Mütləq ki, axtaran tapar
Yüklə 3,73 Mb. Pdf görüntüsü
|
167
hündürləşdiyini bilirsinizmi?” O, bir anlıq dayandı. “Bizim bu kağız topamız cəmi əlli dəfə artdıqdan sonra, demək olar ki... günəşə çatar”. Elizabet təəccüblənmədi. Geometrik artımın
inanılmaz gücü ilə o, davamlı şəkildə məşğul olmuşdu. Çürümədə əmələ gələn halqalar... təsirə məruz qalmış hüceyrələr... ölümlə nəticələnə biləcək təxminlər. “Sadəlövhlüyümü bağışlayın”, - həkim dedi. Narahat olduğunu gizlətmək üçün heç bir cəhd etmirdi artıq. “Amma mən sizin nəyə işarə etdiyinizi anlaya bilmirəm”. “Nəyə işarə etdiyimi?” O, astadan güldü. “Sözüm
əhalinin artımının daha dramatik olmasındadır. Bizim kağızlarımız kimi dünya əhalisinin də artımı cüzi saydan başlasa da, potensial təhlükədir”. O, hələ də var-gəl edirdi. “Bir buna diqqət edin. Dünya əhalisinin sayının bir milyard olması minilliklər çəkib - ta ki insan yarandığı gündən 1800-cü illərin əwəllərinədək. Sonra isə heyrətamiz şəkildə yüz ilə say iki qat artaraq 1920-ci illərin əvvəllərində iki milyarda çatdı. Daha əlli il keçdi və 1970-ci illərin əvvəllərində dörd milyard oldu. Gördüyünüz kimi sayımız qısa bir zamanda səkkiz milyarda çatacaqdır. Tək bu gün Yer planetinə milyonun downloaded from KitabYurdu.org
168
dörddə bir hissəsi qədər insan gəlmişdir. Və bu, hər gün baş verir. İndi biz hər il sayımızı Almaniyanın əhalisinin sayı qədər artırırıq”. Hündür kişi bir anlıq dayanıb Elizabetə diqqətlə baxmağa başladı. “Sizin neçə yaşınız var?” Bu da xoşagəlməz sual olsa da, ÜST-nin rəhbəri kimi o, ziddiyyətləri ağılla aradan qaldırmağa alışmışdı. “Altmış bir”. “Əgər siz daha on doqquz il, yəni səksən yaşadək yaşasanız, ömrünüz boyu dünya əhalisinin sayının üç dəfə artdığının şahidi olacağınızı bilirdinizmi? Bir ömür - üç dəfə çoxalma. Ciddi düşünün. Özünüz də bilirsiniz ki, sizin Ümumdünya Səhiyyə Təşkilatı sayın əsrimizin ortalarmadək doqquz milyarda çatacağım qabaqcadan xəbər verir. Heyvanların nəsli gözlənilməz sürətlə kəsilir. Təbii sərvətlər də beləcə tükənir. Artıq təmiz su əldə etmək problemə çevrilib. Hansısa bioloji təsirlə bizim nəslimiz çevrəmizdəki digər nəsillərin sayını üstələyib. Və bu təhlükə ilə üz-üzə qaldığımız halda Ümumdünya Səhiyyə Təşkilatı - dünya səhiyyəsinin hamısı - diabetə əlac tapmaq, qan banklarını doldurmaq, xərçənglə mübarizə aparmaqla məşğuldur”. O dayandı və diqqətlə həkimə baxdı. “Sizi ona görə bura gətirtmişəm downloaded from KitabYurdu.org 169
ki, şəxsən sizin təşkilatın niyə bu məsələ ilə qəti maraqlanmadığını soruşam”. Elizabet artıq sinirlərinə hakim ola bilmirdi. “Siz hər kimsinizsə, çox yaxşı bilirsiniz ki, KİM insan artımını çox ciddi şəkildə nəzərdə saxlayır. Bu yaxınlarda biz milyonlarla dollar xərcləyib Afrikaya mütəxəssislər göndərmişik. Onlar insanlara pulsuz qoruyucular paylayır və doğuşu nəzarətdə saxlamaq barədə təlimlər keçirlər”. “Hə, əlbəttə!” Arıq kişi dedi. “Daha nüfuzlu katolik missionerləri isə Afrikaya soxularaq qoruyucudan istifadə edənlərin cəhənnəmə düşəcəyini onların beyninə yeritdi. Afrikanın yeni bir ekoloji problemi yaranıb - zibilxanalar istifadə olunmamış qoruyucularla dolur”. Elizabet özünü çətinliklə saxlayırdı. Artıq müasir katoliklər Vatikanın vəziyyətə bu cür müdaxilə etməsinə qarşı çıxsalar da o, haqlı idi. Ən bariz nümunə isə sadiq katolik Melinda Qeytsdir. O, öz kilsəsinin qanunlarını gözə alıb dünyada doğuşa nəzarətə dəstək olaraq, 560 milyon dollar ianə etmişdi. Elizabet Sinskey Bil və Melinda Qeytsin öz təşkilatları vasitəsilə dünya səhiyyəsi üçün gördüyü işlərə görə yüksək adla təltif olunması barədə dəfələrlə çıxış etmişdi. downloaded from KitabYurdu.org 170
Təəssüf ki, müqəddəslik meyarını təyin edən yeganə qurum onların cəhdlərinin xristianlıqla çuğlaşan məqsədini görməzliyə vurdu. “Dr. Sinskey”, - kölgə sözünə davam etdi. “Ümumdünya Səhiyyə Təşkilatı yer üzündə yalnız bir sağlıq probleminin olduğunu görməkdə çətinlik çəkir”. O, yenə də ekrandakı rəsmə işarə etdi - üst-üstə qalanmış insan dənizi. “Bu qədər”. O dayandı. “Mən sizin elm xadimi olduğunuzu bilirəm. Klassik və ya təsviri sənət bilicisi olmasanız da, sizinlə daha aydın dil tapaq deyə başqa bir rəsm göstərməyə izin verin”. Otaq anidən qaranlıqlaşdı və ekrandakı təsvir dəyişildi. Yeni rəsmi Elizabet dəfələrlə görmüşdü... amma hər dəfə baxanda onu müdhiş bir hiss bürüyürdü. Tarix boyu dünya əhalisinin say artımı Otağa ağır sükut çökdü. “Belə”, - arıq kişi dilləndi. “Sükut bu qrafikə uyğun gələn ən yaxşı cavabdır. Ona baxmaq qarşıdan gələn qatarın işığına gözünü zilləmək kimidir”. Kişi asta-asta Elizabetə tərəf çevrildi və gərgin, lakin himayəedici təbəssümlə ona baxdı. “Başqa bir sualınız, Dr. Sinskey?” “Tək bir sual”, - o, acıqla cavab verdi. “Siz məni bura nə üçün dəvət etmişdiniz: ağıl öyrətməyə, yoxsa təhqir downloaded from KitabYurdu.org Yüklə 3,73 Mb. Dostları ilə paylaş:
|