Vǝdǝyi-dövri-qǝmǝrni tapşırır dövran ona

__________________________________________________________________________________________ 
www.ocaq.net 
 
 
205
Ey pǝri, hüsnin sǝnin mahi-münǝvvǝr görmüşǝm, 
Ol yüz üstǝ ǝbr tǝk zülfin müǝnbǝr görmüşǝm, 
 
Gǝrçi mǝhşǝr bir olur ǝhli-cahanda, ey sǝnǝm 
Firqǝtinin hǝr günün mǝn razi-mǝhşǝr görmüşǝm. 
 
Bǝski, bülbültǝk cahanda eşq ilǝn fǝryad edǝm, 
Arizin baqi gülün çün vǝrdi-ǝhmǝr görmüşǝm. 
 
Bǝs mǝnim mülki-cahanda taleim firuz ola, 
Ta sǝnin yüzün kimi bir sǝd ǝkbǝr görmüşǝm. 
 
Bu Xǝtainin mǝqami asitanındır müdam, 
Çün sǝni şahi-kǝrǝm, özümni Qǝnbǝr görmüşǝm. 
 
 
* * * 
 
Ol pǝri rǝna gedǝn sǝrvi-rǝvanımdır mǝnim, 
Sayǝ sanma, sürünǝn yanınca canımdır mǝnim. 
 
Bülbüli-zarǝm ki, hüsnün gülşǝnidir mǝskǝnim, 
Hǝlqeyi-zülfin şikǝnci aşiyanımdır mǝnim. 
 
Mu tǝki belin xǝyalı, incǝ fikrimdir müdam, 
Zǝrrǝcǝ ağzın sözü razi-nihanımdır mǝnim. 
 
Mǝn nola gövkǝb kimi, hǝr şǝb ğǝmindǝn ölmǝyim. 
Çün cǝmalın kökdǝ mahi-asimanımdır mǝnim. 

---

__________________________________________________________________________________________ 
www.ocaq.net 
 
 
206
Dedim: ey dilbǝr: Xǝtai kimdurur kuyindǝ zar? 
Dedi: bir heyrani-valeh, natǝvanımdır mǝnim. 
 
 
* * * 
 
Ol pǝri kim, çeşmi-saqi, lǝli-camimdir mǝnim. 
Qaşi mehrabim, yüzü beytül-hǝramimdir mǝnim. 
 
Dilbǝrin vǝslindǝn ayru istǝmǝn hǝr sübhü şam, 
Yüzü sübhümdür vǝ leykin zülfi damimdür mǝnim. 
 
Ol pǝripeykǝr neçün canım quşun seyd etmǝsün, 
Danǝdir xali pǝrişan zülfü damimdür mǝnim. 
 
Valehǝm bir qǝddi-tuba, lǝli kövsǝrbarǝ kim, 
Asitani, rövzeyi-darüs-sǝlamımdır mǝnim. 
 
Bu Xǝtainin sözünǝ münkir olma, zahida, 
Bir pǝrinin hüsni vǝsfindǝ kǝlamımdır mǝnim. 
 
Çıxmadı eşqin sǝnin bir lǝhzǝ canimdǝn mǝnim, 
Mehri-hüsnin yeg durur, ruhi-rǝvanimdǝn mǝnim. 
 
Gül-yüzünü yad edǝndǝ, ey pǝriru, qönçǝ lǝb, 
Od çıxar susǝntǝki hǝrdǝm zǝbanimdǝn mǝnim. 
 
Əksi-sayǝndir vücudim, ey boyun sǝrvi-rǝvan, 
Getmǝsün sayǝn sǝnin bir lǝhzǝ yanimdǝn mǝnim, 

---

__________________________________________________________________________________________ 
www.ocaq.net 
 
 
207
Pǝrtövi-xyrşidi-ruyini görǝndǝ, zǝrrǝ tǝk, 
Bulmaya heç kimsǝnǝ namü nişanimdǝn mǝnim. 
 
Firqǝti qǝsd etmǝdin, miskin Xǝtai xǝstǝyǝ, 
Bir xǝbǝr ver, ey sǝba, ol gülsitanimdǝn mǝnim. 
 
 
* * * 
 
Batinim hicrindǝ cana, dobdolu qandır mǝnim, 
El yüzündǝ zahirim gül kimi xǝndandır mǝnim. 
 
3ǝhri-Hicrin lǝşgǝrindǝn kişvǝri-canǝ nǝ ğǝm, 
Çün xǝyalın könlümün tǝxtindǝ sultandır mǝnim. 
 
Bülbüli-zarǝm, yüzün baği-gülüstanım durur, 
Ol gülüstan üstünǝ zülfin şǝbistandır mǝnim. 
 
Çeşmi-mǝstin gecǝlǝr neçün oyanmaz xabdǝn, 
Kim işim hǝr sübhü şam ah ilǝ ǝfğandır mǝnim. 
 
Bu Xǝtaiyǝ rǝqibin fitnǝsi kar eylǝmǝz, 
Daima çün dǝstigirim, fǝzli-sübhandır mǝnim. 
 
 
* * * 
 
Ta mǝni ayırdı dövran sovlü yarımdan mǝnim. 
Incidi gögdǝ mǝlayik ahü zarimdan mǝnim. 

---

__________________________________________________________________________________________ 
www.ocaq.net 
 
 
208
Surǝtin gördüm, nigara, valehü sövdaiyǝm, 
Firqǝtin dövr eylǝdi, sǝbrü qǝrarımdan mǝnim. 
 
Ey pǝripeykǝr, sǝni ondan bǝrü kim görmüşǝm, 
Hüsnin ayırdı qǝrarü ixtiyarımdan mǝnim. 
 
Hǝsrǝtǝm Yǝqubtǝk, Yusif yüzünǝ ey sǝba, 
Tanrı üçün bir xǝbǝr algil, nigarımdan mǝnim. 
 
Ey Xǝtai, hǝr tükün titrǝr xǝzan yaprağı tǝk, 
Ta mǝni dur etdi dövran nobaharımdan mǝnim. 
 
 
* * * 
 
Ol pǝri eşqinǝ mǝn candan giriftar olmuşam. 
Kim fǝraqü möhnǝtindǝ ruzü şǝb zar olmuşam. 
 
Taki düşdüm ol nigarın mǝh yüzü hicranına, 
Dǝrd ilǝn, sǝyyarǝtǝk, hǝr gecǝ bidar olmuşam. 
 
Taki gülzari-cǝmalından cüdayǝm, ey sǝnǝm, 
Hǝr zaman bülbül tǝki dǝr eşqi gülzar olmuşam. 
 
Çünki eşqin gǝncini könlümdǝ pünhan eylǝdim, 
Ruzü şǝb ol gǝncǝ mǝn hǝrdǝm nigǝhdar olmuşam. 
 
Ta sǝni gördi rǝqib ilǝn Xǝtai xǝstǝdil, 
Dǝmbǝdǝm yanır vücudum, sǝrbǝsǝr nar olmuşam. 

---

__________________________________________________________________________________________ 
www.ocaq.net 
 
 
209
Ey pǝri, şirin lǝbin eşqindǝ Fǝrhad olmuşam. 
Ta sana qul olmuşam, alǝmdǝ azad olmuşam. 
 
Taki, sǝndǝn ayru düşdüm, ey dilaramım mǝnim, 
Dǝmbǝdǝm dǝr nalǝvü ǝfğanü fǝryad olmuşam. 
 
Gǝrçi ğǝmginǝm qǝmi-hicrindǝ, ey arami-can, 
Ta sǝni gördü gözüm ğǝmgin ikǝn şad olmuşam. 
 
Ey sǝnǝm bu möhnǝti-hicrü fǝraqından sǝnin, 
Gǝr xǝrab idim, vǝli vǝslindǝn abad olmuşam. 
 
Ta sǝni gördi Xǝtai bilmǝz özün xandadır, 
Ta sana mǝn aşina buldum, özüm yad olmuşam. 
 
 
* * * 
 
Sǝnmisǝn yanımda cana, yoxsa xabımdır mǝnim? 
Kim fǝlǝkdǝn yerǝ enmiş mahitabımdır mǝnim? 
 
Eşigindǝ dǝmbǝdǝm baran degildir su sǝpǝn, 
Çeşmeyi-dildǝn çıxan çeşmi-pürabımdır mǝnim. 
 
Ey rǝqiba, sǝn buludtǝk arada olma hicab, 
Hüsni onun dünyada bir afitabımdır mǝnim. 
 
Sanmanız kim gǝştidir dǝryalǝr üstǝ seyr edǝn, 
Gözlǝrim yaşında bu çeşmi-hübabımdır mǝnim. 

---

__________________________________________________________________________________________ 
www.ocaq.net 
 
 
210
 
Aytım: ey dilbǝr, Xǝtaiyǝ cǝfalǝr qılma çox, 
Dedi kim: qǝm çǝkmǝgil, nazü itabımdır mǝnim. 
 
 
* * * 
 
Sǝnintǝk dilbǝri-cananǝ yetdim, 
Zi hicran ölmüş ikǝn, canǝ yetdim. 
 
Saçın küfrinǝ olmuşdum giriftar. 
Yüzünü görgǝcin imanǝ yetdim. 
 
Eşigin itlǝrilǝ hǝmnişinǝm, 
Nǝ dövlǝtli qulam sultanǝ yetdim. 
 
Könül qalmışdı hicran zülmǝtindǝ, 
Lǝbindǝn çeşmeyi-heyvanǝ yetdim. 
 
Ğǝmindǝn gözlǝrim kövkǝb kimidir, 
Şükür kim bir mǝhi-tabanǝ yetdim. 
 
Misali-qǝtrǝ idim, qǝtrǝ qaldım, 
Behǝmdüllah yenǝ ümmanǝ yetdim. 
 
Xǝtai xǝstǝdir vǝslin gǝdası, 
Qapından vayǝ-vü ehsanǝ yetdim. 
 
 

---