1-rasm. Landshaftshunos Xorijiy va O’zbek olimlari
Vasiliy Vasilyevich
Dokuchayev
(1846-1903)
Lev Semyonovich
Berg (1876-1950)
Boris Borisovich
Polinov (1877-1952)
Nikolay Adolfovich
Solnsev (1902-1991)
Anatoliy
Grigorevich
Isachenko (1922-y.)
Fyodor Nikolayevich
Milkov (1918-1996)
Nikolay
Andreevich
Kogay (1926)
Leonid
Nikolaevich
Babushkin (1902-1976)
Ali
Abdulqosimov
Abdulqosimovich
Zokirov
Shuhrat
Isroil
Qilichevich
Nazarov
Abbasov
Subxon
Burxonovich
Karimjon Boymirzayev
Mirzaaxmedovich
Mirzamaxmudov
Odiljon
To’xtasinovich
V.V.Dokuchaevning shogirdlaridan biri, ilmiy o„rmonshunoslikning asoschisi
G.F.Morozov (1913) ham landshaft haqida o„z fikrlarini bayon qilar ekan, har
qanday hudud o„zining tabiiy sharoitiga qarab landshaftlarga, ya‟ni tabiiy
birliklarga bo„linadi deb yozadi. Uningcha, ana shu tabiiy birliklar bir tomondan
iqlim, ikkinchi tomondan relyef, geologik sharoit va uchinchi tomondan o„simlik
va hayvonot dunyosi kesishadigan fokusni yoki "tugunni" tashkil qiladi.
G.F.Morozovning tasavvurida landshaft umumiy tushunchadir.
Geobotanik olim R.I.Abolin (1914) ham landshaft deganda, G.F.Morozov
singari har xil katta-kichiklikdagi tabiiy geografik komplekslarni tushungan. Uning
fikricha, yerning kompleks landshaft qobig„i (epigenema) tabiiy zonallanishga
muvofiq holda epizonalarga, ular esa o„z navbatida joyning geologik, tektonik va
orografik tuzilishiga qarab epioblastlarga, ular esa yana epitiplarga bo„linadi.
Epitiplar esa boshqa bo„linmaydigan kichik tabiiy geografik birliklar −
epimorfalardan tashkil topgandir. Bu tabiiy geografik rayonlashtirishning o„ziga
xos taksonomik birliklar tizimi edi.
V.G.Visostkiy, A.A.Borzov, G.F.Morozov va R.I.Abolinlarning tabiiy
geografik kompleks, landshaft haqida bunday muhim ilmiy xulosalarga kelishiga
asosiy sabab V.V.Dokuchaev ilgari surgan, ya‟ni yer yuzasi va undagi tuproqlar bir
tomondan suv, havo, tuproq osti tog„ jinslari, ikkinchi tomondan o„simlik va
hayvonot organizmlarining birgalikdagi o„zaro ta‟sirining bevosita natijasidir,
degan g„oya ekanligi shubhasizdir.
Landshaftshunoslik
fanining
taraqqiyot
tarixi
bilan
ozmi-ko„pmi
shug„ullangan olimlarning aksariyati landshaft tushunchasini birinchi bo„lib
geografiya faniga kiritgan va uni ifodalab berishga harakat qilgan kishi L.S.Berg
(1876-1950) ekanligini e‟tirof etadilar. Darhaqiqat, uning 1913-yilda e‟lon qilingan
"Опыт разделения Сибири и Туркестана на ландшафтные и морфологические
области" nomli asarida ilk marta yer yuzasida predmet, hodisa va jarayonlarning
ma‟lum aloqadorliklari tufayli hosil bo„lgan hududiy birliklarni ajratish zarurligi
haqidagi fikr aytilgan edi.
