498
çox güman, bir gün sonra ordugah yürüşə qalxacaq, o qarışıqlıq-
da yola düzəlməyiniz asan olmaz. Susub uzun-uzadı ordugahın
uğultusunu dinlədik, Mirzə Mehdi sükutdan yorulanda səhər
ötürməyə gələcəyini deyib çadırına getdi. Öz halımı unudub
onun halına acıdım: neçə illərdi köç-külfətini Astarabadda qoyub
Şahımızın qulluğundaydı, yolunun harda bitəcəyini bilmirdi…
492. Səhər obaşdan ordugahdan dörd atlı və iki sandıq yük-
lü qatır çıxırdı. Mirzə Mehdi keşikçilərdən biri yanında kiçik
qəfiləmizi – məni və Qütbəddini karvan yolunacan ötürdü. Daha
Qutbəddinlə atları yanaşı sürmürdük, mənim atımın yüyəni
onun atının yəhərinə bənd olunmuşdu, arxasınca gedirdi. Neçə
gündən bəri öyrəşdiyim səslərdən ucu-bucağı görünməyən insan
selinin halətini duyur, fikrən hamıyla, hər şeylə vidalaşırdım.
Səfərlər, yollar, ordugahlar, saraylar, divan yığnaqları – hər şey
bitdi, arxada qaldı, öndə yalnız kiçik karvansara hücrəsi, öm-
rün sanılı günləri, olub-qalan yatırım, yəni kağıza köçürülüb-
köçürülməmiş xatirələr var. Şübhəsiz, Qütbəddin nə qədər vəfalı
olsa da onu son günüməcən yanımda saxlaya bilmərəm: cavandı,
öz qisməti, ömür yolu, arzuları var, külfət yiyəsi olmaq, təbii və
insani qayğılarla yaşamaq istəyir, bu neməti onun əlindən ala
bilmərəm; ən düzü, Şəkidə insaflı bir Allah bəndəsi tapandan
sonra Qutbəddinin halallığını verib yola salmaqdı. Ərdəbildə
Mirzə Kəmaləddinə baş çəkib başıma gələnləri söyləsə, könül
sirdaşım taleyimə göz yaşı axıdacaq, amma alın yazısına düzəliş
eləmək kimin əlindən gəlir ki? Əslində, son bir neçə ildə, illah
da Xanımızı itirdiyimiz o faciəli səfərdə xəstələnəndən sonra
dünyanın gözlərimdə get-gedə bozardığını, tutqunlaşdığını se-
zir, bunu qocalığımla bağlayırdım, amma bunca sərgərdanlıqdan
sonra, həyatımın məqsədinə çataçatda Allahımdan bu cür sınaq,
gözlərimdən bu cür namərdlik gözləmirdim. Gedib Tiflisə çıxsam
belə, o mənzərəni – Sənan dağını, Narınqalanı, çay üstündəki
Metex qalasını, üzbəüzdəki Şah Abbas məscidini, Şeytanbazar
məhəlləsinin hamamlarını, dükan-bazarını, meyxanalarını, evi-
mizin xarabalığını, bəlkə də yerində kiminsə tikdirdiyi imarəti
gerçəkdəki kimi görə bilməyəcəyəm, xəyalımda yaşadıqlarıma
yeni rənglər, çalarlar, cizgilər əlavə eləyə bilməyəcəyəm, bu da
mənə daha çox əzab verəcək, həyatımı çəkilməz məşəqqətlə dol-
499
duracaq. Bəlkə də ömrümün son dayanacağı Şəkidəki o kar-
vansara hücrəsidi, bəlkə də alın yazımda elə bu cür yazılıbmış,
mənim xəbərim yoxmuş, o hücrədə Allah məsləhət bilənəcən
yaşayıb, xatirələrimlə baş-başa qala, dərdimi bacardığım qədər
ovuda bilərəm…
493. Mirzə Mehdiylə vidalaşdığımız günün axşamı Şəkiyə
çatdıq. Bunu gözlərimin qarşısındakı Toran aləmin zülmətə
dönməsindən, atlarımızın, qatırlarımızın nallı dırnaqlarının
küçələrə döşənmiş daşlara toxunmasından, insan səslərinin, ara-
ba təkərlərinin, uşaq çığırtılarının, baqqal bağırtılarının, qəfildən
lap yaxınlıqda ucalan azanın bir-birinə qarışıb içimi doldurma-
sından anladım. Qaranlığın içində əlhavasına gedən adamsayaq
qollarımı yana açıb ağacların, divarların, dirəklərin olub-olma-
dığını yoxlamaq istədim, amma qorxdum ki, əllərimi yəhərin
qaşından ayırsam, yıxılaram. Əvvəlcə, deyəsən, dikə qalxırdıq,
sonra enişlə getdik, bunu da irəliyə doğru əyilməyimdən, atın
qabaq ayaqlarını yerə daha bərk dayamasından duydum. Son-
ra vəfalı Qütbəddinin atı dayandı, mənim atım da dayanma-
mış darvaza döyüldü, şirin ləhcəylə deyilən «gəldim, gəldim»
