464
daşının Azərbaycanda əmin-amanlıq yarada bilməməsi, oğlunun-
sa Mavərənnəhri və Türküstanı itaətə gətirməsi bu məsələdə
həlledici olmuşdu.
458. Fikirləşdim, bu da Allahın işidi, Şahımız quzey hüdudla-
rında olan qardaşının ölümündən xəbərsiz öz oğlunu səltənətin
naibi təyin eləyib, qardaşı da bundan xəbərsiz taxt-tacın varisi
kimi Car dağlarında döyüşə girib və düşmən gülləsinə rast gəlib,
beləcə, ehtimal olunan narazılıq ilahi təsadüf üzündən aradan
qalxıb. Amma Əliqulu xan bunu çətin unuda, tay-tuşunun varis
olması, taxta çıxmasıyla çətin barışaydı. Bunu Mirzə Hüseynə
də söyləmişdim, fikrimlə qeydsiz-şərtsiz razılaşmışdı, üstəlik,
demişdi, cavan Xan da əmisinin qərarına sevinmədi, Mirzə Hü-
seyn əlavə eləmişdi, əlbəttə, bu, İbrahim xanın ölümündən son-
ra baş versəydi, ortada narazılıq-filan olmazdı, sonra elə bil
həddini aşdığını duyub susmuş, qorxa-qorxa üzümə baxmışdı.
Onda yazın Novruz bayramından sonrakı günlərindən biriydi.
Mirzə Hüseynlə saray bağında gəzirdik, tez-tez Məhəmməd Ka-
zım, onun nəzərlərini gizlicə dolandırıb ətrafda Pərixan xatu-
nu axtarması, tapmayanda, qızın pəncərəsinə sarı boylanması
xəyalımda canlanırdı. Beynimdən keçirdim ki, yəqin, indi za-
vallı Pərixan xatun hicran alovunda yanır, Məhəmməd Kazımın
gizlicə göndərdiyi namələri, o namələrdəki eşq şeirlərini oxuyub,
gül qoxulu yastığının altında saxlayır. Şübhəsiz, bu cür eşq yaşa-
mağın özü hər kəsin bəxtinə düşməyən xoşbəxtlikdi, fikirləşdim
ki, əgər, Allah eləməsin, Məhəmməd Kazım istəklisinə qovuş-
masa belə, bu sevgi onu yetkinləşdirəcək, şeirlərinin dəyərini
artıracaq. Amma çinlilərin bir məsəli də yadıma düşdü: sevdiyiniz
kəsi sərbəst buraxın, qayıdacaqsa sizindi, qayıtmayacaqsa, heç vaxt
vüsala çatmayacaqsınız. Məhəmməd Kazımın Pərixan xatuna duy-
duğu həqiqi eşq idisə, günlərin birində Təbrizə qayıdacaqdı. İndi
Mömin xanın qəbrinin yerində gül kolları əkilmişdi, daha tənha
qəbir barədə duyğular mənə əzab vermirdi. Hasarın dibindən
axan arxda əl-üzümüzü yuyub cənnət rahatlığına qovuşduq,
həmin məqamda yenə axır vaxtlar xatırlamamağa çalışdığım Tif-
lis yadıma düşdü, təpədən-dırnağa titrədim…
459. O ilin saray həyatını quzeyə uzanan yollara baxa-ba-
xa, uzaq Hindistanda Şahımızın zəfərlərinə şahid olan Mirzə
465
Mehdidən, Mərvdə məmurluq eləyən Məhəmməd Kazımdan,
Ərdəbildə guşənişin ömür sürən Mirzə Kəmaləddindən namə
gözləyə-gözləyə keçirdim. Mirzə Mehdidən birini yazda, o birini
yayın ortalarında olmaqla iki namə aldım. Birincidə məmləkətin
hüdudlarından keçəndən sonra rastlarına çıxan şəhərləri ələ ke-
çirib, yağmalayıb Lahora necə çatdıqlarından, Zəkəriyyə xanı
itaətə gətirib, Karnal üzərinə getdiklərindən, Məhəmməd Şahın
qoşunuyla baş verən döyüşdən, Şahımızın min nəfərlik əfşar at-
lısının başında şir kimi vuruşduğundan, düşmən sərdarlarından
Səadət xanın öz filinin «namərdliyi» sayəsində əsir düşdüyündən,
Xan Dövranın yaralanıb döyüş meydanından çıxarıldığından,
zəfərdən sonra Şahımızın diz çöküb Allaha dua elədiyindən,
üstəlik, oğlu Murtuzaqulunun adını dəyişdirib Nəsrullah – Al-
lahın zəfəri qoyduğundan, xan Dövranın Şahımızın Məhəmməd
Şahla görüşməsinə mane olmaq üçün Nizam-ül-mülkə yalvar-
dığından, baş vəzir Nizam-ül-mülkün Əbdülbağı xanla barışıq
şərtlərini müzakirə eləməsindən, Şahımızın Məhəmməd şahı öz
çadırında böyük hörmətlə qarşılamasından, taxtının böyründə
oturdub mehribancasına söhbət eləməsindən, amma Mirbaxşı
– Baş xəzinədar məqamında gözü olan Səadət xanın Şahımızı
