Uchinchi bosqich (1970-1991) landshaftlar dinamikasi, tabiiy geografik
komplekslarga antropogen ta‟sir va tabiatdan samarali foydalanish muammolarini
yechishga qaratilgan tadqiqotlarning ustunligi bilan tavsiflanadi. Bu bosqichning
tavsifli tomoni shundaki, bu davrda kosmosdan olingan ma‟lumotlar keng yuzaga
keldi, tizimli yondashuv tushunchasi keng qo„llanila boshlandi.
Bir qator yangi
tushunchalar (bir butunlik, tashkillanganlik, funksiyasini bajarishi, holatlari,
barqarorligi kabi) keng qo„llana boshlandi. Antropogen landshaftshunoslik
(F.N.Milkov, 1977) yo„nalishi, geotextizimlar haqidagi ta‟limot (K.N.Dyakonov,
1978) paydo bo„ldi. Landshaftshunoslik nazariyasiga
oid bir qator monografik
asarlar nashrdan chiqdi. "Landshaftshunoslik" predmeti ko„p oliy o„quv yurtlarida
o„qitila boshlandi.
To„rtinchi bosqich 1992-yildan boshlanib, hali tugamagan. Bu bosqichni
muallif shartli ravishda XX asrning 50-80 yillarida to„plangan landshaft
tadqiqotlari ma‟lumotlarini yerning kosmik suratlarini jalb qilish, kompyuter
texnologiyalari va matematik modellashtirish usullaridan foydalangan
holda tahlil
qilish deb nomlagan. Bu bosqichning tavsifli tomonlaridan biri, ekologik
yo„nalishdagi tadqiqotlarning oldingi o„ringa chiqib olganligidadir.
Landshaftshunoslikning
taraqqiyot
tarixi
bilan
shug„ullangan
V.S.Preobrajenskiy (1988) ham asosan uch davrni tavsiflashga harakat qilgan:
landshaft haqidagi asosiy g„oyaning (konsepsiyaning) tug„ilish davri (XIX
asrning 80-yillaridan XX asrning 40-yillarigacha);
landshaft haqidagi ta‟limotning shakllanish davri (1945-65 yillar);
landshaftshunoslikning avj olish davri (1965-yildan boshlab).
Ushbu davrlar yana bir qancha bosqichlarga bo„lingan. Ammo, muallifning
o„zi bunday bo„lishni anchagina shartli ekanligini tan oladi. V.S.Preobrajenskiy bu
davr yoki bosqichlarning chegarasini aniqlashda fanda ro„y bergan muhim va yirik
voqealarni ham hisobga olganligini ta‟kidlaydi. Bunday muhim yoki yirik voqealar
deganda, u ko„pchilikda qiziqish uyg„ota olgan anjumanlar yoki yirikroq ilmiy asar
va darsliklarning nashrdan chiqqanligini tushungan.
Chunki, shu mavzuda o„tkazilgan bir qator ilmiy anjumanlarda tabiiy
geografik rayonlashtirishning asosiy metodi landshaft tipologik birliklar xaritasini
tahlil qilish natijasida tabiiy geografik rayonlarni aniqlash ekanligi ta‟kidlab
o„tilgan edi. Tabiiy geografiya va landshaftshunoslik ilmiy yo„nalishi shakllandi va
uning dastlabki yillarida (1960-1963 yillar) geografiya fanlari nomzodlari,
dostentlar N.D.Dolimov, O.Y.Poslavskaya, Ch.V.Galkovlar ishtirok etishgan.
Keyinchalik esa ularning safiga Sh.Zokirov, I.Hasanov, A.Zaynutdinov, A.Soatov
kabi yoshlar kelib qo„shildilar. O„zbekistonlik
yosh geograflar orasida
landshaftshunoslik masalalariga bo„lgan qiziqish 1960-1970 yillarda yanada avj
oldi. Bu vaqtda bir qator yosh hamyurtlarimiz Moskva, Sankt Peterburg, Kiyev,
Voronej, Lvov, Qozon kabi shaharlarga borib aspiranturada tahsil oldilar,
dissertatsiyalarini himoya qilib qaytdilar.
P.G„ulomov,
M.
Umarov,
Y.Sultonov,
A.Saidov,
S.Nishonov,
A.Abdulqosimov,
L.Alibekov,
T.Allaberganov,
T.Jumaboev,
A.Rafiqov,
M.Quziboev, Sh.Ergeshovlar shular jumlasidandir. Ularning ilmiy yo„nalishlari,
O„zbekiston landshaftshunosligiga qo„shgan hissalari haqida Y.Sultonovning
(1974)
kitobidan
umumiy
tasavvurga ega bo„lish mumkin. Ushbu
tadqiqotchilarning ko„pchiligi hududiy landshaftshunoslik yo„nalishida
ish olib
borganliklarini O„zbekistondagi geografiya hamda ekologiya tarixi bilan
shug„ullangan R.U.Raximbekov (1995) ham ta‟kidlab o„tgan. Qo„shimcha tarzda
shuni eslatib o„tish mumkinki, yuqorida nomlari sanab o„tilgan tabiiy
geograflarimiz landshaft tushunchasini izohlashda hamfikr emaslar. Buning sababi
ularning turli ilmiy maktablar namoyondalari rahbarligida tahsil olganliklaridandir.
O„zbekistonlik yosh geograflar orasida landshaftshunoslik masalalariga
bo„lgan qiziqish 1960-1970 yillarda yanada avj oldi.
Bu vaqtda bir qator yosh
hamyurtlarimizdan L.Babushkin, N.Kogay, A.Abdulqosimov, SH.Zokirov,
S.Abbasov, K.Boymirzayev, A.Raxmatullayev va boshqalar Moskva, Sankt
Peterburg, Kiyev, Voronej, Qozon va boshqa xorijiy shaharlarga borib
aspiranturada tahsil oldilar yoki dissertatsiyalarini himoya qildilar. Shuningdek,
O‟zbekistonda landshaftshunoslikni rivojlanishida fanga oid adabiyotlarning nashr
etilishi bilan ham bog‟liqdir. Jumladan quyidagi adabiyotlarni aytib o‟tishimiz
mumkin:
O„zbekiston landshaftshunosligiga qo„shgan hissalari haqida Y.Sultonovning
(1974) kitobidan umumiy tasavvurga ega bo„lish mumkin. Shu bilan birga,
mamlakatimizda landshaftshunoslikning rivojlantirish bo‟yicha
yosh olimlar
tomonidan ilmiy tadqiqotlar olib bormoqdalar. Jumladan, landshaftlarni muxofaza
qilish bo‟yicha (O.Quziboyeva – Qo‟qonDPI), landshaftlarni transformatsiyasi
bo‟yicha (N.Sabirova – SamDU), voha landshaftlarini ekologik optimallashtirish
bo‟yicha (I.Mirzahmedov – NamDU), adir landshaftlarini ekologik sharoitini
baholash bo‟yicha (O.Mirzamahmudov – NamDU) va x.k.
Dostları ilə paylaş: