492
yatmalıydım. Yaxın günlərdə Mirzə Mehdi fürsət tapıb məni Şa-
hımızın hüzuruna aparacaq, Allahın kölgəsindən son iltimasımı
eləyəcəkdim. İndi başlıcası bura gəlib çatmağımızıydı, onu da
Allahımız bizə qismət eləmiş, dualarımızı eşitmişdi…
486. O gecə korluq zülmətinin iç dünyama necə çökdüyünü
duyub bütün vücudumla titrədim. Gördüyüm qarmaqarışıq yuxu-
lar da işıqsız idi, daha doğrusu, zülmət içində sayrışmalara oxşa-
yırdı, hərdən sonu görünməyən yolda özümü görür, uçunub ayı-
lır, əlimi üz-gözümə çəkib xəyalda, yoxsa gerçəklikdə olduğumu
unamağa çalışırdım. O zülmət içində nəhəng ordugahın boğuq
uğultusunu eşidirdim, aradabir keşikçilərin səsi, atların kişnərtisi,
ayırd eləyə bilmədiyim cürbəcür tappıltılar gəlirdi. Gecənin nə
vədəsisə özümü zülmət quyunun dibində hiss eləyib yatağım-
dan dikəldim, əlimi çadırın divarına sürtə-sürət bayıra çıxıb elə
girişdəcə yerə çökdüm: nə səma, nə ulduzlar, nə də aydınlıq yay
gecəsində ağarışan çadırlar vardı, görə bilmədiklərimi iç dünyam
yerbəyer eləmək cəhdim də anlaşılmaz, xoşagəlməz boz-bulanıq
kütləni açıq-aşkar duymağımla nəticələndi. Firəngistandan, Ve-
neziadan, İstanbuldan, Anadoludan, Səfəvi məmləkətinin şəhər-
lərindən keçən yollarım indi gəlib Qəbələdə, Tiflisdən üç-dörd
günlük məsafədə zülmətə dirənmişdi, ömrüm boyu fəqir və həqir
bəndəsi olduğum Allahım məni, qismətinə sərgərdanlıq düşmüş
Mirzə Yusif Tiflisini bunca gözardı eləyə bilməzdi. İlk dəfə ötən
gecə Şəki karvansarasında içimi qarsalayan korluq duyğusu indi
elə dözülməz yükə çevrilmişdi, hətta əlimlə çadırın ipini axtar-
dım ki, boğazıma keçirib dünyayla haqq-hesabı üzüm. Vəfalı
Qütbəddin sərvaxt yatıbmış, həmin məqamda nəfəsini boynu-
mun ardında hiss elədim, çiyinlərimi qucaqlayıb yanımda otur-
du, beləcə, hava işıqlananacan yerimizdən tərpənmədik. Havanın
işıqlanmağını bir də görmək istədiyim dünyanın bozarmağından,
ordugahdakı səslərin daha aydın, daha gur olmağından, qəfil
ucalan azan səsindən, üzümün qocafəndi dərisilə hiss elədiyim
gün işığından duydum…
487. Qütbəddin özünü Mirzə Mehdiyə çatdırıb olanı xəbər
veribmiş, o da Ələvi xanın yanında görüb-götürmüş isfahanlı
təbib Xeyrullahı gətirmişdi. Xeyrullah məni gün işığında oturdub
uzun-uzadı gözlərimə baxdı, sonra cürbəcür suallar verdi, axırda
493
qırağa çəkilib Mirzə Mehdiylə nə barədəsə danışdı, öz çadırına
gedib bir müddət sonra gətirdiyi məlhəmi gözlərimə çəkib bağ-
ladı, üç gün gözübağlı qalacağımı, müalicənin nəticəsinin sarğı
açılandan sonra məlum olacağını söyləyib getdi. Onun səsində
ümidverici bir şey duymadım, amma gözlərim bağlanandan son-
ra içimin işığı, elə bil, artmış, gerçək aləmdə olanlar ora köç-
müşdü. Mirzə Mehdi səbir eləməyi, Qadir Allahın mərhəmətinə
sığınmağı, hər zülmətin sonunda mütləq işıq olduğunu söyləyib
ürək-dirək verdi. Günorta namazından sonra Mirzə Mömin də
iltifat göstərib gəldi, onun şişkin gözlərini, ətli buxağını, do-
daqlarındakı təkəbbürlü təbəssümü görməsəm də, lütfkarlıqla
söylədiyi sözlərə görə minnətdarlıq elədim. Səsində beş il əvvəlki
tərəddüd yox idi, yerini əminlik, bir qədər də hökm tutmuşdu.
Gedəndə dedi, iltimasını Şahımıza çatdırarıq, yəqin xidmətini
xələtsiz qoymaz, şəfanısa Allahdan dilə. Allahım mənə qarşı
yetərincə mərhəmətliymiş, çünki güneyə doğru çıxacaq ilk ça-
parla getmək niyyətində olan vəfalı Qütbəddin məni bu halımda
tək qoymamaq qərarına gəlmişdi, nə qədər israr elədimsə, ina-
dından dönmədi. Şükranlığımdan göz yaşlarımı içimə axıtdım,
bundan sonra işıqlı dünyanı görməyə bir elə ümidim olmasa da,
Allahım mənə bu ağır vaxtımda da insan vəfası bəxş eləmişdi.
