24
Kitabxanaçı: Azərbaycanın dünyaya bəxş etdiyi dahilər çoxdur.
Onların arasında Hüseyn Cavidin özünəməxsus və əlçatmaz yeri
var. Bir çox dahilərimiz kimi, Hüseyn Cavidin taleyi də
məşəqqətli və əzablı bir tale olub. Amma o əyilməyib, sınmayıb,
əqidəsindən dönməyib. Bu baxımdan müdrik Sokratla Cavidin
taleləri arasında çox qəribə bir oxşarlıq var. Hər ikisinin
insanlara yaşadıqları dövrün ədalətsizlik və eybəcərliklərindən,
rəzilliklərindən qurtarmaq yollarını sözlə göstərmək arzuları
onların həqiqi mənada şəhid olmalarına gətirib çıxardı.
Cavidin dilində söz aliləşdi,
Ali sözlər ilə dil aliləşdi.
Dilinin yolunda canından keçdi,
Dilin şəhidinə sayğılar sonsuz.
Vaqif Abbasov
Çox təəssüf ki, XX əsrin ədəbiyyatşünasları 1930-1950-ci
illərdə Cavid zirvəsini görmək, etiraf etmək istəmədilər. Keçən
əsrin 60-cı illərində Cavidin adı məktəb proqramlarında da yox
idi. Amma zamanı çatanda tarix hər şeyi öz yerinə qaytarır, sanki
özünün hər şeyi yaşanmış ədalətsiz bir dövrü üçün bəşəriyyətdən
üzrxahlıq diləyir. Hər halda, qoca tarixin zaman-zaman
təkrarlanan bu “səhvi” “sivil” dünyanı düşündürməli,
qədirbilməzlikdən, qəddarlıqdan, müqəddəs insanlar olan dahi
və müdrik söz sahiblərinə qarşı, hətta eyhamlardan da
çəkindirmək üçün bir dərs olmalıdır. Acı, ağır, amma həqiqətə
söykənən Böyük Tarix Dərsi!
I məruzəçi: Bildiyimiz kimi Azərbaycan tarixinin XIX-XX
əsrləri çox mürəkkəb dövrdür. Bu dövrdə dünya miqyasında
içtimai-siyasi fikir toqquşmaları baş vermiş, epoxalar, içtimai-
iqtisadi formasiyalar bir-birini əvəzləmiş və bütün bunlar
nəhəng qanlı inqilablarla müşayiət olunmuşdur. Dünyada baş
verən bu hadisələr dünyanın əhəmiyyətli parçası olan
Azərbaycandan da yan ötməmiş, bütün bu mübarizələr
25
xalqımızın tarixində də özünə yer almışdır. Ədəbi-fəlsəfi fikir
tariximizə diqqət yetirdikdə görürük ki, Əlibəy Hüseynzadə,
Mirzə Cəlil, Sabir, Əhməd bəy Ağaoğlu, Əlimərdan bəy
Topçubaşov, o cümlədən Hüseyn Cavid və başqaları müxtəlif
ədəbi, siyasi, məfkurəvi cərəyanları təmsil etmişlər. Vaxtılə fikir
meydanlarında qarşı-qarşıya bu nəhənglərin qoyub getdiyi irsə
bu gün nəzər saldıqda aydın şəkildə görürük ki, həmin dövrün
adları çəkilən və çəkilməyən nümayəndələri bütün varlığı ilə
Azərbaycan xalqına bağlı olmuş, xalqımızın xoş gələcəyi
uğrunda çarpışmışlar. Hüseyn Cavid haqqında çox yazılıb.
Tədqiqatçılarımız onun poeziyasının dərinliklərinə baş vurub,
professor Kamran Əliyevin təbiri ilə desək, “Cavid möcüzəsi”
nin sirlərini açmağa çalışıblar. Maraqlıdır ki, bu poeziyanın
cazibəsi onun sirlərinə vaqif olduqca azalmaq əvəzinə, öz
cazibədarlığını daha da artırır. Biz ona görə də belə hesab edirik
ki, “Cavid möcüzəsi” tədqiqatçılarımızı hələ bundan sonra daha
çox düşündürəcək və bu barədə çoxlu araşdırmalar meydana
gələcəkdir. XX əsr Azərbaycan ədəbiyyatının zirvəsində
dayanan Hüseyn Cavid ədəbi-bədii-estetik fikir tariximizdə adı
qızıl hərflərlə yazılan, sözlə möhtəşəm abidə yaradanlardandır.
