Mütləq ki, axtaran tapar
Yüklə 3,73 Mb. Pdf görüntüsü
|
186
Palazzo Vecchionun Beş Yüzlər Zalının divanndan asılmış rəsmdəki “cerca trova” sözləri, təxminən, otuz il əvvəl aşkarlanmış “gizli mesaj” idi və Vasari adını gündəmə gətirmişdi. Xırda hərflər döyüş səhnəsinin fonunda az qala görünməz olan yaşıl bayrağın üzərinə yazılmışdı. Vasarinin əsərə bu qəribə mesajı hansı səbəbdən əlavə etməsi ilə bağlı yekdil fikir olmasa da, əsas ehtimal gələcək nəsillərə çatdırmaq istədiyi mesaj üzərindədir. Onun Leonardo da Vinçinin divarın arxasındakı üç santimetrlik boşluqda yerləşən freskosuna eyham vurduğu güman edilir. Sienna həyəcanla ağacların başı üzərinə baxırdı. “Amma bir şey var ki, mən hələ də başa düşə bilmirəm. Əgər sən “çox üzgünəm, çox üzgünəm” (very sorry, very sorry) demirdinsə... bəs niyə səni öldürməyə çalışırlar?” Bu sual Lenqdonu da çox düşündürürdü. Uzaqdan gələn helikopter səsi getdikcə yaxınlaşırdı. Lenqdon başa düşürdü ki, qərar verməlidir. O, Vasarinin “Battaglia di Marciano” əsəri ilə Dantenin “İnferno”su arasında hansısa əlaqə olduğunu anlamaqda çətinlik çəkirdi. Elə hansı səbəbdən yaralandığını da heç cür başa düşə bilmirdi. Buna baxmayaraq, o, hələ də hadisələri çözə bilmək qabiliyyətində idi. downloaded from KitabYurdu.org 187
Cerca trova. Seek and find. Lenqdona yenə elə gəldi ki, gümüşü saçlı qadın çayın o biri üzündən onu səsləyir. Vaxt daralır! Lenqdon hiss edirdi ki, cavab varsa, onu yalnız Palazzo Vecchio-da tapa bilər. Lenqdonun yadına Ege dənizin mərcan riflərində xərçəng ovlayan qədim yunan dalğıclarının məsəli düşdü. Qaranlıq tuneldə üzərkən elə bir an gəlir ki, geri dönməyə imkan olmur. Yəni geriyə üzmək üçün nəfəsin çatmır. Yeganə yol məchula doğru üzmək və çıxış üçün dua etməkdir. Lenqdona həmişə onlann çıxışa çatıb-çatmadıqları maraqlı gələrdi. O, labirint cığırlarına baxdı. Əgər onlar Pitti Palace tərəfə gedib bağdan çıxa bilsəydilər, köhnə şəhərə girmək üçün bircə dünyanın ən məşhur piyada keçid-körpüsü olan Ponte Vecchiodan keçməli olacaqdılar. Ora həmişə adamla dolu olardı və gözdən itmək üçün əlverişli yer idi. Palazzo Vecchio oradan bir neçə məhəllə aralıda yerləşirdi. Səs lap yaxınlıqdan gəlirdi. Lenqdon həyəcanın təsirindən bir anlıq hər şeyin sonu çatdığını düşündü. “Çox üzgünəm” demədiyini anladığı andan bəri downloaded from KitabYurdu.org 188
polisdən niyə qaçdığını heç cür başa düşə bilmirdi. “Əvvəl-axır onlar məni tutacaqlar, Sienna”, - Lenqdon dedi. “Bəlkə də elə ən yaxşısı qaçmamaqdır”. Sienna təlaşlı baxışlarla ona baxdı. “Robert, sən hər dəfə ayaq saxlayanda kimsə sənə atəş açır! Sən bunun niyəsini aydınlaşdırmalısan. Vasarinin freskasma mütləq baxmalısan. Bəlkə onda yaddaşın qayıdar. Ola bilsin ki, proyektorun haradan, necə və niyə səndə olduğunu müəyyən etməlisən”. Lenqdonun gözləri önündə hörüklü