|
Voyaga yetmaganlar huquqbuzarligi profilaktikasining ayrim masalalariEURASIAN JOURNAL OF ACADEMIC RESEARCHEJAR 0804EURASIAN JOURNAL OF ACADEMIC RESEARCH
Innovative Academy Research Support Center
UIF =
8.1 |
SJIF =
5.685
www.in-academy.uz
Volume 3 Issue 8, August 2023 ISSN 2181-2020
Page 33
Huquqbuzarliklarning yakka tartibdagi profilaktikasi deganda, huquqbuzarliklar
profilaktikasini bevosita amalga oshiruvchi organlar va muassasalarning g‘ayriijtimoiy xulq-
atvorli, huquqbuzarliklar sodir etishga moyil bo‘lgan, huquqbuzarliklar sodir etgan shaxslarni
aniqlash, ularning hisobini yuritish va ularga tarbiyaviy ta’sir ko‘rsatishga doir faoliyat.
Huquqbuzarliklarning yakka tartibdagi profilaktikasi chora-tadbirlari deganda, profilaktika
suhbati, rasmiy ogohlantirish, huquqbuzarliklarning sodir etilishi sabablari va ularga imkon
berayotgan shart-sharoitlar to‘g‘risida xabardor qilish, ijtimoiy reabilitatsiya qilish va ijtimoiy
moslashtirish, profilaktik hisobga olish, majburiy davolanishga yuborish, ma’muriy nazorat
hamda qonun hujjatlariga muvofiq boshqa chora-tadbirlarni ham o‘z ichiga olishi mumkin.
Lekin, voyaga yetmaganlar bilan yakka tartibdagi profilaktika ishlarini amalga
oshirishda ham ma’lum muammolar borki, bu boradagi ishlarning samaradorligiga ta’sir
etmasdan qolmaydi. Masalan, voyaga yetmagan shaxsni profilaktik hisobga olish, ya’ni bunda
voyaga yetmagan ichki ishlar organlariga keltiriladi va unga xuddi jinoyatchidek munosabat
yo‘lga qo‘yilishi o‘smirning ruhiyatiga jiddiy ta’sir qilmasdan qolmaydi. Shunki, huquqbuzar
shaxsini o‘rganishdan bizga ma’lumki, voyaga yetmagan shaxsning huquqbuzarlik sodir etishi
uning motiv va maqsadlariga ko‘ra voyaga yetganlar huquqbuzarligidan keskin farq qiladi,
ba’zan ular o‘zi sodir etgan qilmishning ijtimoiy xavfliligini to‘la anglamaydi. Bundan tashqari,
voyaga yetmaganni ijtimoiy moslashuvini ham qiyinlashtiradi. Bunda ularga nisbatan o‘ziga
xos munosabatda bo‘lishni taqazo etadi.
Huquqbuzarliklarning viktimologik profilaktikasi esa, huquqbuzarliklar profilaktikasini
bevosita amalga oshiruvchi organ yoki muassasaning muayyan shaxsning huquqbuzarlikdan
jabrlanuvchiga aylanishi xavfini kamaytirishga qaratilgan profilaktika chora-tadbirlarini
qo‘llashga doir faoliyatni nazarda tutadi.
Aytish lozimki, voyaga yetmaganlar huquqbuzarligini oldini olishda, ushbu turdagi
huquqbuzarliklarning viktimlarini o‘rganish ham alohida kasb etadi.
Huquqbuzarliklarning viktimologik profilaktikasi chora-tadbirlari deganda, qonun
chiqaruvchi huquqbuzarliklardan jabrlanuvchilarga nisbatan shaxsning individual va ijtimoiy-
psixologik xususiyatlari hisobga olingan holda profilaktika tadbirlarini o‘tkazish, aholiga, shu
jumladan huquqbuzarliklardan jabrlanuvchilarga shaxslar o‘rtasidagi nizolarni hal etish
usullarini o‘rgatish, huquqbuzarliklardan jabrlanuvchilarni aniqlash va himoya qilish bo‘yicha
chora-tadbirlarni ko‘rish, huquqbuzarliklardan jabrlanuvchilarga yordam ko‘rsatuvchi
ixtisoslashtirilgan muassasalarni tashkil etish, huquqbuzarlikdan jabrlanuvchining jismoniy
va psixologik xavfsizligini ta’minlashga qaratilgan maxsus kompleks chora-tadbirlarni ishlab
chiqish va amalga oshirish, uni qonunda nazarda tutilgan o‘zini o‘zi mudofaa qilish usullari va
vositalari to‘g‘risida xabardor qilish, g‘ayriijtimoiy xulq-atvor nisbatan tez-tez kuzatiladigan
yoki huquqbuzarliklar tez-tez sodir bo‘lib turadigan joylarni (hududlarni) muntazam ravishda
nazorat qilish, hujum qilingan taqdirda zaruriy mudofaa va oxirgi zarurat haqidagi
ma’lumotlarni keng tarqatish yo‘li bilan aholiga huquqiy tarbiya va ta’lim berish, g‘ayriijtimoiy
xulq-atvor, tayyorlanayotgan, sodir etilayotgan yoki sodir etilgan huquqbuzarliklar to‘g‘risida
axborot olish maqsadida huquqbuzarliklar profilaktikasini bevosita amalga oshiruvchi organ
yoki muassasa huzurida ishonch, tezkor aloqa telefonlarini, qutqaruv xizmatlarini tashkil
etish, profilaktika dasturlari va tadbirlari loyihalarining ommaviy muhokamalarini tashkil
etish, ularni amalga oshirish jarayonida muammolar va kamchiliklarni aniqlash hamda
|
|
|