Zbekiston respublikasi

Fan boʻyicha talabalarning bilimiga, koʻnikma va malakasiga
qoʻyiladigan talablar

Matematika oʻqitish maxsus metodikasi oʻquv fanini oʻzlashtirish jarayonida amalga oshiriladigan masalalar doirasida talaba:

• 
  aqli zaif va eshitishida nuqsoni boʻlgan bolalar maxsus ta`lim muassasalarida matematika oʻqitish maxsus metodikasi kursining umumiy masalalari, ya`ni predmeti, maqsad va vazifalari, oʻqitishning umumiy va maxsus didaktik tamoyillari, predmet mazmuni, ta`limni tashkil etish shakllari va ta`limni rejalashtirish, vosita va metodlari, shuningdek, aqli zaif va eshitishida nuqsoni boʻlgan bolalarga matematikani oʻqitish jarayonida korrektsion-tarbiyaviy ishlarni bajarish xususiyatlari hamda matematika oʻqitish maxsus metodikasi kursining xususiy masalalari haqidagi bilimlarni bilish kerak;
  
• 
  matematika asoslari, yordamchi mexnat ta`limi maktabda matematika oʻqitish maxsus metodikasi hamda eshitishida nuqsoni boʻlgan bolalar maktabida matematika oʻqitish maxsus metodikasi boʻyicha nazariy bilimlarni egallagan boʻlishi va nazariy bilimlarni amaliyotda qoʻllay olish, matematika oʻqitishga ijodiy izlanuvchanlik bilan yondoshish; matematika oʻqitish sohasida oʻz bilim va malakalarini mustaqil ravishda toʻldirib borish koʻnikmalariga ega boʻlishi kerak;
  
• 
  yordamchi mexnat ta`limi va eshitishida nuqsoni boʻlgan bolalar maktab ta`limida «Matematika» darslarini tahlil qila olish, «Matematika» darslari uchun an`anaviy va noan`anaviy darslar reja-matnlarini tuza olish, darslarda qoʻllash uchun zarur didaktik materiallarni tayyorlay olish, matematika boʻyicha sinfdan tashqari ishlarni tashkil eta olish va tadbirlarni oʻtkaza olish, hosil qilingan nazariy va uslubiy bilimlarni kar va zaif eshituvchi bolalarni matematika oʻqitish amaliyotida qoʻllay bilish, matematika darslaridan aqli zaif va eshitishda nuqsoni boʻlgan oʻquvchilarni tarbiyalash va rivojlantirish vositasi sifatida foydalanish malakalariga ega boʻlishi kerak.