«Səndən qənimətlər haqqında soruşurlar. De: “Qənimətlər Allaha və Peyğəmbərə aiddir”..»104 - Sonra o dedi: «Bu onların xeyrinə idi. Elə isə mənə itaət edin, çünki mən bunun aqibətini sizdən daha yaxşı bilirəm».
İbn Abbasdan (r.a) rəvayət olunan başqa hədisdə isə Peyğəmbər Bədr döyüşündə demişdir: «Kim bir düşmən öldürsə, ona qənimətdən filan qədər pay düşəcək. Kim düşməndən bir nəfər əsir götürsə, ona qənimətdən filan qədər pay düşəcək».
Bu hədisi həmçinin Nəsai «Sünən» əsərində (1-ci cild, səh. 75), İbn Hibban «Səhih» əsərində (Heysəminin «Məvariduz-Zaman» əsərində (səh. 431) qeyd olunduğu kimi), Hakim «Mustədrək» əsərində (2-ci cild, səh. 132, 171, 221, 326), ibn Cərir «Təfsir»ində (9-cu cild, səh. 171), Beyhəqi «Sünən» əsərində (6-cı cild, səh. 291) və ibn Kəsir «Təfsir»ində (2-ci cild, səh. 284) rəvayət etmişlər.
Hakim bu hədisi «səhih» hesab etmiş, Zəhəbi də onu təsdiqləmişdir.
Bu iki rəvayətin arasında heç bir ziddiyyət yoxdur və bu ayə hər iki hadisəyə şamil edilə bilər. Daha doğrusunu isə Allah bilir.
Uca Allah buyurur:
ﭽﭑﭒﭓﭔﭕﭖﭗﭘﭙﭚﭛﭜﭼ
«O vaxt siz Rəbbinizdən kömək diləyirdiniz. O da: “Mən sizə bir-birinin ardınca gələn min mələklə yardım edəcəyəm”- deyə duanızı qəbul etmişdi».
(9-cu ayə)
İmam Əhməd «Müsnəd» əsərində (1-ci cild, səh. 30) demişdir: «İbn Abbas (r.a) rəvayət edir ki, Ömər ibn əl-Xəttab (r.a) demişdir: Bədr döyüşündə Peyğəmbər nəzər salıb gördü ki, səhabələrinin sayı üç yüzdən bir az çox, müşriklərin sayı isə min nəfərdən bir az çoxdur. Sonra o üzünü qibləyə tərəf çevirdi və əllərini açıb dua etdi: «Allahım, mənə verdiyin vəd nə oldu! Allahım, mənə verdiyin vədini doğrult! Allahım, əgər bu müsəlmanlar həlak olsa, yer üzündə Sənə kim ibadət edəcək?» Peyğəmbər uzun müddət bu duanı edərək Rəbbindən kömək istədi, hətta üst geyimi yerə düşdü. Əbu Bəkr (r.a) onu götürüb yenidən Peyğəmbərin çiyninə atdı və ona dedi: «Ey Allahın elçisi! Sən ki, bu qədər dua edirsən, Rəbbin sənə verdiyi vədi doğruldacaq və sənə kömək olacaq!» Uca Allah da bu ayəni nazil etdi:
ﭽﭑﭒﭓﭔﭕﭖﭗﭘﭙﭚﭛﭜﭼ
«O vaxt siz Rəbbinizdən kömək diləyirdiniz. O da: “Mən sizə bir-birinin ardınca gələn min mələklə yardım edəcəyəm”- deyə duanızı qəbul etmişdi».105
Bu hədisi həmçinin Muslim «Səhih» əsərində (12-ci cild, səh. 84, 85), Tirmizi «Sünən» əsərində (4-cü cild, səh. 111-112), Əbu Davud «Sünən» əsərində (ibn Kəsirin «Təfsir»ində (2-ci cild, səh. 286) qeyd olunduğu kimi), ibn Əbi Hatim «Təfsir»ində (3-cü cild, səh. 230) və ibn Cərir «Təfsir»ində (9-cu cild, səh. 189) rəvayət etmişlər.
İbn Kəsir «Təfsir»ində demişdir ki, bu hədisi Əli ibn əl-Mədini «səhih» saymışdır.
Uca Allah buyurur:
ﭽ ﯥ ﯦ ﯧ ﯨ ﯩ ﯪ ﯫ ﯬ ﯭ ﯮ ﯯ ﯰ ﯱ ﯲ ﯳ ﯴ ﯵ ﯶﯷ ﯸ ﯹ ﯺ ﭼ
«Daha bir döyüş əməliyyatı keçirmək üçün bir tərəfə çəkilən və ya başqa bir dəstəyə qoşulanlar istisna olmaqla, kim belə bir gündə özününkülərə arxa çevirərsə, Allahın qəzəbinə düçar olar. Onun sığınacağı yer Cəhənnəmdir. O, necə də pis dönüş yeridir».
(16-cı ayə)
Əbu Davud «Sünən» əsərində (2-ci cild, səh. 349) demişdir: «Əbu Səid əl-Xudri (r.a) rəvayət edir ki,
ﭽ ﯥ ﯦ ﯧ ﯨ ﭼ الآية
«Daha bir döyüş əməliyyatı keçirmək üçün bir tərəfə çəkilən….» ayəsi - Bədr döyüşündə nazil olub».
Bu hədisi həmçinin Hakim «Mustədrək» əsərində (2-ci cild, səh. 327) və ibn Cərir «Təfsir»ində (9-cu cild, səh. 201) rəvayət etmişlər.
Hakim bu hədisin Muslimin şərtinə görə «səhih» olduğunu demiş, Zəhəbi də bunu təsdiqləmişdir.
İbn Kəsir «Təfsir»ində (2-ci cild, səh. 295) Nəsai və ibn Mərdəveyhin bu hədisi rəvayət etdiklərini qeyd etmiş və demişdir: «Bütün bu dəlillər məhz Bədr döyüşünə aid olub, digər döyüşlərdən qaçmağın haram olmamasına dəlalət etmir. Belə ki, əvvəldə qeyd etdiyimiz Əbu Hüreyrənin (r.a), döyüşdən qaçmağın böyük günahlardan olması barədə rəvayət etdiyi hədis buna dəlildir. İslam alimlərinin böyük əksəriyyətinin fikrinə görə bu hökm hamıya şamil edilir və döyüşdən qaçmaq böyük günahlardan hesab olunur. Daha doğrusunu isə Allah bilir».
Uca Allah buyurur:
ﭽ ﭑ ﭒ ﭓ ﭔ ﭕﭖ ﭗ ﭘ ﭙ ﭚ ﭛ ﭜ ﭝﭞ ﭟ ﭠ ﭡ ﭢ ﭣﭤ ﭥ ﭦ ﭧ ﭨ ﭩ ﭼ
«Onları siz öldürmədiniz, Allah onları öldürdü. (Düşmənlərin gözünə bir ovuc torpaq) atdığın zaman sən atmadın, Allah atdı ki, möminləri Öz tərəfindən yaxşı bir sınaqdan keçirtsin. Həqiqətən, Allah Eşidəndir, Biləndir.»
(17-ci ayə)
Təbərani «Mucəm» əsərində (3-cü cild, səh. 227) demişdir: «Hukeym ibn Hizam (r.a) rəvayət edir ki, Bədr döyüşündə Peyğəmbər bir ovuc çınqıl (və ya torpaq) götürüb bizə tərəf atdı. Gözlərimiz toz-torpaqla doldu və biz məğlub olduq. Uca Allah da bu ayəni nazil etdi:
ﭽ ﭗ ﭘ ﭙ ﭚ ﭛ ﭜ ﭝﭞ ﭼ الآية
«(Düşmənlərin gözünə bir ovuc torpaq) atdığın zaman sən atmadın, Allah atdı …»
Heysəmi «Məcməuz-Zəvaid» əsərində (2-ci cild, səh. 84) bu hədisin isnadının «həsən» olduğunu demişdir. Ola bilsin ki, Heysəmi bununla isnadın «həsən li-ğeyrihi» olmasını qəsd etmişdir.
Heysəmi bu hədisi qüvvətləndirmək üçün başqa bir hədis də qeyd etmiş və demişdir: «Bu hədisi Təbərani rəvayət etmişdir və isnadında olan ravilərin hamısı Buxari və Muslimin istinad etdiyi ravilərdir».
Bu hədisi həmçinin Hakim «Mustədrək» əsərində (2-ci cild, səh. 327) başqa isnadla, Səid ibn Museyyibin atasından rəvayət etmişdir ki, Peyğəmbər ovucundakı çınqılı Ubey ibn Xələfə tərəf atmışdır. O bu hədisi rəvayət etdikdən sonra isnadının Buxari və Muslimin şərtlərinə uyğun olduğunu demiş, Zəhəbi də bunu təsdiqləmişdir.
İbn Kəsir «Təfsir»ində (2-ci cild, səh. 229) Hakimin bu rəvayətini və həmçinin Zuhridən olan rəvayəti qeyd etdikdən sonra demişdir: «Bu iki imamın (Səid ibn Museyyibin və Zuhrinin) rəvayət etdiyi hadisənin məhz ona (Ubey ibn Xələfə) aid olması mümkün deyil. Ola bilsin ki, onlar ayənin ümumi mənasından bu nəticəni çıxarmışlar».