kəlmələri eşidildi, atım dayanıb bir kərə fınxırandan sonra alaqa-
pı cırıltısı eşidildi, Qütbəddin salam verib dedi, Allah qonağıyıq,
bir müddət qalmağa hücrə, miniklərimizə yer tapılarmı? “Allaha
da qurban olum, qonağına da, ha indi darvazanı açaram,” –
həmin səs cavab verdi, onda bildim ki, kimdisə, karvansaranın
buyruqçularındandı. Ardınca bərkdən, həm də uzun-uzadı dar-
vaza cırıltısı, «buyurun, buyurun, xoş gəldiniz» sözləri eşidildi,
atlarımız, qatırlarımız, deyəsən, tava daşları döşənmiş karvan-
sara həyətinə girib yavaşdılar. «Ağa, qonaqlarımız var» – buy-
ruqçu kiməsə müraciət elədi, “Qonaq Allah qonağıdı, – eyni
şirin ləhcəli qocafəndi səs eşitdim, – buyursunlar, gözümüz üstə
yerləri var.” Tappıltıdan Qütbəddinin sıçrayıb atdan düşdüyünü
duydum, sonra əli qolumdan yapışdı, “Çatmışıq,” dedi, məni,
az qala, qucağına götürüb yerə qoydu, amma əlini qolumdan
çəkmədi, həmin buyruqçuya “Atları, qatırları tövləyə aparın, –
dedi, – sandıqları, bağlamaları da hücrəmizə gətirin, ağam bir
az naxoşdu, tez yatağını hazırlamaq, yeməyə bir şey vermək
lazımdı”. “Gözlərim üstə, ağa”, – qocafəndi səs Qütbəddinin
500
ötkəmliyindən payını götürüb hörmət və itaət çalarını artırdı.
Həmin məqamda beynimdən keçirirdim ki, Mirzə Yusif, bu
qədər yollar keçdin, məmləkətlər gördün, heç ağlına gətirmədin
ki, ömrünü illərlə həsrətini çəkdiyin yurddan cəmi bir neçə gün-
lük məsafədə, bir karvansara hücrəsində başa vuracaq, öz içinin
öləziyən işığında xatirələrinlə baş-başa qalacaqsan; sən taleyinə
boyun əymiş adamsan, gərək bununla da barışasan.
494. Zülmətin içində qəfil sayrışmalardan başqa bir şey gör-
mürdüm, o sayrışmalar, yəqin, çıraq, məşəl, yaxud şam işıq-
larıydı, titrəyib-dalğalanırdı. Uzun, məncə, bir az da qövsvarı,
daş döşənmiş dəhlizdən keçdik, bir neçə dəfə açıq-örtülü qapı-
lar arxasında səslər eşitdim, sonra qapı cırıltısı, qocafəndi səsi
(«Bu hücrə sizə yarayar, ağa, hər şeyi yerli-yerindədi, indi tapşıra-
ram, yemək-içməyi də hazırlayarlar») eşitdim, Qütbəddinin qolum-
dan yapışmış əli məni kandardan içəri çəkdi, sonra zülmətdə
iki zəif işıqlı nöqtə gördüm, bildim ki, taxçalardakı çıraqlardı.
Vəfalı Qütbəddin əvvəlcə məni alçaq kətildə oturtdu, üst palta-
rımı soyundurdu, çalmamı götürdü, çəkmələrimi çıxardı, dedi,
əl-üzünü, ayaqlarını yuyaq, rahatlanarsan, onacan yeməyimizi
də gətirərlər. Sonra ayaqlarımın tasa salındığını duydum, vü-
cuduma elə xoş gizilti yayıldı ki, bir anlığa korluğumu unu-
dub, özümü anamın dizlərinin üstündə xumarlanan kimi hiss
elədim. Qəhər dalğa-dalğa yuxarı qalxıb boğazıma yığıldı, özü-
mü ha bərkitdimsə, olmadı, üzbəüzdə çöməlib ayaqlarımı yuyan
Qütbəddinin başını ikiəlli qucaqlayıb sinəmə sıxdım, elə hön-
kürdüm ki, az qala, hücrənin divarları titrədi. Ömrümün bu ça-
ğında, dünyanın yollarını yorandan, yurd-yuvama çatmaq üçün
ağlagəlməz məşəqqətlərə dözəndən sonra tale mənimlə amansız
oyun oynamış, son istəyimi gerçəkləşməyə qoymamışdı. Bundan
sonra Tiflisə yetişib-yetişməməyin məndən ötrü bir qara qəpiklik
dəyəri yox idi, içimdəki acılı-şirinli xatirələrə sığınıb elə bu Şəki
karvansarasındaca ömrümü başa vurmaq daha düzgün olardı.
Vəfalı Qütbəddin də ağlayırdı, göz yaşlarından sinəmin islan-
dığını duyurdum, əllərimin altında çiyinləri titrəyirdi. Beləcə,
ağla yıb-toxtayanacan durduq, sonra Qütbəddin əlimi-üzümü də
yuyub alçaq taxtın üstündəki yatağıma uzatdı. Onun dəstəmaz
alıb namaza durduğunu hiss elədim, dedim, mənim əvəzimə də
Dostları ilə paylaş: |