- 122 -
yazıçı-publisist
Müasir Azərbaycan filoloji fikrinin istiqamətverici simalarından olan
akademik İsa Həbibbəylinin həm araşdırıcı, həm də elm təşkilatçısı kimi
gerçəkləşdirdiyi irimiqyaslı fəaliyyəti sözün həqiqi mənasında fədakar alim
obrazını ifadə edir. Belə elmi simalar özünün bütün davranış və hərəkətləri
ilə örnək şəxsiyyətlərdir. Elmi məktəbləri də məhz bu yüksək mənəvi
keyfiyyətə malik olan görkəmli alimlər yarada bilir.
Məhərrəm Qasımlı
filologiya elmləri doktoru, professor
İsa Həbibbəyli çox geniş mənada düşünən ədəbiyyatşünasdır. Onun əsas
mövzusu – şah problemi Mirzə Cəlil yaradıcılığı olsa da, ədəbiyyat tarixinin
bütün dövrlərini və inkişaf mərhələlərini əhatə edən tədqiqat əsərləri var-
dır. Təfsilata varmadan deyə bilərəm ki, İsa Həbibbəylinin bütün əsərlərini
yan-yana sıraya düzsək, «Azərbaycan ədəbiyyat tarixi: klassik və müasir
dövr» adlı çox sanballı bir ədəbiyyat tarixi dərsliyinin ərsəyə gəldiyini
görərik... Mən özünəməxsusluq deyilən anlayışı İsa Həbibbəyliyə də şamil edə bilərəm. O, bir
insan kimi də yalnız özünə bənzəyir. Ancaq bu özünəməxsusluqda bizim biyət etdiyimiz, sənəti
qarşısında baş əydiyimiz böyük ustadların da cizgilərini görürəm.
Vaqif Yusifli
filologiya elmləri doktoru
- 123 -
Akademik İsa Həbibbəyli bu gün ədəbi, ictimai, kulturoloji fikrimizin
görkəmli nümayəndəsi kimi yalnız adlı-sanlı titul, vəzifə daşımır, həm də bu
mühiti hərəkətə gətirən və idarə edən bir rəhbər olaraq son dərəcə
məsuliyyətli bir missiyanı uğurla həyata keçirir. Ancaq o, buna qədər böyük
bir yol keçib gəlmişdir; istənilən adamın ona məxsus olmasına ikiəlli
razılaşdığı bir tərcümeyi-hala sahibdir və bu ömürlüyünün ən yaxşı
səhifələrini mənim fikrimcə, onu bu zirvəyə daşıyan zəhməti, intellekti, daim
ürəyində gəzdirdiyi xalq və vətən sevgisi, nəzəri və praktik düşüncəni məharətlə uzlaşdırması,
təşkilatçılığı, sadəliyi, işgüzarlığı və hələ nə qədər oxuya bilmədiyim daxili imkanları, mənəvi-
əxlaqi keyfiyyətləri təşkil edir. Belə ki, bir ədəbiyyatşünas alimin sadə, səmimi və son dərəcə
təvazökarcasına yaşadığı bir ömürdə reallaşması çox çətin olanları həyata keçirməyə müvəffəq
olması ondan fövqəladə keyfiyyətlər tələb edir. O, indiki zamanda ədəbiyyatşünaslıqda və ondan
kənarda qazandığı bütün nüfuzu, vəzifə və yüksəlişi özünü həsr etdiyi ədəbiyyatşünaslıq elmi ilə
yanaşı, həm də bitib-tükənmək bilməyən enerjisinə, sadəliyinə, elmi, ictimai təfəkkürünə borcludur,
desək, qətiyyən yanılmarıq. Doğrudan da, Firudin bəy Köçərlidən başlayan peşəkar
ədəbiyyatşünaslığımızın hələ elə bir mərhələsi olmamışdır ki, ədəbiyyatşünaslıq bu qədər önə
çıxmış olsun, nümayəndəsi cəmiyyət sferasında bütün təbəqələrinin tanıdığı və hörmət etdiyi şəxsə
çevrilsin.... F.Köçərli, H.Araslı, F.Qasımzadə, Ə.Sultanlı, C.Xəndan, Ş.Qurbanov, Ə.Şərif, A.Za-
manov, M.Arif, M.C.Cəfərov, Ə.Mirəhmədov, K.Talıbzadə, Y.Qarayev, B.Nəbiyev kimi ədəbiyyat-
şünaslıq elminin nüfuzu ilə cəmiyyətdə özünü təsdiq etmiş, müxtəlif sahələrdə müəyyən mövqe tut-
muşlar. Lakin heç bir vəchlə hələ indiyə kimi ədəbiyyatşünaslıq elminin hansısa bir nümayəndəsi
İsa Həbibbəyli kimi ədəbi, elmi, siyasi, mədəni, kulturoloji olimpin zirvəsini mövcud statusda fəth
edə bilməmişdir. Bu fakt həm də ümumən peşəkar ədəbiyyatşünaslığımızın bir əsrlik keçdiyi yolun
məntiqi nəticəsi olaraq diqqəti cəlb edir.
Ədəbiyyatşünaslığımızın çağdaş mərhələyə gəlib çıxmasında, onun yüksəlişində, heç
şübhəsiz, akademik İsa Həbibbəylinin 70-ci illərdən başlayan tənqidçi, ədəbiyyatşünas,
mətnşünas, nəzəriyyəçi və tənqidçi fəaliyyətinin fasiləsiz hərəkəti, bir məqsədə doğru irəliləməsi
başlıca yer tutur... O, hər şeydən əvvəl, bir ədəbiyyatşünas, ədəbiyyat tarixçisi, nəzəriyyəçi,
publisist, tənqidçi və komparativistdir... İsa Həbibbəyli yaradıcılığı canlı və mütəhərrik olmaqla
ədəbiyyatşünaslığın bir çox problemlərini, nəzəri istiqamətlərini bütün parametrlərilə özündə
ehtiva edir...
Akademik İsa Həbibbəyli fenomenindən danışarkən son il yarım ərzində Nizami adına
Ədəbiyyat İnstitutuna rəhbərliyini xüsusi qeyd etmək lazım gəlir. İnstitutun elmi, təşkilati işlərinin
yeni bir magistral yola salınması, ədəbiyyatşünaslıq elmimizin yeni bir mərhələyə daxil olması,
ədəbi tənqid və təhlil, ədəbiyyat tarixçiliyinin təşəkkülü, yeni strukturların və elmi nəşrlərin
yaranması və s. elm təşkilatçısından, hər şeydən əvvəl, aydın proqram, konseptual baxış və güclü
funksionallıq tələb edirdi. Zaman göstərdi ki, akademik İsa Həbibbəyli ədəbiyyatşünaslığımızın
bugünü və gələcəyi ilə bağlı aydın bir proqrama malikdir və bəlkə də ürəyində illərdi gəzdirdiyi bu
proqramın mərhələ-mərhələ həyata keçirilməsi üçün var gücü və intellekti ilə yorulmadan çalışır...
Bədirxan Əhmədov
filologiya elmləri doktoru, profesoor
Dostları ilə paylaş: |