24
•
nümayiş-sərgi layihələrinə yardım;
•
ətraf təbii mühitin mühafizəsi sahələrində ekoloji maarifləndirmə
və kadr hazırlığı;
•
ətraf təbii mühitin mühafizəsi və davamlı inkişafın təmin
olunması üzrə yerli, regional, milli və qlobal məsələlər ilə bağlı elmi
tədqiqatlar və monitorinq işlərinə yardım etmək kimi vəzifələri
daşıyır.
Biosfer ərazilərin yaradılmasında əsas məqsədlər aşağıdakılardır:
•
Zəngin təbii və irsi əhəmiyyətə malik olan təbii ərazilərin
mühafizəsi, bərpası və istifadəsi;
•
Ərazilərin uzunmüddətli, davamlı iqtisadi və sosial inkişafını,
təbii resursların mühafizəsi və bərpasını təmin etmək şərti ilə bu
ərazilərin rekreasiya məqsədi üçün istifadə olunması;
•
Uzunmüddətli ekoloji nəzarət, monitorinq və ekoloji
tədqiqatların, eləcə də ekoloji maarifləndirmə və ekoloji tərbiyə
tədbirlərini həyata keçirir.
Biosfer ərazilər anlayışının tərifinə və statusuna gəldikdə onu
demək olar ki, biosfer ərazilər – bioloji müxtəlifliyin davamlı balansını,
mədəni sərvətlərin iqtisadi inkişafını və mühafizəsini təmin edən,
quru və su ekoloji sistemləri və ya onların müxtəlif
kombinasiyalarıdır. Bu ərazilərin zonaları və təbiətdən istifadə recimi
adətən aşağıdakı şəkildə həyata keçirilir. Əvvəldə qeyd edildiyi kimi,
biosfer ərazilər mühafizə recimlərinə və istifadə qaydalarına görə üç
zonaya bölünürlər:
•
Nüvə zonası (core area) – biosfer ərazinin bütün təbii
kompleksinin ciddi nəzarətdə saxlanılan hissəsidir. Burada müntəzəm
olaraq ekoloji sistemlərin monitorinqi, elmi-tədqiqat işləri və təbii
proseslərin inkişafına mane olmayan digər tədbirlər həyata keçirilir;
•
Bufer zonası (buffer area) – Həmin ərazinin nüvədən sonrakı
və onunla sərhəddə olan, müxtəlif təsərrüfat formalı ənənəvi
fəaliyyət növlərinin icazə verildiyi hissəsidir (məhdud kənd təsərrüfatı
fəaliyyəti sahələri, ekoloji turizm, müxtəlif elmi tədqiqat işləri və s.).
•
Keçid zonası (tranzition area) – Həmin ərazinin ekoloji
yönümlü təsərrüfat fəaliyyətinin icazə verildiyi hissəsidir.
Əvvəldə qeyd edildiyi kimi bəzi ölkələrdə, məsələn, Qırğızıstan
Respublikasında dördüncü zona olan sanasiya zonası mövcuddur.
•
Sanasiya zonası – ərazinin regenerasiya və bərpa tədbirlərinin
aparıldığı hissəsi hesab edilir.
25
Biosfer ərazilərin bölünməsi xüsusi mühafizə olunan təbiət
ərazilərinin xüsusiyyətlərini nəzərə almaqla, hər bir sahəyə uyğun
olaraq, elmi əsaslandırılmış şəkildə həyata keçirilir.
Nüvə zonası ərazinin ciddi mühafizə olunan və bütün landşaft və
bioloji müxtəlifliyin qorunmasında mühüm rol oynayan mərkəzi
hissəsini əhatə edir. Bu zonada heç bir təsərrüfat fəaliyyətinə icazə
verilmir. Nüvə zonasında ətraf təbii mühitə olan təsirin minimuma
endirmək şərti ilə yalnız elmi-tədqiqat, təbiəti mühafizə və monitorinq
işlərinin aparılmasına icazə verilir.
Bufer zonasında ekosistemin nüvəsinə olan mənfi təsirlərin
qarşısının alınması yolundakı müxtəlif fəaliyyət növlərinə icazə verilir.
