34
düşkünlüyü və ümidsizlik zaman keçdikcə mübariz bir ovqata,
nizamivari bir “inqilabçılığa” çevrilir.
Kitabxanaçının
çıxışından sonra həmin kitabxananın
biblioqrafı kitablar haqqında məlumata başlayır. O, ilk olaraq
5 cildlik “H. Cavidin əsərləri” kitabı haqqında məlumat verir:
(I kitab) Çoxəsirlik Azərbaycan ədəbiyyatının ən yaxşı
ənənələrini inkişaf etdirən, zənginləşdirən qüdrətli söz ustası
Hüseyn Cavid öz yaradıcılığı ilə, dərin hikmətli və fəlsəfi
poeziyası, təkrarsız dramaturji əsərləri ilə Azərbaycanda milli
şüurun
intibahına
xidmət
göstərmişdir.
1937-ci
il
repressiyalarının qurbanı olmuş mütəfəkkirin, anadan olmasının
100 illiyi ilə bağlı hazırlıqların getdiyi dövrdə, Heydər Əliyevin
şəxsi təşəbbüsü ilə məzarının Sibirdə tapılıb nəşinin
Azərbaycana gətirilməsi, təsadüfü deyil ki, bir çox dünya
tarixçiləri tərəfindən ölkədəki müstəqillik arzularının və milli-
azadlıq hərakatının başlanğıc nöqtəsi kimi səciyyələndirilmişdir.
Müqtədir sənətkarın yaradıcılığındakı romantik coşğunluq ilk
öncə türk millətinin sabahına olan sonsuz inamdan qidalanırdı.
Sənətkarın “Əsərləri” nin I cildinə “Keçmiş günlər” (Tiflis,
1913), “Bahar şəbnəmləri” (Bakı, 1917) şeirlər silsiləsi və
“Azər” (1920-1937) poeması daxil edilmişdir. Bütün
yaradıcılığı
insanda,
təbiətdə
və
dünyada
gözəllik
axtarışlarından ibarət olan mütəfəkkir şair bu şeirlərində
gözəlliyin pozulan qaydalarını nizama salmaqla məşğuldur.
Odur ki, söz sənətinin bu böyük rəssamını yalnız geniş fəlsəfi
mənada gözəlliyi axtara-axtara və gözəlliyə salınan işığın izi ilə
axıracan başa düşmək olar. Əsərlərin imlasına toxunmamış, dil
və üslubunun qorunmasına çalışılmışdır.
(II kitab) XX yüzil bədii fikrimizin mərdlik və əyilməzlik
simvoluna çevrilən şəxsiyyəti, böyük mütəfəkkir Hüseyn
Cavidin nəsillərə örnək olacaq zəngin və bənzərsiz yaradıcılıq
irsi zaman keçdikcə daha çox aktuallıq kəsb etməkdədir. Şair və
35
ədiblərimiz içərisində ən müstəsna, ən zərif və narın bir dillə
yazan Cavid yaradıcılığa poeziya ilə başlasa da, Azərbaycan
ədəbiyyatı tarixində daha çox dramaturq kimi şöhrət tapmış,
dramatik növün ağırlığı ilə müşayiət olunan ədəbi fəaliyyətində
fəlsəfi ruhun hakim kəsildiyi poeziyasından gələn çalarların
aparıcı olduğu aşkar duyulmaqdadır; onun dram əsərlərinin
mühüm bir qisminin mənzum forma daşıması bununla şərtlənir.
Ədibin “Əsəri” nin II cildinə “Ana”, “Maral” və “Şeyda”
pyesləri ilə yanaşı, Azərbaycan ədəbiyyatının ilk mənzum
dramlarından “Şeyx Sənan”, “Uçurum” faciələri daxil
edilmişdir. Böyük sənətkarın öz əsərlərinin sonunda etdiyi
“İmlasına toxunulmalı!” qeydinə əməl olunmuş, mətnlərin dil və
üslubunun qorunulmasına çalışılmışdır.
