Uşaq Kitabxanası
Yüklə 485,8 Kb.
|
49
Dahi Azərbaycan mütəfəkkiri, dramaturq, nasir Hüseyn Cavidin yaradıcılığını oxuculara tanıtmaq məqsədilə Hüseyn Caviddən bəhs edən xatirə gecəsi də təşkil edilir. Gecə “Gəldin də neçin pəmbə buludlar kibi akdın...” başlığı altındadır. Ədibin xatirəsinə həsr olunmuş gecədə cavidşünaslar, yazarlar, maarifçi və dramaturqlar, eləcə də incəsənət və elm xadimləri və müxtəlif ixtisas sahibləri ilə yanaşı oxucularla ali məktəb tələbələri də dəvət olunurlar. Qonaqlar görkəmli dramaturq H.Cavidin şəkilləri, müxtəlif adda əsər başlıqları və hikmətli sözlərinin çərçivərələrlə bəzədilmiş zalda əyləşirlər. Gecənin qonaqlarına öncə onun haqqında hazırlanmış slayt təqdim edilir. Gecəni açıq elan etmək üçün aparıcılar səhnəyə yaxınlaşırlar. I aparıcı: Salam, dəyərli qonaqlar, xalqın böyük oğlu, misilsiz istedada sahib dahi şəxsiyyət, bəşəri faciə və humanizmin banisi Hüseyn Cavidin qaranlığa nur parlayan gecəsində sizləri xoş gördük, dəyərli qonaqlar, cavidsevərlər!..“Məhəbbətdir ən böyük din” misrası Hüseyn Cavidin şah misralarından biridir. Məhəbbət ədəbiyyatın əsas mövzularından olmaq etibarilə Hüseyn Cavid sənətində də mühüm yer tutur. Cavid sənəti ölməzdir. Cavid sənəti ölməz olduğu üçün Cavidşünaslıq da əbədidir. Bu zəngin iş barəsində deyilmiş, deyilən və deyiləcək fikirləri toplayıb gələcək nəslə çatdırmaq işində Cavid ocağının işığına pərvanə olanlara yeni uğurlar diləyirik.
Yer altında deyil, yer üstündədir. Bəxtiyarsan, əgər, çəkdiyin əmək Cahan sərgisinə versə bir çiçək. Romantik-fəlsəfi poeziyası ilə klassik və müasir ədəbiyyat arasında etibarlı mənəvi körpü salan, ilk Azərbaycan mənzum faciələrini, fəlsəfi dramlarını yaradan, dramaturgiyamıza və səhnəmizə ümümbəşəri problemlər dolğun xarakterlər, qüdrətli 50
şeiriyyət gətirən Hüseyn Cavidin əsərləri, doğrudan da, “cahan sərgisinin” “çiçək” ləridir. Məqsədi vətəninə, millətinə fədakarlıqla xidmət etməkdən ibarət olan görkəmli şair və dramaturq Hüseyn Cavid öz dəst- xətti ilə Azərbaycan ədəbiyyatında yeni mərhələnin əsasını, eləcə də mənzum dramın bünövrəsini qoymuşdur. Sələf və xələflərinə bənzəməyən Hüseyn Cavid ürəyi susdurulana qədər vicdanının dediklərini yazan və ömrü boyu həqiqətən əsiri olan, gözəlliyə tapınan bir mütəfəkkir idi. Hüseyn Cavid elə bir həqiqətin əsiri idi ki, o altun saraylara, daş zindanlara, vəhşi pəncərələrə, tikanlı məftillərə, dəmir qəfəslərə meydan oxuyurdu. Hüseyn Cavid elə bir həqiqətin aşiqi idi ki, qumral gözəllərə, sevdalı könüllər, parlaq sevgilərə, gülümsəyən günəşə öz misraları ilə ağ yelkənlər kimi qanad açırdı. I aparıcı: Ulu sələflərindən xeyli cavan olmasına, 135 yaşının hələ
təzə-təzə tamam olmasına baxmayaraq, böyük sənətkarımız, babalarının layiqli xələfi, istedadlı şair və dramaturq Hüseyn Cavid də əsərlərində yaratdığı ölməz hikmətlərə görə Azərbaycan ədəbiyyatında və ədəbi-fəlsəfi fikrində həkim adını daşımağa layiq olan azyaşlı şəxsiyyətlərdən biri kimi nəzərə çarpmaqdadır. Hüseyn Cavid də xalqımızın yetirdiyi böyük söz sənətkarı və mütəfəkkirlər kimi, özündən əvvəki mədəni-mənəvi xəzinəni mənimsəmiş və ölməz fikir və obrazları ilə daha da zənginləşdirilmişdir. Bütün bunlar, nəhəng bir sənətkar kimi Cavidin bilik və məlumat dairəsinin heyrətamiz dərəcədə genişliyindən, onun xalq müdrikliyi xəzinəsinə olduqca yaxınlığından xəbər verir. Elə bu səbəbdəndir ki, Cavid
aforizmləri Azərbaycan xalq müdrikliyinin ayrılmaz əlaməti olan dərin humanizmi, ümumbəşəri xarakter və məna yükü daşıması ilə seçilir. Hüseyn Cavidin yaradıcılığı o qədər dərin, o qədər mənalı hikmətlərlə doludur ki, bəlkə də beşcildliyin hamısını “Cavid hikməti” adı
51
altında çap etmək mümkündür. Gəlin, Cavid hikmətindən bir neçə yarpaq qoparaq: Bir neçə oxucu səhnəyə yaxınlaşıb sırayla Cavid aforizmlərindən sitatlar deməyə başlayırlar. İdrakı sönük başçıların qəfləti ancaq Etmiş, edəcək milləti həp əldə oyuncaq.
Kəssə hər kim dökülən qan izini, Qurtaran dahi odur yer üzünü.
Turana qılıncdan kəskin ulu qüvvət, Yalnız mədəniyyət,
mədəniyyət, mədəniyyət! Çalış, öyrən, ara, bul, haqqını al!
Mən sənətdən aldığım zövqü heç bir şeydən almıram.
Hər qaranlıqda çırpınır bir nur, Hər həqiqətdə bir xəyal uyuyur.
Qadın! Ey möhtərəm ənisi-bəşər! Sənsiz öksüz qalırdı hissi-bəşər!
Yüksəl ki, yerin bu yer deyildir, Dünyayə gəliş hünər deyildir.
Yüklə 485,8 Kb. Dostları ilə paylaş:
|