12
isyondir. Hamma narsaga chidashi va ko‗nikishi mumkin bo‗lgan iste`dod zo‗rligu
istibdodga chiday olmasligini shoir g‗oyat ta`sirchan ifoda etadi:
Bu dunyoning quvonchi kam,
Dardu g‗ami ziyoda.
Ammo g‗amdan qochmoqning ham
Tadbiri ko‗p dunyoda.
...Lek olamda bir dard borki,
Unga sira najot yo‗q.
Bu azobga kim duchorki,
Unga kun yo‗q, hayot yo‗q.
Bu mashaqqat ichgan bilan
Dil tubiga cho‗kmaydi.
Uni hech kim yuragidan
Hech kimsaga to‗kmaydi.
...U jon bilan ketsa dildan,
Sukut qolsa yurakda,
Odamzodning ruhi bilan
Yashayberar falakda.
Bu – shoirning dilin ezgan
Istibdodning dardidir.
Yurakdan qon bo‗lib sizgan
Iste`dodning dardidir.
Iste`dodli bo‗lish yoki bo‗lmaslik odamning ixtiyorida emas. U kishiga
Yaratgan tomonidan qilingan inoyat, ulkan mas`uliyat va tayin etilgan qismatdir.
Shu bois iste`dodli shaxsning Haqni qaror topdirish uchun kurashishi tabiiy holdir.
Iste`dodning istibdodga chiday olmasligiga sabab istibdod zamirida adolatsizlik va
zulm borligidir. Shuning uchun ham dostonda alohida ta`kidlanadiki:
Kuy, g‗azali odamzodning
Darddir, ezgu armondir.
Yaralishdan iste`dodning
Tabiati isyondir.
Shoir yurak – pok tilagi,
Imonidir basharning.
Armon to‗la yurakdagi
Isyonidir basharning.
Nazrul Islom dunyoga shoir bo‗lib, ya`ni
basharning pok tilagi, imoni,
armon to‗la yurakdagi isyoni bo‗lib kelishi bilanoq elning ozodligi uchun mas`ul
edi. Ozodlikka chiqishi lozim bo‗lgan yurt isyonkor shoirga muhtoj edi. Chunki
«
Dostları ilə paylaş: