Ўзбекистон республикаси олий ва ўрта махсус таoлим вазирлиги

2.6. Differensial tok himoyasi

2.6.1. Differensial himoyalarning turlari

Differensial himoya tez ishlaydigan va absolyut tanlashga ega bo‘lgan himoya hisoblanadi. Differensial himoyalar bo‘ylama va ko‘ndalang differensial himoyalarga bo‘linadi. Bo‘ylama differensial himoyalar, asosan, transformatorlar, quvvati katta elektrodvigatellar, generator va uzun bo‘lmagan liniyalarda qo‘llaniladi. Ko‘ndalang differensial himoyalar esa ikki yoki undan ortiq parallel liniyalarni himoya qilish uchun ishlatiladi.

2.6.2. Bo‘ylama differensial himoya.

Bo‘ylama differensial himoya himoyalanayotgan elementning boshlanish va so‘nggidagi toklarni taqqoslashga asoslangan. Toklar qiymati va fazasi bo‘yicha taqqoslanadi.

Elektr uzatish liniyasining boshlanishi I_I va so‘ngidagi I_II toklarni ko‘raylik. Normal rejim va tashqi qisqa tutashuvlar vaqtida, masalan, K₁ nuqtada (2.17-rasm, a) bu toklar bir-biriga teng

I_I=I_II

Himoyalangan liniyada qisqa tutashuv (K₂ nuqtada) bo‘lganda (2.17-rasm, b) I_II=0 bo‘lib, tenglik buziladi, ya’ni

I_{I } I_II

Ikki tomondan manbaga ulangan liniyalarda (2.17-rasm, v) ham normal va tashqi qisqa tutashuvlarda toklar teng

I_I = I_IIK1

Himoyalanayotgan liniyada qisqa tutashuv bo‘lganda toklar ham qiymat ham yo‘nalishi bo‘yicha farq qiladi

I_{I } I_IIK2

Demak, toklar tengligining buzilishi liniyada qisqa tutashuv bo‘lganligini bildiradi. Bu belgidan bo‘ylama differensial himoyani bajarish uchun foydalaniladi.