Yaşadığı üç ölkədə şahidi olduğu hadisələrin ümumiləşmiş bədii
əksini romantik şəkildə yaradan sənətkar az müddət içərisində
şöhrətin ən yüksək zirvəsinə çatdı. Əsərləri tamaşaya qoyuldu,
dillər əzbəri oldu. 1910-cu ildə yazdığı birpərdəli “Ana”
dramının məramı “Mənim tanrım gözəllikdir, sevgidir” ideyası
ilə səsləşir. Oğlunun qatilini lənətləyən ana düşmənini sağ
buraxır, onu xilas olmasına kömək edir. Çünki ana qəlbi sevgi
və mərhəmətlə doludur. Övlad itkisindən nə qədər sarsılsa da,
intiqamı taleyin ixtiyarına buraxır, zamana öz böyük ürəyinin
hökmü ilə meydan oxuyur.
26
II məruzəçi: Dünya yaranandan üzü bu yana Xeyirlə Şərin
mübarizəsi, dövrün diqtəsi ilə fəlakətlərin böyüyüb ümumbəşəri
faciəyə çevrilməsi Cavid əsərlərinin mərkəzində durur. “Maral”,
“Şeyx Sənan”, “Afət”, “Şeyda”, “İblis”, “Peyğəmbər”, “Topal
Temur”, “Səyavuş”, “Knyaz”,“Xəyyam” kimi əsərlərində böyük
eşq, amallarla yaşayan insanların fəlakətləri göstərilir. Bu
fəlakətlərin səbəbkarı “İblis” adı ilə damğalanır. “Şeyx Sənan”
əsərinin qəhrəmanı Şeyx Sənan başqa bir dindən olan qadına
vurulur. Bir vaxt mənsub olduğu dinin ehkamlarına qul olmasına
baxmayaraq, məhəbbəti yolunda haram buyurulan donuzları
otarmağa belə razı olur. Cəmiyyət, insanlar önündə misgin
görünən qəhrəman fədai bir aşiqə çevrilir və bu yolda canını fəda
edir. “Topal Temur” əsərində də qardaş qırğını törədən
bəşəriyyətə düşmən kəsilənlərə Cavid dərs verməyə çalışır.
Dramın sonunda Teymurun öz dili ilə “Cahangirləri” ifşa edir.
“Əgər dünyanın zərrə qədər dəyəri olsaydı yığın-yığın
insanlara, ucu-bucağı yox məmləkətlərə sənin kimi bir kor,
mənim kimi bir topal müsəllət olmazdı”-deyir.
Hüseyn Cavid
keçdiyi həyat yolu, təhsili, gördükləri, təhsil aldığı insanların
həyata baxışı onun düşünmə tərzinin, həyata münasibətinin
formalaşmasında mühüm rol olmuşdur. Üstəlik dəyişən,
dəyişdirilən, yeni dünya, böyük dövlətlərin maraqları, iblisləşən
zaman ona “İblis” əsərini yazırdı. Haqq-ədalət axtaran,
humanizm tərəfdadı olan insanlar fəlakət törədənlərə qarşı
mübarizə apararkən hər biri çevrilib qatil olurlar. Belə məqamda
da İblis peyda olur. Sonra onun monoloqu həmin dövrü bütün
dəhşət və vəhşəti ilə çox aydın şəkildə ifadə edir. Həmin dövrdə
Avropa və Asiyada inkişaf edən dövlətlərin maraqları
toqquşurdu. Avropa Türkiyə kimi qədim dövləti yer üzərindən
silmək istəyirdi. Rusiya dünyanı işğal etmək istəyirdi. Şərq
ölkələri bir-biri ilə düşmən vəziyyətdə idi. İnsan və insan
həyatından ucuz daha hec nə yox idi.
Dostları ilə paylaş: |