483
XIII
VƏFALI QÜTBƏDDİN
Kim ki, diləməz mərhəməti-lütfün ki, Məsiha,
Çərx üzrə dəxi xəstə o dərmanın üçündür.
Ağa Məsih ŞİRVANİ
(XVIII yüzil)
477. Getdiyim yollardan çox söz açmışam, bu dəfə yol yol-
daşımdan – vəfalı Qütbəddindən danışmaq istəyirəm. Bircə onu
deyim, bizi saray meydanından, sonra da Təbriz civarından yola
salan Mirzə Hüseynin dediyinə görə, əgər Mirzə Mehdi naməni
Tehrandan göndəribsə, indi Şahımız Zəncan, ya Rəşt tərəflərdə
olar, Qaradağa gəlib çatmağı azı bir həftə, on gün çəkər. Bu
səbəbdən Ərdəbilə sarı üz tutmuşduq, könül sirdaşım Mirzə
Kəmaləddinlə son kərə vidalaşıb rahatlanmaq istəyirdim. Sö-
zün düzü, Qütbəddinin bu qədər də sədaqətli olacağını ağlıma
gətirməmişdim: nə düşünüb-daşındı, nə haqq istədi, nə də qaş-
qabaq tökdü, həmişəki təbii və səmimi tövrüylə baş əyib, yola nə
vaxt çıxacağımızı soruşdu, vəssalam. Cəmi ailəsini – ata-anasını,
bir qardaşını, iki bacısını vəba qırğınında itirdiyi barədə o faciəli
səfərimizdə danışmışdı, o vaxtdan da uzaq qohumu həkimbaşı
Şahabəddinin xidmətinə girmişdi, bir növ onun əlaltısıydı. İlk
görüşümüzdəcə altmış beş yaşlı xəstə səyyahla iyirmi iki yaşlı
dərdli baxıcının arasında səmimiyyət ruzigarı əsmişdi, o ruzigar
indiyəcən də ünsiyyətimiz davam eləyirdi. Aradan, az qala, üç
il keçmişdi, o səfərdə məni ölümün pəncəsindən qoparan, bəlkə
də itkilərinin ağrısını dindirməyə çalışan Qütbəddin, ola bilsin,
xatirələrdən qaçmağa can atırdı. Birinə sandıqlarım, o birinə
gündən-yağışdan qorunmaq üçün balaca səfər çadırı yüklənmiş
qatırların kəndirini atının yəhərinə bağlayıb yanımca gələn,
aradabir mələk Cəbrayıl kimi başımın üstündə uçduğunu hiss
elədiyim vəfalı Qütbəddin məni Mirzə Mehdiyə çatdırıb Təbrizə
484
qayıdacaqdı. Sözün düzü, bir vaxtlar Məhəmməd Kazıma duy-
duğum atalıq hissi yenə baş qaldırmışdı, amma bu dəfə də fələk
bu hissi doya-doya yaşamağa imkan verməyəcəkdi. İndi gündüz
istisində ağac, ya da qaya kölgəsində, gecə ikinəfərlik çadırı-
mızda namazımızı qılır, yeməyimizi yeyir, ordan-burdan söhbət
eləyir, yatıb dincəlir, sonra yenə yola çıxırdıq…
478. Ərdəbil görünəndə, daha doğrusu, qürub günəşinin Şeyx
Səfi türbəsinin qübbəsindəki əksini sezəndə ürəyimin döyün-
tüsü qulaqlarımda gurultu salmışdı. Sonra ağır-ağır axşamın
toranlığı enən küçələrlə Mirzə Kəmaləddinin evinə sarı gedir,
onu tapmayacağımla bağlı qəfildən beynimə gələn fikirdən tez-
tez eymənirdim. Amma könül sirdaşımı tanış eyvanda oturub
yola baxan görəndə yenə ürəyim atlandı. Deyəsən, ilk məqamda
gələnin kim olduğunu unamadı, küçəyə çıxıb, axşam toranlığını
əlindəki lampanın işığıyla aydınladıb üzümə baxandan sonra
bütün vücuduyla titrədi, sinəsindən boğuq səs çıxardı, məncə,
həmin vaxt Qütbəddin çırağı əlindən almasaydı, ya yerə atacaq,
ya da kürəyimi yandıracaqdı: qucaqlaşdıq, bir-birimizi qoxuladıq,
gözümüzün yaşını axıtdıq. Bu müddətdə külfəti eyvana çıx-
mış, oğlu pişvazımıza gəlmişdi. Görmədiyim müddətdə oğlanın
xeyli böyüdüyünün fərqinə vardım, onu bağrıma basanda da
övladımın qoxusunu aldım. Sonra yuyunub, rahatlanıb, namazı-
mızı qılıb, çörəyimizi yeyib, eyvanda Ayın nurunun, lampa işı-
ğının bir-birilə qarışmış ziyasında oturmuşduq, ötən illərin apar-
dıqlarından, gələcək illərin gətirəcəklərindən danışırdıq. Mirzə
Kəmaləddinin həyatında oğlunun mədrəsəni bitirməsindən başqa
dəyişiklik yoxudu: mədrəsədə dərsini deyir, evdə kitab oxuyur-
du, dükan-bazara, camaatın yığışdığı yerlərə getməyi xoşlamaz-
dı, təkcə cümə namazlarını məsciddə qılmaq üçün evdən çıxır,
ləngimədən evə dönürdü. Ən gözlənilməz olan buydu ki, Mirzə
Kəmaləddin Qütbəddinin kənkan atasını tanıyırmış, uşaqlıqları
bir məhəllədə keçibmiş; oğlanın başına gələnə çox acıdı, dedi,
bundan sonra qapım sənin üzünə açıqdı, elə bilərsən, Ərdədbildə
də bir evin var. Bir daha görməyim müşkül olan könül sirdaşıma
Qütbəddin kimi vəfalı bir insanın rast gəlməsinə çox sevindim.