Uca Allah buyurur:
ﭽ ﭱ ﭲ ﭳ ﭴ ﭵﭶ ﭷ ﭸ ﭹ ﭺ ﭻﭼ ﭽ ﭾ ﭿ ﮀ ﮁ ﮂ ﮃ ﮄ ﮅ ﮆ ﮇ ﮈ ﮉ ﮊ ﮋ ﭼ
«Əgər siz kafirlər ədalətli hökm diləyirsinizsə, artıq sizə hökm gəlmişdir. Əgər küfrə son qoysanız, bu, sizin üçün xeyirli olar. Yox əgər qayıtsanız (möminlərə qarşı vuruşsanız), Biz də qayıdarıq (sizi yenə məğlub edərik). Dəstəniz nə qədər çox olsa da, bu sizi heç bir şeydən qurtara bilməz. Şübhəsiz ki, Allah möminlərlədir»
(19-cu ayə)
İbn Cərir «Təfsir»ində (9-cu cild, səh. 208) demişdir: «Abdullah ibn Sələbə (r.a) rəvayət edir ki, Bədr döyüşündən əvvəl Əbu Cəhl dedi: «Allahım! O (Peyğəmbər ), bizi qohum-əqrəbamızla düşmən etdi, bizə dədə-babalarımızın bilmədiyi bir şeyi gətirdi. Sabah onu məhv et!» Uca Allah da bu ayəni nazil etdi:
ﭽ ﭱ ﭲ ﭳ ﭴ ﭵﭶ ﭼ الآية
«Əgər siz kafirlər ədalətli hökm diləyirsinizsə, artıq sizə hökm gəlmişdir...»
Bu hədisi həmçinin Əhməd «Müsnəd» əsərində (5-ci cild, səh. 431), Hakim «Mustədrək» əsərində (2-ci cild, səh. 357) və Vahidi «Əsbabun-Nuzul» əsərində rəvayət etmişlər. Əhməd bu hədisi, ayənin nazil olma səbəbini qeyd etmədən rəvayət etmişdir.
Hakim bu hədisin isnadının Buxari və Muslimin şərtlərinə uyğun olduğunu demiş, Zəhəbi də bunu təsdiqləmişdir. İbn kəsir «Təfsir»ində (2-ci cild, səh. 296) bu hədisi Nəsainin rəvayət etdiyini qeyd etmişdir.
Uca Allah buyurur:
ﭽ ﯫ ﯬ ﯭ ﯮ ﯯ ﯰﯱ ﯲ ﯳ ﯴ ﯵ ﯶ ﯷ ﯸ ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ ﭜ ﭝﭞ ﭟ ﭠ ﭡ ﭢ ﭣ ﭤ ﭥ ﭦ ﭧ ﭼ
«Sən onların arasında olduğun halda Allah onlara əzab verməyəcək. Bağışlanmalarını dilədikləri zaman da Allah onlara əzab verən deyildir. Onlar Məscidulharamın xidmətçiləri olmadıqlarına baxmayaraq möminləri oraya buraxmadıqları halda Allah nə üçün onlara əzab verməsin? Onun xidmətçiləri yalnız müttəqilərdir. Lakin onların çoxu bunu bilmir».
(33 və 34-cü ayələr)
Buxari «Səhih» əsərində (9-cu cild, səh. 378) demişdir: «Ənəs ibn Malik (r.a) rəvayət edir ki, Əbu Cəhl dedi: «Allahım! Əgər bu (Məhəmmədin dedikləri) haqdırsa, onda bizim üzərimizə göydən daş yağdır, ya da şiddətli bir əzab göndər». Uca Allah da bu ayəni nazil etdi.
ﭽ ﯫ ﯬ ﯭ ﯮ ﯯ ﯰﯱ ﯲ ﯳ ﯴ ﯵ ﯶ ﯷ ﯸ ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭼ الآية
«Sən onların arasında olduğun halda Allah onlara əzab verməyəcək. Bağışlanmalarını dilədikləri zaman da Allah onlara əzab verən deyildir. Onlar Məscidulharamın xidmətçiləri olmadıqlarına baxmayaraq möminləri oraya buraxmadıqları halda Allah nə üçün onlara əzab verməsin?..»
Bu hədisi Buxari həmçinin «Səhih» əsərində (9-cu cild, səh. 379), Muslim «Səhih» əsərində (17-ci cild, səh. 139), ibn Əbi Hatim «Təfsir»ində (3-cü cild, səh. 242) və Vahidi «Əsbabun-Nuzul» əsərində rəvayət etmişlər.
İbn Cərir «Təfsir»ində (9-cu cild, səh. 235) demişdir: «İbn Abbas (r.a) rəvayət edir ki, müşriklər Kəbənin ətrafını təvaf etdikdə dedilər: «Ey Allah! Sənin dəvətini qəbul edib hüzuruna gəlmişik. Sənin heç bir şərikin yoxdur». Peyğəmbər də dedi: «Doğrudur! Doğrudur!». Onlar yenə dua edib belə dedilər: «Sənin heç bir şərikin yoxdur! Yalnız Sənin o şərikindən başqa ki, Sən ona və onun mülkünə sahibsən! Ey Allah! Bizi bağışla! Ey Allah! Bizi bağışla!» Uca Allah da bu ayəni nazil etdi:
ﭽﯫﯬﯭﯮ ﯯ ﯰﯱﯲﯳﯴﯵﯶﯷﯸ ﭼ
«Sən onların arasında olduğun halda Allah onlara əzab verməyəcək. Bağışlanmalarını dilədikləri zaman da Allah onlara əzab verən deyildir» - ibn Abbas deyir ki, aralarında onları Allahın əzabından qoruyan iki vasitə var idi: «Allahın elçisi və istiğfar (bağışlanma diləmək). Peyğəmbər aralarından getdi. Onlar isə hələ də bağışlanma diləyirdilər.
