________________Milli Kitabxana________________
nəğməni növhənin əvəz etdiyini heyranlıq və təəccüblə yox, ibrətlə qarşılayır, bu ibrət
güzgüsündə Şərq intibahının ideallarını, İntibah ziyalılarının müdrikliyini, ürək ağrılarını,
insan haqqında düşüncələrini görməyə çağırır:
İbrətlə bax, ey könlüm, bu aləmə gəl bir an
Eyvani-Mədaini ayineyi-ibrət san
Yaxud
Xaqani, bu dərgahdan sən daima ibrət al,
Ta almaq üçün ibrət gəlsin qapına xaqan.
Xaqani də dövrün bir çox ziyalıları kimi birinci növbədə hökmdarlara təsir elmək,
onları qəflət yuxusundan ayıltmaq, Mədaindən ibrət almağa çağırmaq istəmişdir. Zalım
hökmdarlara qarşı şairin xəbərdarlıği burda nə qədər də guclüdür:
Biz ədl sarayıykən zülm ilə xarab olduq,
Zalımlar olan qəsrə gör neyləyəcək dövran?
Bu sətirlərin heç bir izaha ehtiyacı yoxdur. Zalım hökmdarlar humanist Xaqaninin ən
çox nifrət etdiyi adamlar idi. Şairin bu ecazkar qəsidəsi birinci növbədə onlara xəbərdarlıq
kimi səslənir. Böyük intibah şairinin keçmiş, bu gün və gələcək haqqında ürəkağrısı,
gözyaşı, qəzəb qığılcımları ilə dolu narahat fəlsəfi düşüncələri, yeri, göyü titrədən
haraydır. Bu şeirdə Mədain İran və Azərbaycanın antik əzəmət və vüsətinin simvolu kimi
götürülmüş, ona xitabən yeni, müasir İntibah duyğuları qələmə alınmışdır.
Xaqaninin içtimai-fəlsəfi şeirləri arasında "Şiniyyə qəsidəsi" ("Qəsideyi-şiniyyə") də
mühüm yer tutur. Qafiyəli misraları "şin" hərfi ilə qurtardığı üçün belə adlandırılan bu şeir
insan və onun mənəvi aləmi, həqiqi mahiyyətı, zahiri aldanışları haqqında, çoxcəhətli
məzmun və mündəricə baxımından zəngin düşüncələrdən ibarət bir əsərdir. Bu qəsidədə
İki insan tipi qarşılaşdırılır. Biri dünyanı dördəlli tutanlar, nəfsə aldananlar, hamıya ağalıq
etmək istəyənlər, digəri isə nəfs adlı aslanı it kimi diz çökdürənlər, həm mərdə, həm də
namərdə baş əyməyənlərdir. Xaqani özünü ikincilərdən sayır və bununla fəxr edir. Şair
həmin iki insan tiplərini müxtəlif baxımlardan müqayisə edir, dərviş və sultan obrazları ilə
məsələni bir qədər də konkretləşdirir. Şair bu əsəri yazarkən sufizm və əxiliklə bağlanmış,
yunan fəlsəfəsinə qarşı soyumuşdu. İndi onu sırf elmi məsələlərdən daha çox insan, onun
taleyi, mənəvi aləmi ilə bağlı problemlər maraqlandırırdı. Şair bağlı
________________Milli Kitabxana________________
olduğu sufi dərvişləri, özü yoxsul olsa da, başqalarına qarşı səxavətli olan əxiləri hakim
təbəqələrə, varlılar dünyasına qarşı qoyur:
Bəli, dərvişdə hümmət günəş misli gərək olsun,
Ki, o, şahlardan üstündür, nə yurdu var, nə sahmanı.
Cahanla can iki bütdür düşüb dərviş ayağına,
Tamamilə ehtiyac it tək olub zəncirli dərbanı.
Nə hind çibalı tək qurmuş sitəmlə qəsri-tağuti,
Nə Çin xaqanı tək zülm ilə düzmüş tacə mərcanı!
Şairin yoxsul dərvişlərlə xaqan və çibalları qarşılaşdırmasının, üstünlüyü dərvişlərə
verməsinin səbəbi var. Çibal və xaqanlar tağut saraylarını, mərcanlı taclarını zülm və
sitəmlə əldə etmişlər, onların cəlal və əzəməti, var və dövləti zülmün nəticəsidir. Dərviş
şairin gözündə məhz ona görə ucadır ki, o, öz ehtiyacı və tamahı üçün başqalarına zülm
eləmir.
O İskəndərsifət Xızrın hava - taxtı, ağıl - tacı,
O aqil sərxoşa süfrə - rzadır, can – mehmanı
Xəzinədarı - fikir, ilbam; keşikçi-şərilə tövfiq,
Əsiri-nəfs ilə amal, qul etmiş çərxi, keyhanı.
Orta əsrin xüsusiyyətçi qanunlarına qarşı şair gözütoxluq, ağıllılıq tələb edir.
Xaqaniyə görə o adam ki, zahirini bəzəyir, əlvan paltarlarla öyünmək istəyir, o, ilandan da
əksikdir. Qoy belə adamlar heç olmasa əfi ilandan ibrət alsınlar, çanaqlı bağaya
bənzəməsinlər:
Nolardı bircə bilsəydim bıı dünyada nəyin artar
Yeyib-içsən gecə-gündüz, şərabi, noğlu, reyhanı?
Əmirə söylə bilsin ta ki, nəfs - it, cifə sərvətdir,
İtə həmkasə olmaqla gedər badə şərəf, şanı.
Ölər bağa çanağında, çıxar əfi qılafından,
İlandan kəm deyilsənsə, soyun bu rəxti-əlvanı.
Süleymanam demə, əvvəl yanından divləri rədd et,
Və ya zəncirlə, ya öldür, ya qov quli-biyaban
Əlvan geyimlərlə, ləzzətli yeməklərlə öyünmək, onların əsiri olmaq divlər, şeytanlar
əlində qul olmaqdır, öz insanlığını, dəyanətini itirməkdir. Nə üçün insanın ruhu tamah,
həvəs zindanında dustaq olmalıdır. Şair əxilər və sufilər kimi dünyaya, onun nemətlərinə
bənd olmağı qəbul etmir, burda insana zidd olan güclü bir sifət, iblislik görür. "Bacarsan
bu dünyanın cəlalına aldanma, bu murdar daşı əlinə alıb şeytanı sevindirmə", "Mərdlərin,
yəni əxilərin ayaq torpağını başına tac elə, ancaq qızıl tac alıb gizli sirrini bildirmə", "Şah
tacına
________________Milli Kitabxana________________
məftun olan kəs dərviş deyil, gərək dərviş yoxsulla şahı bir gözlə görə". "Torpaq
sənin dayən olub, südünü əmmisən, o da sənin qanını əməcək. Sənin qanın
dayənin verdiyi süddəndir. Əlində tutduğun badə cavanlar qanıdır, içmə,
Zalımların nəfsi kimi bu qaniçən dünyanın içi məzarıstan, eşiyi isə bağ-
bağçadır".
Qəsidənin hər beyti, hər sözü humanizmlə, feodal orta əsrinin qayda-
qanunlarının inkarla doludur. Hər beytdə dərin və geniş məzmun, yığcamlıq və
konkretlik var. Başqa əsərlərində olduğu kimi burada da şairin əsas tənqid hədəfi
zülm və ədalətsizlikdir. Qəsidədə zalımlara nifrət, qəzəb hər dəfə yeni bir
ehtirasla özünü biruzə verir. Xaqani də dahi müasiri Nizami kimi zalımları
düşünməyə, peşiman olmağa səsləyir:
Tökər sübhə qədər qan yaş gözündən sel kimi məzlum,
Boğar zalımları rahat yataqda qanli tufanı
Əlac axtar qəza təqdirinə, sən əzdiyin aciz,
Düşübsə torpağa, ahı yıxar ərşi-müəllanı.
Salıbsan Bijəni həbsə, sən ey Əfrasiyab, yatma,
Durubdur pusquda Rüstəm, əlində tiği-bürranı.
Edibsən it kimi pislik, peşiman ol, çağır "əl-əfv",
Ki, it də söyləyər "əf-afv", nəyin olsa peşimanı.
Xaqani şeri coşqun, ehtiraslı poeziyadır. Bu poeziyada gözəlük ehtirasla
təsdiq olunduğu kimi eybəcərlik, şer, zülm də eyni ehtirasla inkar edilir, üstəlik
onda inkar daha güclüdür. "Qəsideyi-şiniyyə" bu baxımdan müstəsnalıq təşkil
etmir. Bu zəngin məzmunlu əsərdə də şairin dövrünə məxsus eybəcərlik və şer
rəngarəng boyalarla qələmə alınır, inkar edilir. Burda "Mədain xərabələri" ilə
səsləşən parçalar da çoxdur.
Xaqaninin ən iri həcmli əsəri "Töhfətül-İraqeyn" poemasıdır. Azərbaycan
ədəbiyyatı tarixində ilk poema olan bu əsəri, bəziləri yanlış olaraq mənzum
səfərnamə hesab edir, onun iki İraqa - Əcəm və Ərəb İraqına səyahətdən alınan
təəssürat əsasında yazıldığını düşünürlər. Halbuki, poemaya "Töhfətül-İraqeyn"
adı sonra verilmişdir. Xaqani əsərini, Yəhya Qərib nəşrindəki dibaçədən də
aydın olur ki, "Töhfətül-xəvatir və zibdətül-zəmair" adlandırmışdır. Seyyid
Hüseyn Amuzqar isə onu "Töhfətül-xəvatir və zibdətül-nəvazir" adı ilə çap
etdirmişdir. Bir həqiqətdir ki, poema ancaq səfərnamə, yaxud səfər xatirələri
deyil. Şair əsəri yazana qədər keçirdiyi həyat, qarşılaşdığı adamlar haqda
xatirələrini, müxtəlif məsələlər ətrafında düşüncələrini əks etdirir. Şirvan və
onun əhalisi haqqında düşüncələr
Dostları ilə paylaş: |