Keyinroq, L.S.Berg (1915) geografiyaning predmeti va vazifalari haqida fikr
yuritar ekan, "Geografik izlanishlarning maqsadi nihoyat, ham tabiiy, ham
madaniy landshaftlarni o„rganish va ta‟riflab berishdan iboratdir", − deb yozgan
edi, shu bilan birga u yana bir bor landshaftni ta‟riflab berishga harakat qiladi va
"Tabiiy landshaft relyef, iqlim, o„simlik va tuproq qoplami tavsiflari garmonik
(uyg„unlashib ketgan) bir butunni tashkil qilgan, yerning ma‟lum zonasi bo„ylab
tipik qaytalanib turadigan oblastdir", − deb yozadi. Bundan tashqari, u ilmiy
geografiyaning asosiy vazifasi tabiiy landshaftni tashkil qiluvchi omillarning
o„zaro ta‟siri va aloqadorligini o„rganishdir, deb ta‟kidlab o„tadi. Bu landshaft
haqidagi eng dastlabki ilmiy ta‟rif bo„lib, unda landshaft tabiiy zonaning bir qismi
ekanligiga va tabiiy geografiyaning o„rganish predmeti ekanligiga ishora qilinadi.
L.S.Bergning landshaftlar, landshaft zonalari haqidagi ushbu ishlarining
bosilib chiqishi boshqa rus tabiatshunoslari, ayniqsa geobotanik, tuproqshunos,
o„rmonshunos olimlar tomonidan landshaft haqidagi g„oyaga bo„lgan qiziqishning
ortishiga sabab bo„ldi. Ularning ilmiy izlanishlari bilan bevosita yirik masshtabli,
aniq dala tadqiqot ishlari boshlandi. Natijada dastlabki landshaft xaritalari tuzila
boshlandi. Bunday izlanishlar, albatta, amaliy maqsadlarni ko„zlagan holda,
ayniqsa, yangi yerlarni o„zlashtirish maqsadlarida amalga oshirildi. Bir vaqtning
o„zida landshaft tushunchasining ta‟rifi ham sayqallana boshladi.
XX asr 20-yillarining o„rtalariga kelib, birin-ketin landshaft izlanishlarining
natijalari va ular tufayli yuzaga kelgan fikrlar e‟lon qilina boshlandi. Ana shunday
ishlardan biri B.B.Polinovga (1877-1952) tegishlidir. Uning 1925-yilda "Природа"
jurnalida bosilib chiqqan "Landshaftlar va tuproq" nomli maqolasida
landshaftshunoslikning bir qator umumiy masalalari ko„rilgan va shu jumladan,
landshaft tushunchasini aniqlashtirishga ham harakat qilingan. B.B.Polinovning
yozishicha, landshaft deb, yer yuzasining shunday bir qismiga aytiladiki, uning
hududida iqlim, tog„ jinslari, relyef, suv havzalari, o„simlik, tuproq va hayvonot
dunyosining ma‟lum tarkibi va xususiyatlari, ular orasidagi o„zaro ta‟sir va
jarayonlarning bir butunligiga sabab bo„ladigan darajada saqlanadi.
B.B.Polinov landshaftlarning dinamik holatiga e‟tibor berib, landshaftlarning
tarkibiy qismlari orasidagi o„zaro bog„liqlikni muvozanat holatda emas, balki u
doimo harakatda bo„ladi hamda landshaftning evolutsiyasini, ya‟ni asta-sekin
muttasil rivojlanib borishini hamda uning oqibatida bir landshaft o„rnida boshqasi
hosil bo„lishini uqtirib o„tadi.
Tabiiy geografik omillarning landshaftlar evolutsiyasidagi roli haqidagi
g„oyaning muallifi ham B.B.Polinovdir. Uningcha, landshaftning umumiy
qiyofasini shakllanishida iqlim va joyning geologik tuzilishi birlamchi omillar
bo„lib hisoblanadi. Qolgan omillar esa genetik jihatdan ana shu iqlim va geologik
sharoitga bog„liqdir. Hayvonot dunyosi esa landshaftning eng tobe elementidir.