Dehli üzərinə getmək üçün dilə tutmasından, məqsədinə ça-
tıb vəkil-ül-mütləq məqamına yüksəlməsindən, zilhiccə ayının
ilk günü yola çıxacaqlarından yazırdı. Əlbəttə, Mirzə Mehdinin
təfsilatına varmaq istəmirəm, belə çıxırdı, Şahımız tezliklə Deh-
lini ələ keçirib gündoğan hüdudlarımızdakı təhlükəyə birdəfəlik
son qoyacaq, sonra da, şübhəsiz, dağlıların üzərinə gedəcəkdi…
460. Mirzə Mehdi ikinci naməsində yazırdı, zülhiccə ayı-
nın yeddinci günü Dehli altındakı Şalimar bağlarına çatdıq, iki
gündən sonra böyük təntənəylə şəhərə girdik, irəlidə belində
cəzirələrin oturduğu yüzlərlə fil, arxasınca şahanə atında əzəmətli
Şahımız gedirdi, axırda qoşunumuz gəlirdi; yazırdı, Məhəmməd
Şah sarayında əziz qonağının şərəfinə təntənəli ziyafət verdi,
hətta xəzinəsini qəbul eləmək barədə ricasını bildirdi, Şahımız
da uzun müddət boyun qaçırandan sonra razılaşmağa məcbur
oldu; yazırdı, Şahımız Cahan Şahın əzəmətli sarayında bərqərar
oldu, zilhiccənin onuncu günü Novruz, həm də Qurban bayra-
mında, onun adına məscidlərdə xütbələr oxundu, üstündə «Na-
466
dir Yer üzündə Sultanlar Sultanı, hökmdarlar Hökmdarı, Uğur
Sahibidir» yazılmış pul kəsildi; yazırdı, elə o gün Səadət xan
canını Allaha tapşırdı, deyilənə görə, Şahımızın istəyindən ca-
nına qıymışdı; yazırdı, elə o axşam da, Allah göstərməsin, Şa-
hımızın ölümü barədə şayiələr yayıldı, Səadət xanın adamları
nasaqçılara, gözətçilərə, döyüşçülərə hücum eləyib öldürdülər,
səhəri gün qarmaqarışıqlığı yatırtmaq üçün şəhərə çıxan Şahımız
da, az qala, qəfil güllənin qurbanı olacaqdı; yazırdı, Şahımızın
əmrilə qiyamçılara divan tutuldu, on minlərlə adam qətlə yeti-
rildi, xanların var-dövləti ələ keçirildi, üstəlik, Şahımız şahzadə
Yəzdan Baxşının qızını oğlu Nəsrullaha istədi, moğol qaydasın-
ca adaxlı barədə, yeddi arxa dönəni barədə məlumat istəyəndə
onlara dedi, deyin Nadir Şahın oğludu, qılıncın oğludu, qılıncın
nəvəsidi, yeddi əvəzinə yetmişəcən bunu təkrar eləyin, bundan
sonra səsini çıxaran olmadı, Şahımız da onlara şahanə toy elədi;
yazırdı, səfər ayının üçüncü günü Məhəmməd Şahı ziyafətə ça-
ğırıb Hind çayından quzey və günbatan tərəfdəki torpaqları Xo-
rasan vilayətinə qatmaq üçün razılıq aldı; yazırdı, bundan sonra
xütbələrdə Şahımızın adı çəkiləcək pullar onun adına kəsiləcək…
461. Məhəmməd Kazım Təbrizdən ötrü darıxdığını dönə-dönə
yazmışdı, mən də o sözün hansı məna daşıdığını gözəl an-
layırdım. Əlbəttə, məni görmək, söhbətləşmək arzusu təbiiydi,
amma güman ki, yarı canı Pərixan xatunun yanındaydı. Yazırdı,
yəqin Şahımız Rzaqulu Mirzəni səltənət naibi təyin eləyəndə
məmləkətdə olmadığı müddətdə qardaşı İbrahim xanın ona göz
olacağını düşünürmüş, amma indi sözünə – hərəkətinə qoruq-
qaytaq yoxudu; yazırdı, Şahzadə Məşhədə qayıdandan sonra Xo-
rasan cəzirələrindən on iki minlik qoşun düzəldib, o qoşun seçmə
atlar, bahalı parçadan paltarlar, qızıl-gümüş işləməli silahlarla
təmin olunub, lap Çin rəsmlərindəki mənzərə yaranıb; yazırdı,
Şahzadə ticarəti də öz əlində cəmləşdirməyə çalışır, buna görə
də, ona qarşı gizli narazılıqlar əmələ gəlməyə başlayıb, bundan
şirnikənlər də Fars bəylərbəyi Tağı xan Şirazi kimi soyğunçuluqla
məşğul olurlar, indi Şahzadənin özü belə Tağı xanı əməllərindən
çəkindirə bilmir; yazırdı, çoxdan xəbər alınmadığından Məşhədə
Şahımızın, Allah eləməsin, ölümü barədə xəbərlər gəlməyə başla-
yıb, bunun həqiqətimi, yoxsa şayiəmi olduğunu hələ kimsə dəqiq
Dostları ilə paylaş: |