66
əlaqəsi bütünlüklə kəsildi. Ətraf meşəliklərdə əlverişli döyüş mövqeyi tutan
üsyançılar qaladakı rus əsgərlərinə ərzaq və odun aparan hərbiçilərə hücum edirdi.
Bu müddət ərzində üsyan demək olar ki, bütün Car-Balakən əyalətini bürümüşdü.
Yaranmış vəziyyətdən çıxış yolunu ruslar hücuma keçməkdə görürdülər.
Oktyabrın 15-də rus qoşunları üsyançılar üzərinə əks hücuma keçdilər. Köməyə
gələn 1500 rus əsgərinin komandanı Strekalov Katex yolunun solundan hərəkət
edərək qalanın 2 kilometrliyində olan yüksəkliyi ələ keçirdi. O, qoşunun bir
hissəsinə meşədə döyüş mövqeyi tutmağı əmr etdi, özü isə qala üzərinə hücuma
keçdi. Lakin şiddətli döyüş nəticəsində mühasirəyə düşən rus qoşunları iki hissəyə
parçalandı və darmadağın edildi. Rus qoşunları ağır məğlubiyyətə uğradı və böyük
itki verdi. 6 rus zabiti, 243 əsgər öldürüldü, yüzdən çoxu isə yaralandı. Bütövlükdə
400-dən çox rus əsgəri sıradan çıxarıldı, onların bütün döyüş sursatı üsyançıların
əlinə keçdi.
Rus qoşunlarının ağır məğlubiyyəti əslində rus silahının acizliyi, xalqın
qəhrəmanlıq mübarizəsinin qanunauyğun nəticəsi idi. Bu məğlubiyyət bütün
Zaqafqaziyada Rusiyanın siyasi və hərbi nüfuzuna ciddi təsir göstərdi.
15 oktyabr qələbəsi üsyançılar arasında geniş əks-səda doğurdu. Əvvəllər
tərəddüd edənlər də üsyançıların tərəfinə keçdi. Oktyabrın sonunda üsyançıların
sayı 10 min nəfərə çatırdı.
Lakin üsyançılar əldə etdiyi nailiyyəti axıra qədər qoruyub saxlaya
bilmədilər. Noyabrın əvvəlində üsyançılarn vəziyyəti pisləşdi. Rus qoşunlarına
yeni qüvvələr köməyə gəldi. Bu qoşunlar Əlibaddan üsyançılara gələn taxılın
qarşısını kəsdi. Üsyançılar içərisində aclıq başladı. soyuqların düşməsi, yoluxucu
xəstəliklərin yayılması da vəziyyəti ağırlaşdırdı.
Yaranmış vəziyyətdən istifadə edən ruslar noyabrın 8-də Tala icmasını
tutdular. Lakin üsyançılara ağır zərbə onların düşərgəsində vuruldu. Üsyançılar
üzərində qazandığı ilg qələbəni ruslar diplomatik yolla möhkəmləndirməyə
çalışırdılar. Rusiya Şeyx Şaban və Həmzət bəylə danışığa girərək onları hərəkatdan
ayırmağa cəhd göstərirdi. Bu isə üsyançıların qüvvələrini parçaladı və mübarizəni
zəiflətdi. Yaranmış vəziyyətdən istifadə edən rus qoşunları noyabrın 14-də üç
istiqamətdə Cara hücuma keçdi. Carlı və dağlı tayfaları kəskin müqavimətə
baxmayaraq öz mövqelərini saxlaya bilmədilər. Qaladan çıxarılan üsyançılar
dərəyə endi. Köhnə Zaqatala və Carı ələ keçirən rus qoşunlarının üsyançılarla əsl
müharibəsi başladı. İkiqat hərbi üstünlüyə malik olan ruslar üsyançıları güclü atəşə
tutdu. 3 nəfər öldürüldü, onlarla üsyançı yaralandı.
Rus qoşunları üsyançıları məğlub etməklə öz işlərini bitmiş hesab
etmirdilər. Onlar Carı bütünlüklə yer üzündən silməyə çalışırdılar. Xilas olan
üsyançıların bir hissəsi dağlara qaçmaqla canını qurtardı.