Tuproq landshaftning boshqa elementlaridan katta farq qiladi. U landshaft hosil
bo„lishining dastlabki daqiqalaridanoq landshaftning hosilasi hisoblanadi. Bundan
tashqari, B.B.Polinov har bir landshaftda hozirgi tabiiy sharoitni aks ettiruvchi
(konservativ) elementlar, o„tgan davrlardagi tabiiy sharoitning xususiyatlari
saqlangan (relikt) elementlar va yangi, endigina nish urayotgan, kelajakda yuzaga
keladigan tabiiy sharoitdan darak beruvchi (progressiv) elementlar mavjudligini
ta‟kidlab o„tadi.
1926-1927 yillarda I.V.Larin (1889-1972) ham o„zining landshaftlarni
o„rganishga bag„ishlangan bir qator ilmiy maqolalarini e‟lon qildi. Uning Ural
guberniyasi
hamda
Kaspiybo„yi
pasttekisliklaridagi
Chiji
yoyilmalari
landshaftlariga tegishli ishlarida o„simlik qoplami bilan landshaft o„rtasida juda
katta bog„liqlik mavjudligi va shu bilan birga landshaftlarni o„simliklarga qarab
aniqlash metodikasi yoritib berilgan. Ushbu ilmiy ishlarda aniq landshaft xaritalari
va ularga bog„liq holda landshaftlarning batafsil tahlili ham keltirilgan. Bundan
tashqari, tabiiy geografik komplekslarning eng kichigi, boshqa bo„linmaydigani
mikrolandshaft ekanligi haqidagi g„oya ham ilgari surilgan.
I.V.Larin kabi bir qator hududlarning landshaftlarini tadqiq qilish bilan
shug„ullanganlardan yana biri A.D.Gojevdir (1929, 1930, 1932). U o„z
maqolalarida "landshaft" atamasi o„rniga "hudud tipi" atamasini ishlatishni ma‟qul
topgan. A.D.Gojevning ta‟riflashiga qaraganda, hudud tipi yer yuzasidagi uncha
katta bo„lmagan, ma‟lum tuproq, o„simlik va relyef sharoitiga ega, qiyofasi shu
joyning geologik tuzilishiga bog„liq bo„lgan birlikdir. Uning bir butunligi o„zaro
bog„liq va o„zaro ta‟sirdagi tabiiy omillarning mavjudligi bilan belgilanadi.
A.D.Gojevning hudud tiplariga misol qilib, savanna, cho„l, chalacho„l, dasht,
o„rmon, tundra kabilarni keltirishi, uning "hudud tiplari" L.S.Bergning landshaft
zonalarining o„zginasi ekanligidan dalolat beradi.
Shunday qilib, XX asrning 30-yillariga kelib, B.B.Polinov, I.V.Larin,
A.D.Gojev va boshqalarning ayrim-ayrim hududlarda olib borgan landshaft
izlanishlari natijasida bir qator aniq landshaft xaritalari tuzildi. R.I.Abolin
tomonidan 1929-yilda tuzilgan Qozog„istonning janubiy qismiga tegishli o„rta
masshtabdagi tuproq-geobotanik xarita ham o„zining mazmuni va sifati jihatidan
hozirgi zamon landshaft xaritalaridan qolishmaydi. Bu davrga kelib landshaft
tushunchasi ko„pgina tabiatshunos olimlar tomonidan e‟tirof etila boshlandi.