Sonra ibn Abbas (r.a):
ﭽ ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ ﭜ ﭝﭞ ﭟ ﭠ ﭡ ﭢ ﭣ ﭤ ﭥ ﭦ ﭧ ﭼ
«Onlar Məscidulharamın xidmətçiləri olmadıqlarına baxmayaraq möminləri oraya buraxmadıqları halda Allah nə üçün onlara əzab verməsin? Onun xidmətçiləri yalnız müttəqilərdir. Lakin onların çoxu bunu bilmir» ayəsini oxuyub dedi: «Bu (ayə), onların axirətdə çəkəcəkləri əzaba, o (33-cü ayə) isə bu dünyadakı əzablarına aiddir».
Bu hədisi həmçinin ibn Əbi Hatim «Təfsir»ində (3-cü cild, səh. 241) rəvayət etmişdir. Hədis «həsən»dir.
Bu ayə hər iki hadisəyə şamil oluna bilər. Doğrusunu isə Allah bilir.
Uca Allah buyurur:
ﭽ ﮜ ﮝ ﮞ ﮟ ﮠ ﮡ ﮢ ﮣﮤ ﮥ ﮦ ﮧ ﮨ ﮩ ﮪ ﮫﮬ ﮭ ﮮ ﮯ ﮰ ﮱ ﯓ ﯔ ﯕﯖ ﯗ ﯘ ﯙ ﯚ ﭼ
«İndi Allah sizin yükünüzü yüngülləşdirdi. Çünki O, sizdə zəiflik olduğunu bilirdi. Əgər aranızda yüz səbirli kişi olsa, kafirlərdən iki yüzünə qalib gələr; əgər aranızda min səbirli kişi olsa, Allahın izni ilə kafirlərdən iki mininə qalib gələr. Allah səbir edənlərlədir»
(66-cı ayə)
Buxari «Səhih» əsərində (9-cu cild, səh. 382) demişdir: «İbn Abbas (r.a) rəvayət edir ki;
ﭽ ﮆ ﮇ ﮈ ﮉ ﮊ ﮋ ﮌﮍ ﮎ ﮏ ﮐ ﮑ ﮒ ﮓ ﮔ ﮕ ﮖ ﭼ الآية
«Əgər aranızda iyirmi səbirli kişi olsa, kafirlərdən iki yüzünə qalib gələr…»106 ayəsi nazil olduqda hər on nəfər müşrikin müqabilində bir nəfər müsəlmanın olması fərz buyuruldu və bu əmr müsəlmanlar üçün çox ağır oldu. Bu zaman Uca Allah onlar üçün bu əmri asanlaşdırdı və bu ayəni nazil etdi:
ﭽ ﮜ ﮝ ﮞ ﮟ ﮠ ﮡ ﮢ ﮣﮤ ﮥ ﮦ ﮧ ﮨ ﮩ ﮪ ﮫﮬ ﮭ ﮮ ﮯ ﮰ ﮱ ﯓ ﯔ ﯕﯖ ﭼ الآية
«İndi Allah sizin yükünüzü yüngülləşdirdi. Çünki O, sizdə zəiflik olduğunu bilirdi. Əgər aranızda yüz səbirli kişi olsa, kafirlərdən iki yüzünə qalib gələr; əgər aranızda min səbirli kişi olsa, Allahın izni ilə kafirlərdən iki mininə qalib gələr».
Bu hədisi həmçinin Əbu Davud «Sünən» əsərində (2-ci cild, səh. 349), ibn Rahaveyh «Müsnəd» əsərində (ibn Həcərin «Mətalibul Aliyə» əsərində (3-cü cild, səh. 336) qeyd olunduğu kimi), ibn Carud «Müntəqa» əsərində (shə. 350), ibn İshaq (ibn Hişamın «Sira» əsərində (1-ci cild, səh. 676) qeyd olunduğu kimi), ibn Cərir «Təfsir»ində (10-cu cild, səh. 40) və ibn Əbi Şeybə «Müsənnəf» əsərində (5-ci cild, səh. 324) rəvayət etmişlər.
