33
xoyluların isə keçə biləcəkləri bütün yerlərin hərbi rəislərinə onları saxlamaq və
həbs etmək əmri verilmişdi (34, s. 733).
Belə bir zamanda qaniçən erməni generalı V. Q. Madatov Şəki xanlığında
peyda olur. Qafqazda rus silahının köməyi ilə amansız vəhşiliklər, xüsusi qəddarlıq
törədən V. Q. Madatovun Şəkiyə gəlməsi təsadüfi deyildi. Məhz onun xanlığın
ərazisində görünməsindən bir həftə sonra İsmayıl xanın ölümü bir çox şübhələr
yaradır. "Knyaz Madatov bu ayın 17-də mənə göndərdiyi raportda bildirdi ki, o
Şəki xanlığına getmiş, İsmayıl xanı, Bum mahalında Nic kəndi yaxınlığında
Qubaya göndərmək üçün qoşun toplanması işi ilə məşğul olan zaman tapmışdı.
Artıq hissə yığılmışdı. Lakin iki gündən sonra İsmayıl xan elə möhkəm xəstələndi
ki, onun sağalmasına heç bir ümid qalmadı". (60, s. 738).
General V. Q. Madatov İsmayıl xanın öldüyü təqdirdə Şəki komendantı
mayor Fon Disterloya təcili olaraq xanın möhrünü götürməyi, vergilər üzərində
nəzarəti gücləndirməyi, sakitliyi qoruyub saxlamağı, Şəki əhalisinin ixtişaşlara yol
verməməsi üçün bütün tədbirləri görməyi tapşırırdı (20, s. 737).
Bu göstərişdən dörd gün sonra 1819-cu iylun 24-də İsmayıl xan vəfat etdi.
Xanlıqda dərhal belə fikir yayıldı ki, İsmayıl xan zəhərlənib öldürülmüşdür (46. s,
749).
İsmayıl xanın ölümü xanlıqla mövcud olan narazılığın qısa müddətdə geniş
xalq üsyanına çevrilməsinə və əhalinin itaət altından çıxmasına səbəb ola bilərdi.
Səlim xanın tərəfdarlarının da hakimiyyəti ələ keçirmək cəhdləri istisna edilmirdi.
Qorxuya düşən general Velyaminov Şəkiyə yeni hərbi qüvvələr göndərdi. 2 topla
birlikdə 9-cu yeger polkunun batalyonu və Zolataryovun 7-ci kazak polku dərhal
Şəkiyə ezam edildi. Zolataryovun kazak polkuna ali baş komandanın göstərişlərini
alana kimi şəhərdə sakitliyi və qayda qanunu qoruyub saxlamaq əmri verilmişdi.
Səlim xan göründüyü zaman isə onun ələ keçirilib dərhal öldürülməsi tapşırılırdı
(35, s. 738).
İsmayıl xanın ölümündən sonra yeni varis təyin edilmədiyini bəhanə edən
Rusiya 1819-cu il iyulun 31-də Şəkidə xanlıq üsul-idarəsini ləğv etdi. Ərazi Şəki
əyaləti adlandırıldı. Mayor Fon Disterlo Şəki komendantı təyin edildi. Şəkidə
komendant üsul-idarəsi yaradıldı. Komendant üsul idarəsi xalqın vəziyyətini daha
da ağırlaşdırdı. 1840-cı ildə isə komendant üsul idarəsi ləğv edildi. Yeni yaradılmış
Kaspi vilayətinin tərkibində Şəki qəzası təsis edildi. 1846-cı ildən isə ərazi Şamaxı
quberniyasının tərkibinə daxil oldu və Nuxa qəzası adlandırıldı.
