157
MƏHƏMMƏD İBN SƏUD İBN FEYSƏL
“Böyük İslam Enskilopediyası” kitabında Məhəmməd İbn Səud
barəsində belə qeyd olunur: “Onu Ali-Səudun hakimləri cərgəsində
hesab etmək olmaz. Amma demişlər ki, az bir müddət Ali-Səudun
hakimiyyət dairəsində hökmranlıq etmiş, sonra öz yerini əmisi Əbdür-
Rəhmana vermişdir. O, Ehsada osmanlıların əleyhinə baş verən qiyamın
rəhbəri idi (1878). Əmisi Əbdüllah onu həbs etmişdi. Lakin 1879-cu ildə
azad olundu və vəhhabilərin rəhbərliyini əlinə aldı. Sonra bu vəzifədən
kənara çəkilərək Bəhreynə getdi (1886) və nəhayət 1888-ci ildə Xərcdə
Şəmmər casuslarının birinin vasitəsi ilə öldürüldü.”
1
ƏBDÜR-RƏHMAN İBN FEYSƏL (1891)
Klevd Fuiye Əbdür-Rəhman barəsində belə yazır: “Səud sülaləsinin ilk
şəxsinin Məhəmməd ibn Əbdül Vəhhabın qızı ilə evlənməsinin nəticəsi
olan Əbdür-Rəhman siyasi qüdrətdən məhrum idi, lakin vəhhabi
firqəsinin rəhbəri kimi tanınırdı.”
2
Həqiqətdə Əbdür-Rəhmanın dövründə “Şəmmər əmirləri, yəni Ali-
Rəşid çox böyük qüdrətə malik idi və Ərəbistanın şimalında ən güclü
dövlət sayılırdı.”
3
Onlar hətta vəhhabilərin daxili işlərinə belə, müdaxilə
edirdilər. Səlim də onların tərəfindən vəhhabilərə hökmranlıq edirdi.
Əbdür-Rəhman bir neçə dəfə Riyaz əhalisini Səlimin əleyhinə təhrik
etmək istəyində olmasına baxmayaraq, hər dəfə məğlubiyyətə uğramışdı.
“Nəhayət Səlim mübarək Ramazan ayı münasibəti ilə onunla görüş
keçirdiyi zaman Əbdür-Rərhman onu öz evində qətlə yetirdi.”
4
Məhəmməd ibn Rəşid Əbdür-Rəhmanın onlara təyin etdiyi hakimi, yəni
Səlimi qətlə yetirdikdən sonra Riyazı mühasirəyə aldı (1891). Əbdür-
Rəhman həm canı təhlükəyə düşdüyü üçün, həm də şəhər əhalisinin gecə
ikən onu tutub düşmənə təhvil verməsini ehtimal etdiyindən ailə üzvləri
ilə birlikdə şəhərdən qaçdı. Əvvəlcə Ehsaya getdi və oradan Küveytə
yollandı. Beləliklə, Nəcd Ali-Rəşid dövlətinin bir əyalətinə çevrildi.
İbn Rəşid, Əbdül-Əziz ibn Əbdür-Rəhmanın, küveytlilərin və
igilislərin köməyi ilə Riyazı onların əlindən çıxardığı vaxta qədər
Nəcddə hökmranlıq edirdi. Onlar şəhərdən qaçan Əbdür-Rəhmanın
yerinə Məhəmməd ibn Feysəli təyin etdilər.
İbn Rəşid Feysəl ibn Türkidən sonra vəhhabilərin arasında yaranmış
kəskin ixtilaflardan istifadə edərək vəhhabi əmirlərinin vəzifədən
1
“Böyük İslam Enskilopediyası”, 2-ci cild, səh.29
2
Fuiyə Klevd, “Nizami-Ali-Səud”, səh.5
3
“Böyük İslam Enskilopediyası”, 2-ci cild, səh.29
4
Fuiyə, Klevd, “Nizami-Ali-Səud”, səh.25
158
çıxarılması və ya vəzifəyə təyin olunması işlərində dəxalət etməklə əməli
olaraq öz əlaltılarını hakim etdi.
Nəhayət, Məhəmməd ibn Feysəlin Riyazda ölmü ilə Ali-Səud
hökumətinin Nəcddəki rəhbərlərinin ikinci dövrü də sona çatdı və onların
əraziləri ibn Rəşidin ixtiyarında qaldı.
Vəhhabi rəhbərliyinin ikinci dövrünü araşdırmaqla belə nəticə alınır ki,
onu ümumi şəkildə bir dövr adlandırmayılıq (1234-1319-cu hicri
qəməri).
Bu dövrdə vəhhabilər və onların rəhbərlərinin cüzi məsələləri ilə
əlaqədar dəqiq məlumat yoxdur. Bunun özü də həmin dövrdə
vəhhabilərdə baş verən işlərin incəlikləri barəsində məlumat olmadığını
göstərir. Bəlkə də bunun dəlillərindən biri həmin dövrdə vəhhabi
rəhbərlərinin hökumətində sabitliyin olmamasıdır. Çünki bir tərəfdən
vəhhabi tarixçiləri həmin dövrdə vəhhabilərin vəziyyət barəsində dəqiq
məlumat verə bilməmişlər. Digər tərəfdən də həmin dövrdəki tarixi
əlyazmaların çoxunun məhv edilməsi ehtimal verilir.
Bu dövrdə ən mühüm məsələ vəhhabilərin arasında qüdrəti ələ
keçirməklə əlaqədar kəskin daxili ixtilafların baş verməsi və günbəgün
artması olmuşdur. Vəhhabi rəhbərləri əsas etibarı ilə daxili işlər və
qüdrətin genişləndirilməsi barəsində fikirləşdiyindən, Nəcd əyalətində
ictimai asayiş çox az hallarda bərqərar olurdu. Bundan əlavə, həmin
dövrdə vəhhabilərin keçmişdəki ixtiyarlarından söhbət getmir.