Uca Allah buyurur:
ﭽ ﯛ ﯜ ﯝ ﯞ ﯟ ﯠ ﯡ ﯢ ﯣ ﯤ ﯥﯦ ﯧ ﯨ ﯩ ﯪ ﯫ ﯬﯭ ﯮ ﯯ ﯰ ﯱ ﭼ
«Peyğəmbərə yer üzündə çoxlu kafir qırmayınca əsir götürmək yaraşmaz. Siz dünya mənfəətlərini istəyirsiniz, Allah isə axirəti qazanmağınızı istəyir. Allah Qüdrətlidir, Müdrikdir»
(67-ci ayə)
Hakim «Mustədrək» əsərində (2-ci cild, səh. 329) demişdir: «İbn Ömər (r.a) rəvayət edir ki, Allahın elçisi əsirlər barəsində Əbu Bəkrlə (r.a) məsləhətləşdi. O dedi: «Ey Allahın elçisi! Bu əsirlər hamısı bizim qardaşlarımız, qohum-əqrəbalarımız və yaxınlarımızdır. Mən təklif edirəm ki, fidyə alıb onları azad edək». Peyğəmbər Ömərlə (r.a) də məsləhətləşdi və o dedi: «Onların boynunu vur!»
Peyğəmbər fidyə alıb onları azad etdi və Uca Allah bu ayələri nazil etdi:
ﭽ ﯛ ﯜﯝ ﯞ ﯟ ﯠ ﯡ ﯢ ﯣ ﯤ ﯥﯦﭼ إلى قوله ﭽ ﯽ ﯾ ﯿ ﰀ ﰁﰂ ﭼ
«Peyğəmbərə yer üzündə çoxlu kafir qırmayınca əsir götürmək yaraşmaz….» ayəsindən «Ələ keçirdiyiniz qənimətləri halal və təmiz olaraq yeyin …» ayəsinə qədər.
Ertəsi gün Peyğəmbər Ömərlə (r.a) rastlaşdı və ona dedi: «Sənin məsləhətinə müxalif olduğumuz üçün (əsirlərin müqabilində götürülmüş fidyəyə görə) az qala müsibətə düçar olacağdıq!»
Bu hədisin isnadı «səhih»dir.
Bu hədisi həmçinin Muslim «Səhih» əsərində (12-ci cild, səh. 87), Əbu Davud «Sünən» əsərində (3-cü cild, səh. 3), Əhməd «Müsnəd» əsərində (1-ci cild, səh. 31), ibn Əbi Hatim «Təfsir»ində (4-cü cild, səh. 19) və Təbəri «Təfsir»ində (10-cu cild, səh. 44) rəvayət etmişlər.
Uca Allah buyurur:
ﭽ ﯲ ﯳ ﯴ ﯵ ﯶ ﯷ ﯸ ﯹ ﯺ ﯻ ﯼ ﯽ ﯾ ﯿ ﰀ ﰁﰂ ﰃ ﰄﰅ ﰆ ﰇ ﰈ ﰉ ﰊ ﭼ
«Əgər Allah tərəfindən əzəldən yazılan bir hökm olmasaydı aldığınız fidyə müqabilində sizə böyük bir əzab toxunardı. Ələ keçirdiyiniz qənimətləri halal və təmiz olaraq yeyin və Allahdan qorxun. Həqiqətən, Allah Bağışlayandır, Rəhmlidir»
(68-69-cu ayələr)
Təyalisi «Müsnəd» əsərində (2-ci cild, səh. 19) demişdir: «Əbu Hüreyrə (r.a) rəvayət edir ki, Bədr döyüşündən sonra səhabələr çoxlu qənimət topladılar. Peyğəmbər onlara dedi: «Sizdən əvvəlki ümmətlərə döyüşdən qənimət götürmək halal olmamışdı. O zamanlar hər hansı bir peyğəmbər səhabələrilə birlikdə döyüşdən sonra qənimət toplayardılarsa Allah göydən od endirər və bu qənimətləri məhv edərdi. Bu vaxt Uca Allah bu ayəni nazil etdi:
ﭽ ﯲ ﯳ ﯴ ﯵ ﯶ ﭼ الآيات
«Əgər Allah tərəfindən əzəldən yazılan bir hökm olmasaydı….»
Bu hədisi həmçinin Tirmizi «Sünən» əsərində (4-cü cild, səh. 113), ibn Carud «Müntəqa» əsərində (səh. 358), ibn Cərir «Təfsir»ində (10-cu cild, səh. 46), ibn Əbi Hatim «Təfsir»ində (4-cü cild, səh. 20), Beyhəqi «Sünən» əsərində (6-cı cild, səh. 290), Təhavi «Müşkilul-Əsar» əsərində (4-cü cild, səh. 292), Əhməd, Nəsai və ibn Hibban (Heysəminin «Məvariduz-Zaman» əsərində (səh. 402) qeyd olunduğu kimi) rəvayət etmişlər.
Tirmizi bu hədisin «həsən-səhih» olduğunu demişdir.