Bu fəaliyyətlər aşağıdakılardır:
•
elmi-tədqiqat, mütəxəssislərin peşə hazırlığı və tədris
mərkəzlərinin təşkili sahəsindəki işlər;
•
ətraf təbii mühitin monitorinqi və ekosistemdəki dəyişikliklərə
nəzarət;
•
meşə təsərrüfatı fəaliyyəti və meşə massivlərinin mühafizəsi;
•
ərazidəki torpaq sahələrindən nüvənin bioloji müxtəlifliyinə və
onun uzunmüddətli mühafizəsinə zərər yetirməmək şərti ilə istifadə
olunması;
•
ərazidən ciddi nəzarət altında və ekoloji baxımdan yol verilən
normalar çərçivəsində rekreasiya, təbiət qoynunda istirahət, turizm
məqsədi ilə istifadə olunması;
•
mineral sular və müxtəlif müalicəvi resurslardan istifadə;
•
ekoloji maarifləndirmə, nümayiş (müxtəlif demonstrasiya, sərgi)
sahələrinin təşkili, yeni texnologiyalar mərkəzinin yaradılması,
məqsədli təlim proqramlarının və təbiətdən istifadə menecmentinin
(ekoloji menecmentin) aparılması;
Bufer zonasında yeni yaşayış yerlərinin yaradılması, sənaye
obyektlərinin yerləşdirilməsi və istismarı, istehsal obyektlərinin inşası
və istifadəsi, geoloji-kəşfiyyat işlərinin aparılması, məqsədli meşə
qırıntılarının aparılması (meşəbərpa məqsədli qırıntılar istisna olmaq-
la), əraziyə yeni heyvan və bitki növlərinin gətirilməsi
(akklimatizasiyası), nüvə zonasının hidroloji reciminin və ümumilikdə
ekosistemin dəyişməsinə səbəb ola biləcək bütün fəaliyyətlər
qadağan edilir.
Keçid zonasında əvvəlki zonalardan fərqli olaraq müəyyən istehsal
fəaliyyətlərinə yol verilir. Həmin ərazidə yaşayan insanlar ərazinin
26
davamlı ekoloji və iqtisadi inkişafını təmin etmək şərti ilə təbii
sərvətlərin istehsalı və uzunmüddətli istifadəsində birgə iştirak
etməklə özlərinin müəyyən iqtisadi maraqlarını həyata keçirə bilərlər.
Keçid zonasında şumluqlar, kənd təsərrüfatı, istehsalat və müalicə-
sağlamlıq, mineral su mənbələri komplekslərinin, eləcə də istehsal
mərkəzlərinin eksperimental sahələrinin yerləşdirilməsinə icazə verilir.
Keçid zonası ərazinin iri müəssisələrinin fəaliyyət göstərdiyi bələdiyyə
qurumlarını və inzibati rayonları da əhatə edir, elm-təhsil ocaqlarının
müxtəlif tədqiqatları aparılır.
Sanasiya zonasında regenerasiya, rekultivasiya, eroziya ilə
mübarizə, otlaqların bərpası və meşəsalma tədbirləri həyata keçirilir.
Biosfer ərazinin mühafizəsi və təbii resurslardan istifadə zamanı
zonalardan asılı olaraq onlara qanunamüvafiq surətdə müxtəlif
recimlər tətbiq edilir. Təbiətdən istifadənin qaydaları və normativləri
hər bir ölkənin öz qanunvericiliyi ilə tənzimlənir. Biosfer ərazinin idarə
olunması müstəqil hüquqi şəxs statusuna malik olan, büdcə və digər
mənbələrdən maliyyələşən rəhbərlik tərəfindən həyata keçirilir.
03.06. 2004-cü il tarixinədək dünyanın 97 ölkəsində 440 biosfer
rezervat fəaliyyət göstərirdi. O cümlədən 31 ölkədən olan 225 biosfer
rezervat Avropa və Şimali Amerikanın payına düşür. Aşağıdakı
cədvəldə bu sahədə dünyanın aparıcı ölkələrinin siyahısı verilmişdir:
Cədvəl 2
Ölkələr
Rezervat
ların
sayı,
ədəd
Ölkələr
Rezervatl
arın sayı,
ədəd
ABŞ
47
Fransa
9
RF
31
İtaliya
7
İspaniya
26
Çili
7
CXR
24
Polşa
6
Bolqarıstan
16
Kuba
6
Meksika
14
İndoneziya
6
Almaniya
13
Macarıstan
5
Avstraliya
12
Çexiya
5
Kanada
12
Avstriya
5
Argentina
11
Braziliya
5
İran
9
Kolumbiya
5
Böyük Britaniya
9
Yaponiya
4
Dostları ilə paylaş: |