çalıĢır. – Pulunu da verəcəm. Burda elə bir adam var?
– Belə tələsikdisə, onu özün aparsan yaxĢıdı.
– Dedim axı, pulunu verəcəm! – nəfəsini, səsini cilovlamağa çalıĢaraq, qəzəbli bir səbirlə
təkrar edir. – Ġndi, bu dəqiqə aparana bir dollar verəcəm. Bəyəm burda pul qazanmaq istəyən
yoxdu? UĢaqdan-zaddan?
Qarı ona baxa-baxa qəlyanını sümürür. Onun qədimi, qara, heç nə bilinməyən sifətindəki
bir cüt göz bu yad adamı, sanki, ilahi bir biganəliklə (amma heç də mərhəmətlə deyil) baĢdan-
ayağa süzür.
– Bir dollar deyirsən, hə?
O buna səbirsizlik, boğulmuĢ qəzəb və nəsə, ümidsizliyə bənzər bir Ģeyi andıran
təsvirəgəlməz jestlə – əlini yellətməklə cavab verir. Artıq burdan çıxıb getmək istəyir, amma
zənci qarının səsi onu tutub saxlayır.
– Burda heç kim yoxdu, bir mənəm, bir də iki uĢaq. Onlar da sizin bu iĢ üçün çox kiçik
olarlar.
Braun geri çevrilir.
– Niyə kiçik olurlar? Burda nə iĢ var ki, sadəcə, bir məktubu qaça-qaça aparıb Ģerifə
çatdırmaq, sonra da...
26
8
– ġerifə? Yox, siz yanlıĢ yerə gəlmisiniz. Mən onları Ģerifin yanına heç cür buraxmaram.
Bizim zəncilərdən biri Ģeriflə o qədər yaxınlıq elədi ki, axırda həmiĢəlik orda qalmalı oldu. Bir
daha evə qayıtmadı. Siz gedin o adamı baĢqa yerdə axtarın.
Braun, onsuz da, artıq ordan uzaqlaĢır. Hələ ki, qaçmır. Hələ qaçmağı fikirləĢməyib; indi,
ümumiyyətlə, nəsə düĢünmək iqtidarında deyil. Onda əlacsız qəzəb, az qala, ekstaz həddinə
çatıb. Sanki, o, təsadüfi uğursuzluqlarının əcaib, fövqəltəbii çoxluğundan heyrətə gəlib. Bu cür
müntəzəm uğursuzluqlarla qarĢılaĢmağın özü, sanki, onu cılız insan istəyi, insan ümidlərinin
fövqünə qaldırır və o, bunların hamısını bir andaca ləğv edərək heçə endirə bilir. Buna görə də
yalnız zənci qadın arxadan iki dəfə səsləndikdən sonra onun səsini eĢidib, geri dönür. Qadın heç
nə deməmiĢdi, heç oturduğu yerdən də tərpənməmiĢdi, sadəcə, iki dəfə onu arxadan haylamıĢdı.
Ġndi isə o deyir:
– Bax, bu, apara bilər.
Artırmanın qırağında, sanki, yerin altından çıxıbmıĢ kimi bir zənci dayanıb – ya yaĢdan
böyük, ağıldankəmin, ya da azyaĢlı uzundrazın biridir. Sifəti qapqara, donuqdur, onda heç nə
ifadə olunmayıb. Onlar dayanıb bir-birinə baxırlar. Daha doğrusu, Braun ona baxır. Zəncinin ona
baxıb-baxmadığını Braun heç cür anıĢdıra bilmir. Bu da onun üçün çox əladı, məntiqlidi lap
yerinə düĢüb: çünki son ümidgahı və xilaskarı olacaq bu heyvərə, deyəsən, nəinki lazım olan
adamı, heç Ģəhərin özünü belə gedib tapa biləcək qədər əqli qabiliyyətə malik deyil. Braun yenə
anlaĢılmaz tərzdə əlini yellədir. Sonra onu köynəyinin cibinə atıb, var gücü ilə geriyə, artırmaya
tərəf qaçır.
– Bu məktubu təcili Ģəhərə apar, tez də mənə cavab gətir, – o deyir. – Bacararsan? – Amma
onun nə deyəcəyini gözləmir. Cibindən kirli bir kağız parçası, sınıq bir karandaĢ qırığı çıxarıb,
artırmanın kənarında aĢağı əyilir, qarının gözü qabağında cidd-cəhdlə, tələm-tələsik yazır:
Mistr Uat Kenediyə xaiş edrəm qatil Krsmas tutulmasın görə mənim
mükafat pulmu bu kağızı gətrən adma verin ama onu bir kağza bükn sizin
Ġmza qoymur. Kağızı artırmanın üstündən götürüb, az qala, gözü ilə onu yeyir, qarı isə ona
baxır. Bu adi, çirkli kağızı – səylə, tələm-tələsik yazdığı, amma bütün ruhunu, bütün həyatının
məğzini onda ifadə etdiyini sandığı cızma-qaranı acgözlüklə bir daha nəzərdən keçirir. Sonra onu
yenə artırmanın üstünə qoyur, amma ona imza qoymasam da Kim olduğumu Özünüz yaxşı
bilirsiz sözlərini yazmır, sadəcə, dördkünc qatlayır, sonra da zənciyə uzadır.
– ġerifin özünə ver. BaĢqa heç kimə. Onu tapa
biləssən
?
– Tapa biləcək, əgər Ģerif özü onu daha tez tapmasa, – qarı müdaxilə edir. – Verin ona.
Əgər o sağdısa, hökmən tapacaq. Ay oğul, dollarını al, çıx get.
Zənci artıq ordan aralanmıĢdı. Ġndi ayaq saxlayır. Heç nə demədən, heç kimə baxmadan,
sadəcə, dayanıb gözləyir. Zənci qarı artırmada oturub, qəlyanını sümürə-sümürə yuxarıdan