16
12
Bu gedişin; gəlişini,
bənizindən oxuyuram
sözlərimə; misra- misra, sehhə qoyub
gələcəyi yazılıram, sayfa- sayfa
............ ala bilsə bizim tayfa
bu günədək; divanlanmış, dünyalığım
ki bu köynək;
qaynaqdırsa dolandığım yollarımdan
........... beləliklə; hər anımın davranışı,
düyünlərdə
yol ver; bütün yönlərinə,
......bu günlərdə
- oxunarsam əyər, səndə
sən; özünü oxu
- məndə -
əyarlanıb dəyim dərdə
kirdarlanım bu günləri, özü boyda
yasda... toyda.
17
13
Könül - könül!
istə; gəlim, o burulğan yollarına,
gülüş əkim
....... və baş çəkim;
dövran- dövran, anlarına,
- hər, bir yanda
bu yanlar ki zindəganlıq gözəsidir
o yanlardan xəbər dərim
bir yerlər ki; başlanışlar,
baş qovzayır, ayaq tutur oralardan
- istə, gəlim -
oralarki sənin, doğum ocağındır
yaşıl- yaşıl, qonaqlaşaq, eşqimizi pəkişdirək
..... gülüşləri öpüşdürək, bir birilə
sevinc ilə dodaqlaşaq
sevgi ilə qucaqlaşaq
........................... istə, gəlim;
ellərinə- əllərinə, çatsın əlim.
18
14
Bu yaşayış bizdə çoxda; bir az, yazdır!
bir ço...x, qışdır!!
gözümüzdə ötürsə; öz - özümüzdən
götürməyir, acıları- acıqları
bu yaşayış, sürünərək topraqlara
bürünərək alçaqlara; duranmayır ayağa,
- bir, boş xəyalca,
.......... bizdən, uca
görəvsiz bir yaşayışdı,
- bizdə -
Topraq yasaları yaşadıqda, əynimizdə
Lap, dar- düdük geyinmişdir, istəkləri- diləkləri
bu yaşayış, bir keçəri ömrü, bizdə yola salmış
...bildiyini, bizə edir!
ürəkləri, tərsə gedir!!
ancaq: insan gedir ki, öz vüqarında; rast otursun
.... öz özünü, yiyələnsin,
- tamam - kamal -
qanad vursun, ............ uca dursun.
19
15
Könül istir;
gözlərinin uzayında, qanad açsın
menamları, canlandırıb;
mə`na- mə`na, saçsın,
sağmal döşlərinə
sən, duyğular dərnəyim ol
sən, isbatlar əsasında,
örnəyim ol
göz qoyduqca, sirətimə
bir əldə, çək fitrətimə
doyur, toxtaq aclığımı
- mənliyimdə -
oturduqca, aşqın dursun
təbi`n quşu; ucalarda,
uçsun səni
.................
divanına, köçsün səni.
20
16
Nur dalğalı; burulğanlı,
daşqın çaylar çevrəsində
nur həyatlı; yaşayışlar sağlığına,
dənizlənib mey-lə
............... sonra; aynalıqlar, desin neylə!
gözlərinə gülsün,
Açın..... Varlıq..... Həyat
mə`na versin, səniniçin
........... ammaların, gözdən düşsün
mə`naların, lap sürtüşsün, ürəyinə.
...... o ki ürək diktəsidir:
hər, bir anın;
bir, başlanış nüktəsidir
bunu alsan, adaxlarsan, hər bir anı
özləyərsən varlıq üzrə,
hə...r, bir zadı, hə...r, iym`anı
hə...r, mə`nanı.
21
17
Bu gedişdə;
sayıq- yayıq, dözüm olsam
özəlliklər xərmənindən,
gözəlliklər gülşənindən,
- daha artıq, pay aparram
hər əməldə, gözüm olsa; hər bir işi,
daha yayıq,
..... xoş yaparam
..... və taparam özlüyümü,
hər nəsnədə, daha bəlli
Törənişdə, hüzurumu alqışlayan,
baxımımdır
bu yerişdə, yazda..... qışda,
sel - su kimi, öz içimi
taptalayıb aynalayan, axımımdır
hər bir halda, sahmanlanıb,
olmalıyam hər bir işdə
........ eşq əlini, Sıxmalıyam, bu gedişdə.
22
18
Qoy ürəyim; ödəsin,
ta...m gülüşünü
qoy əllərim; şikar etsin,
anlarını, özü boyda
qoy gözlərin dolusunca,
doluxsunum; kirdarını
...... həyatımı, sevin könül, qaşlarında
qoy döyünüm örənlərin,
- ürəyində -
dalğa- dalğa, qaş göz atsın
gülüşlərdə, varlığımı gülə çəksin
qoy getdiyin yollarına
öz fikrini, başlıq qoşum
döşlərinə, çiçək əksin
...yaxınlarda, açsın səni; butaq- butaq
uzaqlarda, köçsün səni; qucaq- qucaq
varıl, böyük bir şüura, oymaq- oymaq
dodaq- dodaq.
Dostları ilə paylaş: |