166
tədiyə dövriyyəsinə xidmət edir.Milli valyuta sistemi ölkənin pul
sisteminin tərkib hissəsidir. Bununla belə, o nisbi müstəqildir və
milli sərhədlərdən kənara çıxır. Onun xüsusiyyətləri ölkənin
iqtisadiyyatının və xarici iqtisadi əlaqələrinin inkişaf səviyyəsi ilə
müəyyən olunur. Milli valyuta sisteminin quruluş prinsipləri
ölkənin qanunvericiliyi ilə təsbit edilir.
Valyuta riskləri sistemi dünya valyuta sistemi ilə ayrılmaz surətdə
əlaqədardır. Dünya valyuta sistemi beynəlxalq valyuta
münasibətlərinin təşkili forması olub, beynəlxalq təsərrüfatın
inkişafından irəli gəlir və dövlətlərarası razılaşmalarla
tənzimlənir.
4.3.Beynəlxalq biznesin inkişafına investisiyaların cəlb edilməsi
Xarici investisiyaların, müasir texnologiyaların və
avadanlıqların, idarəetmə təcrübəsinin ölkə iqtisadiyyatına cəlb
edilməsi yolu ilə yüksək keyfiyyətli, rəqabət qabiliyyətli
məhsulların istehsal edilməsi Azərbaycan dövlətinin müəyyən
etdiyi iqtisadi inkişaf strategiyasının mühüm tərkib hissəsidir.
Son illər ərzində Azərbaycan Hökuməti qeyri-neft
sektoruna yönəldilmiş birbaşa xarici investisiyaların və özəl
sektorun ölkənin iqtisadi və sosial inkişafında oynaya biləcəyi
rolun əhəmiyyətinə daha çox diqqət yetirir. Ölkə rəhbərliyi
investorların investisiya fəaliyyəti sahəsində üzləşdikləri əsas
problemləri daha yaxşı anlamaq məqsədilə özəl sektorla dialoqun
daha da gücləndirilməsində maraqlıdır.
Azərbaycan Respublikası Prezidentinin 2002-ci ildə yerli
və xarici iş adamları ilə keçirdikləri görüşləri kiçik və orta
sahibkarlığın inkişafı sahəsində əldə olunmuş nailiyyətləri, eyni
zamanda bu sahədə mövcud olan problemləri aşkara çıxarmışdır.
Həmin görüşlərdən sonra sahibkarlığın inkişafı ilə bağlı ölkə
Prezidentinin imzaladığı bir neçə fərmanlar sahibkarlığın
167
dəstəklənməsi və ölkədə investisiya mühitinin təkmilləşdirilməsi
istiqamətində keyfiyyətcə yeni mərhələnin təməlini qoymuşdur.
Sahibkarlığın inkişafı sahəsində qəbul olunmuş dövlət
proqramları çərçivəsində ölkə iqtisadiyyatının tənzimlənməsi
sahəsində əhəmiyyətli tədbirlər həyata keçirilmiş, sahibkarlara
dövlət maliyyə köməyi sistemi təkmilləşdirilmişdir. Sahibkarlıq
infrastrukturunun formalaşdırılması istiqamətində mühüm
addımlar atılmış, sahibkarlara zəruri texniki yardım ” məsləhət,
informasiya
və
digər
xidmətlər
göstərən
strukturlar
formalaşdırılmışdır.
Keçən
müddətdə
respublikamızda
investorların hüquq və mənafelərinin qorunması, mülkiyyətin
toxunulmazlığı, yerli və xarici sahibkarlara eyni iş şəraitinin
yaradılması, əldə edilmiş mənfəətdən maneəsiz istifadə olunması
ilə bağlı mühüm tədbirlər görülmüşdür. Qonşu MDB ölkələrindən
fərqli olaraq Azərbaycanda mənfəətin başqa valyutalara
konvertasiya edilməsi, xarici ölkələrə köçürülməsi, yaxud
reinvestisiya edilməsi ilə bağlı bütün məhdudiyyətlər ləğv edilmiş,
bazar iqtisadiyyatı prinsipləri əsasında vahid valyuta məzənnəsi
formalaşmışdır. Bu tədbirlər xarici investorların, beynəlxalq
maliyyə-iqtisadi təşkilatların Azərbaycana olan marağını daha da
artırmışdır.
Ölkənin iqtisadi inkişafındakı bu uğurlarda neft
strategiyasının həyata keçirilməsinin böyük əhəmiyyəti olmuşdur.