(III kitab) Böyük
Azərbaycan mütəfəkkiri, məşhur və xariqüladə
pyeslər müəllifi Hüseyn Cavidin “Əsərləri” nin bu cildinə
müqtədir sənətkarın, səhnəmizin şah əsərlərindən olub, dünya
ədəbiyyatındakı əfsanəvi İblis surətinin çox böyük ustalıqla
canlandırıldığı “İblis” faciəsi mövzusu İstanbul həyatından
alınmış “Afət” i Peyğəmbərin dahiyanə obrazının öz parlaq
əksini tapdığı “Peyğəmbər” i və hərb demonunun surətinin
yaradıldığı “Topal Teymur” daxil edilmişdir. Cavid yaşadığı
cəmiyyətin, mənsub olduğu soyun və bütövlükdə insanlığın
problemlərini əks etdirməyə can atdığı üçün onun mövzuca və
qaldırılan problem baxımından heç biri digərini təkrarlamayan
bu əsərlərində də dünyanın mahiyyətinə varılır, həyatın, xilqətin
fəlsəfi dərkinə çalışılır. Əsərlərin imlasına toxunulmayaraq, dil
və üslubunun qorunmasına çalışılmışdır.
(IV kitab) Hüseyn Cavid sənətimiz tarixinə əlvan, romantik
səhifələr
yazmış şair və dramaturqdur.
Azərbaycan
ədəbiyyatında mənzum pyeslərin yaradıcısı olan monumental-
romantik sənətkarın əsərləri 1920-30-cu illərdə səhnəmizin
inkişafında əvəzsiz rol oynamış, neçə-neçə faciə, dram
36
aktyorumuz məhz bu əsərlərlə yetişmişdir. Öz fəlsəfi, poetik və
estetik konspesiyalarıyla “Cavid teatrı” hətta Cavidin əsərləri
səhnədə oynanmadığı dövrlərdə belə öz təsir gücünü zərrəcə
itirmədən yaşamışdır. Mütəfəkkir sənətkarın “Əsərləri” nin bu
cildinə “Knyaz” (1928-1929) və “Səyavuş” (1933) mənzum
faciələri daxil edilmişdir. İnqilabi mövzuda yazılmış “Knyaz”
dramının ideyası Gürcüstanda sovet quruluşunun bərqərar
olduğu dövrdən və həmin ərəfədə baş verən hadisələrdən
alınmışdır. “Səyavuş”
mənzum faciəsi isə fars-tacik şairi
Əbdülqasim Firdovsinin 1000 illik yubileyinə Hüseyn Cavidin
hədiyyəsi idi. Faciədə qədim “Şahnamə” motivlərinə, çox geniş
yayılmış və dəfələrlə işlənmiş “Səyavuş” dastanına tamamilə
yeni, müasir mövqelərdən yanaşan Cavid tarixi keçmişdə də
daha çox milli istiqlalla bağlı motivlər axtarır.
(V kitab)
Ədəbiyyatımızın ən böyük klassiklərindən biri kimi
şöhrətlənmiş Hüseyn Cavid qələmə aldığı faciələrdə Şərq
taleyinin müxtəlif ciddi problemlərini qaldırmış, türkçülük
ideyalarını təbliğ etmiş, ümumbəşəri məsələləri yüksək
humanizm mövqeyindən işıqlandırmışdır. “Əsərləri” nin bu son
cildinə sənətkarın “Xəyyam” (1935) və “İblisin intiqamı” (1936-
1937) dramları daxil edilmişdir. Bəlkə də ən poetik, ən şairanə
pyesi olan “Xəyyam” da Cavid Şərqin qədim və ziddiyətli
keçmişini artıq bir şair-filosofun timsalında tərənnüm edir.
Əsrinə sığmayan şairin həyat mübarizəsi əsərin əsas sujet xəttini
təşkil edir. Hüseyn Cavidin bütövlükdə bədii bioqrafiyasından
qırmızı xətt kimi keçən İblis ideyası və obrazı öz qanunauyğun
fəlsəfi-estetik və bədii yekununu dramaturqun son əsərində-
faşizm əleyhinə çevrilən, müharibə məfkurəsinin təhlilinə həsr
olunan “İblisin intiqamı” nda tapır. Bu cilddə mütəfəkkir
sənətkarın eləcə də məqalə və məktubları toplanmışdır.
Hüseyn Cavidin növbəti kitablarından biri də “Hüseyn
Cavid. Dram əsərləri.” adlı kitabıdır. Hüseyn Cavid XX əsr
Dostları ilə paylaş: |