9
Görkəmli şəxsiyyətlərin
Hüseyn Cavid haqqında
söylədikləri:
Hüseyn Cavid Azərbaycan xalqını, onun mədəniyyətini,
ədəbiyyatını, elmini yüksəklərə qaldıran böyük şəxsiyyətlərdən
biridir. Hüseyn Cavidin yaradıcılığı və əsərləri Azərbaycan
xalqının milli sərvətidir. Onlar bu gün üçün, gələcək nəsillər
üçün dərslik kitabıdır. Hüseyn Cavidi Şərqin Şekspiri
adlandırırlar. Ancaq onu bəlkə də Höte ilə müqayisə etmək
düzgün olardı. Əsərlərindəki fəlsəfi fikirlərinə görə, ola bilsin
Cavid Şekspirdən də yüksək səviyyəyə qalxmış adamdır.
Xalqımız, tariximiz nə qədər yaşayacaqsa, Hüseyn Cavidin irsi
də o qədər yaşayacaqdır. Yaratdığı əsərlər Azərbaycan
xalqınının milli sərvətidir.
Heydər Əliyev,
Ulu öndər
Babam Hüseyn Cavid bir günəş idi. Yüksəldi, parladı,
yarasaraların gözünü kor etdi, lakin dumanlar onun qarşısını
aldılar.
Ərtoğrol Cavid,
H.Cavidin oğlu
Biz Hüseyn Cavid yaradıcılığından istifadə etmiş və edəcəyik.
H.Cavid yaradıcılığında biz şairlər üçün öyrənməli şeirlər
çoxdur.
Səməd Vurğun
Xalq artisri
10
Əcaba Cavidin hansı əsəri yaşadığı mühitin, içində dolandığı
xəlqin, xüsusilə Azərbaycan Türk xəlqinin ifadeyi-hal və
keyfiyyətindəndir. Biz onu heç bir vəqt xəlqimizin fəryadlarilə
inlədiyini, xəlqimizin sevinclərilə güldüyünü görmüyoruz.
Caviddə su kimi duru, almas kimi saf, parlaq və oynaq bir lisan
vardır ki, bu, islahın çalışan lisahımızın təkamül özülü ola
biləcəkdir zənnindəyik. Zatən, bir millət üçün lisanı onun
şairləri, ədibləri yaradırlar ki, Cavid də bu cəhətdən qiymətlidir.
Caviddə hər kəsi məftun və əsir edəcək bir qüvvəyi-şeiriyyət
vardır. Zatən, əsərlərinin ən böyük gözəlliyi və qüvvəti də
burasındadır... Tamaşaçılar adətən səhnəyi unudur
Cavidin
şeirlərindəki gözəlliklə əylənirlər. Biz bu şeir və lisanı
ümumtürk aləmi-ədəbiyyat səhnəsinə xüsusi malımız kimi
çıxara bilərik.
Cəfər Cabbarlı,
yazıçı, dramaturq
Bu dil gələcək nəslimizə təsiri olmamış olmaz. Və bu dil təsiri
ilə yaranacaq Azərbaycan türk ədəbiyyatı marksist görüşü və
qayələrilə qüvvətləndikdən sonra, əmsalsız əsərlər meydana
gətirə biləcəkdir. Bu da Cavidin Azərbaycan ədəbiyyatına ən
böyük xidmətlərindən biri sayılacaqdır. Azərbaycandakı şair və
ədiblərimiz içində ən müstəsna, ən zərif və ən narın bir dildir.
Hənəfi Zeynallı
folklorşünas
11
Cavidi tənqid üçün ikinci bir Cavid lazımdır ki, o da bizdə yox
kimidir.
İsmayıl Həqq,
aktyor
Hələ tarix Cavidə əl vurmayıbdır, şairimiz bir tərəfdə oturub
əsərlərini yazır. Tarix isə qulaq asır və gözləyir. Şəksiz ki, tarix
vaxtında onu sənət mühakiməsinə alacaq, təbiətin ona verdiyi
qüdrət və istedadın hesabını istəyəcəkdir.
Əziz Şərif,
ədəbiyyatşünas, tənqidçi
Cavid dünyası hikmətli söz və aforizmlərlə, şah beytlərindəki
məna dərinlikləri ilə zəngin olan bəşəri dəyərlərdir. Onun həyat
amalı xalqın azad və xoşbəxt görmək, türk dünyasının birliyi
istəyidir.
Yusif Aslanov,
elmlər namizədi
Dahi mütəfəkkür Hüseyn Cavidin yubileyi ilə əlaqədar bir sıra
tədbirlər keçirilə bilər. Bu tədbirlərdən biri də şagirdlər arasında
keçirilən “oxucularla söhbət” dir və söhbət “Zamanın və
məkanın fövqünə yüksəlmiş filosof şair” adlanır. Oxucularla
söhbət zamanı Hüseyn Cavidin əsərlərində vətənpərvərlik, elm,
maarif, türkçülük və məktəb, teatr məsələlərinə münasibət
müzakirə olunur. İlk olaraq kitabxanaçı qonaqlara və
iştirakçılara dahi mütəfəkkir şairin həyat və yaradıcılığından
bəhs edir: