69
Azərbaycan dünyada, o cümlədən də islam mədəniyyət tari-
xində sufi sührəverdilik, hürufilik, zahidilik, səfəvilik, xəlvətilik
və xəlvətiliyin qolları hesab edilən rövşənilik və gülşənilik
təriqətlərinin vətəni kimi tanınmışdır.
Araşdırdığımız XII-XV yüzilliklərdə islam dünyası daxilində
çox ciddi və müxtəlif xarakterli dini-siyasi proseslər cərəyan et-
mişdir. Orta əsrlərdə islam dininin yayıldığı arealda insanlar is-
lamda vəd olunan bir sıra prinsiplərin (bərabərlik, ədalət, doğru-
çuluq və s.) tətbiqini real, praktiki həyatlarında görə bilmədilər.
Xüsusilə də əməvilərin hakimiyyəti dövründə həyata keçirilən
“ərəb millətçiliyi” siyasəti, yəni hakimlərin və məmurların böyük
əksəriyyətinin ərəblər içərisindən təyin edilməsi, eləcə də sadə
dindarlara münasibətdə tətbiq olunan ədalətsizlik, imtiyazlıların
haqlı-haqsız müdafiə olunması, din adına danışanların da bir
çoxunun bu proseslərdə iştirakı, mənsəbpərəstliyi və əxlaqsızlığı,
digər tərəfdən isə islamın əsaslarından - Quran və Sünnədən ayrı
düşmə halları, sadə dindarlarda narazılıqların və məyusluğun
əmələ gəlməsinə səbəb oldu. Bu prosesə bir sıra xarici amillər də
(səlib yürüşləri və monqol-tatar basqınları) öz təsirini göstərdi.
Nəticədə islamın tərəfdarları arasında islama qarşı protestlər və
mövcud islamın islah olunması ilə bağlı axtarışlar edilməyə baş-
landı. Bu prosesi islamın olduqca geniş və müxtəlif ərazilərdə ya-
şayan ardıclılarının mənəvi həyatlarında, şəxsi keyfiyyətlərindən
qaynaqlanan davranış və təfəkkür tərzlərində, mədəni ənənələ-
rində və s. olan fərqliliklər də xeyli sürətləndirdi.
İslamda „təmiz din” axtarışları və protestlər, eləcə də islam
dini təliminin əsas müddəalarının, dinin köklərinin (üsul əd-din)
müəyyənləşdirilməsi üstündə baş verən mübahisələr, fikir ayrılı-
lıqları əslində bir çox yeni dini məzhəblərin, cərəyanların, tə-
limlərin yaranmasına və onların ideoloji əsaslarının formalaş-
masına gətirib çıxarırdı. Vəziyyəti çətinləşdirən amillərdən biri də
onunla bağlı idi ki, hər məzhəb “təmiz din” axtarışları adı altında
dinin əsaslarını və ümumiyyətlə hadisə və prosesləri öz maraq-
larına uyğun təfsir etməyə cəhd edirdilər. “Müxtəlif əqidə məz-
həblərinin nümayəndələri eyni əməli, eyni fikri gah “ bidətçilik”
70
kimi, gah da Quran və hədislərin nüfuzu ilə müqəddəsləşdirilən
“düzgün din” kimi səciyyələndirirdilər” (5, 81). Yaradıcılığı XIII
əsrə təsadüf edən Görkəmli Azərbaycan mütəfəkkiri Mahmud
Şəbüstəri “Gülşəni raz” əsərində islam dinindəki fikir ayrılılıq-
larına və parcalamanlara işarə edərək yazırdı:
Biri birlik dənizində “ənəlhəqq”dedi,
Bur başqası qayığın yaxınlarda və uzaqlarda üzməsindən
danışdı.
Biri zahiri elmi qazandı,
Sahilin quruluğunu nişan verdi.
O biri (dənizdən) gövhər çıxardı,
Bir başqası onu (gövhəri) qoyub sədəfdən söz açdı.
Biri yenə də cüzdən və kulldən bəhs etdi,
O birisi isə qədimdən və hədisdən (yeni xəbərlərdən)
danışmağa başladı.
Biri “zülf” (saç), “xal”, “xət”dən (üzdəki incə tükdən) söz
açdı,
“Şərab”ı, “şam”ı və “şahid”i (gözəli) anlatdı.
Başqa biri yalnız öz varlığı vı gümanından danışdı,
Biri isə “büt” və “zünnar”a dalaraq öz varlığını unutdu.
Bu sözlər söyləyənlərin səviyyəsinə uyğun olduğu üçün
İnsanlar onları anlamaqda çətinliyə düşdülər (14, 76).
Bu parçalanmaların, fikir müxtəlifliklərinin bir çox mənfi
nəticələri olsa da, bunun bir xeyli müsbət tərəfləri də var idi. Belə
ki, bu nəticə etibarilə müxtəlif cərəyanların, məzhəb və təlimlərin
meydana gəlməsinə, onlar arasında islamın fundamental məsələ-
ləri ilə bağlı mübahisə və diskussiyaların genişlənməsinə səbəb
71
olaraq islamda vahid ideologiyanın yaranmasına gətirib çıxardı.
Bütün orta əsrlər boyu islam dünyasının tarixi “düzgün din” və
ona müxalif görüşlərin iddiaçıları arasında mübarizə tarixidir. İs-
lam dini tarixində daha çox düşüncə, fikir cərəyanı olmaq etiba-
rilə sufizmin və onun müxtəlif təriqətlərinin bu mübahisələrdə
müsbət rolu danılmazdır. Sufizm bir təlim kimi islam mədəniy-
yətinin zənginləşməsində və gəlişməsində əhəmiyyətli rol oyna-
mışdır. Qeyd edək ki, bir çox araşdırıcılar sufizmin də məhz döv-
rünün yeni yaranmış təlimlərindən biri kimi, „təmiz din“ axta-
rışları iddiasıyla „həmin dünyapərəstliyə, mənfəətgirliyə, sərvət-
pərəstliyə, haqqı atıb dünyanı tutmağa qarşı dinc etiraz forması
kimi təzahür edib intişar tapdı”dığını söyləyirlər (15, 12).
Sufizm öz mahiyyəti etibarı ilə dini-mistik təlim olub, bir çox
izahları vardır. Bu tanımlardan birinə görə, sufizm, insanın ağıl
yoluyla dərk edə bilmədiyi ilahi həqiqətləri və qeyb aləminə aid
həqiqətləri müşahidə ilə arama yoludur, yəni sufizm islam
inancına görə, insanlığı pis xasiyyətlərdən təmizləyib ruhu pak
edip, kamil olma (kamala çatma) yoludur (16). Ömər Sührəver-
diyə görə, sufilik edən şəxs özünəhesabat (əl-mühasəbə), özünə-
nəzarət (əl-müraqəbə) və daxili müşahidə (əl-müşahədə) yolu ilə
daxili rəzilliklərdən çəkinib nəfsini paklaşdırmalı, özünü ka-
milləşdirməlidir (17, 27). Məşhur sufi intellektualı Cüneyd əl-
Bağdadi isə deyirdi: “Sufi torpaq kimidir, yaxşı və pisi öz
üzərində daşıyır. Bulud kimidir, hamını kölgələndirir. Yağış
kimidir, hamı ondan istifadə edir” (33, 71).
Əbu Nəsr Sirac Tusi «Əl-Lumə fi't-təsəvvuf» əsərində sufilik
və sufilik adının necə yaranması haqqında yazır: «Şeyx deyir: -
Biri soruşsa ki, hədis sahiblərini hədisə, fəqihləri fiqhə aid etdin,
bəs nə üçün sufiləri elmə yox, (hər hansı bir) hala aid edirsən?
Niyə zahidlər zahidliyə, mütəvəkkillər təvəkkülə, sabrilər səbrə
aid edildiyi kimi, sufilərdə bu hala aid edilmir?
Onun cavabı budur: - sufilər yalnız bir elmin sahibi, yalnız
bir hal və məqamın maliki deyillər. Əksinə, onlar bütün mənəvi
elmlərin qaynağı, halların məcmusu, keçmişdəkilərin gözəl əx-
laqının məzhəridirlər. Onlar ilahi mahiyyət sayəsində bir haldan
Dostları ilə paylaş: |