1994-cü ildə nüfuzlu xarici neft şirkətləri ilə «Əsrin kontraktı»
imzalandıqdan sonra həmin kontrakt çərçivəsində aparılan işlər
nəticəsində 1997-ci ildə ilk neft hasil olunmuş və 1999-cu ildən
etibarən mənfəət nefti ixrac olunmağa başlanmışdır.Azərbaycan
Respublikasının neft sərvətlərinin istismarının genişlənməsi
ölkənin neft gəlirlərinin toplanması üçün Dövlət Neft Fondunun
təsis olunmasına səbəb olmuşdur. Dövlət Neft Fondunun
vəsaitinin istifadəsi dövlət investisiya siyasətinə uyğun olaraq
həyata keçirilir. Orta müddətli perspektivdə Neft Fondunun
xərclərinin əsasən ölkədə yoxsulluğun səviyyəsinin azaldılması ilə
bağlı layihələrin, habelə strateci əhəmiyyətli infrastruktur
obyektlərinin inşası və rekonstruksiyasının maliyyələşdirilməsinə
yönəldilməsi nəzərdə tutulur. Neft Fondunun xərcləri əsasən
168
Fondun vəsaitinin idarə olunmasından əldə olunan faiz gəlirləri
həcmində nəzərdə tutulur.Bununla bərabər, Böyük İpək Yolunun
bərpası, TRASEKA layihələri həyata keçirilməkdədir. Bu
layihələr nəinki Azərbaycanın iqtisadi inkişafına, eləcə də bütün
region ölkələri arasında əməkdaşlığın genişləndirilməsinə, bu
ölkələrin iqtisadi qüdrətinin artmasına, burada yaşayan xalqların
daha firavan yaşamasına xidmət edir. Hazırda Azərbaycan
Hökumətinin qarşısında duran ən əsas vəzifələrdən biri
iqtisadiyyatın tarazlı inkişafına nail olmaqdan, «Holland
sindromu»nun yaranmasına imkan verməməkdən ibarətdir. Bu
məqsədlə Azərbaycan Hökuməti ölkədə iqtisadi islahatların
davam etdirilməsi, biznes mühitinin daha da yaxşılaşdırılması,
neft sektoru ilə bərabər, qeyri-neft sektorunun inkişaf etdirilməsi
ilə bağlı tədbirlərin ardıcıl şəkildə həyata keçirməyi planlaşdırır.
Azərbaycanın qeyri-neft sektoruna investisiyaların cəlb
edilməsinin ən mühüm vasitələrindən biri özəlləşdirmə prosesidir.
Bu günədək Türkiyə, Amerika Birləşmiş Ştatları, Fransa, Böyük
Britaniya, Çin, İran, İsveçrə, Hollandiya və bəzi digər ölkələrin
investorları Azərbaycanda həyata keçirilən özəlləşdirmə
prosesində iştirak etmiş və müəssisələrin səhmlərinin ən azı 51 %-
ni əldə edərək onlara böyük məbləğdə investisiyalar qoymuşlar.
Azərbaycan Respublikası Prezidentinin sərəncamları ilə
yeni sahələrin, o cümlədən xarici investorlar üçün xüsusilə
cəlbedici olan metallurgiya, kimya, energetika, maşınqayırma,
nəqliyyat, rabitə və digər sahələrdə fəaliyyət göstərən şirkətlərin
özəlləşdirməyə açılması xarici investisiya axınına güclü təkan
verməkdədir.
Ölkə iqtisadiyyatına cəlb olunan investisiyaların artırılması
məqsədilə
beynəlxalq
təşkilatlarla
əməkdaşlığımız
ilbəil
genişlənir. Dünya Bankı, Beynəlxalq Maliyyə Korporasiyası,
Avropa Yenidənqurma və İnkişaf Bankı, İslam İnkişaf Bankı,
Asiya İnkişaf Bankı, Qara Dəniz Ticarət və İnkişaf Bankı və digər
maliyyə qurumları iqtisadiyyatın müxtəlif sahələrində layihələrin
həyata keçirilməsinə güzəştli şərtlərlə kreditlər ayırmışlar. Qeyd
etmək lazımdır ki, Azərbaycan MDB ölkələri arasında
adambaşına ən az kredit almış ölkədir. Xarici borcun məbləği isə
Dostları ilə paylaş: |