1 Ramiz Də
Yüklə 2,51 Mb. Pdf görüntüsü
|
110 və dəfələrlə araukanlara qarşı qızğın döyüşlərdə iştirak edib. - Əgər elədirsə, onda gərək biz onu buraya dəvət edək. - deyə kimsə arxayıncasına yerindən qışqırdı. - Kapitan Rodrigesin nəvəsi buradadır, onu... - deyə kimsə yerindən qışqırmaq istədi və kapitan Xuanın işarəsilə hamı sakitləşdi. Migel gördü ki, içəridəkilər ondan söz gözləyir və demək olar ki, hamı baxışlarını ona tərəf yönəltmişdi. Migel isə ağlına belə gətirə bilməzdi ki, babasının yerinə bu qədər zadəgana necə izahat versin. O, yalnız babasından eşitmiş, Araukan ölkəsinin təxmini ölçüsünü deyə bilərdi. Sükut içində olan zadəganlar eşidəndə ki, Araukan ölkəsinin ərazisi nə Portuqaliya krallığı, nə də ki, həmin krallığın yarısı boydadır, sadəcə olaraq uzağı otuz min kvadrat metr təşkil edir. Onda zalda yenə də hay-küy qopdu və hamının arasında daxili canlanma hiss olundu. Hətta bütün bunlara şübhə ilə yanaşan kimsə, yenə də qoca Rodrigesin buraya dəvət olunmasını tələb etdi. - Sakit olun, sakit. - deyə kapitan Xuan içəridəkiləri sakitliyə dəvət etdi və tam olmayan sükut zala dolanda o, iradə ilə sözünə davam etdi. - Siz nədənsə, narazlıq edir- siniz? Kimin sözü varsa, qoy desin. Daha səs-küy qopar- maq nəyə gərəkdir? O ki, qaldı kapitan Rodriges Karta-
111 henanın buraya dəvət olunması, bu mümkün olan şey deyil. Kapitan Rodrigesin artıq doxsan yaşı var və həmin qocanı yerindən tərpədib buraya gətirmək, bizim tərəfdən kobud bir hərəkət olar. Lakin sizə bildirmək istəyirəm ki, yaxın günlərdə mən idarə heyəti ilə birlikdə qoca dəniz səyyahı- nın yanına gedib ondan lazımi məsləhətlər almalı və ekspe- disiyamız üçün məlumatlar toplamalıyam. Gəlin, sakitliyə riayət edək. İndi isə kimin sualı varsa, qoy versin. Əlbəttə, ilk zərbəni heç kim öz üzərində götürmək istəmirdi. Bu hal sonradan həmin adama xeyir gətirməyə- cəkdi. Lakin heç kim öz fikrini söyləməsə, deməli hamı həmin müqavilə ilə razı idi. - Şəxsən bu müqavilə məni qane edir. - deyə Sebastyan qətiyyətlə dilləndi və əqidəsini açıqlamaq üçün açıq ürəklə sözünə davam etdi. - Şəxsən mən ömrünün axrına kimi Barselonada yaşamaq istəyirəm. - Eləçə də mən. - deyə Osvaldo dostu ilə razılaşdı. Migelin fikri isə hamıya bəlli idi. O, da babası kimi bütün İspaniyanı dünyanın hər bir nöqtəsinə dəyişməz və öz məqsədinə nail olandan sonra əbədi olaraq İspaniyaya qayıdacaqdır. Lakin o, babasına nisbətən Barselonadan çox Seviliyada yaşamaq istəyir. Ona görə ki, təkcə Migelin və onun dostlarının fikri buradakı məsələni həll edə bilməzdi. Başqalarının da fikrini burada eşitmək maraqlı olardı.
112 Buraya yığlışanların bəziləri müqavilədəki maddələrlə, bə- ziləri yalnız araukanlarla maraqlanırdı, bəziləri isə pul əldə etmək üçün bu ekspedisiyada iştirak edirdi. Lakin bu məsələyə ciddi yanaşılsa, gərək hamını araukanlar və onların döyüş qabiliyyəti maraqlandırmalı idi. Qraf Filipp sualların verilmədiyini görüb tərəddüd edənləri qabaqlamaq üçün ayağa qalxıb cəsarətlə dedi: - Möhtərəm sinyorlar, mənə elə gəlir ki, bu bölgüdən heç kim narazı ola bilməz. Çünki bizim zəbt edəçəyimiz torpaq ən azı Kataloniya hersoqluğu boydadır və hamıya lazımi qədər torpaq çataçaq. İş ondadır ki, bu bölgünün bir əmması var. Biz bu torpaqları zəbt edəndən sonra hər bir mülkədar mütləq beş il müddətində həmin torpaqda qalıb yaşamalıdır. Qonşuluqda yaşayan hindu tayfaları görməli- dirlər ki, bu ərazidə yaşayan var və həmişəlik həmin torpaqlardan əl çəkməlidirlər. Başa düşürsünüz, bu həm də öz təhlükəsizliyimizi təmin etmək üçün ən yaxşı üsullardan biri sayılır. İşdir, hər hansı bir sahibkar vaxtından əvvəl həmin torpağı tərk etsə, onda həmin torpaq qonşuları arasında tən yarı bölünəcəkdir. - Sinyor qraf, bu çox gözəl bir qərardır. - deyə kapitan Alonso təqdiredici halda dilləndi. - Bircə sualım var sizə, hindularla döyüş vaxtı işdir, ekspedisiya iştirakçılarından kimsə həlak oldu, onda onun payına düşəcək torpağın
113 aqibəti necə olacaq? Araukanlarla döyüş zamanı bizim də sıralarımızda itki olacaq. - Bu şərti də biz həll etmişik. - deyə qraf Filipp tərəddüd etmədən cavab verdi və üzünü kapitan Alonsodan çəkib ehtiramla bütün içəridəkilərə izah etməyə başladı. – Arau- kanlarla bizim aramızda müharibə qurtaran kimi həlak olanların torpaqları, orada təşkil olunacaq auksionda satılacaq və həmən vəsait notariusun əli ilə həlak olanların ailələrinə çatdırılacaq. - Sözsüz ki, həmin torpaqları ən pullu zadəgan alacaq. - deyə kimsə yerindən replika atdı. Bu replika qraf Filippə təsir etsə də, o özünü bilməməz- liyə vurdu. Söz yox ki, kimin pulu çoxdursa, o da həmin torpaqların sahibi olacaq. Həmin zəbt olunmuş torpaqları, vətənindən ayrılmaq istəməyən sağ qalan ekspedisiya iştirakçıları auksionda satacaq. Görəsən, həmin satış hansı şərtə uyğun olacaq. Bunu aydınlaşdırmaq üçün Sebastyan qalxıb qrafa müraciətlə dedi: - Bu şərtlərdən şəxsən mən razıyam. Ancaq mən bir şeyi aydınlaşdırmaq istəyirəm. Mən indidən deyirəm ki, bir çox döyüşçülər kimi, ispan gücünü və silahını nümayiş etdirmək üçün Mərkəzi Çiliyə gedirəm. Bilmək istəyirəm, mənə məxsus olacaq torpağı auksionda sata biləcəm, ya yox? Bu məsələ bir çoxlarını maraqlandırır.
Yüklə 2,51 Mb. Dostları ilə paylaş:
|