1 Ramiz Də
Yüklə 2,51 Mb. Pdf görüntüsü
|
98 əsrdə ilk dəfə idi ki, məğlub olurduq. Gərək, elə o vaxt biz sözsüz ki, ingilislərə qalib gələrdik. Həmin illər bizim donanma çox güclü və təcrübəli dənizçilərdən ibarət idi. Lepanto döyüşündən sonra bizim təcrübəli və bacarıqlı kapitanlarımız, şturmanlarımız, losmanlarımız və kanonir- lərimiz vətənimizi tərk edib okeanın o tayına getdilər. Bax, bunun nəticəsində “Məğlubedilməz armada” La-Manş boğazında biabırcasına məğlub oldu. Eybi yoxdur, vaxt gələcək, biz onlardan öz qisasımızı alacayıq. Məni həmişə bir sual maraqlandırırdı, bax, siz bütün ömrünüzü dəniz səyahətlərinə və müxtəlif ekspedisiyalara həsr etmisiniz, amma gözlənilmədən axırıncı məqamda, qoca vaxtınıda İspaniyaya qayıtdınız? Halbuki sizin bütün qohum-əqraba- nız okeanın o tayında, Yeni Dünya sahillərində yaşayırlar. Yanınızda isə yalnız Migel qalıbdır. Xahiş edirəm, bircə bunu mənə izah edəsiniz. - Don Alonso, bu gün kimi aydındır, - deyə qoca səyyah ehtiramla dilləndi və azca tərəddüddən sonra qürurla sözünə davam etdi. – Əgər, mən nəslimin yeganə nümayən- dəsiyəm ki, İspaniyada qalmışam, deməli, mən öz vətənimi dünyada hər şeydən çox sevirəm. Qərib torpaqda olanda, yadıma ancaq acı xatirələr düşür və İspaniyadan ötrü burnumun ucu göynəyirdi. İş ondadır ki, elə bil Yeni Dünya sahillərində bizim nəslə Tanrı tərəfindən ölüm hökmü
99 kəsilib. İndiyədək bizim nəsildən hələ heç kim öz əcəli ilə ölməyib. Hamı böyük faciələr nəticəsində bu işıqlı dünya- dan məhrum olublar. Lakin bütün bunlar məni qorxut- mayıbdır. Ümumiyyətlə, kim ki, öz vətənini hər şeydən çox sevirsə, onda heç bir qorxu hissi olmur. Bir sözlə, mən ömrümün sonlarını vətənimdə keçirmək istəyirəm. Migel də hardasa mənə oxşayır. - Sinyor Kartahena, bildiyiniz kimi biz Mərkəzi Çili sahillərinə ekspedisiyaya hazırlaşırıq. - deyə polkovnik gözlənilmədən söhbətin mövzusunu dəyişdi. – Sizin tutduğunuz iradlara görə, araukanlar çox möhkəm və güclü rəqibdir və sözsüz ki, onlara qalib gəlmək asan iş deyil. Hətta mən təzəcə əsirlikdən qayıtmış böyük oğlum Kama- çonu da Mərkəzi Çiliyə göndərirəm. Biz bütün sağlam qüvvələri səfərbər etmədik. Bax, siz deyirsiniz ki, vətəni hər şeydən çox sevirsiniz, amma nəvənizi müqəddəs iş üçün Mərkəzi Çiliyə buraxmırsınız. Halbuki Migelin də orada həmin ekspedisiyaya çox böyük xeyri dəyə bilər. Yoxsa, düz demirəm? - Don Alonso, mən araukanları yaxşı tanıdığım üçün onu bu yoldan çəkindirirəm. - deyə qoca səyyah polkovnikə nəzər salmadan qətiyyətlə dilləndi və üzünü Migelə tərəf tutub gözünün işarəsi ilə onu dostlarının yanına göndərdi. –
100 Mən Araukan ölkəsində çoxlu qohumlarımı itirmişəm, istəmirəm ki, o, növbəti qurban olsun. - Burada mən sizinlə heç cürə razılaşa bilmərəm, - deyə polkovnik də öz etirazını bildirdi və dərindən ah çəkib ciddi halda sözünə davam etdi. – siz heç də Migeldən ötrü narahat olmayın. Migel mənim ən bacarıqlı şagirdlərimdən biridir və qılıncdan mənim oğullarımdan da yaxşı istifadə edir. Bu yaxınlarda fransız gəmisində göstərdiyi şücaət və şəxsi igidliyi hər adam edə bilməzdi. O, hökmən öz gücünü Yeni Dünya sahillərində nümayiş etdirməlidir. Hər bir igid öz gücünü həmin torpaqda sınamalıdır. Rodriges gördü ki, bu barədə söhbət çox uzanacaq və sözsüz ki, polkovnik öz istədiyinə nail olacaqdır. Məhz bunun üçün o, daha heç bir etiraz etmədən və təkzib vermədən razılığını bildirməyə məcbur oldu. Axrıda qeyd etdi ki, son söz Migelindir. Qısa bir müddət ərzində həmin xəbəri Migelə çatdırdı- lar. Bu xəbərə Migel heç bir reaksiya vermədi və bu haqda dostlarına heç bir şey bildirmədi. Çünki bu təklif barəsində hələ fikirləşmək lazım idi. Migel bu vaxt qonaq zalında dayanıb, Ameriqo ilə Sebastyanın çaldığı gitaradan həzz alırdı. Onların böyük həvəslə çalmaqlarından nəinki Migel, hətta bütün zaldakılar qulaq asıb məst olurdular. Mahnı
101 sona çatan kimi zaldakılar yenə də onlardan çalmağı xahiş etdilər.
X fəsil. Ekspedisiya hansı heyətdə Mərkəzi Çiliyə yollanacaq? Kamaçonun şərəfinə verilən baldan sonra, qonaqlar beş gün sonra yenə də polkovnik Alonsonun evində kapitan Xuanın ekspedisiyasına görə yığılışdılar. Bunlar demək olar ki, Barselonada yaşayan, Mərkəzi Çili yürünşündə iştirak edəçək zadəganlar idi. Necə deyərlər, bu zadəganlar, Arau- kan ölkəsinə edilən uqursuz yürüşlərin qisasını almalı, ispan silahını və gücünü bir daha Yeni Dünya sahillərində nümayiş etdirməliydilər. Bir sözlə, onlar Araukan ölkəsində revanş götürməli idilər. Bu dəstə demək olar ki, hazır idi və həmin dəstəsinin başçısı Katalon hersoqunun təkidi ilə konkistador kapitan Xuan Odovaldo təyin edilmişdi. Bu namizəd bütün ekspedisiya iştirakçıları tərəfindən müsbət qarşılanmışdı. Bu gün Mərkəzi Çiliyə nəzərdə tutulmuş ekspedisiyanın mahiyyəti, müqavilə şərtləri və yola düşmə günü müzakirə Yüklə 2,51 Mb. Dostları ilə paylaş:
|