Beynimdən keçdi ki, axırım necə olur olsun, var-yoxumu Mirzə
Kəmaləddinə və Qütbəddinə bağışlayacağam. Onsuz da Tiflisə
yetişsəm belə, özümə doğma bildiyim kimim vardı ki? Bir David
idi, o da Haqqa qovuşmayıbsa indi məndən də ahıl bir adamdı.
Hələ son mənzilimin harda olacağını bilməsəm də, bu fikirdən
azacıq da olsa, rahatlıq tapdım, özümü uzun zülmət səfərinə
hazırladım…
488. Üç günüm, əslində, zülmət yolçuluğumun başlanğıcıydı.
Hər səhər havanın işıqlaşmağını ordugahdakı səslərin ahəngindən
duyur, əl havasına çadırdan çıxıb girişin ağzındaca oturur, azan
oxunanda üzümü dan yerinə tutub namaz dualarımı oxuyur-
dum. Vəfalı Qütbəddinin gətirdiyi teştin içində əl-üzümə su
vurub, verdiyini yeyəndən sonra kürəyimi çadıra söykəyib otu-
rur, eşitdiyim səslərdən günün axışını izləyirdim. Mirzə Mehdi
gündə iki dəfə baş çəkir, səfər müddətində olub-keçənlərdən eh-
tiyatla danışa-danışa başımı qatırdı. Dediyinə görə, şıdırğı yağış
494
altında Gürcan vadisindən keçəndə qəfil sel minlərlə döyüşçünü
və yük heyvanlarını silib-süpürüb aparmışdı. Şahımızın vadinin
ortasında qurulan səfər çadırı da selin içində qalıbmış, böyür-
başındakı çadırların, keşikçilərin, xidmətçilərin ağac parçası kimi
dalğaların üzündə yırğalandığını görən əyan-əşrəf Şahımıza dil
töküblər ki, yaxınlıqdakı təpəyə qalxıb canını qurtarsın, amma
Aləmin Fatehi azğın dalğaları da ram eləmək istəyib, nəzərlərini
oturduğu yerdən baş alıb gedən nəhəng axına dikib; elə bil,
sel Şahımızın iradəsi müqabilində təslim olub, get-gedə azalıb,
sakitləşib və Allahın bu möcüzəsinə hamı heyran qalıb; dedi,
Mirzə Zəki həmin yerə Təxti-Nadiri adı verdi, amma Şahımızın
əsl taxtı könüllərdədi, inşallah, bu səfərindən də zəfərlə dönəcək.
Dedim, ordugaha girəndə Allahın kölgəsinin qüdrəti qarşısında o
qədər təsirləndim ki, gözlərim yaşardı, gözlərimin belə zəifləməsi
də yəqin keçirdiyim hisslərin təsirindəndi, əlbəttə ki, bu qüdrətin
qarşısında duruş gətirən tapılmaz. Mirzə Mehdi dedi, cümadiül-
əvvəl ayının ilk günü ordugah yerindən tərpənəcək, onda yəqin
sən çox uzaqlarda olacaqsan. Dedim, inşallah, Şahımızın izinindən
sonra Şəkiyə gedib bir müddət karvansarada qalmaq, ondan
namə gözləmək, həm də cismən və ruhən dincəlmək fikrin-
dəyəm, yolun sonuna üzgün, bitkin çatmaq istəmirəm. Mirzə
Mehdi bu fikrimlə razılaşdı, dedi, tamam özünə gəlməmiş yola
çıx san, gözlərinə də zərər verərsən, sən hələ yaşamalı, Şahımızın
xeyir-duasıyla başladığın bu tarixi bitirməlisən.
489. Mirzə Mehdinin çox həyəcanla, üstəlik, gizlicə söylədiyi
digər vaqiə Rzaqulu Mirzəylə, daha doğrusu, Şahımızla Şahzadə
arasındakı təhlükəli gərginlik barədəydi. Sən demə, Şahımız Qa-
dun keçidindən adlayan gün – səfər ayının iyirmi səkkizinci
günü Savadguh meşəsində sui-qəsdlə üzləşibmiş; hökmdar
hərəmləri, qoruqçuları, keşikçilərilə qoşundan aralı düşübmüş,
qəfildən cəmi iyirmi addımlıqdakı ağacların arxasından atılan
güllə Şahımızın əlini yaralayıb, atının boynuna sancılıb; at da
hökmdarımız da yerə yıxılıb, amma Şahımız həmin məqamda
çox ağıllı hərəkət eləyib, yıxıldığı yerdən tərpənməyib, özünü
ölmüş kimi göstərib, beləliklə də ikinci güllədən yayınıb. Bu
vaxt özünü yetirən Şahzadə qoruqçuların və xacələrin köməyilə
ətrafı nə qədər axtarıbsa, güllə atanı, ya da atanları tapmayıb;
Dostları ilə paylaş: |