A.G.Isachenkoning (1991) yozishiga qaraganda, XX asrning 20-yillari bilan
30-yillarining chegarasida geograflar tomonidan fanning metodologik va nazariy
muammolariga bo„lgan qiziqish ancha ortgan. Landshaftshunoslik sohasidagi
nazariy izlanishlar va qizg„in munozaralarga L.S.Bergning (1931) landshaft,
geografik zonalar haqidagi kitobining bosilib chiqishi asosiy sabablardan biri
bo„lgan. Bu yirik ilmiy asarning kirish qismida landshaft haqidagi ta‟limot asoslari
qisqacha bayon etilgan. Unda L.S.Berg landshaft tushunchasining izohini
to„ldirishga va aniqlashtirishga harakat qilgan. Shu bilan birga, landshaftlarning
vaqt mobaynida o„zgarishi va bu o„zgarishlarning shakllari va sabablari haqida bir
qator muhim fikrlarni bildirgan. Ushbu kitobda yozilishicha, geografik landshaft
shunday bir hodisa va jarayonlarning guruhlashganiki, landshaft iqlim, suvlar,
tuproq, o„simlik qoplami va hayvonot dunyosi hamda ma‟lum darajada insonning
xo„jalikdagi faoliyati ham uyg„unlashib ketgan garmonik bir butunni tashkil qiladi.
Shu bilan birga, u yerning ma‟lum tabiat zonasi ichida tipik qaytalanib turadi.
Landshaft tushunchasiga berilgan ushbu ta‟rif L.S.Bergning 1936, 1938,
1939-yillarda nashr qilingan ishlarida ham qaytalanadi. Ammo u keyinchalik 1945-
va 1948-yillarda "landshaft" atamasi o„rniga "geografik aspekt" atamasini
ishlatishni lozim topadi. Shu bilan birga 30-yillarda bir qator faylasuflar tomonidan
qattiq tanqidga sabab bo„lgan "Garmonik (uyg„unlashib ketgan) bir butunni tashkil
qiladi", − degan jumlani ham chiqarib tashlaydi. Landshaftning yangi ta‟rifini berar
ekan, L.S.Berg: "Geografik aspekt deganda, predmet va hodisalarning shunday
majmui yoki guruhlashganini tushunamizki, u tabiiy chegaralar bilan
chegaralangan bo„lib, uning qismlari butunga, butuni esa qismlarga ta‟sir etib
turadi.
Ushbu geografik aspektga xos bo„lgan relyef, iqlim, suvlar, tuproq va o„simlik
qoplami, hayvonot dunyosi hamda ma‟lum miqdorgacha insonning qishloq
xo„jalikdagi faoliyati (umuman insonning organik dunyodan foydalanishi)ning
xususiyatlari shu aspekt mavjud bo„lgan zonada tipik qaytalanib turadi", − deb
yozgan edi. Landshaftlarga misol qilib o„rmon zonasidagi archazor, shu zonadagi
qarag„ayzor, shu zonadagi botqoqlik, Valday balandligi, o„rmon-dashtdagi jar
landshafti, O„rta Sibir yassi tog„ligi kabilarni keltiradi. Shuning uchun ham
L.S.Bergning ishlaridan landshaftning hajmi, katta-kichikligi haqida, u regional
birlikmi, tipologik birlikmi degan savollarga aniq javob topish qiyin. Uning jar
landshaftlari yoki botqoqlik landshaftlari bilan bir qatorda O„rta Sibir yassi
tog„ligi, Qozoq burmali tog„lari kabi katta-katta, tabiiy geografik jihatdan
anchagina murakkab tuzilgan hududlarni ham alohida landshaftlar tariqasida
keltirishi, o„zining "Landshaft yerning ma‟lum zonasi bo„ylab tipik qaytalanib
turadi", − degan fikriga mutlaqo to„g„ri kelmaydi.
L.S.Berg (1947) geografik landshaftlar birgalikda landshaft zonalarini hosil
qilishi va shu bilan birga birinchi darajalik va ikkinchi darajalik landshaftlarga
bo„linishini misollar bilan keltiradi. Uningcha, mo„tadil iqlimli cho„llar landshaft
zonasidir, undagi qumliklar esa 1-darajali landshaft, do„ng qumlar esa 2-darajali
landshaft yoki fatsiya hisoblanadi. Fatsiyalar esa eng kichik tabiiy geografik birlik
sifatida boshqa bo„linmaydigan tabiiy geografik kompleks hisoblanadi.
