52
Vətənə, millətə, millətin gələcəyinə ağlayacaq, tərəqqisinə
çalışacaq olsa-olsa, ancaq ana qucaqlarında, məktəb sıralarında
çırpınan məsumlar ola bilir.
Azərbaycana vurulan yaralar çox dərindi. O, namərd əllərdə
mərd alim oğullarını itirdi. Əsrlər boyu bu yaralar sızlayacaq...
II aparıcı: Hüseyn Cavid gəncliyin qüdrət və məharətlə xalqa
səadət bəxş edəcəyinə inanır və gənc nəslin daha mədəni, şən,
xoş günlərdə yaşamasını arzulayırdı.
... Bu gün gəncliyə baxsan,
Bir sel kimi hər an,
Sağlam, yeni məfkurələr izlər,
...Onlar koşacaq, çarpışacaqlar.
Bir çox uçurumlar aşacaqlar.
...Onlardakı qüdrət və məharət,
Er-gec verəcək xalqa səadət.
Onlar mədəniyyətlə günəşlər yaxacaqlar,
Keçmişlərə üstən baxacaqlar.
Onlar güləcək, güldürəcək,
Bizdən daha xoş gün görəcəklər.
Böyük sənətkarımızın bu arzuları indi real bir həqiqətə
çevrilmişdir. Xalqımız öz seçimini edərək, müstəqil
dövlətimizin müqəddaratını, Azərbaycanın gələcəyini xalqa,
vətənə səadət bəxş edəcək qüdrətli və məharətli gəncliyə etibar
etmişdir.
I aparıcı: Qızıl yarpaqları, çiskinli havası, tutqun günləri ilə
fərqlənən oktyabr ayı payızın başladığından xəbər verir.
Qəribədir ki, bu ayın ömründə müxtəlif tarixi məqamlar, ad
günləri, mərasimlər, seçkilər yaddaşa ədəbi iz salır. Adətən,
oktyabra “Cavidlər ayı” da deyirlər. Hüseyn Cavid məhz
oktyabrın 24-də Naxçıvanda Abdulla Rasızadə ailəsində anadan
53
olmuşdur. Maraqlıdır ki, ailənin bütün üzvləri məhz bu ayda
dünyaya gəliblər. Oktyabrın 2-si şairin qızı Turan xanımın, 22-
si oğlu Ərtoğrolun doğum günüdür.
II aparıcı: Monoloqlar Cavidin romantik-fəlsəfi üslubunu
səciyyələndirən qüvvətli poetik əlamətlərdəndir. Monoloqlara
müraciət şairin şeirlərinə romantik üslubun təbiətindən doğan
təntənə, fəlsəfi vüsət gətirmiş, lirik qəhrəmanın zəngin duyğu və
düşüncələr aləminin açılmasına imkan yaratmışdır. Cavidin
yaradıcılığındakı başdan-başa monoloqlardan təşkil olunmuş
“Sevinmə, gülmə, quzum”, “Məyus bir qəlbin fəryadı”,
“Uyuyur”, “Məzlumlar üçün”, “Neçin” şeirlərində hər bənddəki
monoloq konkret fikrin, mənalı bir hikmətin poetik ifadəsinə
xidmət edir. “Uyuyur” şeirinin birinci bəndi bahar nəsiminə,
sonrakı bəndlərindən hər biri ötuşkən quşlara, günəşə, çiçəklərə,
mələyə həsr olunmuşdur. Bahar nəsiminə müraciətlə yazılan
monoloqda sevgili məşuqə, çiçəklərə poetik münasibətdən
yoğrulan monoloqda dünyanı dərk etmək yolundakı şübhələr,
günəşə xitabən deyilən monoloqda “buludlu dünyadakı”
qüvvətli işıq, səadət xəyalı tərənnüm olunmuşdur. Sonuncu
monoloqda isə lirik qəhrəmanı məşğul edən bütün məsələlər
onun “qayeyi-amal” ından doğan xəyallar kimi mənalandırılır:
Uyuyur... Of! Ey bəlalı könül,
Çırpınıb durma! Sən də sus artıq,
Vurma, sus! İştə susdu həm bülbül;
Dur, həyatım da getsə dur azacıq,
Uyuyur çünki aşinayi-xəyal,
Uyuyur çünki qayeyi-amal...
II aparıcı: Şeirlərindəki dialoqlar Cavidin lirikasına müəyyən
süjet əlamətləri daxil etmişdir. Hətta onun bəzi şeirləri kiçik
səhnəciyi xatırladır. “Öksüz Ənvər”, “Çiçək sevgisi” şeirlərində
lirik vəziyyətlər şeirin müəyyən hissəsindəki yığcam dialoqlarla
54
ifadə olunmuşdur. Dialoqlar əsasında yaradılmış “Qız
məktəbində” şeirindəki poetik mükalimə Gülbaharın nəciblik və
ülviliyini mənalandırmağa xidmət edir. Əsl zinəti təmizlik və
bilgi olan, altun bilərzikləri ilə deyil, sadə geyimi, aydın, zəngin
mənəviyyatı
ilə
fərdiləşən
Gülbahar
Cavidin
şeir
yaradıcılığındakı öksüz ənvərlərin, kiçik sərsərilərin bir növ
davamıdır.
Dialoqlar “Qız məktəbində” şeirində dramatik mükalimədən
çox təbii şeir misraları kimi səslənir, poetik etirafı ifadə edir:
Quzum, yavrum! Adın nədir?
Gülbahar.
Pəki, sənin anan, baban varmı?
Var.
Nasıl, zənginmidir baban?
Əvət, zəngin, bəyzadə...
Öylə isə geydiyin geyim neçin böylə sadə?..
I aparıcı: “Qız məktəbində” şeiri ümumən Azərbaycan
şeirində süjetli lirikanın ən mükəmməl nümunəsi sayılmağa
layiqdir. Şairin lirikasındakı poetik və fəlsəfi ümumiləşmələr
fikrin hikmət tutumunu artırmış, aforizm səviyyəsinə
yüksəlmişdir. Cavidin lirikasmda hətta elə şeirlər də vardır ki,
orada bir-birinin ardınca gələn misraların demək olar ki, hamısı
aforizmlərdən yoğrulmuşdur:
Yaşadan kainatı qüvvətdir,
Gücsüzün həp nəsibi zillətdir.
...kim ki, biganədir hüquqə, əvət,
Xain ellərdə məhv olur əlbət.
...Yaşamaq istərsən çalış, çabala,
Rəd olub gurla, bərq olub parla!
Bütün bunlar Cavid lirikasının novatorluğunu müəyyən edir.
Dostları ilə paylaş: |