7
İstifadə edilən terminlər:
Tutma — (a)
epileptik mənşəli, (b) sinkop nəticəsində və ya (c)
başqa etioloji mexanizmlə keçən beyin funksiyasının paroksizmal
pozulması.
Konvulsiv tutma — müəyyən hərəki (motor) fəaliyyət ilə keçən
tutma (məsələn, klonik, mioklonik və ya tonik epileptik tutmaları).
Konvulsiv tutmanın etioloji mexanizmi epileptik və ya qeyri-
epileptik olur.
Qeyri-konvulsiv tutma — müəyyən hərəki (motor) fəaliyyət
olmadan keçən tutma (məsələn, absans tutmaları). Qeyri-konvulsiv
tutma etioloji mexanizmi epileptik və ya qeyri-epileptik olur.
Epileptik tutma — baş beyin neyronlarının epileptik (həddən
artıq güclü, hipersinxron) boşalmasının nəticəsi olan tutma.
Qeyri-epileptik tutma — baş beyin neyronların epileptik (həddən
artıq güclü, hipersinxron) boşalmasının nəticəsi olmayan tutma
(məsələn, hipoksiya nəticəsində sinkop tutması və ya konversion
pozuntusu nəticəsində olan tutma).
8
Protokol nevroloqlar, psixiatrlar, ilkin səhiyyə səviyyəsində
çalışan həkimlər üçün nəzərdə tutulmuşdur.
Pasiyent qrupu: epilepsiya xəstəliyi olan uşaqlar.
Protokolun məqsədləri:
►
Müxtəlif ixtisaslardan olan həkimlərə uşaqlarda epilepsiyanın
diaqnostika və müalicəsi üzrə sübutlu təbabətə əsaslanan
tövsiyələr təqdim etmək.
►
Epilepsiyanın erkən aşkar edilməsi və onun müalicə
keyfiyyətinin yüksəldilməsi.
►
Epilepsiyalı xəstə uşaqların həyat keyfiyyətinin və sosial
adaptasiyasının yaxşılaşdırılması.
ÜMUMİ MÜDDƏALAR
Epilepsiya – təkrarlanan və adətən provokasiya olunmayan
(refleks epilepsiyalar istisna olmaqla) epilepsiya tutmaları (ET) ilə
müşahidə olunan, müəyyən sindromlar zamanı şəxsiyyətin
dəyişilməsinin xüsusi tipi və psixi pozuntularla müşayiət edilən
müxtəlif etiologiyalı heterogen xəstəlikdir. ET-nin klinik mənzərəsi
epileptik boşalmalara cəlb olunmuş baş beyin şöbələrinin funksional
vəziyyətindən asılıdır. ET zamanı hərəki (motor), hissi (sensor) və ali
qabıq funksiyalarının pozulması müşahidə olunur.
Epidemiologiya
Epilepsiya ilə xəstələnmənin rast gəlmə tezliyi il ərzində 100 000
nəfər əhaliyə 30–50 hadisə təşkil edir. Epilepsiya xəstələrinin 70%-
ində xəstəliyin debütü 20 yaşa qədərdir. Uşaqların 5%-i 20 yaşa
qədər ən azı 1 konvulsiv tutma keçirir. Onların əksəriyyəti febril
tutmalardır və yalnız ¼ epilepsiya diaqnozunun meyarlarına cavab verir.
XBT-10 ÜZRƏ TƏSNİFAT
G40
Epilepsiya
G41 Epileptik
status
G40 və F02.8.2
Epilepsiya ilə bağlı demensiya
G40 və F06.2
Epilepsiya zamanı şizofreniyayabənzər psixoz
G40 və F06.3
Üzvi mənşəli əhval (affektiv) pozuntuları
G40 və F06.8
Əlavə göstərişlər olmadan epileptik psixoz
G40 və F07.0
Üzvi mənşəli şəxsiyyət pozuntusu
9
DİAQNOSTİKA
►
Paroksizmal hadisənin təsviri
Baş vermiş tutmanın epileptik tutma olub-olmadığı təyin
edilməlidir (yəni tutmanın inkişaf mexanizminin əsasında
beyin qabığı neyronlarının həddən artıq güclü, hipersinxron
boşalması olub-olmadığının təyin edilməsi). Uşaqlardan
dəqiq məlumat almaq çətin olduğuna görə tutmanı müşahidə
edən şəxsdən tutmanın təsviri alınmalıdır.
►
Tutmanın təsnifatı (anamnez, klinika, EEQ)
Tutmanın növü və ya növləri təyin olunmalıdır (bax
cədvəl
1). Yadda saxlamaq lazımdır ki, yenidoğulmuşlarda
tutmaların klinik mənzərəsi fərqlənir və təsnifatda əks
olunmayan tutmalar qeyd olunur.
►
Tutmanın etiologiyasının müəyyənləşdirilməsi (neyrovizuali-
zasiya, kariotipləşdirmə, biokimyəvi tədqiqatlar, əzələlərin
biopsiyası və s.)
Tutma epileptik tutmadırsa, o zaman onun idiopatik və ya
simptomatik olması təyin edilməlidir:
əlavə müayinələr vasitəsi ilə ET-nin səbəbi müəyyən edilirsə
(yəni həmin səbəblə bilavasitə əlaqəlidir və səbəb aradan
qaldırıldıqda təkrarlanmır), onda həmin ET-nə simptomatik
deyilir (məsələn, neyroinfeksiya və kəllə-beyin travmalarının
kəskin dövründə epileptik tutmalar; şişlər, serebrovaskulyar
patologiya zamanı epileptik tutmalar; yaxud bir sıra
xəstəliklərin – xroniki alkoqolizm, narkomaniya və
toksikomaniyalar, maddələr mübadiləsi pozulmaları, yuxunun
deprivasiyası gedişi zamanı meydana çıxan tutmalar).
heç bir səbəb müəyyən edilmirsə, onda həmin ET-yə
idiopatik deyilir. Bəzi xəstələrdə səbəbin olmağı güman
olunsa da səbəbin təsdiqi tapılmır, onda həmin ET-yə
kriptogen deyilir.
►
Epilepsiya sindromunun diaqnostikası (anamnez, klinika,
EEQ, video-EEQ monitorinq, neyrovizualizasiya)
Əgər xəstədə 2 və ya ondan çox epileptik tutma baş
verirsə, o zaman epilepsiya diaqnozu qoyulmasına əsas
vardır. Epilepsiya diaqnozu qoyulduqdan sonra epileptik
sindromu müəyyən edilməlidir (bax cədvəl 2).