Landshaftlarning dinamik holatda bo„lishi L.S.Bergning diqqat-e‟tiboridan
chetda qolmagan. Uning fikricha, biron bir landshaft haqida to„laroq tushunchaga
ega bo„lish uchun u qachon va qanday sharoitda hosil bo„lgan va keyinchalik
qanday ko„rinishga ega bo„lishidan xabardor bo„lish lozim. Landshaft
taraqqiyotidagi dinamik jarayonlarni fasliy, tarixiy bo„lishi hamda inson faoliyati
ta‟sirida ham rivojlanishini unutmaslik kerak.
Tabiiy geografiyada Dokuchaevcha genetik bo„linishni va uni L.S.Berg
asarlarida rivojlantirilishini tahlil qilgan A.G.Isachenko (1955) L.S.Bergning ilmiy
faoliyatidagi uchta asosiy yo„nalishni ajratadi. Bular: 1) geografik zonalar haqidagi
ta‟limot; 2) geografik landshaft haqidagi ta‟limot; 3) yer yuzasi tabiati (geografik
muhit)ning rivojlanishi haqidagi ta‟limot.
L.S.Bergning landshaftlar va zonallik haqidagi ta‟limoti keyinchalik juda ko„p
landshaftshunos olimlarning ishlarida davom ettirildi va rivojlantirildi. Yirik
landshaftshunos olim N.A.Solntsevning ta‟biri bilan aytganda, kimki landshaft
muammolari bilan shug„ullanar ekan, albatta L.S.Bergning ilmiy ishlariga murojaat
qiladi. Chunki, u landshaft haqidagi ta‟limot asoslarini yaratdi va uning g„oyalari
asosida landshaftshunoslik rivojlana boshladi.
Landshaftshunoslikning taraqqiyot tarixi haqida so„z yuritilar ekan,
L.G.Ramenskiy (1884-1953) bildirgan fikrlar haqida ham to„xtalib o„tmasak
bo„lmaydi. Chunki landshaftning morfologik tuzilishi haqidagi dastlabki fikrlar va
landshaftshunoslikdagi butun boshliq bir yo„nalishga asos bo„lgan tushuncha, ya‟ni
"Landshaftlar regional birliklardir", degan tushunchani ilgari surgan kishi ana shu
L.G.Ramenskiydir. U o„zining 1935-yilda e‟lon qilingan maqolasida
landshaftshunoslik uchun dastlabki, eng kichik birlik bo„lib tabiiy sharoiti jihatidan
bir xil bo„lgan eng oddiy kompleks epifatsiyalar hisoblanadi, deb yozgan edi.
Epifatsiyalar, uning fikricha, tabiatda o„zidan kattaroq bo„lgan mikrokomplekslar,
ya‟ni tabiiy uchastkalarni hosil qiladi va ular o„z navbatida, kelib chiqishi bir xil
bo„lgan mikrokomplekslar bilan birga mezokomplekslarni, mezokomplekslar esa
makrokomplekslarni, ya‟ni landshaftlarni hosil qiladi. Landshaftlar bir-biridan
miqdor va sifat o„zgarishlari bilan farq qiladi. Shuning uchun ham har bir landshaft
eng kichik tabiiy rayon yoki mikrorayon bo„lib xizmat qilishi mumkin.
Keyinchalik L.G.Ramenskiy (1938) mezokomplekslarni urochishelar deb
ataydi va epifatsiyalarning ma‟lum bir guruhi, ya‟ni o„zaro bog„liq va aloqador
bo„lganlari birgalikda urochishelarni tashkil qilishini ta‟kidlab o„tadi. Uning fikriga
qaraganda landshaftlarni tashkil qiluvchi urochishelar namlik, issiqlik va turli
moddalar almashinuvi orqali o„zaro bog„liq va aloqadordir hamda bir butun
moddiy tizimdir. Uning bu mulohazalari landshaftning morfologik strukturasini
ochib berishga qaratilgan dastlabki qadam edi.