qadının Dr. Markoniyə atəş açması... əsgərlərin onlan gülləyə tutması... italyan hərbi polisinin Porta Romandada toplaşması canlandı. İndi isə axtarış cihazı Boboli bağları boyunca onu izləyirdi. O, sakitcə dayanmışdı. Vəziyyətdən çıxış yolu axtardıqca əli ilə gözlərini ovuşdururdu. “Robert?” - Sienna səsini yüksəltdi. “Başqa bir şey də var... indiyədək əhəmiyyəti yox idi. Amma deyəsən, onun vaxtıdır”. Lenqdon baxışlarını qaldırdı. Siennanın səs tonundakı cazibəni hiss edirdi. “Əslində, evdə sənə demək istəyirdim”, - Sienna davam etdi, - “amma...” “Nədir axı?” downloaded from KitabYurdu.org 189
Sienna narahat halda dodaqlarını büzüşdürdü. “Sən xəstəxanaya gələndə özündə deyildin, nəsə deməyə çalışırdın”. “Hə”, - Lenqdon dedi, - “Vasari, Vasari mızıldanırdım”. “Doğrudur, amma ondan qabaq - biz səsyazanı tapmazdan əvvəl sənin dediyin sözlər indi də yadımdadır. Tək bircə dəfə desən də, dəqiq xatırladığıma əminəm”. “Nə dedim ki?” Sienna əvvəl helikopterə sonra isə Lenqdona baxdı. “Dedin ki, Mənim əlimdə onu tapmaq üçün açar var... bunu bacarmasam, hamı öləcək”. Lenqdonun gözləri bərəlmişdi. Sienna sözünə davam etdi. “Mən elə bildim ki, cibində daşıdığın əşyanı nəzərdə tutursan, amma indi buna o qədər də əmin deyiləm”. Bunu bacarmasam, hamı öləcək? Sözlər Lenqdonu təsirləndirmişdi. Ölümün qorxunc təsvirləri gözləri önündə canlandı... Dantenin cəhənnəmi, biotəhlükə işarəsi, vəba həkimi. Yenidən gümüşü saçlı yaraşıqlı qadın qan qırmızı çayın digər sahilindən ona baxırdı. Axtar və tap! Vaxt daralır! Siennanın səsi onu xəyaldan ayırdı. “Bu proyektor nəyə işarə edirsə... və ya nəyisə axtarıb tapmağa çalışırsa, downloaded from KitabYurdu.org 190
həmin şey yəqin ki, həddən artıq təhlükəlidir. İnsanların bizi öldürməyə cəhd etməsi...” Onun səsi qırılsa da, yenidən özünü toparladı. “Özün fikirləş. Onlar sənə günün günorta çağı atəş açdılar... mənə
- işlə heç bir əlaqəsi olmayan adama silah tuşladılar. Heç kim danışıq aparmaq istəmir. Sənin öz dövlətin sənə qarşıdır - səni öldürmək üçün adam göndərdi”. Lenqdon gözlərini boşluğa zilləmişdi. Amerika konsulluğu Lenqdonun yerini ya qatillə paylaşmış, ya da özü onu öldürmək üçün göndərmişdi. “Mənim öz dövlətim mənə dəstək olmadı”. Lenqdon Siennanın qəhvəyi gözlərinə baxdı, orada mərdlik gördü. Mən onu da işə salmışam. “Kaş ki, nə axtardığımızı biləydim. Onda işimizi
dəqiq planlayardıq”. Sienna başı ilə təsdiqlədi. “Hər nədirsə, məncə, onu tapmalıyıq. Heç olmasa, bizə stimul verərdi”. Onun məntiqi inkaredilməz idi. Lenqdon özünü çox narahat hiss edirdi. Bunu bacarmasam, hamı öləcək. Bu səhəri ancaq biotəhlükə, vəba və Dante cəhənnəminin gətirdiyi müdhiş işarələrlə mübarizəyə sərf etmişdi. Axtardığının nə olduğuna işarə edəcək bir dəlil yox idi. downloaded from KitabYurdu.org Yüklə 3,73 Mb. Dostları ilə paylaş:
|