Hakim «Mustədrək» əsərində (2-ci cild, səh. 329) demişdir: «Xeysəmə rəvayət edir ki, bir dəfə Sə'd ibn Əbi Vəqqas (r.a) camaat arasında olarkən onların Əli ibn Əbi Talibi (r.a) söydüklərini eşitdi və dedi: «Dayanın! Peyğəmbərin səhabələrini söyməyin! Həqiqətən, biz Peyğəmbərlə birlikdə dünyaya (qənimətə, var-dövlətə) sahib olduq. Uca Allah:
ﭽ ﯲ ﯳ ﯴ ﯵ ﯶ ﯷ ﯸ ﯹ ﯺ ﯻ ﯼ ﭼ
«Əgər Allah tərəfindən əzəldən yazılan bir hökm olmasaydı aldığınız fidyə müqabilində sizə böyük bir əzab toxunardı» ayəsini nazil etdi. Allahdan istəyim budur ki, qoy dünya malı Allah tərəfindən bizə verilmiş rəhmət olsun!»
Onlardan bəziləri dedilər: «Allaha and olsun ki, o (Əli ibn Əbi Talib (r.a)) sənə nifrət edir və səni «fındıqburun» adlandırır!»
Sə'd ibn Əbi Vəqqas (r.a) onların bu sözünə doyunca güldükdən sonra dedi: «Belə ki, iki qardaş arasında söz-söhbət ola bilər, lakin bu onların əmanətinə (dininə, etiqadına, qardaşlıq münasibətlərinə) xələl gətirməz!»
Hakim bu hədisin «səhih», Buxari və Muslimin şərtlərinə uyğun olduğunu demişdir.
Bu hədisi həmçinin İshaq ibn Rahaveyh «Müsnəd» əsərində (ibn Həcərin «Mətalibul Aliyə» əsərində (4-cü cild, səh. 150) qeyd olunduğu kimi) və ibn Əbi Hatim «Təfsir»ində (4-cü cild, səh. 20) rəvayət etmişlər.
Uca Allah buyurur:
ﭽ ﯯ ﯰ ﯱ ﯲ ﯳ ﯴ ﯵ ﯶ ﯷﯸ ﯹ ﯺ ﯻ ﯼ ﯽ ﯾ ﯿ ﰀﰁ ﰂ ﰃ ﰄ ﰅ ﰆ ﰇ ﭼ
«Sonradan iman gətirənlər, hicrət edib sizinlə bərabər cihad edənlər də sizdəndirlər. Qohumlar Allahın Kitabına görə bir-birinə varis olmağa daha yaxındırlar. Həqiqətən, Allah hər şeyi bilir»
(75-ci ayə)
Təyalisi «Müsnəd» əsərində (2-ci cild, səh. 19) demişdir: «İbn Abbas (r.a) rəvayət edir ki, Peyğəmbər səhabələri (məkkəlilərlə mədinəlilər) arasında qardaşlıq əlaqəsi yaratdı və bundan sonra onlar bir-birinə varis oldular.
ﭽ ﯹ ﯺ ﯻ ﯼ ﯽ ﯾ ﯿ ﰀﰁ ﭼ الآية
«Qohumlar Allahın Kitabına görə bir-birinə varis olmağa daha yaxındırlar…» ayəsi nazil olduqdan sonra bu vərəsəlik tərk olundu və yalnız qohumlar bir-birlərinə varis olaraq qaldılar».
Bu hədisi həmçinin Təbərani «Mucəm» əsərində (Heysəminin «Məcməuz-Zəvaid» əsərində (7-ci cild, səh. 28) qeyd olunduğu kimi), ibn Əbi Hatim «Təfsir»ində (4-cü cild, səh. 25) və Hakim «Mustədrək» əsərində (4-cü cild, səh. 384) rəvayət etmişlər.
Heysəmi bu hədisin isnadında olan ravilərin hamısının Buxari və Muslimin istinad etdiyi ravilər olduğunu demişdir. Hakim bu hədisin isnadını «səhih» saymış, Zəhəbi də bunu təsdiqləmişdir.
İbn Əbi Hatim «Təfsir»ində (4-cü cild, səh. 24) və ibn Cərir «Təfsir»ində (10-cu cild, səh. 58) isnad edərək bu hədisi Zubeyr ibn əl-Əvvama (r.a) istinad edərək rəvayət etmişlər.