Bu dövrdə misirlilərin vəhhabilərlə qarşılaşmaqdakı sayasətinin
tamamilə dəyişdiyini görürük. Belə ki, onlar vəhhabilərlə birbaşa
qarşılaşmaq, eləcə də onlarla hərbi toqquşmanın ardınca gələn müxtəlif
çətinlikləri aradan qaldırmaq əvəzinə inandığı və etimad etdiyi vəhhabi
şəxsləri himayə edirdilər ki, vəhhabilərə rəhbərliyi öhdəsinə alsınlar.
Belə ki, bu dövrün axırlarında Ali-Rəşid də misirlilərin həmin
siyasətindən istifadə etmiş, Riyazı ələ keçirməklə vəhhabilərə hakim ola
bilmişdi.
İBN SƏUDUN RİYAZA QƏLƏBƏSİ, ALİ-SƏUD RƏHBƏRLƏRİNİN
YENİ DÖVRÜNÜN BAŞLANMASI
Vəhhabi rəhbərliyinin üçüncü dövrü təqribən 80 ildən sonra, Ali-
Səudun şimal qonşusu olan Ali-Rəşid tərəfindən məğlub olmasından
sonra başlanır. Bu dövr XX əsrin əvvəllərindən başlayaraq bugünkü günə
qədər davam etməkdədir.
Bu dövrdə vəhhabiyyət cərəyanında əsaslı dəyişikliklərə rast gəlmək
olar. Çünki beynəlxalq şəraitə diqqət yetirməklə bu cür dəyişikliklər
lazım və zəruri idi. Vəhhabilərin Nəcdə hakim olmalarının yeni dövrünü
159
Əbdül-Əziz ibn Əbdür-Rəhman ibn Feysəl qoymuşdur. O, Ali-Rəşidi
məğlub etməkdən əlavə, Hicaza da hakim kəsilə bilmişdi. Birinci və
ikinci dünya müharibələri, zəngin neft yataqlarının kəşf olunması,
Amerika ilə siyasi və iqtisadi əlaqələrin bərqərar edilməsi və bəzi başqa
mühüm məsələlər XX əsrdə vəhhabilərin siyasi həyatında dəyişikliklərin
yaranmasına səbəb oldu.
Bu bölmədə vəhhabilərə rəhbərliyi öhdəsinə alan şəxslərin müxtəlif
daxili və xarici siyasətlərini, vəhhabilərin öz hökmranlıqları dövründə
gördüyü tədbirləri, eləcə də vəhhabi cəmiyyətinə hakim olan şəraiti
aydınlaşdıracaq, sonra isə İran İslam inqilabının qələbəsi və bu
hadisədən sonra vəhhabilərin gördüyü təxribatçılıq əməllərini qeyd
edəcəyik. Çalışacağıq ki, İran İslam inqalabından əvvəl və sonra
vəhhabilərin siyasətində baş verən dəyişiklikləri ətraflı şəkildə bəyan
edək.
VƏHHABİLƏRİN İBN SƏUD ADI İLƏ MƏŞHUR OLAN ƏBDÜL-
ƏZİZ İBN ƏBDÜR-RƏHMAN İBN FEYSƏLİN DÖVRÜNDƏ
GÖRDÜYÜ İŞLƏR (1902-1953)
Əbdül-Əziz ibn Əbdür-Rəhman vəhhabi rəhbərlərinin ən böyüyü və ən
qüdrətlisi olaraq Səudiyyə Ərəbistanının banisi, eləcə də həmin ölkənin
ilk padşahı sayılır. O, Ali-Rəşidi məğlub etdikdən və Riyaza hakim
kəsildikdən sonra vəhhabilərin əldən getmiş hakimiyyətlərini dirçəldə
bildi. Onun Riyazı necə ələ keçirməsini araşdırmazdan qabaq
vəhhabilərin üçüncü dövrdə yenidən qüdrətə çatmalarının münasib
şəraitini araşdırırıq.
Tarixçilərin yazdığına görə, Feysəldən sonra Ali-Səudun vəziyyəti, öz
aralarında yaranan müxalifət və mübarizələr səbəbi ilə çox böhranlı bir
vəziyyətə düşüb zəifləməyə, süqut etməyə doğru sürükləndi və nəticədə
Ali-Rəşid onlara qələbə çaldı.
Ali-Rəşidin vəhhabilərə hakim olmasının ardınca (Əbdül-Əzizin atası)
Əbdür-Rəhman ibn Feysəl öz ailəsi ilə birlikdə Riyazdan qaçaraq
Küveytə sığınmaq istədi, “amma Küveytin şeyxi Məhəmməd Əs-Səbah
onun bu ölkəyə daxil olmasına mane oldu. Əbdür-Rəhman məcbur
qalaraq Nəcd səhralarına (Rubül-Xaliyə) üz gətirdi. İlk əvvəl Bəni-Mürrə
tayfasının yanında, daha sonra isə Əcman qəbiləsində qaldı. Bundan
sonra Qətərə gedərək iki ay orada yaşadı.”
1
Sonra Osmanlı dövləti Əbdür-Rəhmanın qiyam və iğtişaşlarının
qarşısını almaq üçün hər ay onun üçün altmış qızıl lirə pul təyin etdi. Bu
işin nəticəsində də Küveytin əmiri Əbdür-Rəhmanı bu ölkəyə buraxdı.
1
Həmin mənbə, səh.304
Dostları ilə paylaş: |