II FƏSİL
§ 1. Car Balakən və İlisu sultanlığının əhalisi
XIX yüzilliyin I yarısında şimal-qərbi Azərbaycanda yaşayan əhalinin
demoqrafik durumunun öyrənilməsi maraq doğuran problemlərdən biridir. Rusiya
34
Qafqazda işğalçılıq siyasətinə başladığı ilk gündən etibarən burada yaşayan
əhalinin sayının düzgün müəyyənləşdirilməsinə xüsusi diqqət yetirirdi. Bu da
təsadüfi deyildi. Əhalinin siyahıya alınması Rusiyanın dövlət xəzinəsinə gələn
gəlirin həcminin dəqiqləşdirilməsinə xidmət edirdi. Zaqafqaziyada 1803-1805,
1816-1817 və 1830-1832-ci illərdə üç ümumi və bir neçə fərdi siyahıyaalma
keçirilmişdi. İlk kameral siyahıyaalma 1803-cü il aprelin 2-də Qafqazdakı rus
qoşunlarının baş komandanı general P. D. Sisianovun göstərişi əsasında
keçirilmişdir. 1805-ci ildə başa çatmış bu siyahıyaalma 1816-cı ilə qədər heç bir
dəyişiklik edilmədən ez mövcudluğunu saxlamışdır. Lakin bu müddət ərzində
1808-ci ildə Tiflis əhalisinin siyahıya alınması yoxlanmış. Yelizavetpol dairəsinin
siyahıya alınması ona əlavə edilmişdir. İkinci ümumi siyahıya alma 1816-1817-ci
ildə general N. F. Rtişşevin tapşırığı əsasında keçirilmişdir. 1821 - 1823-cü illərdə
keçirilən siyahıyaalmalar da fərdi xarakter daşıyırdı. Belə ki, bu dövrdə Şimali
Azərbaycanda bir sıra xanlıqların ləğv edilməsi və komendant-üsul idarəsinin
tətbiq edilməsi əhalinin yenidən siyahıyaalınmasını tələb edirdi. 1819-cu ildə
general A. P. Yermolovun göstərişi əsasında Şəki xanlığının siyahıya alınması
keçirilmiş, 1824-cü ildə bu siyahıya alınma yoxlanmışdır. 1820-ci ildə Şirvan,
1823-cü ildə Qarabağ, 1829, 1830, 1831, 1832-ci illərdə İrəvan, Naxçıvan və
Ordubad ərazilərinin siyahıya alınması keçirilmişdir. Üçüncü ümumi siyahıya alma
1830, 1831 və 1832-ci illərdə keçirilmişdir.
1830-cu ilə qədər Car-Balakən və İlisu sultanlığının qəti şəkildə Rusiyaya
birləşdirilməsinə qədər bu ərazidə yaşayan əhalinin siyahıya alınması
keçirilməmişdi. 1830-cu ilə qədər burada yaşayan əhalini demoqrafik durumu
haqqındakı məlumatlar ayrı-ayrı adamların apardığı statistik müşahidələr əsasında
toplanmış materiallara əsaslanır. Bu materiallar qeyri ardıcıllığına və müəyyən
ziddiyyət təşkil etməsinə baxmayaraq əhalinin sayını, dinamikasını və hərəkətini
öyrənməyə kömək edir.
Car Balakən camaatlığında və İlisu sultanlığında yaşayan əhalinin ümumi
sayı haqqında ilk məlumat 1803-cü ilə aiddir. XVIII əsrin sonu XIX əsrin
əvvəllərində Azərbaycan tarixinin öyrənilməsində mühüm mənbə olan Qafqaz
Arxeoqrafiya Komissiyasının Aktlarında göstərilir ki, 1803 ildə Car-Balakəndə 16
min ev, 90 min əhali, İlisu sultanlığında isə 4 min ev, 20 min əhali var idi (42, s.
953). Lakin sonrakı illərdə əhalinin sayı haqqında mövcud olan rəqəmlər bu
məlumatın həqiqətə uyğun olmadığını göstərir. Belə ki, yalnız. 1871-ci il siyahıya
alınması zamanı Zaqatala dairəsinin əhalisi 56802 nəfərə çatmışdı. İ. P. Petruşevski
belə hesab edir ki, Rusiya işğal olunmuş ərazidə yaşayan əhalinin sayını artırmaqla
əslində Car Balakən üzərinə qoyulan 220 pud ipək vergisinin bu qədər əhali üçün
ağırlıq etmədiyini inandırmağa çalışırdı (128, s. 22). İ. P. Petruşevski öz əsərində
1830-cu ildə Car-Balakən camaatlığının ümumi təsvirini verərək ərazini avar və
onların icarəçiləri olan muğal (türk) və ingiloy kəndlərinə ayırır (128, s. 21-22).