Ət-Tövbə surəsi
Uca Allah buyurur:
ﭽ ﯓ ﯔ ﯕ ﯖ ﯗ ﯘ ﯙ ﯚ ﯛ ﯜ ﯝ ﯞ ﯟ ﯠ ﯡ ﯢﯣ ﯤ ﯥ ﯦ ﯧﯨ ﯩ ﯪ ﯫ ﯬ ﯭ ﯮ ﭼ
«Doğrudanmı siz hacılara su verməyi və Məscidulharamı abadlaşdırmağı Allaha və Axirət gününə iman gətirib Allah yolunda cihad edənlərlə eyni tutursunuz? Bilin ki, onlar Allahın yanında bərabər sayılmırlar. Allah zalım milləti doğru yola yönəltməz»
(19-cu ayə)
Muslim «Səhih» əsərində (13-cü cild, səh. 25) demişdir: «Nu'mən ibn Bəşir (r.a) rəvayət edir ki, mən cümə günü Peyğəmbərin minbərinin yanında olarkən bir kişi dedi: «Mən İslamın ərkanlarından sonra hacılara su paylamağı ən gözəl əməl hesab edirəm». Digər bir kişi isə: «Mənim üçün İslamın ərkanlarını yerinə yetirdikdən sonra ən gözəl əməl Məscidülhəramı təmir etməkdir» - dedi. Üçüncü kişi isə: «Allah yolunda cihad sizin dediklərinizdən də (hacılara su paylamaqdan və Məscidülhəramı təmir etməkdən də) əfzəl sayılır» - dedikdə Ömər (r.a) onları danlayıb dedi: «Peyğəmbərin minbərinin yanında səsinizi qaldırmayın! Cümə namazını qılıb qurtardıqdan sonra mübahisə etdiyiniz məsələ barəsində soruşub cavabınızı alarsınız». Uca Allah da bu ayəni nazil etdi:
ﭽ ﯓ ﯔ ﯕ ﯖ ﯗ ﯘ ﯙ ﯚ ﯛ ﯜ ﯝ ﯞ ﭼ الآية إلى آخرها
«Doğrudanmı siz hacılara su verməyi və Məscidulharamı abadlaşdırmağı Allaha və Axirət gününə iman gətirib Allah yolunda cihad edənlərlə eyni tutursunuz?...»
Bu hədisi həmçinin Əhməd «Müsnəd» əsərində (4-cü cild, səh. 269), ibn Kəsir «Təfsir»ində (2-ci cild, səh. 342), ibn Cərir «Təfsir»ində (10-cu cild, səh. 95) və ibn Əbi Hatim «Təfsir»ində (4-cü cild, səh. 35) rəvayət etmişlər.
Uca Allah buyurur:
ﭽ ﭰ ﭱ ﭲ ﭳ ﭴ ﭵ ﭶ ﭷ ﭸ ﭹ ﭺ ﭻ ﭼ ﭽ ﭾ ﭿ ﮀﮁ ﮂ ﮃ ﮄ ﮅ ﮆ ﮇ ﮈ ﮉ ﮊ ﮋ ﮌ ﮍ ﮎ ﭼ
«Ey iman gətirənlər! Baş keşişlərdən və rahiblərdən çoxu insanların mallarını haqsız olaraq yeyir və onları Allah yolundan döndərirlər. Qızıl-gümüş yığıb onları Allah yolunda sərf etməyənləri üzücü bir əzabla müjdələ».
(34-cü ayə)
Buxari «Səhih» əsərində (4-cü cild, səh. 15) demişdir: «Zeyd ibn Vəhb (r.a) rəvayət edir ki, mən Rəbzədə107 Əbu Zər (r.a) ilə rastlaşdım və ona dedim: «Bura gəlməyinin səbəbi nədir?» O dedi: «Şamda olarkən
ﭽ ﮂ ﮃ ﮄ ﮅ ﮆ ﮇ ﮈ ﮉ ﮊ ﮋ ﮌ ﮍ ﮎ ﭼ
«Qızıl-gümüş yığıb onları Allah yolunda sərf etməyənləri üzücü bir əzabla müjdələ» ayəsinin nazil olma səbəbi barəsində Müaviyə ilə mübahisə etdim. Müaviyə bu ayənin əhli kitab barəsində, mən isə həm onlar, həm də bizim (müsəlmanların) barəmizdə nazil olduğunu dedim. Elə buna görə də aramızda narazıçılıq əmələ gəldi. O, Osmana (r.a) məktub yazıb mənim barəmdə ona şikayət etdi. Osman da mənə məktub yazıb Mədinəyə gəlməyimi tələb etdi. Mən Mədinəyə gəldiyim zaman ətrafıma çoxlu adam toplandı, sanki məni birinci dəfə idi ki görürdülər. Bu barədə Osmana (r.a) xəbər verdikdə o dedi: «İstəyirsənsə kənara çəkil, yaxın bir yerdə ol! (Rəbzə vilayətinə yaşamağa get!) Bura gəlməyimin səbəbi də budur. Əgər mənim üzərimə həbəşi (qara dərili) bir kimsəni əmir təyin etsəydilər belə onu eşidib, ona tabe olardım».
Buxari bu hədisi həmçinin «Təfsir» fəslində (9-cu cild, səh. 393), Vahidi «Əsbabun-Nuzul» əsərində, Təbəri «Təfsir»ində (10-cu cild, səh. 122) və ibn Əbi Hatim «Təfsir»ində (4-cü cild, səh. 45) rəvayət etmişlər.
Uca Allah buyurur:
ﭽ ﭻ ﭼ ﭽ ﭾ ﭿ ﮀ ﮁ ﮂ ﮃ ﮄ ﮅ ﮆ ﮇ ﮈ ﮉ ﮊ ﮋ ﭼ
«Onlardan elələri də var ki, sədəqələrlə bağlı sənə nöqsan tuturlar. Bundan onlara bir şey çatsa, razı qalar, bir şey çatmasa, dərhal qəzəblənərlər».