Mirzə Kəmaləddin oğlandan söz aldı ki, geri qayıdanda yolunu
485
Ərdəbildən salıb, məni necə yola saldığını ona söyləyəcək, sonra
rahat oldu…
479. Ərdəbildə üç gün qaldıq. Qütbəddinlə hər gün saraya
gedib Şahımızın qoşununun bu səmtlərə yetişib-yetişmədiyindən
xəbər tutmağa çalışır, məscidləri, türbələri, mədrəsələri dolaşır,
dükan-bazara baş çəkirdik ki, Mirzə Kəmaləddin işindən qa-
lıb bizimlə məşğul olmasın. Axşamlar eyvanda oturub olub-
keçənlərdən, İstanbuldan, Anadolu xatirələrindən, Nəqşivandan,
Rəvandan, Muğan çölündən, şeriyyətdən danışmağı sevirdik.
Qütbəddin yazıb-oxumağı az-çox bilirdi, amma bizim danışdığı-
mız mətləblərə vaqif olmadığından əzab çəkdiyini görürdüm. Belə
vaxtlarda bir qıraqda dinməzcə oturan Səfiəddin – könül sirdaşı-
mın oğlu aradabir səsini çıxarıb heyrətini bildirir, sonra da ədəblə
susurdu. Mirzə Kəmaləddin oğlunun mədrəsəni yaxşı bitirdiyini,
bir müddət dəftərxana işlərində çalışandan sonra mədrəsədəki
yerini ona verəcəyini söyləmişdi, hətta gizli-gizli nələrsə yaz-
dığına da işarə vurmuşdu. Onda yadıma Məhəmməd Kazım
düşmüşdu – Mirzə Kəmaləddin də, elə bil, fikrimi oxuyubmuş
kimi, onu soruşmuş, ardınca o dərrakəylə həyatda öz yerini tapa-
cağını söyləmişdi. Mirzə Kəmaləddin mümkün qədər məmləkət
işlərindən danışmamağa çalışırdı, amma aradabir vergilərin çox-
luğunu, hakimlərin özbaşınalığını dilinə gətirirdi. Dediyinə görə,
hamını bir tərəziylə ölçmək olmaz, imkanı olanla imkansız ara-
sında fərq qoyulmalıdı, elə ailə var, ancaq qarnını doydurmağa
gücü çatır, vergiləri necə versin. Əlbəttə, deyirdi, dövlət qullu-
ğunda olanları dolandırmaq, qoşunu saxlamaq, xəzinəni doldur-
maq lazımdı, amma yerlərdəki hakimlər əliuzunluq eləməsələr,
camaata da bu qədər sitəm olmaz. Şübhəsiz, bunu Şahımız da
gözəl bilirdi, amma o kəslərin nəfsini təmin eləməsən, taxt-tacın
düşməninə çevrilərlər, necə ki, Tağı xan Şirazi Şahzadəylə qəvi
düşmən olmuşdu – belələri məmləkətdə bir deyil, iki deyil…
480. Gözlədiyimiz xəbər üçüncü gün çıxdı, Şahımız Sərab-
Meşkin–Ərdəbil yoluyla gəlirmiş, belə çıxırdı, biz qoşunu Ər-
də bildə gözləməliyik, uzağa getməyə hacət yoxdu. O gecə
Qütbəddini yatmağa göndərib xeyli dərdləşdik. Dedim, yəqin
bu son görüşümüzdü, altmış səkkiz yaşım var, bundan sonra
səfərlərə çıxa bilmərəm, yeganə istəyim Tiflisi görmək, ömrü-
Dostları ilə paylaş: |