Üsyan yatırıldı. Üsyan iştirakçılarına amansız divan tutuldu. Müqavimətin
dayandırılmasına baxmayaraq işğalçılar evləri dağıdır, bağları, əkin yerlərini
yandırırdı.
67
Üsyan başçılarından 32 nəfəri həbs edilərək Tiflisə göndərildi. Həbs
olunanlar içərisində Çapar-Əli, Nuxlu və Çimçili toxumlarının üzvləri, Katex,
icmasının starşinası Kutur Süleyman oğlu, Katex sakini İbrahim Zəkər oğlu və
Carda mürüdizmin fəal təbliğatçısı səfər Hacı oğlu da var idi. Köhnə Zaqatala və
Car demək olar ki, tamamilə dağıdıldı. Carın əhalisi düzənliyə, o cümlədən Cardan
25 km aralı olan Danaçıya, bir hissəsi isə Gürcüstana köçürüldü. Carlılar bütün
mülkiyyətlərini itirdilər. Onlar silah gözdirmək hüququndan məhrum edildi.
Üsyanın məğlub olmasına və üsyançılara amansız divan tutulmasına
baxmayaraq 1830-cu ilin dekabrında Balakəndə mübarizə yenidən qızışdı.
Noyabrda üsyanın məğlub olmasından sonra dağlara qaçan üsyançılar yenidən
dağlı tayfaları ilə birləşməyə başladı. Bu dəfə üsyan mərkəzi Balakən idi. Əvvəlki
hadisələrdən qorxuya düşən rus komandanlığı Balakənə 2 kazak batalyonu
göndərdi. Ansuxlular da üsyana qoşuldu və üsyançıların sayı iki minə çatdı. Bu
hərbi qüvvənin başında Əliçulla Məhəmməd dururdu.
Dekabrın 15-də hücuma keçən üsyançılar 3 gündən sonra Balakən
icmasının Sabluani kəndini ələ keçirdilər. Əliçulla Balakən camaatına və kəndxuda
Murtuz Əli oğluna müraciət edərək dərhal onunla birləşməyə çağırdı. Camaatın
əksəriyyəti bu çağırışa qoşuldu. Üsyan genişləndi.
Qraf İ. F. Paskeviç cəld bir sıra tədbirlər həyata keçirdi. General baron
Rozen Yeni Zaqatala qalasına ezam edildi.
Dekabrın 22-də rus qoşunları 2 istiqamətdə Balakən üzərinə hücuma keçdi.
Şiddətli döyüş axşama qədər davam etdi. Gecənin qaranlığından istifadə edən
üsyançılar müqaviməti dayandırıb dağlara çəkildi. Balakənlilərin bir hissəsi isə öz
ailələri ilə birlikdə meşəliklərdə gizləndi.
Məğlubiyyətlə başa çatmasına baxmayaraq 1830-cu il iyun-dekabr üsyanın
çox böyük tarixi əhəmiyyəti var idi.
§ 4. 1838-ci il Şəki üsyanı
1819-cu ildə Şəki xanlığı ləğv edildi. Şəkidə komendant üsul-idarəsi tətbiq
edildi. Şəki əyalətinin idarəçiliyi hərbi dairə rəisinə tabe olan komendanta
tapşırıldı. Komendantların özbaşnalığı, zorakılığın geniş yayılması əhalinin
vəziyyətini tamamilə ağırlaşdırdı. Xanlıq zamanı mövcud olan vergi və
mükəlləfiyyətlərlə yanaşı yeni vergilər tətbiq edildi.
Çıxılmaz vəziyyətə düşən xalq çıxış yolunu yenə də silaha əl atmaqda
görürdü.
1838-ci il Şəki üsyanı XIX əsrin I yarısında şimal-qərbi Azərbaycanda baş
verən ən böyük üsyanlardan biri idi. Bu üsyanın xarakterik xüsusiyyəti ondan
ibarət idi ki, müstəmləkə əsarətinə qarşı çevrilmiş azadlıq mübarizəsində Şəki
əhalisi ilə yanaşı dağlı tayfaları da iştirak edirdi.