Shunday qilib, L.G.Ramenskiy landshaftni regional birlik deb targ„ib qilgan
va landshaftning morfologik tuzilishi haqidagi ta‟limotni rivojlantirgan olimlardan
birinchisi edi, desak bo„ladi.
Landshaft regional birlikdir, degan tushunchaning tarafdorlaridan yana biri,
tabiiy geografiyaning nazariyasi, yerning umumiy geografik qonuniyatlari va
geografik landshaft haqidagi ta‟limot bo„yicha bir qator ilmiy asarlar yaratgan olim
S.V.Kalesnik (1901-1977) hisoblanadi. Uning fikricha, har bir landshaft tabiiy
geografiyaning asosiy birligidir, ya‟ni tabiiy geografik rayon bilan landshaft
ikkalasi bir narsadir.
Landshaftdan kichik bo„lgan tabiiy geografik komplekslarni o„rganish boshqa
fanning vazifasidir. S.V.Kalesnikning (1970) fikricha, Y.Byallovichning "xora",
L.S.Bergning "geografik aspekt", A.Ponomarevning "elementar landshaft", S. S.
Neustruevning "tabiiy rayon", V.B.Sochavaning "okrug", A.D.Gojevning "hudud
tipi", S.D.Muraveyskiyning "geografik kompleks", V.I.Lidovning "tabiiy
kompleks"lari landshaft atamasining sinonimlaridir. Landshaft va ularning turli
taksonomik qiymatga ega bo„lgan guruhlari regional tabiiy geografiyaning asl
obyektidir, deb hisoblagan S.V.Kalesnik (1952) tabiiy geografiya landshaftlarni,
ularning tarkibi, tashqi ko„rinishi, strukturasi va rivojlanish qonuniyatlari jihatidan
o„rganadi, deb yozadi.
Uningcha, landshaft yer yuzasining shunday bir qismiki, u boshqa qismlaridan
sifat jihatidan farq qiladi, tabiiy chegaralar bilan chegaralangan bo„ladi. Landshaft
predmet va hodisalarning o„zaro bog„langan bir butun yig„indisi bo„lib, anchagina
katta hududda tipik namoyon bo„lib turadi va har tomonlama yerning landshaft
qobig„i bilan uzluksiz bog„liqdir. Agar V.V.Dokuchaev izlanishlaridan boshlab to
XX asr 40-yillarining boshlariga qadar bo„lgan davrdagi landshaftshunoslikning
rivojlanish tarixiga qisqacha yakun yasaydigan bo„lsak, quyidagilarni
ta‟kidlashimiz mumkin bo„ladi:
1) yangi tabiiy geografiyaning, shu jumladan, landshaftshunoslikning yuzaga
kelishiga, avvalo, V.V.Dokuchaevning (1893-1899) jonli va jonsiz tabiat orasidagi
aloqalar haqidagi g„oyasi sabab bo„ldi. XX asrning boshlariga kelib tabiiy
geografik komplekslar haqidagi yangi bir fanning yuzaga kelishi muqarrar bo„lib
qolgan edi.
2)
A.A.Borzov,
G.F.Morozov,
L.S.Berg,
R.N.Abolin,
B.B.Polinov,
L.G.Ramenskiy va boshqalarning ilmiy izlanishlari natijasida landshaft haqidagi
ta‟limot shakllana boshladi. Yirik va o„rta masshtablik landshaft xaritalarini
yaratish jarayonida kattami-kichikmi tabiiy geografik komplekslar mavjud
ekanligi va ularni hosil qiluvchi komponentlari haqiqatdan ham bir-biri bilan
chambarchas bog„liq va o„zaro aloqador ekanligi ma‟lum bo„ldi.
3) nihoyat, landshaftlar o„zidan kichik bo„lgan tabiiy geografik komplekslar −
urochishe va fatsiyalar (mikrolandshaft yoki elementar landshaft)dan tuzilganligi,
ularning o„zaro aloqadorligi, ya‟ni landshaftlarning morfologik tuzilishi haqidagi
tushuncha shakllana boshladi.
|