(58-ci ayə)
Buxari «Səhih» əsərində (15-ci cild, səh. 320) demişdir: «Əbu Səid əl Xudri (r.a) rəvayət edir ki, Peyğəmbər qənimətləri bölərkən Abdullah ibn zil-Xuveysira ət-Təmimi gəlib ona dedi: «Ey Allahın elçisi, qənimətləri ədalətlə böl!» O dedi: «Vay sənin halına! Əgər mən ədalətlə bölmürəmsə, bəs onda kim ədalətlə bölə bilər?» (Əgər mən ədalətli deyiləmsə, onda (ədalətsiz bir insana tabe olduğun üçün) sənin ümidlərin boşa çıxmış və ziyana uğramışsan.)108
Bu zaman Ömər ibn əl-Xəttab (r.a): «İzn ver onun boynunu vurum» - deyə Peyğəmbərə müraciət etdi. Peyğəmbər dedi: «Ona toxunma! Həqiqətən, onun tərəfdarları olacaq və sizlərdən biri onların ibadətlərinə nisbətdə öz namazına və orucuna həqarətlə baxacaq. (Yəni onlar sizdən də çox namaz qılacaq və oruc tutacaqlar. Onlar Quran oxuyacaqlar, lakin oxuduqları Quran onların boğazlarındakı körpücük sümüklərindən o yana keçməyəcəkdir)».109
Onlar, ox şikara bir tərəfdən daxil olub, digər tərəfdən çıxdığı kimi dindən çıxacaqlar. O oxa baxdıqda, onun nə ucunda, nə gövdəsində, nə də arxasında ovun nə qanı, nə də başqa bir əlaməti görünməz. Onların əlamətləri bunlardır: əl ilə çiyin və ya çiyinlə dirsək arasında olan əzələsi və ya sinəsi qadın sinəsinə bənzər, yaxud titrəyən, gedib-gələn ət parçası kimi olacaq. Onlar insanlar arasında ixtilaf olduğu zaman meydana çıxacaqlar».
Əbu Səid əl-Xudri (r.a) dedi ki, mən bütün bunları Peyğəmbərdən eşitdiyimə və Əlinin (r.a) onları məhv etdiyi zaman onun yanında olduğuma şəhadət verirəm. O vaxt onlardan birini Əlinin (r.a) yanına gətirdilər və mən Peyğəmbərin vəsf etdiyi əlamətləri onun üzərində gördüm. Elə:
ﭽ ﭻ ﭼ ﭽ ﭾ ﭿ ﭼ الآية
«Onlardan elələri də var ki, sədəqələrlə bağlı sənə nöqsan tuturlar..» ayəsi də onlar barəsində nazil olmuşdur».
Bu hədisi həmçinin Abdurrəzzaq «Müsənnəf» əsərində (10-cu cild, səh. 147), ibn Cərir «Təfsri»ində (10-cu cild, səh. 157), Vahidi «Əsbabun-Nuzul» əsərində və ibn əbi Hatim «Təfsir»ində (4-cü cild, səh. 57) rəvayət etmişlər.
Uca Allah buyurur:
ﭽ ﮃ ﮄ ﮅ ﮆ ﮇ ﮈ ﮉﮊ ﮋ ﮌ ﮍ ﮎ ﮏ ﮐ ﮑ ﭼ
«Onlardan nə üçün istehza etdiklərini soruşsan, deyərlər: “Biz sadəcə boş-boş danışıb zarafatlaşırdıq!” De: “Allaha, Onun ayələrinə və Onun Elçisinə istehzamı edirsiniz?”»
(65-ci ayə)
İbn Əbi Hatim «Təfsir»ində (4-cü cild, səh. 63) demişdir: «Abdullah ibn Ömər (r.a) rəvayət edir ki, Təbuk döyüşündə olarkən bir kişi məclisdə dedi: «Bizim aramızdakı qarilərdən acgöz, yalançı və döyüşdə qorxaq olan bir kimsə görmədim». Bu zaman səhabələrdən biri dedi: «Yalan danışırsan! Sən münafiqsən! Bu haqda mütləq Peyğəmbərə xəbər verəcəm». Bu xəbər Peyğəmbərə çatdıqda ayə110 nazil oldu: «Abdullah ibn Ömər (r.a) deyir ki, mən onu Peyğəmbərin dəvəsinin yüyəninə sarılıb yalvararaq: «Ey Allahın elçisi, biz ancaq söhbət edib zarafatlaşır, əylənirdik!» - dediyini gördüm. Peyğəmbər də ona bu ayəni oxudu:
ﭽ ﮋ ﮌ ﮍ ﮎ ﮏ ﮐ ﮑ ﭼ
Dostları ilə paylaş: |