13
Sual: Xaqani Şirvani yaradıcılığından nə deyə bilərsiz?
Cavab: Xaqaninin zəngin ədəbi irsi 17 min beytlik lirik
şeirlər divanından, “Töhfətul-İraqeyn” poemasından, epistolyar
nəsrin maraqlı nümunələri olan 60 məktubdan, rübailərindən
ibarətdir. Xaqaninin divanında və ümumiyyətlə yaradıcılığında
qəsidə janrı mühüm yer tutur. Yaxın və Orta Şərqin İntibah
dövrü ədəbiyyatında qəsidə janrının ən görkəmli nümayəndəsi
möcüzəsini Xaqani qəsidə janrında göstərmişdir. Bundan başqa
Xaqani məsnəvi və mədhiyyə ustadı kimi də tanınmaqdadır.
Təbiidir ki, bunlar Xaqani irsinin hamısı deyildir.
Sual: Xaqani yaradıcılığında ən çox diqqəti cəlb edən əsas
keyfiyyət hansıdır?
Cavab:
Yenilikci,
orijinal
sənətkar
olan
Xaqaninin
yaradıcılığının əsasını dərin və güclü humanizm təşkil edir.
“Uşaqlıqdan adətim bu olmuşdur ki, inciyim, amma
incitməyim”. Bu sözlərin sahibi olan şair heç də şərə qarşı
laqeyidlik, mərhəmət göstərməmişdir. Onun yaradıcılığındakı
humanizmi, yunan fəlsəfəsinə tənqidi münasibəti də məhz bu
əxilik dünyagörüşü ilə bağlılıq müəyyənləşdirilir.
Sual:
Xaqaninin öz valideyinlərinə münasibəti onun
əsərlərində öz əksini
necə
tapır?
Cavab: Xaqani əsərlərində ata-anasından ən geniş ölçüdə söz
açan bir şairdir. Kürəkəni Vəhiəddinə yazdığı məktuba görə
ata-anasının ilki olan Xaqanidə valideyin məhəbbəti çox
qüvvətli olmuşdur. Şair atasını “Mühəndis ləqəbli şeyx”, “qızıl
əlli”, “yaradıcı”, “qoca dülgər”, “sənətin piri” kimi uca sözlərlə
14
tərif edir. “Töhfətül-İraqeyn”-də şair anasının keçmişlərdə
Yaxın Şərqdə ad çıxarmış qadınlardan olan Rəbiə ilə adaş
olduğunu yazır. Şairin yazdığına görə onun anası “Zuitab
torpağında” doğulmuşdur.
Xaqaninin yazdığına görə Rabiənin
atası “Fiakusi-Kəbir” ləqəbli bir ordu başçısı, babası isə
nəsturilərin xəlifəsi olmuşdur. Şairin yüksək mənəviyyatlı bir
şəxsiyyət kimi yetişməsində Rabiənin rolu böyük, əməyi çox
olmuşdur. Xaqaninin yazdığına görə anası ölərkən oğluna son
sözləri: “Adın ölməz olsun” olmuşdur.
Sual: Xaqani Şirvaninin ailəsi ilə bağlı nələri qeyd edə
bilərsiz?
Cavab: Xaqaninin yaradıcılığı onun şəxsi və ailə həyatı ilə sıx
bağlıdır. O, özünün evlilik həyatını genişliyi ilə yazıya
almışdır. Bu baxımdan, Yaxın Şərq və Orta Asiyada ona oxşar
ikinci bir şair yoxdur. Şairin yaradıcılığını mükəmməl
öyrənmək üçün onun ailə həyatı və ailəsi ilə bağlı olan yazıları
oxucular tərəfindən dərin mənimsənilməlidir. Şairin kürəkəni
Şəhabəddin Şirvaniyə göndərdiyi məktubundan öyrənirik ki,
Xaqani ilk kərədən çox-çox sevdiyi, vurğunu olduğu bir kəndli
qızı ilə evlənmiş, 25 il onunla xoşbəxt yaşamışdır. Şair öz
ömür-gün yoldaşına bir çox şeirlər yazmışdır.
Sual: Xaqani Şirvaninin yaradıcılığında özü haqqında
fikirlərindən misal göstərə bilərsinizmi?
Cavab: I. Xaqani olmuşdur sözün xaqanı,
Doludur ləl ilə sözünün canı.
Sözə bu gün elə rövnəq verdi ki,
Fəth edib onunla bütün dünyanı.
15
II. Şeir səmasının günəşiyəm mən,
Üstünəm əsrimin şairlərindən.
Günəş kainatının şahı olsa da,
Sözümə qul olur hər səhər erkən.
III. Xaqani, səndə bu himmət var ikən,
İstəmə fələkdən öz ruzini sən.
O sənə ruzini necə verər ki,
Özü ruzi gözlər zəhmət çəkəndən.
IV. Kal meyvə deyiləm kölgədə qalam,
Günəşəm, gərdişim bu sonsuz aləm,
Kişilikdə haqqı olmayanların
Namərdəm başına ləçək salmasam.
Oxucuların sevərək və xüsusi fəallıqla iştirak etdiyi
tədbirlərdən biri də kitabxanaçının keçirdiyi səbəbkarların
sevilən əsərlərinin təhlilidir. Kitabxanaçı ilk öncə
kitabsevərləri salamlayaraq Xaqani Şirvaninin həyat və
yaradıcılığı haqqında məlumatlar verməyə başlayır.
Kitabxanaçı:Bildiyiniz kimi Xaqani Şirvani yaradıcılığında
mühüm yer tutan əsərlərindən biri də onun “Töhfətül-İraqeyn”
poemasıdır. Təəssüf ki, bu maraqlı əsərin düzgün mətni
əlimizdə yoxdur. Xaqani Şirvani “Töhfətül-İraqeyn” əsərini
təxminən 36 yaşında, 1156-cı ildə yazmışdır. Bu əsərin aydın
bir sujet xətti yoxdur. Əsər, şairin hər iki İraqa
(İraqi-ərəb,
İraqi-əcəm) səfəri zamanı təsadüf etdiyi
şəxsiyyətlərin tərifi, şahidi olduğu hadisələrdən aldığı
təəssüratın
tərənnümündən ibarətdir. “Töhfətül-İraqeyn”
Azərbaycan ədəbiyyatı tarixində ilk mənzum səyahət əsəridir.
16
Burada Xaqaninin səfər zamanı olduğu şəhərlər, gördüyü
xalqların içtimai vəziyyəti, təbiət mənzərələri və s. təsvir
edilir. XII əsrdə Yaxın Şərqdə olan bəzi dövlət xadimlərinin,
mədəni adamların adları çəkilir və yazıçının şəxsi tərcümeyi-
halına aid olduqca mühüm məlumat verilir. “Töhfətül-İraqeyn”
əsəri dilinin sadəliyi və məzmunun aydınlığı etibarı ilə
Xaqaninin qəsidə, qəzəl, mərsiyə və rübailərindən əsaslı
surətdə fərqlənir. Bu əsər əsasən 4 hissəyə bölünür.
1.
“Töhfətül-İraqeyn” də şairin tərcümeyi-halını izah edən
cəhətlər;
2.
İraqeyn şəhərinin ( Bağdad, Şam, Mədinə) Kuhistan və
s. təsviri;
3.
Tarixi simalar haqqında verilən məlumatlar;
4.
Fəlsəfi motivlər.
5.
Əsərin qısa məzmunu belədir:
Şair öz sözlərini günəşə xitabla başlayır və səfər zamanı aldığı
təəsüratı günəşə nağıl edir. Dünyada vəfadan və ədalətdən bir
əsər qalmadığını söylədikdən sonra o öz mənzum
səfərnaməsini belə başlayır: “Elə ki, zəmanənin padşahı mənə,
Şirvan həbsxanasından (saraydan) çıxmağa icazə verdi, mən öz
iradəmlə bədənimi sürüyərək, səhraya üz tutub, Şirvanın bəla
dolu səhnəsindən İraqa tərəf hərəkət etdim. Qara dənizi arxada
buraxaraq “Səfid rudun” o biri tərəfinə keçdim. 8 behişt
mislində olan Kuhistanın 7 vilayətini gəzdim. Buranın torpağı
İsaya tutiya verirdi, daşı Musaya kimya bəxş edirdi. Hər tərəf
çiçəklik, gülüstandır. Bu yer Xuzistanı və Hindistanı geridə
qoyur. Bu cür cənnət kimi gözəl bir yer cəhənnəm əhlinin
əlində gör necə əzilib getməkdədir! Adamları qaniçən və gecə
Dostları ilə paylaş: |